Icons!

Shortcut Icon တွေကို ပုံစံမျိုးစုံ မြင်ဖူးသည်။ ကိုယ့်ဘာသာကိုယ် စိတ်ကြိုက် ပုံပြောင်း၍ ရသော Icon များရှိသလို Default ပေးထားတာကိုပဲ သုံးရသည်လည်း ရှိသည်။ သူတို့တွေသည် သီးခြား အသုံးချစရာ Software တွေကို ကိုယ်စားပြုနေကြပြီး သူတို့က တဆင့် ကိုယ်ပုံဖေါ်ချင်သော အကြောင်းအရာကို တည်ဆောက်ယူရသည်။

Icon တွေဆိုတာ ကိုယ် အသုံးချဖို့ တီထွင်ထားတာဟု ပြောနိုင်သလို Icon တွေက ကိုယ့်ရွေးချယ်မှုတွေကို ခိုင်းစေနေတာလည်း ဖြစ်တတ်သည်။ အချို့သော အယောင်ဆောင် Icon များက ဗိုင်းရပ်စ်တွေကို ကိုယ်စားပြုပြီး ကိုယ့်ကို ထင်ယောင်ထင်မှား ရွေးချယ်စေသည်။ သည်တော့ Icon တွေက တကယ်အစစ်အမှန် ဟုတ်/မဟုတ် ဆိုပြီး ဆန်းစစ်လာရသည်။ လူတွေအတွက် မြင်သာ၊ မှတ်မိလွယ်သော၊ အကြောင်းအရာတစ်ခုကို အကောင်းဆုံး ကိုယ်စားပြုနိုင်သည့် အမှတ်သင်္ကေတသည် Icon ပေါ့။

သည်လိုနှင့် ကွန်ပျူတာမျက်နှာပြင်ပေါ်မှ Icon ဆိုသော စကားလုံးသည် နေ့စဉ်လူမှုဘ၀ထဲကို မွေးစားပြောင်းလဲ ရောက်ရှိလာခဲ့သည်။ အချို့က Icon တွေကို ဖန်တီးသည်။ အချို့က Icon တွေ ဖြစ်လာသည်။ ဘယ်လှုပ်ရှားမှု၊ အဖွဲ့အစည်းရဲ့ Icon ဘယ်သူ ဆိုတာမျိုး။ အဲဒီ Icon တွေက ကွန်ပျူတာ Icon တွေထက် အများကြီး ရှုပ်ထွေးပါသည်။ သူတို့ သက်တမ်း၊ သူတို့ရရှိသော လူအများစိတ်ဝင်စားမှု၊ သူတို့လုပ်ဆောင်ရသော အကြောင်းအရာတွေက ဘယ်ခလုပ်နှိပ် – ဘယ်မီးလင်းဆိုတာမျိုးမှ မဟုတ်ဘဲလေ။ ခု ပေါ်ပြူလာဖြစ်နေသော အကြောင်းအရာသည် နောက်အချိန်အနည်းငယ်အတွင်း မှေးမှိန်ပျောက်ကွယ်သွားတတ်သည်ပဲ။

သည်လိုနှင့် အချိန်တိုင်း အလုပ်ဖြစ်ရအောင် ခလုပ်မျိုးစုံကို ကိုင်ထားနိုင်သော၊ ဘယ်တော့မှ မီးမပြတ်သည့် “ပါဝါ”ပိုင်ရှင်များကို ခေတ်တိုင်း၊ နေရာတိုင်းတွင် ရှိမြဲ၊ တွေ့ရမြဲ။ ဒါသည်ပင် အရည်အချင်းဖြစ်နိုင်ပါသည်။ ဘယ် Icon ရဲ့ နောက်မှာ ဘာတွေ လုပ်လို့ရသည်ဆိုတာ သိဖို့ပဲ လိုပါသည်။ အသုံးချသူအပေါ် မူတည်၍ ရလဒ်ထွက်ပါသည်။ Killa Kash (မြတ်ကောင်း) ၏ သီချင်းကို မုန်းသူတွေလည်း ရှိမည်။ သဘောကျသူတွေလည်း ရှိမည်။ မှန်တာတွေ အများကြီးပါသည်ဟု တွေးမိပါသည်။ Upload တင်၍ အဆင်မပြေသောကြောင့် ဖိုင်လိုက် Download လုပ်နိုင်ရန် link သာ ထည့်ပေးလိုက်ပါတော့မည်။ နားဆင်ကြည့်ကြပါကုန်။ မိုးမခမှာပါ။

Advertisements

Even if …

ဒူးရင်းသီး (ခေါ်) Esplande  နှင့် ACM (Asian Civilization Museum) ကြားတွင် Tunnel တိုတိုလေး ရှိ၏။ ပုလွေသံသဲ့သဲ့က ထိုနေရာဘက်မှ လွင့်ပျံလာနေသည်။

(ကျွန်မလည်း) Scarborough Fare စာသားတစ်ချို့ကို နှုတ်မှ ခပ်သဲ့သဲ့ လိုက်ညည်းဆိုမိရင်း သူ့ကို မိတ်ဖွဲ့သလို ပြုံးပြဖြစ်သည်။ အမျိုးသမီးက  အာရုံစိုက်မိဟန် မပြသေး။ Tunnel ပြင်ပမှ နေ့လည် နေရောင်အောက်တွင် ACM ရှေ့ မြင်ကွင်းသည် မြစ်ရေ စိမ်းစိမ်း၊ မြက်ခင်းစိမ်းစိမ်း၊ သစ်ပင်ရိပ်စိမ်းစိမ်းတို့ဖြင့် အေးမြနေသည်။ သူမှုတ်နေသည့် သံစဉ် အဆုံးပိုင်းတွင် စိတ်တိုင်းမကျဟန် မျက်ခုံးတစ်ချက်တွန့်သွားပြီး ရပ်သွား၏။ ရေဗူးလေးဘေးမှ ချထားသောအိတ်ထဲတွင် ပုလွေရှည်/တို ၄ချောင်းက အခန့်သား။

ပေါ့ပေါ့ပါးပါး ပိုလိုရှပ်အဖြူတစ်ထည်နှင့် ဘောင်းဘီရှည်အနက်ရောင် ခပ်ပွပွကြောင့် နဂို ပိန်သွယ်သော အမျိုးသမီးသည် ပို၍ပင် ပါးလျသွားသည့်ဟန် ပေါ်နေသည်။ ဆံစတချို့က စည်းထားသည်မှ ပြေလျော့ကျနေသော်လည်း အာရုံစုစည်းထားမှန်း သိသာနေသော သူ့မျက်လုံး စူးစူးအတွက် အနှောက်အယှက်ဖြစ်မနေပါ။ Tunnel နံရံကို မှီရင်း (သူ့ကို) ငေးမောကြည့်နေသော သူ့ (ကျွန်မကို) မြင်တော့ အသိအမှတ်ပြုဟန် ပြုံးပြကာ ရေဗူးကို လှမ်းကောက်ကိုင်သည်။ ထိုစဉ်မှာပင် ACM ဘက်မှ Bass သံကဲသော သံစဉ်အချို့ ပျံ့လွင့်လာသည်။

အမျိုးသမီး၏ လက်သည် ရေဗူးလေးအစား အနည်းငယ်ရှည်သွယ်သော အခြားပုလွေ တစ်ချောင်းကို ကိုင်လျက်သား ဖြစ်သွားကာ chorus ပိုဒ်များတွင် အသံဖြည့် လိုက်နေ၏။ ခပ်မြူးမြူး တေးသံစဉ်က တပိုင်းတစနှင့် ရပ်သွားသော်လည်း ပုလွေသံက ဝေ့ကာ ၀ိုက်ကာ ဆုံးသွား၏။

အမျိုးသမီးက (ကျွန်မဘက်ကို )လှည့်လိုက်ကာ `ကျွန်မ ပုလွေအမျိုးအစား တစ်မျိုးထဲပဲ ယူလာတာ။ ဒါပေမယ့် ကီး ၄ မျိုးစာပေါ့လေ။ တကယ်လို့ သူတို့ဖွင့်လိုက်တဲ့ သီချင်းသံက ဂျပ်ဇ်ဂီတဖြစ်ခဲ့ရင် ဒီအမျိုးအစား မဟုတ်ဘဲ တခြားပုလွေနဲ့မှ အဆင်ပြေမှာ´- ဟု ဆိုသည်။ စိတ်လိုလက်ရ လှည့်ပြီး ရှင်းပြနေသော အမျိုးသမီးကို (ကျွန်မ) အားနာသလို ပြုံးပြရင်း `ကျွန်မက ဂီတကို နားလည်သူ မဟုတ်ပါဘူး။ နားထောင်ရတာကို သဘောကျလို့ လာနားထောင်တာပါ´ဟု ပြန်ရှင်းပြလိုက်ရသည်။ အမျိုးသမီးသည် အံ့ဩသွားဟန် ရိပ်ခနဲ ပေါ်သွားသော်လည်း သဘောကျသွားဟန်လည်း ရှိသည်။

`ဩော်၊ သိပြီ။ နားထောင်တာရယ်၊ သီချင်းညည်းတာရယ်ပေါ့။ သူတို့ရဲ့ သီချင်းသံကို ကျွန်မကတော့ အဖြည့်သဘောမျိုး လိုက်လေ့ ရှိတယ်။ ကျွန်မက အဲဒီသီချင်းကို မှုတ်တာတော့ မဟုတ်ဘူးလေ။ အဲဒီသံစဉ်နဲ့ လိုက်ဖက်မယ့်ဟာမျိုးပေါ့။ ရှင် သီချင်းတစ်ပုဒ် အစအဆုံး နားထောင်ရမယ် မထင်ဘူး။ တကယ်လို့ သူတို့က Pop သီချင်းတွေဖွင့်ခဲ့ရင်တော့ ကျွန်မအဲဒီသံစဉ်တွေကို ကောင်းကောင်း ဦးဆောင်ပေးနိုင်ပါတယ်။ အဲဒီ အမျိုးအစားမှာ Acoustic Version တွေ အမြဲတမ်း ရှိနေတတ်တယ်လေ။ သူတို့ဖွင့်တဲ့ သံစဉ်တွေကို ကျွန်မက ဂရုမစိုက်ဘဲ ကျွန်မမှုတ်လက်စ တေးသွားကိုသာ ဆက်မှုတ်နေခဲ့ရင် နားထောင်ရတာ အဆင်ပြေမယ် မဟုတ်ဘူး။ ဒါကြောင့် သူတို့ပြောင်းဖွင့်တဲ့ သံစဉ်တွေကို ကျွန်မ နားစွင့်နေဖို့ လိုတယ်။ ဟော၊ အခု သူတို့ဖွင့်နေတဲ့ သီချင်းဆိုရင် Classic တစ်ခုကို အသွင်ပြောင်းထားတာ´ ပြောနေရင်း ပုလွေကို ကောက်ကိုင်ကာ တေးသွားအချို့ ထွက်ကျလာသည်။ Tunnel နံရံကြောင့် ပုလွေသံသည် ပြင်ပမှာလို နုနွဲ့မနေဘဲ လိုဏ်သံပေါက်ကာ Theaterထဲမှ ဖန်တီးမှုတစ်ခုလို ဖြစ်နေသည်။

`ဒီနေရာမှာ Echo Effect ရှိနေတာတော့ အတော်ကောင်းတာပါပဲ။ ရှင် သူတို့ကို နောက်ခံဩခက်စထြာအနေနဲ့ သုံးပြီး တေးသွား ဖန်တီးလို့ ရတာပေါ့´

`သူတို့ကို ဘက်ဂရောင်းထားတာတော့ မဟုတ်ပါဘူးလေ။ ကျွန်မက သူတို့တေးသွားမှာ ဟာမိုနီလိုက်သလိုမျိုး ဖြည့်ပေးတာပါ။ သူတို့က အဓိက တေးသွားပါ။ Echo Effect ရှိတာတော့ အမှန်ပေါ့။ ဒီနေရာကိုယ်တိုင်က ပုလွေတစ်ချောင်းရဲ့ ဖွဲ့စည်းပုံမျိုးရှိနေတယ်လေ။ သူ့ရဲ့ တိုးလျိုပေါက်ပွင့်နေတဲ့ အဆုံးနှစ်ဖက်ရယ်၊ တိုက်ခတ်နေကျ လေကြောင်းရယ်ဟာ ကျွန်မရဲ့ ပုလွေသံအတွက် Speaker လိုမျိုး ဖြည့်ပေးနေတတ်တယ်။ ဒါကြောင့်ပဲ ကျွန်မ ဒီမှာ သက်သောင့်သက်သာ သံစုံတီးဝိုင်းလိုမျိုး Perform လို့ရတာပေါ့။ ညနေ ၃ နာရီလောက်အထိ ကျွန်မ ရှိနေဦးမှာ။ ရှင် ဒီနေရာကို အမြဲလာလေ့ ရှိသလား။ Orchard မှာလည်း Tunnel တစ်ခု ရှိတယ်လေ။ အဲဒီမှာဆိုရင် ရှင် လူတော်တော်များများရဲ့ ဖျော်ဖြေမှုကို ခံစားရမှာ။´- အမျိုးသမီးက ရေဗူးထဲမှ ရေကို တစ်ကျိုက်မော့သောက်သည်။

`ကျွန်မ Orchard ကို ရောက်ခဲပါတယ်။ ဒီအနီးတ၀ိုက်မှာ ကျွန်မရဲ့ လုပ်ငန်းခွင် Site ရှိပါတယ်။ အခု ကျွန်မရဲ့ နေ့လည်စာ Break ပါ။ ကျွန်မရဲ့ Safety Shoes ကို သတိထားမိမှာပေါ့။ အချိန် အများကြီး မရပေမယ့် ဒီနေရာလေးက သာယာလို့ ခဏလာကြည့်တာပါ။ ရှင် ဒီနေရာမှာ လာပြီး လေ့ကျင့်တာသက်သက်ပဲလား။ ဒါမှမဟုတ် ရှင်ကိုယ်တိုင် တေးသွားတွေကို ဖန်တီးနေတာရော မဟုတ်ဘူးလား´

`တကယ်တော့ ဘီသိုဗင်တို့လို ကြီးမြတ်တဲ့ ဂီတသမားတွေမှာတောင် Practicing Time က Performing Time ထက် အများကြီး ပိုများတယ်ရှင့်။ သူတို့တွေဟာ လေ့ကျင့်ရင်းနဲ့ပဲ schore တွေရေးကြ၊ တေးသွားတွေ ဖန်တီးခဲ့ကြတာ။ တကယ့် အံ့မခန်းပုဂ္ဂိုလ်ကျော်တွေပေါ့။ ကျွန်မအတွက် ဒီနေရာဟာ လေ့ကျင့်တဲ့နေရာ သက်သက်ထက် အများကြီး ပိုပါတယ်။ ကျွန်မကိုယ်ကျွန်မ ရှာဖွေတွေ့ရှိလာတာတွေ အများကြီးပဲလေ။ ကျွန်မ တီးဝိုင်းအတွက် ဖျော်ဖြေတာမဟုတ်ရင် ဒီကိုလာပြီး အခုလို လေ့ကျင့်နေလေ့ရှိပါတယ်။ မနေ့ကဆို ဒီပြတိုက်မှာ တရုတ်အင်ပါယာသမိုင်းကြောင်း ပြပွဲတစ်ခုရှိလို့ သူတို့တွေ ရှေးတရုတ်သီချင်းကြီးတွေဖွင့်ကြတယ်။ ကျွန်မအတွက် အတော် အခက်တွေ့ခဲ့ရသေးတယ်။ ဒီနေ့တော့ သူတို့တွေ ဂျပ်ဇ်နဲ့ ပေါ့ပ်ကို တစ်လှည့်စီလို ဖွင့်နေကြလေရဲ့။ ဟော- ခုဖွင့်တဲ့ သီချင်းဆိုရင် ရှင်သိမယ်ထင်တယ်´- တေးသွားသည် ကပွဲတစ်ခုမှာလို ဖြစ်နေသည်။ ကျွန်မ မသိပါ။ အမျိုးသမီး၏ ပုလွေသံသည် ရှေးအင်္ဂလိပ်ကားများတွင် ပါတတ်သော အသံတွန့်၍ ဟစ်၍ ဆိုတတ်သည့် အဆိုတော်တစ်ယောက်လို ဖြစ်နေသည်။

`ရှင် ဒီလိုမျိုးလည်း ရှင့်ပုလွေနဲ့ သီချင်းဆိုတယ်နော်။ ဟုတ်လား´

`အချိန်အတော်များများမှာ ကျွန်မ အဖြည့်သံစဉ်တွေပဲ ဖန်တီးတတ်ပါတယ်။ ခု ပြီးသွားတဲ့ သံစဉ်မှာတော့ ကျွန်မ သီချင်းလိုက်ဆိုနေမိတာ ဟုတ်တယ်။ တစ်ပုဒ်လုံး မဆိုနိုင်ပေမယ့် ဒီလိုမျိုး အလှည့်အပြောင်းတွေက အခိုက်အတန့်တချို့ကို ပိုပြီး မြူးကြွစေတယ်။ အသက်ဝင်စေတယ် ဆိုရမလား။ Tunnel ရဲ့ နှစ်ဘက်စလုံးမှာ တေးသံ နှစ်မျိုး ထွက်လာရင်တော့ တကယ့်ကို ဗရုတ်သုက္ခပါပဲလေ။ သူတို့တွေဟာ တစ်သံနဲ့ တစ်သံ လိုက်ဖက်ညီအောင်တော့ ကြိုးစားကြပုံပါပဲ။ ကျွန်မအတွက်တော့ အတော့်ကို ကြီးတဲ့ စိန်ခေါ်မှုမျိုးပါ။ ရှင် အဲဒီလို အခြေအနေမျိုး ကြုံတွေ့နိုင်မယ်လို့ ကျွန်မ အာမ, မခံနိုင်ပေမယ့် ညနေပိုင်းလောက်ဆိုရင် သူတို့ဖွင့်တဲ့ တေးသွားတွေက စိတ်ဝင်စားစရာကောင်းတာ အမှန်ပါပဲ။´

`ဟုတ်ကဲ့။ ကျွန်မအဲဒီအချိန်အထိ ရှိမနေနိုင်တာတော့ စိတ်မကောင်းစရာပဲ။ ခု ကျွန်မရဲ့ နေ့လည်အားလပ်ချိန်လေးက ကုန်တော့မှာမို့ပါ။ ဂီတ သံစဉ်တွေအတွက် ကျေးဇူးတင်ပါတယ်။ တကယ် စိတ်ချမ်းမြေ့စရာ၊ အပန်းပြေစရာပါပဲ။ ရှင် အဆင်ပြေပါစေ´

`ရှင့်အတွက် စိတ်ချမ်းမြေ့ရသလို ကျွန်မအတွက်လည်း ပျော်ရွှင်စရာပါပဲလေ။  ရှင်လည်း အဆင်ပြေပါစေ။ ဂွတ်ဘိုင်´

Moral of the story: : ကြိုက်သလို ယူဆပါ။ ယူဆသလို ရရှိပါသည်။ ကျွန်မကတော့ လက်ရှိဖြစ်နေသော အခြေအနေကို သံစဉ်ညီညွတ်အောင် မတီးခတ်နိုင်သော ရွာဆော်မောင်းကွဲသံကြီးများကို ကြားယောင်နေပါသည်။

(မပြေပြစ်သည်များကို ပြန်လည်တည်းဖြတ်လိုက်ရပါသည်။)

Action or Reaction?

လူတော်တော်များများလည်း သိပြီးသားလို့ ထင်ပါတယ်။ ကျွန်မတို့လူသားတွေဟာ တစ်ဦးနဲ့တစ်ဦး တွေ့ဆုံဆက်ဆံကြတဲ့အခါ Action လို့ ပြောရမယ့် ကိုယ့်သဘောနဲ့ကိုယ် (ကိုယ့်မူနဲ့ကိုယ်) ဆက်ဆံကြတာရယ်၊ သူများကနေ ကိုယ့်အပေါ်ဆက်ဆံလာတဲ့အခါ ပြန်လည်တုန့်ပြန်တဲ့ Reaction (သူတစ်ပါးအခြေခံမူ)ပုံစံနဲ့ ဆက်ဆံကြတာရယ် ရှိပါတယ်။ စစချင်းတော့ ကိုယ်ဟာ Action-oriented person လို့ပဲ အောင့်မေ့ကြတာပဲ များပါတယ်။ နောက်မှ ပြန်စဉ်းစားကြည့်တော့ Reaction သမား ဖြစ်နေပါလေရော။ အခု ကျွန်မ ရေးထားတဲ့ အကြောင်းအရာ အတော်များများမှာ လှုံ့ဆော်မှုတစ်ခု အမြဲတမ်းရှိနေပြီး အဲဒီ လှုံ့ဆော်မှု အခြေအနေဟာ ကိုယ့်မူနဲ့ကိုယ်စတင်တာထက် သူများတွေရဲ့ ထင်မြင်ချက်၊ အခြေအနေတွေကို မူတည်ပြီး ကိုယ့်ရပ်တည်ချက်ကို ပြောတာ များပါတယ်။ အဲဒီတော့ ကျွန်မမှာ ကိုယ့်ရပ်တည်ချက်ဆိုတာ ရှိနေသည့်တိုင်အောင် သူများရဲ့ Action ကို အရင် မြင်ရမှ React လုပ်သူဖြစ်နေပါတယ်။ အခု နိုင်ငံရပ်ခြားမှာ ရောက်နေတဲ့အတွက်ကြောင့်ကိုပဲ ကျွန်မမှာ Reaction ကိုတောင် အတော် ထိန်းထိန်းသိမ်းသိမ်း လုပ်နေဖြစ်ပါတယ်။ ဘာကြောင့်လဲ-

၁) ကိုယ့်တိုင်းပြည်တွင်းမှာ ကိုယ် မဟုတ်တာပဲလုပ်လုပ်၊ ဟုတ်တာပဲလုပ်လုပ် ကိုယ့်မိဘအိမ်မှာ နေတဲ့ သားသမီးရဲ့ အခွင့်အရေးနဲ့ တာဝန်ပဲ ရှိတယ်။ သူများတိုင်းပြည်မှာ နေရတာက တစိမ်းအိမ်မှာ ကပ်ပါးဘ၀ဖြစ်နေတဲ့အတွက် အစစ၊ အရာရာ သူများမျက်နှာကြည့်ရတယ်။

၂) ကိုယ့်တိုင်းပြည်မှာ ကိုယ်မလုပ်ချင်တဲ့အလုပ်ကို နည်းနည်း သက်သာအောင်နေမလား။ ပြဿနာက အိမ်က လူကြီးနဲ့ပဲ ဆိုင်တယ်။ ကိုယ့်တစ်ခေါင်းတည်းနဲ့ တစ်အိမ်လုံးကို ရွက်ပြီး သွားနေရတဲ့ တာဝန်မျိုးက ရပ်ဝေးမြေခြားရောက်နေတဲ့လူတွေမှာ ပိုဆိုးတယ်။

၃) နာဖျားမကျန်းမာတာကအစ၊ ပြဿနာ ကြီးကြီးမားမားအဆုံး ကိုယ့်မိဘနဲ့၊ ကိုယ့်မိသားစု အသိုင်းအ၀ိုင်းနဲ့၊  ကိုယ့်မိတ်ဆွေ အပေါင်းအသင်း တွေနဲ့ တိုင်ပင် ဖြေရှင်းလို့ရတယ်။ (အတ္တာဟိအတ္တနောနာထော ဆိုတဲ့ ဘုရားဟောကို သိတာနဲ့ ကျင့်သုံးတာနဲ့ တစ်ထပ်တည်းမကျသေးသူများ အားလုံး အနည်းနဲ့အများ ဒီကိစ္စ အကျုံးဝင်ပါတယ်)။ တစ်ပြည်တစ်ရွာရောက်နေရင် ခွေယိုင်နေတဲ့ ဒူးလည်း ရေဆွတ်ခုန်ကြရတာပဲ။ ကိုယ့်နောက်က မျက်နှာတွေက အများကြီးကိုး။

၎) စိတ်အခန့်မသင့်လို့ ရန်ဖြစ်ချင်တယ်ဆိုတောင် တစိမ်းနဲ့ ရန်ဖြစ်တာဟာ အိမ်သားချင်း ရန်ဖြစ်တာထက် ပိုဆိုးတယ်ဆိုတာ လူတိုင်းသိပါတယ်။ (အဲဒါကြောင့်ကိုပဲ အိမ်သားချင်း ရန်ဖြစ်တာလည်း တော်တော့်ကို ကြာနေပါပြီ။ ဒီ့ထက်ပြောရင်လည်း အင်း……… ကြည့်ပြောမှ)

အပေါ်မှာ ပြောပြခဲ့တာ ကျွန်မရဲ့ Reaction ကို ချုပ်တည်းနေဖြစ်တဲ့၊ မြင်လွယ်မယ်ထင်တဲ့ အချက်တွေပဲ ပြောခဲ့တာ ဖြစ်ပါတယ်။ အခု ကျွန်မ Reaction ဖြစ်မှာကတော့ ကျွန်မသူငယ်ချင်း တစ်ယောက် ပြောပြတဲ့ သူ့အမြင်၊ သူ့အတွေး၊ သူ့အရေးတစ်ခုကြောင့်ပေါ့၊ နယ်တွေမှာ စီးပွါးရေးရဲ့ အခြေခံအဆောက်အအုံတစ်ခုဖြစ်တဲ့ လယ်ယာကဏ္ဍမှာ လုပ်သားအင်အား လျော့ပါးပြောင်းရွှေ့မှုတွေနဲ့ အကျိုးဆက်တွေကို သူမြင်သလို ထောက်ပြသွားတာပါ။ သူပြောသွားတဲ့အထဲက ကျွန်မ နားလည် လိုက်မီသလောက် ပြန်ဆွေးနွေးဖို့ ဒီ Reaction ကို လုပ်ဖြစ်ပါတယ်။

ကျေးလက်မြို့ပြ လူနေမှုနဲ့ စီးပွါးရေး ဖွံ့ဖြိုးတိုးတက်မှု ကွာဟရာကနေ ဒီပြဿနာ စတယ်လို့ ကျွန်မ သိထားပါတယ်။ ရှေးယခင် မိသားစု စီးပွါးရေး စနစ် ကျင့်သုံးခါစ ကျေးလက်ဒေသတွေမှာ ဓါးမဦးချ လုပ်ကိုင်လာတဲ့ မြေယာတွေဟာ အကန့်အသတ်ရှိပါတယ်။ လူဦးရေတိုးနှုန်းက ပုံမှန်ကိုပဲ ထပ်ကိန်းစနစ်နဲ့ တိုးနေတာပါ။ ကောင်းပြီ။ ဘိုးဘွားတွေလက်ထက်က လယ်ဧက ၁၀၀ မှာ သားသမီးတွေနဲ့ ၀ိုင်းဝန်းလုပ်ကိုင်ခဲ့ကြတာ ဖူလုံတဲ့အပြင် ပိုလျှံလို့ လှူတန်းပေးကမ်းနိုင်ခဲ့ကြပါတယ်။ သားသမီးတွေလက်ထက်မှာ ခွဲဝေပြီး လုပ်ကိုင်ကြပါပြီ။ ဧက ဆယ်ဂဏန်းပေါ့။ ဆက်ချဲ့ရင် ရွာနားက လမ်းမြေ၊ သစ်တောမြေ၊ မြို့နားက စည်ပင်မြေဆိုတာတွေနဲ့ ဘယ်လိုလုပ်ချဲ့နိုင်ပါမလဲ။ လုံလောက်အောင်တော့ ရှာနိုင်ပါသေးတယ်။ ပိုလျှံအောင်ကတော့ သီးထပ်သီးညှပ်တွေနဲ့ နည်းနည်း ပိုပြီး မြေမအား၊ လူမနား ကြိုးစား လုပ်ကိုင်ကြတာပေါ့၊ အောင်မြင်ပါတယ်။ မြေးတို့လက်ထက်မှာ ဒီမြေတွေကိုပဲ ခွဲပေးရမှာကိုး။ စီမံကိန်း အကြီးကြီးတွေမှာ မြေလွတ်မြေရိုင်းတွေ ချဲ့တိုင်း ကိုယ့်ဘိုးဘပိုင် မြေလေးအပြင် တိုးလာမှာတော့ မြင်ယောင်မိပါရဲ့။ အဲဒီ စီမံကိန်းကြီးတွေရဲ့နောက်က ကိုယ်နဲ့ မရင်းနှီးသော စနစ်ဇယား အချက်အလက်တွေကြည့်ပြီး ခေါင်းတယမ်းယမ်း ဖြစ်လာခဲ့တာပဲ။ မြို့ပြသွားပြီး ကျောင်းထားတဲ့အကျိုးအနေနဲ့ ကိုယ့်သားသမီးတွေထဲက ကိုယ့်ရပ်ကိုယ့်ရွာကို အကြောင်းရှိမှ ပြန်လာတဲ့ အဖြစ်တွေ စလာပါတယ်။ သူတို့ အသိနဲ့သူတို့ အမြင်ပေါ့လေ။ မြို့ကြီး ပြကြီးမှာ ရှာရဖွေရတာ မြေအရင်းအနှီး မလိုဘူးလို့ ပြောကြတာကိုး။ ခုခေတ် မြေအရင်းအနှီးဈေးက သေးတာမဟုတ်တော့ သူတို့လေးတွေ တစ်အိုးတစ်အိမ် ထူထောင်မယ်ဆိုရင် ရင်းနှီးလုပ်ကိုင်စားစရာ မြေက ပြောပလောက်အောင် မရနိုင်တော့။ သူတို့ဘ၀လေးတွေ သူတို့ ရှာနိုင်တာ တော်သေး။ ဒီလိုနဲ့ မန္တလေး၊ ရန်ကုန်နဲ့ အခြား ကုန်သွယ်ရေး၊ စီးပွါးရေးမြို့တွေမှာ ဆိုင်းထမ်းလေးတွေနဲ့တစ်ချို့၊ ပုဆိုးကြမ်းလေး ပုခုံးအုပ်နဲ့ တစ်စု၊ တွန်းလှည်းလေးတွေနဲ့ ဟန်ဟန်ပန်ပန်ပုံတွေက တစ်မျိုး ကျေးလက်ဒေသက လူငယ်တွေ မြို့ပြမှာ လုပ်သားအင်အား ပြောင်းရွှေ့ရောက်လာပါပြီ။ သူတို့တွေဟာ အခြေခံ အလုပ်ကြမ်းတွေ လုပ်ကိုင်ကြတာများပါတယ်။ သူတို့ နေတဲ့ နေရာတွေကလည်း မြို့အစွန်အဖျားမြို့သစ်လို နေရာတွေ၊ ဆောက်လုပ်ရေး လုပ်ငန်းခွင်တွေ၊ စီမံကိန်းတွေရှိတဲ့ နေရာတွေ အဲဒီလိုနေရာတွေပါ။ သူတို့ မွေးရပ်မြေကို အဆက်အသွယ်ရရဲ့လားလို့ မေးကြည့်တော့ ‘ အိမ်ကို သတင်းပလင်းတော့ ဒီလိုပဲ ကြုံတဲ့ လူနဲ့ မေးမြန်း၊ ငွေတွေဘာတွေ ပို့ရတာပေါ့။ လူတော့ ဘယ်ရောက်နိုင်မတုန်း’ လို့ ဖြေကြပါတယ်။ တချို့များဆို ရခိုင်ရိုးမရဲ့ ဟိုဘက်ဒီဘက် ခြားနေလေတော့ နာရေးကြုံတောင် သတင်းပဲရောက်နိုင်တော့တယ်လို့ သိရပါတယ်။ ကျန်ခဲ့တဲ့ မိသားစုကလည်း မြို့တက်သွားတဲ့ သားချင်းတွေ အဆင်ပြေသတဲ့လို့ ကြားရင် နောက်သွားမယ့်လူကို ‘ဟဲ့၊ မောင်ဟိုဒင်းတော့ ဘယ်အရပ်မှာ အလုပ်အကိုင်ကောင်းသတဲ့။ မောင်ဟ၀ှါရေ’ ။ ဒီလိုမြင်ကွင်းတွေဟာ မြို့ပြလူနေမှုစနစ်ဖွံ့ဖြိုးလာတာနဲ့အမျှ ဖွံ့ဖြိုးဆဲနိုင်ငံတိုင်း ကြုံတွေ့နေကျလို့ပဲ ကျွန်မ သိထားပါတယ်။ ဒါက စီးပွါးရေး ပထ၀ီမှာ အကျုံးဝင်တယ်လို့ ကျွန်မအဖေ စိတ်ရှည်လက်ရှည် သင်ပေးတုန်းက ဒုံးဝေးတဲ့ ကျွန်မ မှတ်ထားတာပါ။

နောက် တခြားတိုင်းပြည်တွေကို သွားတာကလည်း ဒီပုံစံအတိုင်း အဆင့်ဆင့်နဲ့ပေါ့လေ။ အခြေခံပညာလေး အလယ်တန်းလောက် ပြီးပြီဆိုရင် အထက်တန်းပညာရေးအထိ ဆက်သင်ဖို့ ရင်းနှီးမြှုပ်နှံမှာနဲ့ အိမ်ကစီးပွါးရေးကို ကျားကန်ဖို့ ရင်းနှီးမြှုပ်နှံမှာကို ယှဉ်ရပြီပေါ့။ ဒီလိုနဲ့ နိုင်ငံတကာမှာ ရွှေ့ပြောင်းလုပ်သားအင်အား စီးဆင်းမှုတစ်ရပ် ဖြစ်လာပါတယ်။ အဲဒီအခြေအနေမှာ မူလ တိုင်းပြည်အခြေခံ စီးပွါးရေးတည်ဆောက်ပုံအတိုင်း ဆက်လက်ရှင်သန်နေအောင် ဖြေရှင်းဖို့ ပုံသေနည်းတော့ မရှိပါဘူး။ တိုင်းပြည်တွေရဲ့ အခြေခံ တည်ဆောက်ပုံ၊ သဘာဝသယံဇာတပြည့်စုံမှု၊ ပညာရေး ဖွံ့ဖြိုးတိုးတက်မှု၊ လူမှုဖူလုံရေး ပြည့်စုံမှု၊ စီးပွါးရေးအသွင်သဏ္ဍာန်၊ အဲဒါတွေအပြင် စီမံခန့်ခွဲမှု(ကဏ္ဍအားလုံးအတွက် အချုပ်)၊ ဒါတွေအများကြီးက ကျေးလက်-မြို့ပြ လုပ်သားအင်အားစီးဆင်းမှုနဲ့ ဒေသတွင်း လုပ်သားအင်အား ရွှေ့ပြောင်းမှုတွေကို အများကြီးပြဌာန်းပါတယ်။

ကျွန်မတို့ သင်ခဲ့ရတဲ့ ဘာသာရပ်တွေထဲမှာ သိပ္ပံဘာသာရပ်တွေကို လူတွေက ပိုပြီး အာရုံစိုက်လေ့လာလိုက်စားကြတာ များပါတယ်။ ခေတ်ကြီးကိုက နည်းပညာခေတ်ဆိုကိုး။ ဒါပေမယ့် အဲဒီခေတ်ကြီးထဲမှာ လူတွေ လှုပ်ရှားနေတာဟာ သိပ္ပံကို မူတည်တာထက် မဏ္ဍိုင်ကြီး ၃ ရပ်ကိုသာ အဓိကမူတည်ကြောင်း ကျွန်မ သိခဲ့ရပါတယ်။ ကျန်းမာရေး၊ ပညာရေးနဲ့ စီးပွါးရေးဆိုတဲ့ အချက်ကြီး ၃ ချက်ကို ဘာက ပိုအရေးကြီးသလဲဆိုတာ စဉ်းစား၊ မေးခွန်းထုတ်ရင်းနဲ့ပါ။ သူတို့အားလုံးဟာ လူတိုင်းရဲ့ ဘ၀တွေအတွက် အဓိက လိုအပ်ချက်တွေဖြစ်သလို မောင်းနှင်အားတွေလည်း ဖြစ်ပါတယ်။ စတုတ္ထမဏ္ဍိုင်အနေနဲ့ ကိုယ်ကျင့်တရားကောင်းဖို့ ထည့်သွင်းပြောဆိုကြတာ ကြားဖူးပေမယ့် မဏ္ဍိုင်ကြီး ၃ခု ပြည့်စုံရင် အတော်ကို ပြည့်စုံကြွယ်ဝတဲ့ လူ့အဖွဲ့အစည်းတစ်ခု ဖြစ်နေပါပြီ။ အဲဒီ မဏ္ဍိုင်ကြီး ၃ ရပ်မှာ တစ်ခုခု ချို့ယွင်းလာပြီဆိုရင် ကျန်တဲ့ ၂ခုက ကျားကန်ပေးဖို့ လိုအပ်ပါတယ်။ မနိုင်တော့ဘူးဆိုရင်တော့ ပြိုဖို့ များပါပြီ။ နာတာရှည် ဝေဒနာသည်တစ်ဦးကို အမြဲတင်ထားရတဲ့ အိမ်လိုပေါ့လေ။ အဲဒီ ဝေဒနာကို ကုဖို့ ကြိုးစားနေရတာနဲ့ တခြား လုပ်ငန်းဆောင်တာတွေပါ အလိုအလျောက် နှေးကွေး၊ ရပ်တန့်ချို့ယွင်း၊ နောက်ဆုံးတော့ ပျက်စီးတဲ့ အစိတ်အပိုင်းတွေက များလာ။ သူကပြောတာတော့ အဆိုးကျော့သံသရာစက်ဝန်း ပါတဲ့။ အဖြေရှာရင် ကိုယ်မှာ တွေ့ပါမယ်။

လူမှုစနစ်အတွင်း မေတ္တာအခြေခံတဲ့ ဆက်သွယ်မှုတွေ လျော့ပါးလာတာ၊ စည်းစည်းလုံးလုံး နေကြတဲ့ ကျစ်လျစ်တဲ့ လူ့အဖွဲ့အစည်း အသွင်ကနေ ပြန့်ကျဲနိုင်တဲ့ အသွင် ပြောင်းလာတာ၊ ငွေကြေးလှည့်ပတ်စီးဆင်းမှုတွေကနေ လူမှုစီးပွါးရေးပြဿနာတွေတိုးမြင့်လာစေတာ ဒါတွေဟာ ရှောင်လွှဲလို့ ရနိုင်မယ့် အရာတွေလားလို့ ကျွန်မ စဉ်းစားကြည့်ပါတယ်။ ဆရာကြီး သခင်ကိုယ်တော်မှိုင်းက ‘အညာမင်္ဂလာဆောင်’ လေးချိုးကြီးမှာ ထိထိမိမိ၊ ကွက်ကွက်ကွင်းကွင်း ပြသွားတဲ့ ၁၉၃၀ ၀န်းကျင် စီးပွါးပျက်ကပ်ကာလ အညာလယ်သမားဘ၀ကို ကျွန်မ ပြန်ပြန် မြင်ယောင်ပါတယ်။ အိမ်ထဲမှာ တံခါးပိတ်နေနေကျ ကျွန်မတို့တွေအတွက် လုံခြုံမှုဆိုတာ ဘာလဲ- သဘာဝတရားဟာ နာဂစ်ကတစ်ဆင့် သူ့အင်အားကို သက်သေတစ်ခါပြသွားသလို အခု ကမ္ဘာ့ ငွေကြေး ကမောက်ကမဖြစ်မှုက စတဲ့ စီးပွါးပျက်ကပ်က တစ်ခါ သက်သေပြနေပါပြီ။

ဒီအချိန်ကာလမျိုးမှာ တင်းကျပ်လာတဲ့စိတ်တွေကြောင့် ထွက်ပေါက်ရှာတတ်ကြတာ ကျွန်မ နားလည်နိုင်ပါတယ်။ ကျွန်မတို့ ကြည့်ရမှာဟာ မျက်စိရှေ့မှာ ရှိတဲ့ နေ့စဉ်လူမှုဖြစ်စဉ်တွေသာမက အဲဒီ ဖြစ်စဉ်တွေရဲ့ နောက်မှာ ရှိနေတဲ့ အင်အားတွေ၊ အကြောင်းအရာတွေလည်း ပါဝင်တယ်လို့ ကျွန်မ ယုံကြည်ပါတယ်။

အချိန်တန်လို့ပဲဖြစ်ဖြစ်၊ အချိန်မတန်ဘဲဖြစ်ဖြစ် အိမ်ပြန်လာကြမယ့် နိုင်ငံတကာက ရွှေ့ပြောင်းလုပ်သားတွေရဲ့ တံခါးခေါက်သံကို ကျွန်မတို့ရဲ့ အမိမြေက ဘယ်လို တုန့်ပြန်ကြမလဲ ကျွန်မ သိချင်ပါတယ်။ (ပြန်ကြားရေး ၀န်ကြီးပြောတာကို ကျွန်မသိပါတယ်။ ကျွန်မတို့ရဲ့ မိသားစုအဖြစ် သဘောထားတဲ့ ကျွန်မတို့ ထောက်ထားခဲ့တဲ့ မျက်နှာများစွာ၊ နားများစွာကို ကျွန်မ ရည်ညွှန်းတာပါ)

ဒီလုပ်သားတွေရဲ့ စီးပွါးရေး မောင်းနှင်အားနဲ့ လူမှုဆက်ဆံရေး trends တွေကို ဘယ်လို သဘောထားပြီး ဒီလုပ်သားတွေရဲ့ အိမ်အပြန်ကို ဘယ်လို သဘောထားမလဲ ကျွန်မသိချင်ပါတယ်။

ပေါက်ပင် ဘာကြောင့်ကိုင်းရတယ် ဆိုတဲ့ အကြောင်းကို သိသိကြီးနဲ့ လက်ရှောင်ရှောင်နေရတဲ့ ကျွန်မတို့ ရဲ့ ညီအကိုမောင်နှမများ ထမင်းရည်ပူ/မပူ မသိလည်း နှုတ်ခမ်းကို စေ့ပြီး တခြား လွှဲစရာမရှိတဲ့ အဆိပ်ခွက်တွေဆီ လှမ်းနေမလား၊ ကျွန်မ သိချင်ပါတယ်။

တစ်ခုပဲ ကျွန်မ မျှော်လင့်မိပါတယ်။ ထမ်းတင်ပေးခဲ့သော ပုခုံးများကို ဓါးထက်ထက်တွေနဲ့ မမွှန်းမိကြပါစေနဲ့။ ကျွန်မ စိတ်မကောင်းခြင်းများစွာနဲ့ ဒီစာကို ရေးတာပါ။

မြန်မာကလေးများ၊ အနာဂတ်ပျောက်ဆုံးမှုနှင့် စကာင်္ပူကျောင်းများ (၂)

ပထမပိုင်းတုန်းက မြန်မာပြည်ကနေ ပြည်ပကို ထွက်ပြီး တိုးတက်မှုရှာဖို့ တွန်းပို့သလိုဖြစ်နေတဲ့ အခြေအနေတွေအကြောင်းပါ။ အဲဒီအခြေအနေအရ ရွေးချယ်မှုတစ်ခုအနေနဲ့ ပြည်ပရောက်နေသူတွေရဲ့ လက်ရှိအခြေအနေကို ပြောချင်ပါတယ်။ ဒါက ကျွန်မအနေနဲ့ နည်းနည်းတော့ ပြောရခက်ပါတယ်။ ကိုယ်တိုင်က ပြည်ပရောက်နေသူတွေထဲ အပါအ၀င်ကိုး။
ဆောင်းပါးရှင် Sandra Davies က တွေ့ဆုံ မေးမြန်းထားတဲ့လူတွေထဲမှာ ပေါ်လီကျောင်းဆင်းလူငယ်/လူလတ်များ၊ အဲဒီလူတွေရဲ့ မြန်မာပြည်က မိသားစုဝင် (မိဘ/ညီအကို မောင်နှမ)များ၊ လက်ရှိစကာင်္ပူသင်ရိုးအတိုင်း သင်ကြားပေးနေပြီး တစ်နေ့နေ့တစ်ချိန်ချိန်မှာ စကာင်္ပူကို သွားမယ်လို့ ရည်မှန်းထားသူများ ပါဝင်ပါတယ်။ အမြင်အတိုင်းပြောရရင် မြန်မာပြည်က မိသားစုများဟာ ကိုယ့်ကလေး နိုင်ငံခြားသွားပြီး ပညာသင်ဖို့လွှတ်တဲ့အခါ “သွားပေရော့၊ နောင်ပြန်မလာနဲ့” လို့ မရည်ရွယ်၊ မသွန်သင်၊ မတောင်းဆို၊ မခိုင်းစေပါဘူး။ ပြီးတော့ မဖြစ်မနေ ပြန်ကို ပြန်လာမှဖြစ်မယ်၊ ဘယ်လောက်ပဲကောင်းကောင်း၊ တော်တော်၊ မြန်မာပြည်မှာပဲ အတူတူ ရုန်းကန်ကြရအောင် လို့လည်း မတောင်းဆိုပါဘူး။ လက်ရှိ အခြေအနေမှာ မိသားစုနဲ့ အတူတူ ရုန်းကန်တာဟာ ကောင်းတဲ့ကိစ္စဖြစ်ပေမယ့် နောင် အနာဂတ်၊ သူများတတ်တဲ့ပညာ ကိုယ်မတတ်ရင်၊ သူများသိတဲ့အသိ ကိုယ်မသိရင်၊ သူများဘ၀နဲ့ ကိုယ့်ဘ၀ ကြေးတမ်းတိုက်လို့ မရစကောင်းပေမယ့် နောင်တ မရချင်ကြပါဘူး။ ဒီလို အသိစိတ်အခြေခံနဲ့မို့ မြန်မာကလေးတွေ ရောက်လေရာ နေရာတိုင်းမှာ ပိုကြိုးစားဖြစ် ကြတာလို့ ကျွန်မပြောချင်ပါတယ်။
အခု မြန်မာနိုင်ငံအတွင်းမှာ ရှိတဲ့ စီးပွါးရေး အခြေအနေဟာ ကိုယ့်ပြည်တွင်းမှာကိုယ် ချစ်တီးသူဌေးနဲ့ ဘုံဘေဘားမားဆီကနေ လက်ဝေခံပြီး ရပ်တည်ခဲ့ကြရတဲ့ ၁၉၃၀ နှစ်များဆီကနဲ့ ဘာမှ မထူးပါဘူး။ ထမင်းနှစ်နပ် ရှာစားဖို့တော့ ဘယ်မှ သွားစရာမလိုပေမယ့် အခြား ကျန်းမာရေး၊ ပညာရေး လိုအပ်ချက်များအတွက်တော့ စဉ်းစားရပါလိမ့်မယ်။ မြန်မာပြည်မှာ ဆေးကုမစားတော့တဲ့ ဆရာဝန်တွေ များလာတာ၊ ဈေးရောင်းစားတဲ့ အင်ဂျင်နီယာတွေများလာတာ၊ ကုမ္ပဏီသူဌေးတွေမှာ ငွေမည်းခ၀ါချလို့ ရောက်လာတဲ့ လှည့်ပတ်ငွေတွေများလာတာ ချက်ခြင်း ဖြစ်လာတဲ့အကြောင်းအရာမဟုတ်ပါဘူး။ ပညာကို သင်ယူခဲ့ကြတုန်းက အကောင်း၊ အဆိုး၊ အသင့်၊ မသင့်၊ အသုံးတည့်၊ မတည့်၊ ဒါတွေအတွက် သင်ခဲ့ကြတာပါ။ ဗိုလ်ချုပ်အောင်ဆန်းရဲ့ ပညာ အဓိပ္ပါယ်ဖွင့်ဆိုချက်အတိုင်းပဲ ဆက်လက်သုံးစွဲရပ်တည်မယ်ဆိုရင် မြန်မာပြည်ဟာ ပတိရူပဒေသအချက် စံချိန်မမီပါဘူး။ ပညာကို အသုံးချဖို့ စိတ်ရဲ့ လွတ်လပ်မှု၊ ပညာရှာသူရဲ့ လွတ်လပ်မှု၊ ပညာပေးသူရဲ့ လွတ်လပ်မှု၊ ပညာဆွေးနွေးရာမှာ လွတ်လပ်မှု ဒါတွေမရှိတဲ့ ဒေသဟာ ပညာရပ်တစ်ခု ထွန်းကား ရပ်တည် အသုံးကျဖို့ ပတိရူပဒေသ မမည်ပါဘူး။
အခု ဒီဆောင်းပါးရှင်တွေ့ပြီး မေးထားတဲ့အထဲမှာ ပေါ်လီကျောင်းဆင်းပြီး PR ဘ၀နဲ့ စကာင်္ပူနိုင်ငံသား-အိမ်ထောင်ဖက်လောင်းနဲ့ အခြေချမယ်ဆို ချဖို့ အဆင်သင့်ဖြစ်နေတဲ့ လူငယ်ပါပါတယ်။ (ခွင့်လွှတ်ပါနော်။ ကျွန်မတို့နဲ့ သက်တူရွယ်တူဖြစ်ပါတယ်။ အခု ဒီဆောင်းပါးက လူငယ်တွေအနေနဲ့ ရေးတာမို့ပါ၊) သူကတော့ အခုထိ စကာင်္ပူနိုင်ငံသားအဖြစ်ခံယူဖို့ စိတ်ကူးမရှိပါဘူးတဲ့။ အကြောင်းကတော့ မြန်မာပြည်မှာ ကျန်ခဲ့မယ့် မိသားစုကို သူ့အနေနဲ့ မစွန့်လွှတ်နိုင်လို့ပါ။ ဆောင်းပါးရှင်က မေးထားတဲ့ မိဘအတော်များများကို သုံးသပ်ထားတဲ့အချက်တစ်ချက်ရှိပါတယ်။ မိဘတွေက သားသမီးတွေကို မြန်မာနိုင်ငံကနေ ဝေးလေ ကောင်းလေဆိုပြီး ပို့ပေးကြတာပါတဲ့။ ဒီကလူငယ်တွေ မိုက်လိုက်တာလို့ ပြောချင်ပုံပါ။ ဒီလို ကျောင်းလာတက်ကြတဲ့ လူငယ်အများစုဟာ မိဘအိမ်မှာ ဘယ်လိုပဲ နေလာခဲ့ကြသည်ဖြစ်စေ၊ ဘယ်အဆင့်အတန်းမျိုးက လာခဲ့ကြသည်ဖြစ်စေ၊ မိဝေးဖဝေးဘ၀ရောက်တဲ့အခါ စိတ်ဓါတ်အားတင်းပြီး ကြိုးစားရပ်တည်ခဲ့ကြရတာချည်းပါပဲ။ ဒီအခြေအနေက ဘ၀ပေးအသိလို့ ခေါ်ရမယ်ထင်ပါတယ်။  
ဒီလူတွေ ထူးချွန်ထက်မြက်လာတဲ့အခါ အခြား နိုင်ငံတကာဆီကို ဆက်လက် ပြောင်းရွှေ့ပြီး သင်ယူမှု၊ အသုံးချမှုတွေ ဆက်လုပ်ပါတယ်။ ဒါပေမယ့် တံဆိပ်အကပ်ခံရတာက စကာင်္ပူပညာရေးစနစ်က ပေးတဲ့ တံဆိပ်နဲ့ပါ။ ကိုယ့်တိုင်းပြည်က လူရယ်လို့ မရပ်တည်နိုင်ဘဲ စကာင်္ပူနိုင်ငံမှာ ပညာသင်လာခဲ့တဲ့ ဘွဲ့၊ အတွေ့အကြုံတွေနဲ့ ရပ်တည်ရတာပါ။ အဲဒီအတွက် ကျွန်မတို့တွေ ဂုဏ်ယူနိုင်မယ် ထင်ပါသလား။ ကိုလိုနီခေတ်က ကာယဗလဦးဇော်ဝိတ်တို့၊ ဂျာမနီအိုလံပစ်ကို ရောက်ခဲ့ပါတယ်။ အစွမ်းပြခွင့်ရခဲ့ကြပါတယ်။ ဒါပေမယ့် အိန္ဒိယနိုင်ငံသားများအဖြစ် ပန်ချာပီဗောင်းထုပ်ကြီးတွေဆောင်းပြီး သွားခဲ့ကြရတာပါ။ ရှင်းရှင်းပြောရရင် ကိုယ့်တိုင်းပြည်က ကိုယ့်လူမျိုးတွေရဲ့ အရည်အချင်းတွေဟာ နေရင်းထိုင်ရင်းကိုပဲ လူမျိုးခြား၊ နိုင်ငံခြားတံဆိပ် အကပ်ခံနေရတာပါ။
ဒီအကြောင်းတွေထဲမှာ ကျွန်မ လူတစ်ချို့အကြောင်းကို ချန်ခဲ့ချင်ပါတယ်။ ဒါပေမယ့် သူတို့လည်း ပါမှ ပြည့်စုံမှာမို့ ထည့်ရေးရပါ့မယ်။ ‘ပြည်တွင်းဖြစ် မြန်မာနိုင်ငံခြားသားတွေ’ အကြောင်းပါ။ ကိုယ့်လူမျိုး၊ ကိုယ့်အရည်အသွေး၊ ကိုယ့်အခြေအနေကို အမေ့ကြီးမေ့ပြီး ကိုယ်ရောက်နေတဲ့ နေရာကို အသားကျလွန်သွားသူများပေါ့။ ဆရာကြီး လူထု ဦးစိန်ဝင်းက ပြတ်ပြတ်ပဲ ပြောသွားတဲ့ ဆောင်းပါးကို ဒီနေရာမှာ ဖတ်ကြည့်စေချင်ပါတယ်။ ဒါမျိုးတွေအတွက်တော့ ကျွန်မတို့က မြန်မာနိုင်ငံသားစာရင်းမှာ ထည့်မတွက်စေချင်ပါဘူး။
ပြည်တွင်းက အရည်အချင်းရှိသူများ ပြည်ပကို ရောက်ကုန်တဲ့ ဦးဏှောက်ယိုစီးမှုကို တတိယကမ္ဘာက ဖွံ့ဖြိုးမှုနည်းနေတဲ့/ဖွံ့ဖြိုးဆဲ နိုင်ငံတွေ အနေနဲ့ ရင်ဆိုင်ကြရတာ ထုံးစံပါ၊ ဘရာဇီးက ခြေထောက်ယိုစီးမှုလို့ ဘောလုံးသမားတွေသိကြပါတယ်။ ကျွန်မတို့ဆီက ယိုစီးသွားတဲ့ ဦးဏှောက်တွေ ဘယ်အချိန်ပြန်ရောက်လာမလဲ၊ ပတိရူပဒေသဖြစ်မယ့်အချိန်ကို စောင့်နေကြပါတယ်။ ပါလက်စတိုင်းတွေလို ကိုယ့်မြေကို စွန့်ခွာခဲ့ရသူတွေပါ။ ဒါပေမယ့် ဂျူးလူမျိုးတွေလို တိုင်းပြည်ထူထောင်ဖို့ ပြန်လာတဲ့အခါ ဦးဏှောက်အပြည့် ပါလာဖို့ပဲ ကျွန်မ မျှော်လင့်ပါတယ်။ စီးပွါးရေးအရတော့ ဂျူးတွေလို ကျောထောက်နောက်ခံရှိဖို့ မလွယ်ဘူးပေါ့ရှင်။ ကိစ္စမရှိပါဘူးလေ၊ ကမ္ဘာအရပ်ရပ်က ဘဏ်တွေမှာ ပြန့်ကျဲနေတဲ့ မြန်မာ့အဆီအနှစ်တွေကို ပြန်လည်အသုံးချခွင့်ရနိုင်ကောင်းပါရဲ့။ အဲဒီလို တိုင်းပြည်ထူထောင်ချိန်ကျရင်ပေါ့လေ။  😀
အရေးကြီးတာတစ်ခု မေ့ခဲ့တော့မလို့။ အခု စစ်အာဏာရှင်စနစ်က ထိုးကျွေးလို့ အစားခံနေကြရတဲ့ တတ်/သိ ပညာရှင်တွေဟာ အစားခံရတဲ့ဘ၀မှာ ပျော်မွေ့နေမယ်သာဆိုရင် နိုင်ငံတကာမှာ ရှိနေသမျှ မြန်မာသံရုံးတွေဟာ အခွန်တစ်ပြားတစ်ချပ်မှ ရတော့မှာ မဟုတ်ဘူးရှင့်။ ရောက်ရာနေရာမှာ နိုင်ငံသားအဖြစ် ခံယူသွားကြမှာကိုး၊ အခုထိတော့ ကျွန်မတို့ သိသမျှမှာ မြန်မာလူမျိုးတွေဟာ အခြား နိုင်ငံရဲ့ နိုင်ငံသားအဖြစ် ကူးပြောင်းမှု အနည်းဆုံးပဲလို့ ကြားရပါတယ်။ သံရုံးနဲ့ အခြား အခွန်ထမ်းစနစ်တွေ ဘယ်လိုပဲ နှိပ်စက်နှိပ်စက်၊ အခု ထိတော့ ကျွန်မတို့ မြေကို ကျွန်မတို့ မစွန့်လွှတ်ရသေးဘူးလို့ပဲ စိတ်ဖြေနေကြရပါတယ်။ မြန်မာပြည်တွင်းမှာ ပညာမတတ်လေ၊ ကောင်းလေဆိုတဲ့ စီမံချက်ကို တတ်နိုင်သမျှ အကောင်အထည်မပေါ်ရအောင် ကြိုးစားပြီး ပညာသင်ယူခဲ့၊ သင်ယူဆဲ လူငယ်များဘ၀တုန်းက ကျွန်မတို့ ရုန်းကန်ခဲ့ကြပါပြီ။ ဆက်လက် ရုန်းကန်နေကြတုန်းပါပဲ။ ကိုယ်လုပ်နိုင်သမျှ အကောင်းဆုံးဖြစ်အောင်ပေါ့။

မြန်မာကလေးများ၊ အနာဂတ်ပျောက်ဆုံးခြင်းနှင့် စကာင်္ပူ ကျောင်းများ-၁

အမှန်တော့ link တစ်ခုနဲ့ မူရင်းစာကို ချိတ်ပေးချင်တာပါ။ Straits Times က အလကားအလကား Subscription ၀င်လို့မရပါဘူးတဲ့။ ဟုတ်သားပဲ၊ Readers’ Digest လို သူတို့အားကျရတဲ့ စာစောင်မျိုးတွေလောက် ပရိသတ် အင်အား မရှိတော့ ရှိပြီးသားစောင်ရေလေး ကျသွားမှာစိုးတာနဲ့ online subscription ကို ကန့်သတ်ထားပါတယ်။ သည်းခံကြပါနော်။ ကျွန်မရေးသမျှပဲ မြင်ရတော့မှာပေါ့။ တစ်ဖက်သတ်ကြီးမို့ အားတော့နာသား။

မြန်မာကလေးတွေ စကာင်္ပူကို ကျောင်းလာတက်ကြ၊ ကျောင်းပြီးကြတော့လည်း အလုပ်လုပ်ကြ၊ ဒါမှမဟုတ် အလုပ်လာရှာကြ၊ အဆင်ပြေတော့လည်း ကျောင်းတက်ကြ ဆိုတာ စကာင်္ပူရောက်/မရောက် မြန်မာတွေ တော်တော်များများ သိပြီးသား ဘ၀ထွက်ပေါက် ဖော်မြူလာထဲမှာ ပါပါတယ်။ ကျွန်မကိုယ်တိုင် စာသင်ပြတဲ့ Study Guide ဘ၀နဲ့ စကာင်္ပူသင်ရိုးအတိုင်းသင်တဲ့ ကလေးတွေကို ကြုံဆုံဖူးပါရဲ့။ မိဘအနေနဲ့ ကိုယ့်ဝန်ကိုယ့်အား ခံနိုင်မယ်ဆိုရင် ကိုယ့်သားသမီးကို စကာင်္ပူကို ကျောင်းပို့ထားတာက မြန်မာပြည်ထက်တော့ တိုးတက်မှုမြန်မယ်ဆိုတာ သိသားပေါ့ရှင်။ ဒါကြောင့်ကိုပဲ မြန်မာပြည်မှာ education fair တွေ မကြာမကြာလုပ်ပြီး စကာင်္ပူကျောင်းတွေ ဈေးကွက်ရှာနေကြတာပေါ့။ အောင်လည်း အောင်မြင်ကြပါတယ်။ ဒီဆောင်းပါးမှာ စာရေးသူ Sandra Davies (ကျွန်မက ထင်မိထင်ရာဖတ်လိုက်မိတာ စန္ဒာဒေ၀ီ ပေါ့- senior writer ဆိုပဲ) က သေသေချာချာ (အတော့်ကို သေသေချာချာ) စစ်တမ်းကောက်ပြီး ရေးထားပါတယ်။ ခြွင်းချက်တော့ ရှိသပေါ့- သူမေးတာ RV ကိုပါ။ စကာင်္ပူလူမျိုးက ထောင်ထားတဲ့ မြန်မာပြည်မှ စကာင်္ပူသို့ ကျောင်းသားကုန်ကူးလုပ်ငန်းပါ။ တခြား service တွေရှိပေမယ့် သူမေးဖို့ အခွင့်မသာဘူးနဲ့တူပါရဲ့။ ကဲ- စာရေးသူ အပုပ်ချမှုတော့ တော်ပါတော့မယ်။ စာအကြောင်း ဆက်ပြီး ဝေဖန်၊ လေကန်ပါမယ်။

သူ့ဆောင်းပါးကို ကျွန်မ ဥာဏ်မီသလောက် လိုက်ဖတ်ကြည့်လိုက်တာ မြန်မာတစ်ပြည်လုံးက ရှိသမျှ အိမ်ထောင်စုတွေရဲ့ အိပ်မက်က စကာင်္ပူတွင် ကျောင်းတက်ရန်၊ ထို့ထက်ပိုလျှင် (ကိုလိုနီအရှင်သခင်ဟောင်းဖြစ်သော) ဗြိတိန်သို့သွားရန်၊ ထိုသို့မသွားလျှင် မိသားစုအတွက် အနာဂတ်လုံးဝမရှိကြောင်းလို့ ပြောထားတာတွေ့ပါတယ်။  ရှင်းရှင်းပြောရရင် စကာင်္ပူ စီးပွါးပျက်ကပ်ကာလကို မြန်မာ မိသားစုများရဲ့ ပညာရေးအသုံးစရိတ်နဲ့ ကျားကန်ဖို့လို့ပဲ ကျွန်မ နားလည်လိုက်ရတယ်။

မြန်မာပြည်မှာ Education Fair လုပ်တိုင်း တစ်ခဲနက် စိတ်ဝင်စားကြကြောင်း၊ အဓိက မေးတာက ကျောင်းပြီးရင် အလုပ်ရဖို့ဖြစ်ကြောင်း၊ ပေါ်လီကျောင်းဆင်းပြီးရမယ့် အနိမ့်ဆုံးအခြေခံလခ ၁၈၀၀ ဆိုတာ စကာင်္ပူနိုင်ငံသားတွေအတွက် တော်သင့်ရုံ ဖြစ်ကောင်း ဖြစ်ပေမယ့် မြန်မာအိမ်ထောင်စုတွေအတွက် ရွှေပုံကို ခလုတ်တိုက်ရသလိုဖြစ်ကြောင်း (ဒါကိုသူက မသိမသာ သာသာထိုးထိုး ရေးသွားပါတယ်)၊ ဒါကြောင့် လူလတ်တန်းစား (သူပြောသွားသလိုဆိုရင် အသေးစားစီးပွါးရေး လုပ်ငန်းရှင်များ၊ စစ်ဘက်ဆိုင်ရာနှင့် တန်းတူလိုက်သော ပိုင်ဆိုင်မှုရှိသူများ) အိမ်ထောင်စုတွေဟာ ရှိစုမဲ့စု ကားရောင်း၊ အိမ်ပေါင်ပြီး သားသမီးများကို စကာင်္ပူမှာ ကျောင်းထားဖို့ ရွေးချယ်ကြကြောင်း၊ သူပြောသွားတဲ့အချက်အလက်တွေက မမှန်လို့လားဆိုတော့ မှန်လွန်းအားကြီးလို့ စိတ်တောင် အတော် နာဖို့ကောင်းသွားတယ်။ ကိုယ့်ဘ၀ကိုယ်လေ၊ မြန်မာပြည်မှာ လူဖြစ်ရတာ ဘယ်လောက်များ အောက်ကျနောက်ကျ နိုင်လိုက်လဲ။

မျက်နှာဖုံးမှာ တင်ထားတဲ့ ကလေးမလေးက ၇ နှစ်သမီးပါ။ သူပြောထားတာက သူ့အတွက် စကာင်္ပူသင်ရိုး (အထူးသဖြင့် သချာင်္ဘာသာရပ်)ဟာ ခက်ခဲတဲ့အကြောင်း၊ ဒါပေမယ့် သူ့မိဘတွေအနေနဲ့ သူဒါကို ကျော်ဖြတ်နိုင်ဖို့ မျှော်လင့်ထားကြောင်းနဲ့ စပြောထားတာပါ။ မြန်မာကလေးတွေရဲ့ သင်ရိုးညွှန်းတန်းဟာ ခေတ်နဲ့ လျော်ညီခြင်းမရှိတဲ့အတွက် ဒီလို အခက်အခဲမျိုးတွေ တွေ့ကြုံရတာလို့လည်း ပြောပါတယ်။ အထူးသဖြင့် အင်္ဂလိပ်စာ သင်ခန်းစာများဟာ အခြေခံကျလွန်းတဲ့အတွက် မြန်မာကျောင်းသားများအနေနဲ့ ဘာသာစကား အခက်အခဲ ကြုံကြရတယ်လို့ ဆိုပါတယ်။ သူ ၀န်ခံထားရတာကတော့ သချာင်္နဲ့ သိပ္ပံဘာသာရပ်တွေမှာ မြန်မာကျောင်းသားတွေရဲ့ ထူးချွန်မှုပါပဲ။ ဒါကြောင့် ခပ်ပါးပါးလေးပဲပြောသွားတာ တွေ့ရပါတယ်။

အဲဒီဆောင်းပါးရဲ့ အထောက်အကူအဖြစ် စကာင်္ပူမှာ ပိုလီကျောင်းဆင်းပြီး အလုပ်လုပ်နေကြပြီဖြစ်တဲ့ မြန်မာလူငယ်တွေကို မေးမြန်းထားတဲ့ ဆောင်းပါး၊ ပေါ်လီကျောင်းမှာ ထူးချွန်ဆုတွေ တစ်သီကြီးရခဲ့တဲ့ မြန်မာနိုင်ငံထွက် ကျောင်းသားတွေရဲ့ မိဘတွေကို မေးမြန်းထားတဲ့ ဆောင်းပါး၊ ပြီးတော့ ကျောင်းဝင်ခွင့်ရဖို့ ကြိုးစားနေတဲ့ ကျောင်းသားတစ်ချို့ရဲ့ သဘောထားမေးမြန်းမှုဆောင်းပါးတွေကို အထူး Special Report (အောက်တိုဘာ ၁၁ရက် စနေနေ့ထုတ်) Singapore Dreaming အနေနဲ့ ပံ့ပိုးထားပါသေးတယ်။

သူ့မူရင်းဆောင်းပါး စကာင်္ပူကျောင်းတက်ရေး အိမ်မက်-ကို သိုင်းဝိုင်းထားသမျှဆောင်းပါးတွေမှာ သိသိသာသာ အကြိမ်ကြိမ်ဖော်ပြထားတာ မြန်မာပြည်ရဲ့ အထည်ကြီးပျက် ပညာရေးစနစ်နဲ့ ချွတ်ခြုံကျ စီးပွါးရေးအခြေအနေကိုပါ။ ကောင်းပြီ၊ ကျွန်မ အထည်ကြီးပျက်လို့ နာမည်တပ်တာ အကြောင်းရှိပါတယ်။ လွတ်လပ်ရေးရပြီးကာစ မြန်မာနိုင်ငံရဲ့ ပညာရေးအဆင့်အတန်းဟာ အရှေ့တောင်အာရှမှာ လေးစားရလောက်တဲ့အခြေအနေမှာရှိကြောင်း၊ မြန်မာနိုင်ငံဟာ သဘာဝအရင်းအမြစ်များစွာ ကြွယ်ဝကြောင်း၊ စစ်အစိုးရ ၁၉၆၂ ခုနှစ်မှာ တက်လာတာကစလို့ အခြေအနေတွေ ဆိုးဝါးနိမ့်ကျလာကြောင်း၊ ဒါတွေ လူတိုင်းသိပြီးသားပါ။ အထည်ကြီးပျက်ဆိုတာ နဂို မရှိတာကို အတင်းကောက်စုပြီး ရှိအောင်လုပ်လို့ ရှိမလာနိုင်တဲ့ အကောင်းတွေ ကျန်နေတတ်ပါသေးတယ်။ ဟောင်းပေမယ့် ကောင်းသေးတာမျိုးပေါ့ရှင်။ မကောင်းတာက တစ်မျိုးပဲရှိတယ်။ “ငါ အဲဒီလောက် မနိမ့်ကျသေးဘူး” လို့ ကိုယ့်စိတ်ကိုယ် လှည့်စားတဲ့အကျင့်၊ အဲဒါ အထည်ကြီးပျက်ဘ၀ရဲ့ ဆိုးကွက်ပဲလို့ ကျွန်မ ယူဆတယ်။ မြန်မာနိုင်ငံရဲ့ သင်ရိုးညွှန်းတမ်းဟာ အတန်းစဉ်အလိုက်ပဲဖြစ်ဖြစ်၊ တစ်နှစ်စာအတွင်းပဲဖြစ်ဖြစ် သေသေချာချာ အကောင်အထည်ဖော်နိုင်၊ သင်နိုင်ရင် အင်မတန်ကောင်းတဲ့ အစီအစဉ်ဖြစ်ကြောင်း ဆရာအိုကြီးများ ပြောလေ့ရှိကြပါတယ်။ မှန်ပါတယ်။ သင်ရိုးဟာ ကောင်းပါတယ်။ လွယ်ကူနီးစပ်တဲ့အခြေခံကနေ လက်တွေ့အသုံးချအဆင့်အထိ စီကာစဉ်ကာ ပညာပေးသွားတာ အလွန်ကောင်းပါတယ်။ သို့သော်- ဆရာ/ဆရာမတွေခမျာ စာသင်ချိန် ကောင်းကောင်းမရကြရှာပါဘူး။ စာသင်ချိန်မှာ တာဝန်ကျ လက်ပတ်ပတ်ပြီး ကျောင်းစောင့်ရပါတယ်။ အခြား အရည်မရ၊ အဖတ်မရ၊ ဘာမဆိုင်၊ ညာမဆိုင် အစည်းအဝေးတွေမှာ ၀တ်စုံပြည့် တက်ရောက်ရပါတယ်။ ဟိုစာပိုဒ်ဖြုတ်၊ ဒီစာပိုဒ်ဖြည့်ဆိုတဲ့ ဘာမဟုတ်၊ ညာမဟုတ် သင်ရိုးပြင်ဆင်ချက်တွေ မကြာခဏပြောင်းတိုင်း သင်ရိုးမွမ်းမံသင်တန်း ပြေးတက်ပြီး နောက်ဆုံးတော့ ရသမျှအချိန်လေးမှာ သိချင်သလောက်သာ သိသွားပါစေတော့ရယ်လို့ စိတ်လျှော့ပြီး သင်နိုင်သမျှလေးတွေ အပြေးအလွှားသင်ပေးလိုက်ကြရပါတော့တယ်။ ဒါ – စေတနာ ဆရာ/ဆရာမများ ကြုံကြရတဲ့ ဒုက္ခပါ။

တပည့်တွေမှာလည်း မျက်စိသူငယ်၊ နားသူငယ်နဲ့ မူကြိုတက်ပါပြီဆိုကတည်းက ကျောင်းကြီးမှာသင်မယ့် စာတွေကို ကြိုတင် သင်ယူကျက်မှတ်ကြရပါပြီ။ အဲဒီလောက် အခြေခံခိုင်အောင် ဘယ်လိုများ သင်လိုက်ကြလဲ မသိပေမယ့် အတန်းကြီးလာလေ၊ ကိုယ်သင်တဲ့စာနဲ့ ကိုယ်နဲ့ အလှမ်းကွာလာလေ ဖြစ်ဖြစ်လာကြတာ များပါတယ်။ ဒီနှစ်သင်လိုက်တဲ့စာဟာ နောက်တစ်နှစ်အတွက် ကြိုတင် သိထားသင့်တဲ့ အခြေခံအချက်တွေဆိုတာ မဟပ်မိသရွေ့ ကိုယ့်မှာရှိတဲ့ ကောင်းတဲ့အချက်ကို ထုတ်သုံးတတ်ဖို့ မဖြစ်နိုင်ပါဘူး။ ကျွန်မဟာ ပညာရေး အသိုင်းအ၀ိုင်းက လာသူပါ။ မူလတန်းပြဆရာမ၊ လက်ထောက်တိုင်းပညာရေးမှူး (အငြိမ်းစား)နဲ့ ပါရဂူဘွဲ့ရ တက္ကသိုလ် လက်ထောက်ကထိက ဆိုတာ မိသားစုဝင်တွေဆိုတော့ ပညာရေးလောက တစ်ခုလုံးနဲ့ နည်းနည်း နီးစပ်တယ်ပြောရမှာပေါ့ရှင်၊ (ကြုံတုန်း ကြွားထားမှ  😀 ) ကျွန်မကိုယ်တိုင်ကတော့ ကိုယ့်အသိပညာကို အချိန်နဲ့ ၊ ငွေနဲ့ လဲတဲ့ Study Guide လုပ်ခဲ့ဖူးပါတယ်။ စုံပြီနော်။

မြန်မာပြည်ရဲ့ သချာင်္သင်ရိုးညွှန်းတမ်းဟာ အင်မတန် ပြည့်စုံပြီး အဆင့်မီတဲ့သင်ရိုးဖြစ်ပါတယ်။ စဉ်းစားတွေးခေါ်မှုကို အလွန်အားပေးတဲ့အတွက် သချာင်္ကို အခြေခံတဲ့ ပညာရပ်တွေကို ဆက်လက်သင်ယူသူများအားလုံး အခြားအခြေအနေများမှာ လိုက်မမီဘူးဆိုတာ မဖြစ်နိုင်သလောက်ပါပဲ။ မြန်မာပြည်ရဲ့ အင်္ဂလိပ်စာ သင်ရိုးဟာ အချိန်နဲ့ သိရမယ့်အကြောင်းအရာ တိုက်ဆိုင်ကြည့်ရင် ကိုက်ညီမှုရှိပါတယ်။ အခြေခံပညာ သင်ရိုးမှာ ၀ါသနာပါသူများ ပြန်ကြည့်ကြည့်ပါ။ သဒ္ဒါနဲ့ ဝေါဟာရကို တွဲဖက်ပေးသွားတဲ့စနစ်ဟာ ပြည့်စုံမှု ထိုက်သင့်သလောက်ရှိပါတယ်။ လေ့လာစရာ စာပေများကို ပြဌာန်းတဲ့အခါ ကျယ်ကျယ်ပြန့်ပြန့် မညွှန်းတဲ့အတွက် ထိုက်သင့်သလောက်လို့ ပြောတာပါ။ အမှန်တော့ အောက်သက်ကျေသူများ သိကြပါလိမ့်မယ်။ အခက်အခဲရယ်လို့ ပြောစမှတ်တွင်လောက်အောင် ကိုယ့်ပညာအခံက မနိမ့်ကျသေးပါဘူး။ ပတ်ဝန်းကျင်ခေတ်အခြေအနေနဲ့ လိုက်လျောညီထွေဖြစ်တဲ့ အသုံးအနှုန်းတွေ၊ တွက်ချက်မှုစနစ်တွေသာ ဖြည့်သွင်းလိုက်ရင် ခေတ်မီဆဲပါ။

စိတ်မကောင်းစရာတစ်ခုကတော့ မြန်မာသမိုင်းပါ။ အမှန်ကို သိမှ သင်ခန်းစာယူနိုင်မှာဖြစ်တဲ့ သမိုင်း-ဆိုတာကို အရောင်ဆိုးတဲ့ သင်ခန်းစာတွေ ထည့်သွင်းလိုက်တဲ့အတွက် အုတ်အရောရော ကျောက်အရောရော သမိုင်းဖြစ်ပြီး နိုင်ငံကြီးသားအထည်ကြီးပျက်ဘ၀ကို ပိုပြီး အားပေးနေသလို ဖြစ်ပါပြီ။ သင်ရိုး စီစဉ်ပုံ ကောင်းသော်ငြား ထည့်သွင်းတဲ့ သင်ခန်းစာ အမှားများကြောင့် လေ့လာသူ စိတ်ဆင်းရဲရပါလိမ့်မယ်။ ဒီဘာသာရပ်မှာ သေသေချာချာ တန်ဖိုးထားပြီး လေ့လာလိုက်စားသူ မကျန်တော့သလောက်ဖြစ်နေပါပြီ။ ခုထိ တင်းခံထားတာကတော့ ပထ၀ီဝင်ဘာသာ လို့ ပြောရပါလိမ့်မယ်။ တကယ် စိတ်ပါဝင်စား သင်ယူမယ်ဆိုရင် မြန်မာပြည် ပထ၀ီသင်ရိုးဟာ (စာရင်းဇယားလိမ် ကိန်းဂဏန်း များကလွဲရင်) concept မိတုန်းပါ။ ဆက်လက် လေ့လာမယ်ဆိုရင် အခြေခံကောင်းတွေ ရနိုင်ဆဲပါ။ လေ့လာသူပေါ်မူတည်ပါတယ်။

အဆင့်မြင့်ပညာရေးဆိုတာကျတော့ ကျွန်မကိုယ်တိုင် ကြုံတွေ့ခဲ့ရတဲ့အတိုင်း ပြန်ပြောပြပါမယ်။ ပံ့ပိုးမှု မဖြစ်စလောက်နဲ့ ကျပ်တည်းလှတဲ့ အချိန်ကန့်သတ်ချက်ကြားမှာ အကောင်းဆုံး စီမံခန့်ခွဲသူတွေ ပေါ်ထွက်လာစေပါတယ်။ သင်ရိုးအရဆိုရင် အခု တိုးတက်နေတဲ့ နည်းပညာများအားလုံးရဲ့ အခြေခံသဘောတရားများကို နားလည် ဆုပ်ကိုင်နိုင်ရပါ့မယ်။ အချိန်ကန့်သတ်ချက်အရ အဲဒီသင်ရိုးရဲ့ အခြေခံသဘောကို နားလည်ရုံမျှသာ ကျွန်မ တတ်နိုင်ခဲ့ပါတယ်။ ပိုဆိုးတာက ကျွန်မ အထူးပြုယူထားတဲ့ အီလက်ထရွန်းနစ်နဲ့ ဆက်သွယ်မှု နည်းပညာဆိုတာ ကမ္ဘာမှာ တိုးတက်မှုအမြန်ဆုံးနည်းပညာထဲမှာ ပါပါတယ်။ သင်ထောက်ကူပစ္စည်း၊ လက်တွေ့စမ်းသပ်မှု၊ လက်တွေ့ခန်း အသုံးပြုမှုအားနည်းချက်တွေ ရှိတာမှန်ပေမယ့် ကျွန်မတို့ဟာ ကိုယ့်စားရိတ်နဲ့ကိုယ် စာအုပ်ရှာ၊ ပစ္စည်းစု၊ (ကျူရှင်တက်တဲ့လူလည်း တက်ကြတာပေါ့လေ) သင်ကြားမှုနည်းစနစ်၊ လေ့လာမှုနည်းစနစ်များ အများကြီး တိုးတက်လာခဲ့ပါတယ်။ (စာစုကျက်၊ Assignment စုတင်၊ စာကြည့်တိုက်မှာ စာအုပ်လုငှါး၊ သူများလုပ်တဲ့ ပရောဂျက်မှာ ယောင်ဝါးဝါးလိုက်ပါ) ဆိုတဲ့ အခြေခံ နည်းပညာများအပြင် အင်တာနက်မှ လေ့လာစရာ ရှာဖွေခြင်း၊ ကိုယ်သင်ထားသမျှကို အခြေခံပြီး ကိုယ်လိုက်မမီအောင် တိုးတက်တီထွင်ထားသမျှ ပါးစပ်အဟောင်းသား ကြည့်ခြင်းဆိုတဲ့ အဆင့်မြင့် လေ့လာမှုနည်းပညာများပါ တတ်မြောက်ခဲ့ရပါတယ်။ ဒါက အဆင့်မြင့်ပညာ လေ့လာမှုပါ။

အဲဒီလို ကောင်းတဲ့အချက်လေးတွေရှိနေပေမယ့်လည်း မြန်မာပြည် ပညာရေးစနစ်ဟာ နာမည် မကောင်းရှာပါဘူး။ တက္ကသိုလ်ပေါသလောက် ပညာရေး အဆင့် မြင့်မလာသလို၊ ပါရဂူ များပြီး တွေ့ရှိမှုတွေလည်း သစ် မလာပါဘူး။ တံဆိပ်ကပ်ခံထားရတယ်လေ – အထည်ကြီးပျက်ပါ လို့။ နိုင်ငံတကာကို ထွက်သွားလို့ ပါရဂူ ၂၃ ယောက်ကို သိပ္ပံနဲ့နည်းပညာဝန်ကြီးဌာနက တရားစွဲ အကြွေးတောင်းတာလေး ပြန်ကြည့်ကြည့်ပါ။