Current Status

ပဲကြီးလှော်ကြား ညပ်သည့် ဆားကဲ့သို့ ဖြစ်နေပါသည်။

ဂလိုရေးမိတော့ ပဲကြီးလှော်စားချင်လာသည်။ ပဲကြီးလှော် စားပြီး ရေသောက်လိုက်လျှင် ဗိုက်တင်းသွားမည်။ ပြီးတော့ မျက်လုံးစင်းလာမည်။ “ တော်တော်လေးများ စားမိလျှင် မော်တော်လေးများထွက်သလို”ဆိုသော ရထားပေါ်၊ ကားပေါ်၊ သဘောင်္ပေါ်မှာ အော်တတ်သည့် ကြော်ငြာသံလည်း ကြားယောင်သည်။ လေယာဉ်ပျံပေါ်တော့ သည်လိုအော်သံကြားရမည် မဟုတ်။လက်ထဲမှ အသားပြားညှပ်ပေါင်မုန့်ကို လက်စသတ်မျိုချပြီး ရေတစ်ကျိုက် မော့လိုက်သည်။

လောလောဆယ် ဖင်ခုထိုင်ထားသော ၀ါယာကြိုးခွေကို ညာဖက် နည်းနည်း ထပ်ရွှေ့လိုက်လျှင် နံရံမှာ တွဲလောင်းကျပြီး ပုခုံးနား ၀ဲနေသော ၀ါယာကြိုးစနှင့် နည်းနည်းပိုဝေးသွားမည်။ သုတ်ဆေးဗူးခွံပေါ်တင်ထားသော Laptop နှင့်လည်း ဝေးသွားမည်။ နောက်ထပ် ၅ မိနစ်လောက် ဒီအတိုင်း ဆက်မှေးနေချင်သေးသည်။ Continue reading

Action or Reaction?

လူတော်တော်များများလည်း သိပြီးသားလို့ ထင်ပါတယ်။ ကျွန်မတို့လူသားတွေဟာ တစ်ဦးနဲ့တစ်ဦး တွေ့ဆုံဆက်ဆံကြတဲ့အခါ Action လို့ ပြောရမယ့် ကိုယ့်သဘောနဲ့ကိုယ် (ကိုယ့်မူနဲ့ကိုယ်) ဆက်ဆံကြတာရယ်၊ သူများကနေ ကိုယ့်အပေါ်ဆက်ဆံလာတဲ့အခါ ပြန်လည်တုန့်ပြန်တဲ့ Reaction (သူတစ်ပါးအခြေခံမူ)ပုံစံနဲ့ ဆက်ဆံကြတာရယ် ရှိပါတယ်။ စစချင်းတော့ ကိုယ်ဟာ Action-oriented person လို့ပဲ အောင့်မေ့ကြတာပဲ များပါတယ်။ နောက်မှ ပြန်စဉ်းစားကြည့်တော့ Reaction သမား ဖြစ်နေပါလေရော။ အခု ကျွန်မ ရေးထားတဲ့ အကြောင်းအရာ အတော်များများမှာ လှုံ့ဆော်မှုတစ်ခု အမြဲတမ်းရှိနေပြီး အဲဒီ လှုံ့ဆော်မှု အခြေအနေဟာ ကိုယ့်မူနဲ့ကိုယ်စတင်တာထက် သူများတွေရဲ့ ထင်မြင်ချက်၊ အခြေအနေတွေကို မူတည်ပြီး ကိုယ့်ရပ်တည်ချက်ကို ပြောတာ များပါတယ်။ အဲဒီတော့ ကျွန်မမှာ ကိုယ့်ရပ်တည်ချက်ဆိုတာ ရှိနေသည့်တိုင်အောင် သူများရဲ့ Action ကို အရင် မြင်ရမှ React လုပ်သူဖြစ်နေပါတယ်။ အခု နိုင်ငံရပ်ခြားမှာ ရောက်နေတဲ့အတွက်ကြောင့်ကိုပဲ ကျွန်မမှာ Reaction ကိုတောင် အတော် ထိန်းထိန်းသိမ်းသိမ်း လုပ်နေဖြစ်ပါတယ်။ ဘာကြောင့်လဲ-

၁) ကိုယ့်တိုင်းပြည်တွင်းမှာ ကိုယ် မဟုတ်တာပဲလုပ်လုပ်၊ ဟုတ်တာပဲလုပ်လုပ် ကိုယ့်မိဘအိမ်မှာ နေတဲ့ သားသမီးရဲ့ အခွင့်အရေးနဲ့ တာဝန်ပဲ ရှိတယ်။ သူများတိုင်းပြည်မှာ နေရတာက တစိမ်းအိမ်မှာ ကပ်ပါးဘ၀ဖြစ်နေတဲ့အတွက် အစစ၊ အရာရာ သူများမျက်နှာကြည့်ရတယ်။

၂) ကိုယ့်တိုင်းပြည်မှာ ကိုယ်မလုပ်ချင်တဲ့အလုပ်ကို နည်းနည်း သက်သာအောင်နေမလား။ ပြဿနာက အိမ်က လူကြီးနဲ့ပဲ ဆိုင်တယ်။ ကိုယ့်တစ်ခေါင်းတည်းနဲ့ တစ်အိမ်လုံးကို ရွက်ပြီး သွားနေရတဲ့ တာဝန်မျိုးက ရပ်ဝေးမြေခြားရောက်နေတဲ့လူတွေမှာ ပိုဆိုးတယ်။

၃) နာဖျားမကျန်းမာတာကအစ၊ ပြဿနာ ကြီးကြီးမားမားအဆုံး ကိုယ့်မိဘနဲ့၊ ကိုယ့်မိသားစု အသိုင်းအ၀ိုင်းနဲ့၊  ကိုယ့်မိတ်ဆွေ အပေါင်းအသင်း တွေနဲ့ တိုင်ပင် ဖြေရှင်းလို့ရတယ်။ (အတ္တာဟိအတ္တနောနာထော ဆိုတဲ့ ဘုရားဟောကို သိတာနဲ့ ကျင့်သုံးတာနဲ့ တစ်ထပ်တည်းမကျသေးသူများ အားလုံး အနည်းနဲ့အများ ဒီကိစ္စ အကျုံးဝင်ပါတယ်)။ တစ်ပြည်တစ်ရွာရောက်နေရင် ခွေယိုင်နေတဲ့ ဒူးလည်း ရေဆွတ်ခုန်ကြရတာပဲ။ ကိုယ့်နောက်က မျက်နှာတွေက အများကြီးကိုး။

၎) စိတ်အခန့်မသင့်လို့ ရန်ဖြစ်ချင်တယ်ဆိုတောင် တစိမ်းနဲ့ ရန်ဖြစ်တာဟာ အိမ်သားချင်း ရန်ဖြစ်တာထက် ပိုဆိုးတယ်ဆိုတာ လူတိုင်းသိပါတယ်။ (အဲဒါကြောင့်ကိုပဲ အိမ်သားချင်း ရန်ဖြစ်တာလည်း တော်တော့်ကို ကြာနေပါပြီ။ ဒီ့ထက်ပြောရင်လည်း အင်း……… ကြည့်ပြောမှ)

အပေါ်မှာ ပြောပြခဲ့တာ ကျွန်မရဲ့ Reaction ကို ချုပ်တည်းနေဖြစ်တဲ့၊ မြင်လွယ်မယ်ထင်တဲ့ အချက်တွေပဲ ပြောခဲ့တာ ဖြစ်ပါတယ်။ အခု ကျွန်မ Reaction ဖြစ်မှာကတော့ ကျွန်မသူငယ်ချင်း တစ်ယောက် ပြောပြတဲ့ သူ့အမြင်၊ သူ့အတွေး၊ သူ့အရေးတစ်ခုကြောင့်ပေါ့၊ နယ်တွေမှာ စီးပွါးရေးရဲ့ အခြေခံအဆောက်အအုံတစ်ခုဖြစ်တဲ့ လယ်ယာကဏ္ဍမှာ လုပ်သားအင်အား လျော့ပါးပြောင်းရွှေ့မှုတွေနဲ့ အကျိုးဆက်တွေကို သူမြင်သလို ထောက်ပြသွားတာပါ။ သူပြောသွားတဲ့အထဲက ကျွန်မ နားလည် လိုက်မီသလောက် ပြန်ဆွေးနွေးဖို့ ဒီ Reaction ကို လုပ်ဖြစ်ပါတယ်။

ကျေးလက်မြို့ပြ လူနေမှုနဲ့ စီးပွါးရေး ဖွံ့ဖြိုးတိုးတက်မှု ကွာဟရာကနေ ဒီပြဿနာ စတယ်လို့ ကျွန်မ သိထားပါတယ်။ ရှေးယခင် မိသားစု စီးပွါးရေး စနစ် ကျင့်သုံးခါစ ကျေးလက်ဒေသတွေမှာ ဓါးမဦးချ လုပ်ကိုင်လာတဲ့ မြေယာတွေဟာ အကန့်အသတ်ရှိပါတယ်။ လူဦးရေတိုးနှုန်းက ပုံမှန်ကိုပဲ ထပ်ကိန်းစနစ်နဲ့ တိုးနေတာပါ။ ကောင်းပြီ။ ဘိုးဘွားတွေလက်ထက်က လယ်ဧက ၁၀၀ မှာ သားသမီးတွေနဲ့ ၀ိုင်းဝန်းလုပ်ကိုင်ခဲ့ကြတာ ဖူလုံတဲ့အပြင် ပိုလျှံလို့ လှူတန်းပေးကမ်းနိုင်ခဲ့ကြပါတယ်။ သားသမီးတွေလက်ထက်မှာ ခွဲဝေပြီး လုပ်ကိုင်ကြပါပြီ။ ဧက ဆယ်ဂဏန်းပေါ့။ ဆက်ချဲ့ရင် ရွာနားက လမ်းမြေ၊ သစ်တောမြေ၊ မြို့နားက စည်ပင်မြေဆိုတာတွေနဲ့ ဘယ်လိုလုပ်ချဲ့နိုင်ပါမလဲ။ လုံလောက်အောင်တော့ ရှာနိုင်ပါသေးတယ်။ ပိုလျှံအောင်ကတော့ သီးထပ်သီးညှပ်တွေနဲ့ နည်းနည်း ပိုပြီး မြေမအား၊ လူမနား ကြိုးစား လုပ်ကိုင်ကြတာပေါ့၊ အောင်မြင်ပါတယ်။ မြေးတို့လက်ထက်မှာ ဒီမြေတွေကိုပဲ ခွဲပေးရမှာကိုး။ စီမံကိန်း အကြီးကြီးတွေမှာ မြေလွတ်မြေရိုင်းတွေ ချဲ့တိုင်း ကိုယ့်ဘိုးဘပိုင် မြေလေးအပြင် တိုးလာမှာတော့ မြင်ယောင်မိပါရဲ့။ အဲဒီ စီမံကိန်းကြီးတွေရဲ့နောက်က ကိုယ်နဲ့ မရင်းနှီးသော စနစ်ဇယား အချက်အလက်တွေကြည့်ပြီး ခေါင်းတယမ်းယမ်း ဖြစ်လာခဲ့တာပဲ။ မြို့ပြသွားပြီး ကျောင်းထားတဲ့အကျိုးအနေနဲ့ ကိုယ့်သားသမီးတွေထဲက ကိုယ့်ရပ်ကိုယ့်ရွာကို အကြောင်းရှိမှ ပြန်လာတဲ့ အဖြစ်တွေ စလာပါတယ်။ သူတို့ အသိနဲ့သူတို့ အမြင်ပေါ့လေ။ မြို့ကြီး ပြကြီးမှာ ရှာရဖွေရတာ မြေအရင်းအနှီး မလိုဘူးလို့ ပြောကြတာကိုး။ ခုခေတ် မြေအရင်းအနှီးဈေးက သေးတာမဟုတ်တော့ သူတို့လေးတွေ တစ်အိုးတစ်အိမ် ထူထောင်မယ်ဆိုရင် ရင်းနှီးလုပ်ကိုင်စားစရာ မြေက ပြောပလောက်အောင် မရနိုင်တော့။ သူတို့ဘ၀လေးတွေ သူတို့ ရှာနိုင်တာ တော်သေး။ ဒီလိုနဲ့ မန္တလေး၊ ရန်ကုန်နဲ့ အခြား ကုန်သွယ်ရေး၊ စီးပွါးရေးမြို့တွေမှာ ဆိုင်းထမ်းလေးတွေနဲ့တစ်ချို့၊ ပုဆိုးကြမ်းလေး ပုခုံးအုပ်နဲ့ တစ်စု၊ တွန်းလှည်းလေးတွေနဲ့ ဟန်ဟန်ပန်ပန်ပုံတွေက တစ်မျိုး ကျေးလက်ဒေသက လူငယ်တွေ မြို့ပြမှာ လုပ်သားအင်အား ပြောင်းရွှေ့ရောက်လာပါပြီ။ သူတို့တွေဟာ အခြေခံ အလုပ်ကြမ်းတွေ လုပ်ကိုင်ကြတာများပါတယ်။ သူတို့ နေတဲ့ နေရာတွေကလည်း မြို့အစွန်အဖျားမြို့သစ်လို နေရာတွေ၊ ဆောက်လုပ်ရေး လုပ်ငန်းခွင်တွေ၊ စီမံကိန်းတွေရှိတဲ့ နေရာတွေ အဲဒီလိုနေရာတွေပါ။ သူတို့ မွေးရပ်မြေကို အဆက်အသွယ်ရရဲ့လားလို့ မေးကြည့်တော့ ‘ အိမ်ကို သတင်းပလင်းတော့ ဒီလိုပဲ ကြုံတဲ့ လူနဲ့ မေးမြန်း၊ ငွေတွေဘာတွေ ပို့ရတာပေါ့။ လူတော့ ဘယ်ရောက်နိုင်မတုန်း’ လို့ ဖြေကြပါတယ်။ တချို့များဆို ရခိုင်ရိုးမရဲ့ ဟိုဘက်ဒီဘက် ခြားနေလေတော့ နာရေးကြုံတောင် သတင်းပဲရောက်နိုင်တော့တယ်လို့ သိရပါတယ်။ ကျန်ခဲ့တဲ့ မိသားစုကလည်း မြို့တက်သွားတဲ့ သားချင်းတွေ အဆင်ပြေသတဲ့လို့ ကြားရင် နောက်သွားမယ့်လူကို ‘ဟဲ့၊ မောင်ဟိုဒင်းတော့ ဘယ်အရပ်မှာ အလုပ်အကိုင်ကောင်းသတဲ့။ မောင်ဟ၀ှါရေ’ ။ ဒီလိုမြင်ကွင်းတွေဟာ မြို့ပြလူနေမှုစနစ်ဖွံ့ဖြိုးလာတာနဲ့အမျှ ဖွံ့ဖြိုးဆဲနိုင်ငံတိုင်း ကြုံတွေ့နေကျလို့ပဲ ကျွန်မ သိထားပါတယ်။ ဒါက စီးပွါးရေး ပထ၀ီမှာ အကျုံးဝင်တယ်လို့ ကျွန်မအဖေ စိတ်ရှည်လက်ရှည် သင်ပေးတုန်းက ဒုံးဝေးတဲ့ ကျွန်မ မှတ်ထားတာပါ။

နောက် တခြားတိုင်းပြည်တွေကို သွားတာကလည်း ဒီပုံစံအတိုင်း အဆင့်ဆင့်နဲ့ပေါ့လေ။ အခြေခံပညာလေး အလယ်တန်းလောက် ပြီးပြီဆိုရင် အထက်တန်းပညာရေးအထိ ဆက်သင်ဖို့ ရင်းနှီးမြှုပ်နှံမှာနဲ့ အိမ်ကစီးပွါးရေးကို ကျားကန်ဖို့ ရင်းနှီးမြှုပ်နှံမှာကို ယှဉ်ရပြီပေါ့။ ဒီလိုနဲ့ နိုင်ငံတကာမှာ ရွှေ့ပြောင်းလုပ်သားအင်အား စီးဆင်းမှုတစ်ရပ် ဖြစ်လာပါတယ်။ အဲဒီအခြေအနေမှာ မူလ တိုင်းပြည်အခြေခံ စီးပွါးရေးတည်ဆောက်ပုံအတိုင်း ဆက်လက်ရှင်သန်နေအောင် ဖြေရှင်းဖို့ ပုံသေနည်းတော့ မရှိပါဘူး။ တိုင်းပြည်တွေရဲ့ အခြေခံ တည်ဆောက်ပုံ၊ သဘာဝသယံဇာတပြည့်စုံမှု၊ ပညာရေး ဖွံ့ဖြိုးတိုးတက်မှု၊ လူမှုဖူလုံရေး ပြည့်စုံမှု၊ စီးပွါးရေးအသွင်သဏ္ဍာန်၊ အဲဒါတွေအပြင် စီမံခန့်ခွဲမှု(ကဏ္ဍအားလုံးအတွက် အချုပ်)၊ ဒါတွေအများကြီးက ကျေးလက်-မြို့ပြ လုပ်သားအင်အားစီးဆင်းမှုနဲ့ ဒေသတွင်း လုပ်သားအင်အား ရွှေ့ပြောင်းမှုတွေကို အများကြီးပြဌာန်းပါတယ်။

ကျွန်မတို့ သင်ခဲ့ရတဲ့ ဘာသာရပ်တွေထဲမှာ သိပ္ပံဘာသာရပ်တွေကို လူတွေက ပိုပြီး အာရုံစိုက်လေ့လာလိုက်စားကြတာ များပါတယ်။ ခေတ်ကြီးကိုက နည်းပညာခေတ်ဆိုကိုး။ ဒါပေမယ့် အဲဒီခေတ်ကြီးထဲမှာ လူတွေ လှုပ်ရှားနေတာဟာ သိပ္ပံကို မူတည်တာထက် မဏ္ဍိုင်ကြီး ၃ ရပ်ကိုသာ အဓိကမူတည်ကြောင်း ကျွန်မ သိခဲ့ရပါတယ်။ ကျန်းမာရေး၊ ပညာရေးနဲ့ စီးပွါးရေးဆိုတဲ့ အချက်ကြီး ၃ ချက်ကို ဘာက ပိုအရေးကြီးသလဲဆိုတာ စဉ်းစား၊ မေးခွန်းထုတ်ရင်းနဲ့ပါ။ သူတို့အားလုံးဟာ လူတိုင်းရဲ့ ဘ၀တွေအတွက် အဓိက လိုအပ်ချက်တွေဖြစ်သလို မောင်းနှင်အားတွေလည်း ဖြစ်ပါတယ်။ စတုတ္ထမဏ္ဍိုင်အနေနဲ့ ကိုယ်ကျင့်တရားကောင်းဖို့ ထည့်သွင်းပြောဆိုကြတာ ကြားဖူးပေမယ့် မဏ္ဍိုင်ကြီး ၃ခု ပြည့်စုံရင် အတော်ကို ပြည့်စုံကြွယ်ဝတဲ့ လူ့အဖွဲ့အစည်းတစ်ခု ဖြစ်နေပါပြီ။ အဲဒီ မဏ္ဍိုင်ကြီး ၃ ရပ်မှာ တစ်ခုခု ချို့ယွင်းလာပြီဆိုရင် ကျန်တဲ့ ၂ခုက ကျားကန်ပေးဖို့ လိုအပ်ပါတယ်။ မနိုင်တော့ဘူးဆိုရင်တော့ ပြိုဖို့ များပါပြီ။ နာတာရှည် ဝေဒနာသည်တစ်ဦးကို အမြဲတင်ထားရတဲ့ အိမ်လိုပေါ့လေ။ အဲဒီ ဝေဒနာကို ကုဖို့ ကြိုးစားနေရတာနဲ့ တခြား လုပ်ငန်းဆောင်တာတွေပါ အလိုအလျောက် နှေးကွေး၊ ရပ်တန့်ချို့ယွင်း၊ နောက်ဆုံးတော့ ပျက်စီးတဲ့ အစိတ်အပိုင်းတွေက များလာ။ သူကပြောတာတော့ အဆိုးကျော့သံသရာစက်ဝန်း ပါတဲ့။ အဖြေရှာရင် ကိုယ်မှာ တွေ့ပါမယ်။

လူမှုစနစ်အတွင်း မေတ္တာအခြေခံတဲ့ ဆက်သွယ်မှုတွေ လျော့ပါးလာတာ၊ စည်းစည်းလုံးလုံး နေကြတဲ့ ကျစ်လျစ်တဲ့ လူ့အဖွဲ့အစည်း အသွင်ကနေ ပြန့်ကျဲနိုင်တဲ့ အသွင် ပြောင်းလာတာ၊ ငွေကြေးလှည့်ပတ်စီးဆင်းမှုတွေကနေ လူမှုစီးပွါးရေးပြဿနာတွေတိုးမြင့်လာစေတာ ဒါတွေဟာ ရှောင်လွှဲလို့ ရနိုင်မယ့် အရာတွေလားလို့ ကျွန်မ စဉ်းစားကြည့်ပါတယ်။ ဆရာကြီး သခင်ကိုယ်တော်မှိုင်းက ‘အညာမင်္ဂလာဆောင်’ လေးချိုးကြီးမှာ ထိထိမိမိ၊ ကွက်ကွက်ကွင်းကွင်း ပြသွားတဲ့ ၁၉၃၀ ၀န်းကျင် စီးပွါးပျက်ကပ်ကာလ အညာလယ်သမားဘ၀ကို ကျွန်မ ပြန်ပြန် မြင်ယောင်ပါတယ်။ အိမ်ထဲမှာ တံခါးပိတ်နေနေကျ ကျွန်မတို့တွေအတွက် လုံခြုံမှုဆိုတာ ဘာလဲ- သဘာဝတရားဟာ နာဂစ်ကတစ်ဆင့် သူ့အင်အားကို သက်သေတစ်ခါပြသွားသလို အခု ကမ္ဘာ့ ငွေကြေး ကမောက်ကမဖြစ်မှုက စတဲ့ စီးပွါးပျက်ကပ်က တစ်ခါ သက်သေပြနေပါပြီ။

ဒီအချိန်ကာလမျိုးမှာ တင်းကျပ်လာတဲ့စိတ်တွေကြောင့် ထွက်ပေါက်ရှာတတ်ကြတာ ကျွန်မ နားလည်နိုင်ပါတယ်။ ကျွန်မတို့ ကြည့်ရမှာဟာ မျက်စိရှေ့မှာ ရှိတဲ့ နေ့စဉ်လူမှုဖြစ်စဉ်တွေသာမက အဲဒီ ဖြစ်စဉ်တွေရဲ့ နောက်မှာ ရှိနေတဲ့ အင်အားတွေ၊ အကြောင်းအရာတွေလည်း ပါဝင်တယ်လို့ ကျွန်မ ယုံကြည်ပါတယ်။

အချိန်တန်လို့ပဲဖြစ်ဖြစ်၊ အချိန်မတန်ဘဲဖြစ်ဖြစ် အိမ်ပြန်လာကြမယ့် နိုင်ငံတကာက ရွှေ့ပြောင်းလုပ်သားတွေရဲ့ တံခါးခေါက်သံကို ကျွန်မတို့ရဲ့ အမိမြေက ဘယ်လို တုန့်ပြန်ကြမလဲ ကျွန်မ သိချင်ပါတယ်။ (ပြန်ကြားရေး ၀န်ကြီးပြောတာကို ကျွန်မသိပါတယ်။ ကျွန်မတို့ရဲ့ မိသားစုအဖြစ် သဘောထားတဲ့ ကျွန်မတို့ ထောက်ထားခဲ့တဲ့ မျက်နှာများစွာ၊ နားများစွာကို ကျွန်မ ရည်ညွှန်းတာပါ)

ဒီလုပ်သားတွေရဲ့ စီးပွါးရေး မောင်းနှင်အားနဲ့ လူမှုဆက်ဆံရေး trends တွေကို ဘယ်လို သဘောထားပြီး ဒီလုပ်သားတွေရဲ့ အိမ်အပြန်ကို ဘယ်လို သဘောထားမလဲ ကျွန်မသိချင်ပါတယ်။

ပေါက်ပင် ဘာကြောင့်ကိုင်းရတယ် ဆိုတဲ့ အကြောင်းကို သိသိကြီးနဲ့ လက်ရှောင်ရှောင်နေရတဲ့ ကျွန်မတို့ ရဲ့ ညီအကိုမောင်နှမများ ထမင်းရည်ပူ/မပူ မသိလည်း နှုတ်ခမ်းကို စေ့ပြီး တခြား လွှဲစရာမရှိတဲ့ အဆိပ်ခွက်တွေဆီ လှမ်းနေမလား၊ ကျွန်မ သိချင်ပါတယ်။

တစ်ခုပဲ ကျွန်မ မျှော်လင့်မိပါတယ်။ ထမ်းတင်ပေးခဲ့သော ပုခုံးများကို ဓါးထက်ထက်တွေနဲ့ မမွှန်းမိကြပါစေနဲ့။ ကျွန်မ စိတ်မကောင်းခြင်းများစွာနဲ့ ဒီစာကို ရေးတာပါ။

သဲချောင်းလေးရဲ့ ရာဇ၀င်

မုန်းချောင်းတေး က လူကြီးက ရေးထားတာကို ဖတ်ပြီး သဲချောင်းလေးနံဘေးကို ရောက်သွားပါလေရော။ မြေလတ်ဒေသတ၀ိုက်မှာ မြင်ရမယ့် အင်တိုင်းတောနဲ့ ကျွန်းစိုက်ခင်းတွေကြားထဲမှာ ကုန်းကြိုကုန်းကြားကနေ ချောင်းပျောက်လေးတွေ တွေ့ရတတ်ပါတယ်။ တကယ်တော့ ကုန်းရိုးလေးတွေဆုံတဲ့နေရာမှာ ဖြစ်လာတတ်တဲ့ လျှိုလေးတွေကြားမှာ ကွယ်ပျောက်နေတတ်တာမျိုးပါ။ သူတို့တွေ ဘာကြောင့်များ အဲဒီလို ပျောက်ကွယ်နေပါသလဲလို့ အဖေ့ကို မေးကြည့်ပါရဲ့။ သူတို့ရဲ့ ရာဇ၀င်ကို သိချင်ပါသလား။

(အတင်းပဲ သိချင်ခိုင်းလိုက်ပြီ 😀 ) 

တချို့က ကုန်းရိုးတလျှောက်က အင်တိုင်းတောကို တောတက်ပြီး အင်ဖက်ခူး၊ သပြေခက်ချိုး၊ သက်ကယ်ရိတ်တဲ့လူတွေဟာ လှည်းနဲ့ သွားကြပါသတဲ့။ အဲဒီ လှည်းလမ်းကြောင်းတွေဟာ အသုံးပြုတဲ့နှစ်သက်ကြာလာတာနဲ့အမျှ မြေကြီးထဲမှာ နက်နက်ရှိုင်းရှိုင်း အရာထင်လာပြီပေါ့။ မိုးတွင်းကာလ မိုးသည်းသည်းမည်းမည်း ရွာတဲ့အခါ မိုးရေစက်တို့က တိုက်စားတဲ့ဒဏ်နဲ့ သူတို့ရဲ့ လမ်းကြောင်းပုံစံကနေ ရေပြွန်ပေါက်တွေ၊ ရေမြောင်းတွေလို ဖြစ်လာတာပါပဲ၊ ရိုး အငယ်စားလေးတွေပေါ့။ တချို့ လှည်းလမ်းကြောင်းတွေဟာ တစ်ပေ မကအောင် နက်ရှိုင်းတဲ့လမ်းကြောင်းတွေဖြစ်နေပြီဆိုတော့ ဆက်သုံးလို့တောင်မရနိုင်တော့ဘူး။ ဒါတွေဟာ အနာဂတ် သဲချောင်းလမ်းကြောင်းသစ်တွေပေါ့။  (တောသူမှန်းသိအောင် ပြောတယ်မထင်ပါနဲ့ ၊ အဲဒီနေရာတွေမှာ နွေရာသီတောင် မပူနိုင်အောင် ရင်ထဲမှာ အေးချမ်းလွန်းလို့ တောသူဆို ဂုဏ်ယူပြီးသား)

ဒါပေမယ့် မိုးတွင်းကာလဆိုတာ မြေလတ်မှာ အစိုးရတာမျိုးမှ မဟုတ်တာ။ မိုး သည်းသည်းမည်းမည်း ရွာတုန်းခဏတော့ ရေအားဆိုတာ ပြင်းသမှ အဲဒီ ရိုးအငယ်စားလေးထဲကို နွားတောင် မကူးနိုင်တတ်ဘူး။ မိုး စည်း(စဲ)ပြီလည်း ဆိုရော အင်တိုင်းတောအောက်က ဂ၀ံမြေက ရေမစုပ်နိုင်ဘူးလေ။ တိုက်စားလာသမျှ သဲမှုန်သဲပွင့်အားလုံးကို ရောက်ရာနေရာအသီးသီးမှာ အပြင်လိုက်၊ အပြန့်လိုက်ဖြန့်ကျဲပြီး သဲချောင်းလေးဟာ အလိုအလျောက်ကို ပျောက်ကွယ်သွားရပါရော။ ဒါက တစ်မျိုး။ (အဲဒီ အယူအဆကို မကျေနပ်ရင် ပထ၀ီ အထူးပြုနဲ့ ကျောင်းပြီးတဲ့လူတစ်ယောက်နဲ့ မြေလတ်က ယာသမားတစ်ယောက်ကို သွားမေးကြည့်၊ အာမခံတယ်၊ အဖြေတူရစေ့ 😀 )

နောက်တစ်မျိုးကတော့ မြေအနေအထားအတိုင်းမှာပဲ မြေလတ်က ကုန်းပေါတယ်လေ။ ကုန်းရှိရင် ချိုင့်ရှိရစမြဲ၊ ခင်တန်းရှိရင် လျှိုရှိစမြဲ ဆိုတော့ မိုးရွာတိုင်း အမြင့်က အနိမ့်ကို စီးတဲ့ ရေဟာ လျှိုတစ်လျှောက်တိုက်စားသွားရင်း မြေပြန့်ရာရောက်တဲ့အချိန်မှာ နောက်က လိုက်လာမယ့် ရေအားမပါတာနဲ့ စုပ်အားကောင်းတဲ့ သဲနုန်းဆန်ဆန်မြေ၀ါထဲမှာ ပျောက်သွားရတာပါပဲ၊ ယာတောသမားတွေ အကြိုက်ပေါ့။ မြေအစိုဓါတ် ခပ်ထန့်ထန့်နဲ့ဆို ကြံသမားတွေ ကြမ်းတုံး(ဂျမ်းတုံး)တိုက်ပြီး မှုန်းထားတဲ့မြေမှာ ကြံမျိုးဆစ်တွေချပြီပေါ့။ ဒီအချိန်ဆို သစ်တောက လက်ကျန်ကာကွယ်တောထားတဲ့ လျှိုလေးထဲက တောကောင်သေးသေးလေးတွေ (တောကြောင်၊ ယုန်) ထွက်လာတတ်ရဲ့။ သဲချောင်းလေး လမ်းကြောင်းပျောက်သွားတဲ့နေရာမရောက်ခင် သူတို့လေးတွေကို တွေ့ရမယ်။

တကယ်တော့ သဲချောင်းလေးတွေဟာ သဘာဝတရားဇာတ်ခုံကြီးပေါ်မှာ မထင်မရှားဘ၀နဲ့ပဲ စပြီး လူမသိသူမသိပဲ ဇာတ်သိမ်းသွားရတဲ့ အညတရဇာတ်ကောင်လေးတွေပါပဲ။ မိုးနဲ့ မြေပြင်အနေအထားအရ သူတို့အတွက် လမ်းကြောင်း စတင်ခွင့်ရချိန်မှာ မဆုတ်မဆိုင်းပဲ ထွက်လာခဲ့ကြတယ်။ အင်ဖက်ပေါ်မိုးစက်ကျသံက သူတို့အတွက်တော့ (ငှါးသူမရှိလို့ အိမ်မှာငေါင်နေတဲ့) ဇာတ်ရံသရုပ်ဆောင် တစ်ယောက် ဂျာနယ်မှာ ဇာတ်လမ်းသစ်ရိုက်မယ့်သတင်းဖတ်မိလိုက်သလိုပေါ့။ သဲပြင်ပါးပါးလေးအောက်မှာ အားကောင်းတဲ့ ရေစီးကြောင်းတစ်ခု စတင်ပြီလေ။  စီးခွင့်ရတဲ့အချိန်မှာ သူတို့ရဲ့ ရှိသမျှအင်အားအကုန်သုံးပြီး မိုးစက်တွေခွင့်ပြုသမျှ အလုံးအရင်းနဲ့ စီးဆင်းကြလေရဲ့။  မိုးရိပ်တွေလျော့ပြီး မိုးစက်တွေအရှိန်နည်းလာချိန်၊ သူတို့ ခရီးမဆန့်နိုင်တော့ဘူးဆိုတာ သူတို့သိပါတယ်။ ရောက်ရာနေရာမှာ သူတို့ရဲ့ ခရီးကို ရပ်ကြပြီပေါ့။ လူမသိသူမသိ သဲပြင်အောက်မှာ စခဲ့တဲ့ သူတို့ခရီးဟာ စတင်ရာနဲ့ အကွာအဝေး တစ်ခုမှာ သဲပြင်အောက်မှာပဲ ဆုံးသွားတာပါပဲ။

မုန်းချောင်းလို ရိုးမနောက်ခံမရှိလည်း သဲချောင်းလေးတွေဟာ အချိန်တိုအတွင်းက သူတို့ရဲ့ အရိုင်းအင်အားကို လူသားတွေအသိအမှတ်ပြုရလောက်အောင်တော့ ပြနိုင်ကြတာပါပဲ။ ဘယ်လောက်ပဲ ရှင်သန်ချိန်တိုတောင်းပါစေ၊ ရှင်သန်ခွင့်ရလိုက်တဲ့ ခဏမှာ ထိုက်တန်အောင် အင်အားတွေရခဲ့တာဟာ…………………………………… ထိုက်တန်ပါတယ်လေ။ အဲဒီလိုပဲ ကျေနပ်လိုက်မိပါရဲ့။    (ဘယ်လို အတွေးလဲမသိဘူးနော် 😀 )