Gmail Motion!!!!

မနေ့က တစ်နေ့လုံး ကိုယ်တော့ဖြင့် အပြင်ကို မထွက်ဘူး။ (အွန်လိုင်းမှာ လျှောက်မလည်တာ)။ ဧပြီတစ်ရက်လေ။ သိတော်မူကြတဲ့အတိုင်း။

ကိုယ့်ဘာသာကိုယ် မှတ်ချက်ချတယ်။ ငါ ဒီတစ်နှစ် မခံရဘူး – လို့။

ဒါပေမယ့် စာတိုက်ပုံး ဖွင့်သူတိုင်း မြင်ရမယ့် ဖြားယောင်းမှုတစ်ခုပေါ့။

ကိုယ် ကျဆုံးသွားတယ်။ ဂူးဂဲလ်ရယ် – – –

တစ်ကမ္ဘာလုံးကို နောက်တဲ့ ဂူဂဲကြောင့် တဂူးဂူး တဂဲဂဲ မြည်ချင်စိတ် ပေါက်သွားပါပြီ။

ကြည့်တော်မူကြပါကုန်။

အနည်းဆုံး မထွက်သေးဘူးဆိုတော့ လေက မလျှော့ပါကလား ဂူးဂဲလ် ရယ် . . . . . .  .

ဘောလုံးပွဲကြည့်နေသည်

မနေနေနိုင်ရဲ့ ဘလော့ကနေ ရလာတဲ့ လင့်ကို အကြောင်းပြု၍ အားရပါးရ ဘောလုံးပွဲ အိပ်ပျက်ခံပြီး ကြည့်ပါသည်ဆိုလျှင် ဟိုနှစ်ရက်လောက်က ဆေးခန်းသွားပြပြီး ဆေးခွင့်ယူထားရပါကြောင်း မည်သူက ယုံနိုင်ပါမည်နည်း။

ကျားကိုးစီး စားမကုန်ဟုတော့ အာမ,မခံပါ။ အာဠာဝက-ဟုတော့ အတူနေသူငယ်ချင်းညီမငယ်က ထောမနာပြုပါသည်။ သံနှင့်သွန်းသော စက်ရုပ်မဟုတ်သော်လည်း သူ့ဖုန်းထဲမှာ ကိုယ့်အတွက် Ring Tone ကို Robot ဟု အမည်ရသော အသံသတ်မှတ်ပေးထားပါသည်။

ငယ်ကတည်းက ဘောလုံးပွဲကြိုက်သည်။ အော်ဟစ်၍လည်း အားပေးတတ်သည်။ အားမလိုအားမရလည်း အသံထွက်တတ်သည်။ ညဘက် တိတ်တိတ်ခိုးကြည့်ပြီး ပါးစပ်မှာ ခေါင်းအုံးအပ်ကာ ဂိုးးးးးးးးးးးးးး လိုက်ပြီး အောင်ပွဲခံဖူးသည်။

ခုတော့ နားကျပ်ကလေးတပ်ကာ ကြည့်နေရပြန်ပြီ။ ဗူဗူဇီလာသံတွေ၊ ဂျာဘူလာနီဘောလုံး မြင်ကွင်းတွေနှင့် ကိုယ်နှင့် သမုဒ္ဒရာကြီးခြားသော ဖီဖာ-အသက်ဝင် အစီအစဉ်ကို အားပေးနေဆဲ……..

အဲဗျ။

ခု ပေါ်တူဂီ-ဘရာဇီးပွဲ ဆက်ကြည့်လိုက်ပါဦးမည်။

(Plug in ကို စိတ်ချလက်ချ Download လုပ်ပြီး အသင့်ကြည့်ရှုနိုင်ပါကြောင်း)

ဖျော်ဖြေရေး

ခုတလော online radio အစီအစဉ်တွေ အများကြီး စုပြီး နားထောင်ဖြစ်သည်။

 အိမ်မက်လှိုင်းအဖြူရောင်သံစဉ်၊ (Google Desktop မှာ Radio Player ထည့်ပြီး Station URL ပေးလိုက်လျှင် အတော်အဆင်ပြေတာ တွေ့ရပါသည်)

 မြန်မာ့ဂန္ထ၀င်၊ (ကြာကြာ နားမထောင်ဖြစ်ပါ။ သို့သော် အလှည့်တစ်ခုပေးလိုက်လျှင်တော့ ခဏတဖြုတ် နားထောင်ဖြစ်တတ်သည်။)

AOL radio programs (Lite Rock, Pop Rock တွေမှာ ကိုယ်နားစွဲပြီးသား သီချင်းများ၊ (သို့မဟုတ်) ကိုယ်သဘောကျတတ်သော သံစဉ်အဖွဲ့များ ကြားရတတ်သည်။ Google Desktop – Radio Player မှာတော့ ပေါင်းထည့်၍ မရ။ သူ့ Player မှာ station ရွေးစရာတွေ အများကြီးပါလာပြီး သီချင်းပုဒ်လိုက် ကျော်၍ရသည်။)

သီချင်းတွေ နားထောင်ရင်း အလုပ်ထဲ စိတ်နှစ်ထားရတာ နည်းနည်း စိတ်ဖိစီးမှုသက်သာသည်ထင်၍ပါ။ တစ်ဖက်စားပွဲမှ ဖွင့်ထားတတ်သော စကာင်္ပူတရုတ် FM ရေဒီယိုအစီအစဉ် အမြဲတမ်းကြားနေရတတ်သော်လည်း ကိုယ်နားမလည်သော ကွိစိကွစများချည်း ဖြစ်လေရာ ကိုယ်နားလည်သော အစီအစဉ်ကို ကိုယ့်ဘာသာကိုယ်ပဲ ရွေးချယ်လိုက်ပါတော့သည်။ နားလည်မှုရှိတာ တော်သေးတာပေါ့လေ။ (အဲဒီတစ်မှတ်ကလွဲလျှင် Boss ကို အမှတ်`Minus´ ပဲ ပေးမိတာများပါသည်။)

Stress-Survival Fight တွင် Entertainment တပ်ကူသာမရှိလျှင် အတော် အထိနာမည် ထင်ပါသည်။ ကြိုက်မိသည်များကို မျှဝေလိုက်ပါသည်။

Mp3Raid music code- Testing

MP3 သီချင်းတွေ တော်တော်များများ ရှာလို့ရသလို download လည်း ရပါတယ်။ အဆင်ပြေချင်တော့ သူများ ဘလော့တစ်ခုကို သွားလည်ရင်း တွေ့လာတာ။ WordPress က နည်းနည်း အကဲဆတ်တယ်ပြောရမယ်။ အရင်က MP3 Player နဲ့ Play List တစ်ခု ထည့်ဖို့ လုပ်ဖူးတယ်။ အဆင်မပြေခဲ့ဘူး။ MP3 သီချင်းတွေ သိမ်းတာက တစ်နေရာ၊ Playlist ယူတော့ တစ်နေရာ။ နောက် WordPress ပေါ်တင်တော့ Player ပြုတ်ကျန်ခဲ့ရော။ Imeem မှာလည်း စမ်းဖူးပေမယ့် သီချင်းများသလောက် Player မသွက်ဘူး။ ဒီဆိုက်ကတော့ မဆိုးဘူးပြောရမယ်။ အခု တစ်ပုဒ်ကတော့ စမ်းလိုက်တာပါ။ အဲဒီဆိုက်ကနေ ဖုန်းထဲကို Download ချလိုသူများ ပိုက်ပိုက်မကုန်ဘဲ ရနိုင်သတဲ့။  link လည်း ယူရင်း၊ ဖုန်းလည်း ကလိရင်း စမ်းကြည့်လိုသူများ စမ်းကြည့်ကြပါကုန်။ ကျွန်မကတော့ အခုမှ သိတာပေမယ့် သူများတွေလည်း သိပြီးသား ဖြစ်နိုင်ပါတယ်။ အဲဒါထက် အဆင်ပြေမယ့် link တွေ သိရင် မျှကြပါဦးနော်။ 🙂

Good News

GOOD NEWS!!!!!! Are you in the PRIVATE COMPANY?

Finance minister has approved a Bill which comes into effect on 01.04.2009 and it states that all Privately Held companies need to give a minimum salary increment of 15% to all employees every six months.

This comes as a relief to petitioners appealing against the growing work hours in the Privately Held organizations and which do not have a proper system to check overtime.

The bill also mentions that all employees be provided 24 days of casual leave every year.

Please see the attached document for the list of companies which will be brought under the umbrella of the Bill in the first round of implementation.

And if the name of your company features in the list, kindly circulate this mail among your colleague.

(See attached file: List of Companies.doc)

April Fools’ Day

မနက်ဖြန် April Fools’ Day လို့ သိကြတဲ့ ဧပြီလ တစ်ရက်နေ့ပါ။ ၀ီကီခေါက်လိုက်တော့ ကမ္ဘာတလွှားမှာ တရားဝင်ကြေငြာချက်မထုတ်လိုက်ရဘဲ နိုင်ငံအများ ဆင်နွှဲကြတဲ့ အပျော်နေ့တစ်နေ့ဖြစ်ပါသတဲ့။ အဲဒီနေ့မှာ မိတ်ဆွေ၊ သူငယ်ချင်းတွေ၊ မိသားစုဝင် အချင်းချင်းတွေ၊ လုပ်ဖော်ကိုင်ဖက်များ၊ ရန်သူများကိုပါ မကျန် သတင်းမှားတွေ၊ ဟာသတွေနဲ့ နောက်ပြောင်ကြပါတယ်။ ကိုယ်အကျွမ်းတ၀င် မရှိသေးတဲ့ အကြောင်းအရာတစ်ခုခုကို သေသေချာချာ ခရေစေ့တွင်းကျ လမ်းစပေးပြီး ကိုယ်က အဟုတ်မှတ်လို့ လိုက်လုပ်တဲ့အခါ လုံးဝ မဖြစ်နိုင်တာတွေ့ရတတ်တာမျိုးပေါ့။

ဧပြီ၁ရက် ဒိန်းမတ် မြင်ကွင်းတစ်ခု

ဧပြီ၁ရက် ဒိန်းမတ် မြင်ကွင်းတစ်ခု

တစ်ချို့ကတော့ ယုတ္တိရှိရှိ ဖန်တီးမှုတွေနဲ့ ဟာသတွေလုပ်ကြပါတယ်။ ဒီပုံကိုကြည့်လိုက်ပါ။ ကြည့်လိုက်တာနဲ့ကို တော်တော်ဆိုးဆိုးရွားရွား အဖြစ်အပျက်လို့ တန်းထင်မိသွားပါမယ်။ ဒါပေမယ့် ရက်စွဲကို ပြန်သတိရလိုက်ပါ။ ဧပြီ ၁ရက်နေ့ ဖြစ်ပါတယ်။

Photograph of a woman harvesting spaghetti in the BBC programme.

Photograph of a woman harvesting spaghetti in the BBC programme.

ဖန်တီးသူများကလည်း အမျိုးစုံ တတ်နိုင်ကြပါပေတယ်။ 1957 ခုနှစ်က UK တစ်ဝှမ်း ရုပ်/သံရောက်တဲ့ ဘီဘီစီ အသံလွှင့်ဌာနကြီးရဲ့  ဧပြီ၁ရက်အစီအစဉ်တစ်ခုမှာ စပါဂက်တီခေါက်ဆွဲတစ်မျိုးကို အပင်အဖြစ် စိုက်ပျိုး၊ ခူးဆွတ်တဲ့အကြောင်း ရိုက်ကူး ထုတ်လွှင့်ခဲ့ပါတယ်။ ပရိသတ် အများအပြားဟာ စပါဂက်တီခေါက်ဆွဲကို အီတလီကနေ စည်သွပ်ပြီး တင်သွင်းတာပဲ သိသေးတဲ့အတွက် စိတ်ဝင်စားစွာနဲ့ ဘီဘီစီကို ဆက်သွယ် မေးမြန်းကြပါတယ်။ သူတို့ကိုယ်တိုင် စိုက်ပျိုးလို့ ရနိုင်မလားလို့ နည်းလမ်းတွေ တောင်းကြပါတယ်။ အဲဒီအစီအစဉ်ကို ရိုက်ကူးထုတ်လွှင့်ကြသူများက စည်သွပ်ဗူးလွတ်တစ်ခုထဲမှာ ခရမ်းချဉ်သီးဆော့စ် နည်းနည်းထည့်၊ စပါဂက်တီခေါက်ဆွဲတချို့ထည့်ပြီးတော့ စောင့်ကြည့်လိုက်ပါ- – လို့ ပြန်ဖြေကြပါလေရော။

ကမ္ဘာသိ ပီဆာမျှော်စင် စောင်းစောင်းကြီး

ကမ္ဘာ့အံဖွယ်စာရင်းအဟောင်းဝင် ပီဆာမျှော်စင်

ကမ္ဘာ့အံဖွယ်စာရင်းအဟောင်းဝင် ပီဆာမျှော်စင်

ကို ဒတ်ခ်ျသတင်းဌာနက ‘ပြိုကျသွားပြီ’ဆိုပြီး သတင်းထုတ်လွှင့်လိုက်တာ 1950 ပြည့်လွန်နှစ်များမှာပါပဲ။ လူတွေမှာ အထိတ်တလန့်နဲ့ သတင်းဌာနကို ဆက်သွယ်မေးမြန်းကြရပါတယ်။ အဲဒီနေ့အတွက် ဆက်သွယ်ရေးအော်ပရေတာတွေခမျာ အနားရနိုင်ကြမယ် မထင်ဘူးနော်။

မစန္ဒာရဲ့ ဂျီဟောသူ ၀တ္ထုမှာ ထွေးတို့၊ ဝေေ၀တို့ အစအနောက် သန်လွန်းလို့ သူငယ်ချင်းတွေက ၀ိုင်းပြီး ‘ကြပ်’ ကြပါတယ်။ တစ်ဆောင်လုံးက ရေအိုးတွေမှာ ဆားခတ်ပြီး အပင်ပန်းခံပြီးကို နောက်ကြတာပါ။ အဲဒီသူငယ်ချင်းတွေခမျာ ထွေးတို့၊ ဝေေ၀တို့ အကွက်ထဲကို ၀င်သွားကြရပြန်တော့ လက်ပံပွင့်တွေကောက်၊ အပြေးအလွှား အမောတွေပါ ဖောက်သွားကြရပါတယ်။ ပြန်တွေးတိုင်း ပြုံးချင်မိတဲ့ အကြောင်းအရာလေးပါပဲ။ အဲဒါ ဧပြီ ၁ရက်နေ့မှ ဇာတ်ကွက်ဖြစ်ပါတယ်။

ဘာဂါကင်းကလည်း ၁၉၉၈ ခုနှစ်မှာ သူတို့ရဲ့ ထုတ်ကုန်အသစ်ကို မိတ်ဆက်ပါတယ်။ ဗယ်သန်များအတွက် ရည်ရွယ်သော Left-hand Whopper ဆိုပဲ။

ပေါင်မုန့်ထဲမှာ စုံစီနဖာဖြည့်ထားတဲ့ စားစရာ

ပေါင်မုန့်ထဲမှာ စုံစီနဖာဖြည့်ထားတဲ့ စားစရာ

အဲဒီ hoax က ဘယ်လောက်တောင် အောင်မြင်လိုက်လဲဆို စားသုံးသူတချို့ခမျာ ‘အရင် ပုံမှန် ဘာဂါဟောင်း’ ကို တမင်တောင် ဖြည့်စွက်မှာကြားကြပါသတဲ့။

တကယ်ဖြစ်နိုင်လား မဖြစ်နိုင်လားဆိုတာကိုေ၀၀ါးဝါး စဉ်းစားမိသွားအောင် ရုပ်တည်နဲ့ နောက်နိုင်ကြသူများ ဒီလိုနေ့မှာ ဘယ်လို နောက်ကြမလဲ သိချင်လိုက်တာ။ ကိုယ်တိုင်ကတော့ ကြေငြာထားရမယ်။

‘လယ်-၀ယ်မလိုလိုနှင့် ယာ-ရောင်းဖြစ်သွားတတ်သော’ ကျွန်မ Uranusaquarian ဖြစ်ပါသည်…….လို့။

Utility ပြီးတော့ Utilized

ပထမတစ်ခုကို အသုံးချနိုင်မှုဟု ခေါ်မလားတော့ မသိ။ နောက်တစ်ခုက အသုံးချခံရခြင်း ဖြစ်မည်ထင်သည်။ ရုံးမှာ Utility Bill ဆိုလျှင် လျှပ်စစ်မီတာ၊ ဖုန်း၊ ရေ သုံးမျိုးစလုံးပါလေ့ရှိသည်။ ပြီးတော့ Gas, Internet အဲဒါတွေလည်း ပါသည်။

ဒီ အင်တာနက် ဆိုတာကြီးသည် Utility တစ်မျိုးဖြစ်၍ သုံးတာကတော့ သုံးကို သုံးမှဖြစ်ပါမည်။ ကိုယ်မသုံး၊ ကိုယ်ရှုံးတာပေါ့။ ဒီလို လစဉ်ငွေကြေးအနည်းငယ်သွင်းရုံမျှဖြင့် အတော် သုံးပျော်၊ စွဲပျော်သော အင်တာနက် လိုင်းတစ်လိုင်း ရရှိနိုင်သော နေရာမျိုးတွင် အခြား အကြောင်းတွေ  လျှောက်စဉ်းစားနေလျှင် ကိုယ်လုပ်ချင်တာ မလုပ်ရရုံသာ ရှိပေမပေါ့။ ဒါမှမဟုတ်လည်း ရွှေပြည်ကြီးမှာ ပြန်ပြီး အဲဒီ အင်တာနက် ဆိုသဟာကြီးနှင့် ကင်းလွတ်သော တစ်စုံတစ်ခုကို ရှာကြံလုပ်နေပေါ့။ (ကိုယ့်ကိုယ်ကို အားပေးတာပါ။ ခုထိတော့ စဉ်းစားမရသေးပါ။) ဒီစိတ်ဖြင့် အင်တာနက် လိုင်းတစ်လိုင်း ယူပါသည်။

ဟုတ်ကဲ့၊ အဲဒီ အင်တာနက် လိုင်းလေး ရပြီး ဘာများ သုံးဖြစ်ပါသလဲ။ သိတော်မူကြသည့်အတိုင်း ဘလော့တွေ ဖတ်ဖြစ်ပါသည်။ ချက်တင်တွေ ၀င်ဖြစ်ပါသည်။ ကိုယ်တိုင်လည်း ၀ါစာကမာ သုံးလေးငါးပုဒ်ရေးဖြစ်ပါသည်။ ဒါပဲလား……… အခု သူများပေးသည့် လမ်းညွှန်အရ အဝေးသင် ကျောင်းသားလက်သစ် လုပ်နေပါသည်။ ဒါပဲလား ……….. ဒါပါပဲ။ ကိုယ်ကတော့ ဒီမှာပဲ လမ်းဆုံးပါသည်။ ပြောချင်တာက Utility ရှိသည့်အခါတိုင်း utilized အပြည့်အ၀ ဖြစ်သွားတာမျိုးတော့ မဟုတ်ဆိုတာပါပဲ။ ကိုယ့်ရဲ့ လူမှုရေးတွေကို အထိုက်အလျောက် အကူအညီ ရတာ မှန်သော်လည်း အဲဒီ လူမှုရေး အကျိုးအမြတ်တွေကို ကိုယ်တိုင်က ပြန်ပြီး အသုံးမချတာများသော အကျင့်ရှိပါသည်။ သုံးသည့်သူတွေကတော့ သုံးပါသည်ခင်ဗျား။

ရှင်းပါမည်။ ကိုယ်ရေးသောစာ၊ ကိုယ်ပြောသောစကားကို တာဝန်ခံသူတစ်ဦးအနေဖြင့် ရေးပြီးသမျှကို ဝေဖန်ခဲ့လျှင် လက်ခံနိုင်ရန် ပြင်ဆင်ထားပါသည်- ဒါ ဘလော့ဂါများ၏ လက်စွဲ၊ မူဝါဒ၊ ကျင့်ဝတ်ဆိုကြပါစို့။ ကိုယ်ရေးထား၊ ပြောထား၊ တွေးထားတာလေးတွေကို လူတွေ စိတ်ဝင်စားကြလျှင် အလွန် ၀မ်းမြောက်ပါသည်။ ထို့ထက်ပို၍ စိတ်ဝင်စားသူများက နှုတ်ခွန်းဆက်သွား၊ ဝေဖန်သွားလျှင် အတော်ကြီးကို မနေတတ်မထိုင်တတ်ဖြစ်အောင် ၀မ်းသာပါသည်။ (ကိုယ့်အကြောင်းကိုယ်ပြောနေတာပါ) ကိုယ်ပြောတာတစ်မျိုး၊ ဝေဖန်သူက တစ်မျိုးမြင်သွားလျှင် ကိုယ်ရေးတာ မပေါ်လွင်လို့ဟု မှတ်ပါသည်။ ထို့ထက်မကခဲ့လျှင်လည်း သူနဲ့မှ သဘောချင်းမတိုက်ဆိုင် တာပဲလေဟု တာဝန်ငြိမ်း နှလုံးသွင်းပါသည်။ လိုအပ်သည်များကို ညွှန်ကြားသွားပါကလည်း လက်ခံသင့်လျှင် လက်ခံရန် ကိုယ့်ကိုယ်ကို ဆုံးမထားပါသည်။ ကိုယ်က ခုမှ မူကြိုကိုး။

နောင်တော့်နောင်တော်များ၏ ဘလော့များထံ အလည်သွားသည့်အခါ တိတ်တိတ်ဆိတ်ဆိတ် လည်ဖြစ်တာ များပါသည်။ ရင်းရင်းနှီးနှီး၊ ပျော်ပျော်ရွှင်ရွှင် အုပ်လိုက်၊ သင်းလိုက်ရှိနေသော ဘလော့ဂါများကို မြင်ရသည့်အခါ ကိုယ်တိုင်လည်း ဘာရယ်မဟုတ် အလွန်ပျော်ပါသည်။ ကိုယ်တိုင်ကမူ ဘယ်အဖွဲ့ အသင်းနှင့်မျှ မဆက်စပ်မိလှ။ သို့သော်- အုပ်စုလိုက် ချိန်းပွဲချသကဲ့သို့ ဖြစ်နေသော ကွန်မန့်တိုက်ပွဲများကို မျက်စိလည်လမ်းမှားပြီး မြင်ရသည့်အခါ ထို ပျော်စရာစိတ်လေးများ ကုန်ပါလေရော။ ငါ့အမြင်ငါပြောတာ ဘယ်သူ့ဂရုစိုက်ရမတုန်း-ဆိုသော ဆရာများ၊ ငါ့ဆရာပြောတာ မှန်မှမှန် ၊ ဘယ်သူခံပြောဝံ့သတုန်း-ဆိုသော တပည့်များ၊ ကြုံတုန်း ၀င်တွယ်သွားမှ၊ ဒီဆရာ့တပည့် အထင်ခံရနည်းလား-ဆိုသော ‘ကြုံတပည့်’များ၊ ဒီရိုက်ချက်က အမိုက်စား၊ ဒီလိုလူမျိုးရဲ့ ဆရာ အထင်ခံရနည်းလား-ဆိုသော ‘ထင်ဆရာ’များ၊ ဒီလို ဆွမ်းကြီးလောင်းမျိုးမှာမှ ၀င်မနွှဲလျှင် လူစဉ်မီမှာမဟုတ်၊ နွှဲလိုက်ဦးမည်-ဆိုသော ‘ကြုံတိုင်း’များ ………………… ထိုထိုသော ရိုက်ချက်၊ နှက်ချက်၊ ဗျင်းချက်၊ တီးချက်များကြားတွင် မူရင်း စာပိုဒ်များသည် အလိုအလျောက် ဖုံးလွှမ်းခံကြရရှာလေသည်။

ဘလော့ဂင်းကြရာတွင် ရည်ရွယ်ချက် မျိုးစုံ ရှိကြပါမည်။ utility တစ်မျိုးဖြစ်၍ ဒါလေးမှတစ်ဆင့် အခြားအခြားသော အကျိုးရလဒ်များရအောင် သုံးကြပါမည်။ အရှင်းဆုံး အသုံးချခြင်းအနေဖြင့် ကိုယ့်အမြင်၊ ကိုယ့်အတွေး၊ ကိုယ့်အရေးများကို ပြောဖြစ်၊ ရေးဖြစ်ကြ၊ ကိုယ်သိသမျှကို မျှဝေကြပါသည်။ ပိုမို အဆင့်မြင့်သော အသုံးချခြင်းအဖြစ် ရွှေပြည်ကြီးအတွက် တစ်စုံတစ်ခု ရည်ရွယ်သော အကြောင်းအရာများကို ပြောကြ၊ ရေးကြ၊ ဆွေးနွေးကြပါသည်။ အားရှိစရာကောင်းပါသည်။ အင်တာနက်ပေါ်မှ ရနိုင်သော လွတ်လပ်မှုကို အစွမ်းကုန် အသုံးချကြပါသည်။ ရွှေပြည်ကြီးထဲက လူများ အဲဒီလို လွတ်လပ်နိုင်လျှင် ပို၍ ပို၍ ကောင်းပါမည်။ အဲဒီလွတ်လပ်မှုသည် ကိုယ်ပိုင်တာဖြစ်ကြောင်း သိပြီး ကိုယ့်ဟာကိုယ် ထိန်းသိမ်းစောင့်ရှောက်ကာကွယ်ရန် စိတ်ကူးပေါက်လာလျှင်တော့ အတိုင်းထက် အလွန်ပေါ့ခင်ဗျာ။ ဒါပေသိ အဲဒီ ‘လွတ်လပ်သော’ ဆိုတာကြီးကကို ကျိန်စာသင့်နေသလား မပြောတတ်ပါ။ ဒါကြီးအကြောင်း ဆွေးနွေးကြတိုင်း ဘယ်က ထွက်ထွက်လာမှန်းမသိသော ခါတော်မီ လွတ်လပ်ရေးဆရာများက လွတ်လပ်စွာကွဲလွဲခွင့်ကို အကာအကွယ်ယူကာ လွတ်လွတ်လပ်လပ်ကြီး ဆွမ်းကြီးလောင်းကြပါသတည်း။

မင်းက ဘာမို့လို့တုန်း-ဟုမေးလျှင် ဘာမှမဟုတ်ပါဟု အမှန်အတိုင်း ဖြေပါမည်။ ကိုယ့်လို ဘာမှမဟုတ်သူများ အများကြီးရှိသော ဒီမြေမှာ ကိုယ်က ဒီကိစ္စကို အရေးမလုပ်ပါ။

ကိုယ့်တိုင်းပြည်ကောင်းစားရေးနောက်ထား၍ ကိုယ့်မိသားစုပင် မကောင်းစားသေးပါ။ အသက်ရှူချောင်မည် ကြံရုံရှိပါသေးသည်။ ကိုယ့်မိသားစု တည်တည်ငြိမ်ငြိမ်လေး နေထိုင် ရပ်တည်၍ ရနိုင်လောက်သော အနေအထားရလျှင် အိမ်ပြန်ပြီး စာသင်စားမည်ဟု စိတ်ကူးရှိပါသည်။

ပိုက်ပိုက်ရှိလျှင် ပညာရေးသုတေသနလုပ်ငန်းများအတွက် ရန်ပုံငွေထောင်မည်ဟု စိတ်ကူးယဉ်ပါသည်။ ထောင်ပြီးသား ရန်ပုံငွေ ဆိုသဟာတွေက နိုင်ငံတော်တနံတလျား သုံးစရာတွေက အများသားကလား။ သူငယ်ချင်း ကျူရှင်ဆရာများကို မေးမကြည့်ရသေးပါ။

ဒီအင်တာနက် ဆိုသဟာကြီးကနေ ဘာတွေ၊ ညာတွေ လေ့လာပြီး ပြန်မျှဝေမည်ဟုလည်း စိတ်ကူး ကြီးကြီးမားမား ရှိပါသည်။ အခု ကိုယ်တိုင် ဖိုရမ်တွေဝင်ပြီးလေ့လာတော့ ကိုယ်ဘာမှ မသိသေးတာတွေပဲ တွေ့ပါသည်။

ကိုယ်ကြိုက်တာလေးတွေ့လျှင် ကိုယ့် Reader လေးထဲ ကိုယ်မှတ်ကာ တိတ်တိတ်လွတ်လပ်တာက အုပ်စုတိုက်ပွဲများနှင့် ကင်းလွတ်ပါသည်။ တစ်ကိုယ်တော် သွားသော ခရီးမို့ လွတ်လပ်ခြင်း အရသာကို အတော်ကြီး ခံစားရပါသည်။ ကိုယ့်လွတ်လပ်ခွင့်ကလေးကို ကာကွယ်ရန် ကိုယ့်တာဝန်ဖြစ်သည့်အတွက် မျက်စိနောက်စရာ မဖြစ်ရအောင်တော့ ထိန်းထိန်းသိမ်းသိမ်း နေရပါသည်။ ကိုယ်က ဘာကောင်မှ မဟုတ်သည့်အတွက် ကိုယ့်အတွက် ဆရာလည်း ပေါ်မလာတော့၊ တပည့်လည်း ပေါ်မလာတော့။ ဘယ့်ဂလောက်များ အေးချမ်းလိုက်ပါသနည်း။ လူမှုရေးအကျိုးအမြတ်ကို မသုံးသ၍ ဒီလိုအခြေအနေလေး တည်မြဲနေနိုင်လောက်ပါ၏။ အစက ပြောခဲ့သကဲ့သို့ပင် ကိုယ်မသုံးတော့ ကိုယ်ရှုံးတာပေါ့လို့ ဒီတစ်မျိုးတော့ မယူဆချင်ပါ။ လူမှုရေးအမြတ်မထုတ်တတ်တာ ကောင်းသည်ဟု မိဘများက ဆုံးမထားတာ ဒါလေးတစ်ခုတော့ ကိုယ်တိုင်လည်း လက်ခံထားပါသည်။ တော်ကြာ ကိုယ့်ကိုပါ utilized လုပ်သွားမှာ ကြောက်လှပါသည်ခင်ဗျား။

(ကြောက်ကြောက်နဲ့ တင်တဲ့ ပို့စ် ပါ။ မနေနိုင်လွန်းလို့သာ တင်ရတာ။ ကိုယ်ရပြီးသား လွတ်လပ်ခွင့်လေးကို ခုခံ ကာကွယ်ဖို့ အတော်ကို ကြိုးစားပမ်းစား ရုန်းကန်ရမယ်နဲ့ တူပါရဲ့။)