လွဲလွဲလေးလည်း ကောင်းပါတယ်

အလွဲကြီး –

သူငယ်ချင်းတွေဆီကနေ စာတွေ ဖော်ဝပ်ရင်းနဲ့ (ကိုယ်တိုင်အတွက်) အတော် ကို့ရို့ကားယားနိုင်တဲ့ စာတစ်စောင် ကော်ပီအများကြီးရောက်လာပါတယ်။ ဘာသာရေးဆိုင်ရာကိစ္စပါ။ အများကြီးတော့ မပြောချင်ပါဘူး။ ဒါပေမယ့် ထော်လော်ကန့်လန့်ဖြစ်နေတယ်ထင်လို့ နည်းနည်းပါးပါးပြောပြီး Reply All လုပ်လိုက်ပါတယ်။ ကိုယ်ပို့လိုက်တဲ့သူတွေထဲက တစ်စုံတစ်ယောက်က သူ့ကိုယ်ပိုင်ဘလော့မှာ ၏၊ သည်၊ ၍ မလွဲ အကုန်ကူးချပြီးသကာလ သူဒီလိုရေးဖို့ စိတ်ကူးပေါက်အောင် mail ပို့ပေးတဲ့ ကိုယ့်ကို ကျေးဇူးတင်ထားပါတယ်။

အလွဲလတ် –

သူငယ်ချင်းတစ်ယောက်အတွက် စာနဲ့ စီဒီခွေတစ်ခွေကို တခြား သူငယ်ချင်းတစ်ယောက်က ပို့လိုက်ပါတယ်။ ကိုယ့်အိမ်လိပ်စာနဲ့ဆိုတော့ လာရွေးဖို့ စာတိုက်ကနေ စာဆင့်သွားပါတယ်။ ပစ္စည်းရှင် သူငယ်ချင်းက Jurong East မှာ နေပါတယ်။ ကိုယ့်နေရာနဲ့ အရှေ့ဖျား/အနောက်ဖျားပါ။ သူတို့အနားက IMM မှာ Singpost က စာတိုက်ရှိတယ်လို့ပြောပါတယ်။ သူတို့ဘက်ကို လွှဲပြီး ပို့ခိုင်းပေးပါလို့ ဆိုပါတယ်။ ဖုန်းထဲကနေ လမ်းညွှန်ချက်ပေါင်းစုံ၊ Postal Code ပေါင်းစုံ၊ ခလုပ်ပေါင်းစုံ နှိပ်ပြီးတဲ့အခါ စိတ်လက်ပေါ့ပါးပြီး ရောက်သွားပြီဟေ့ လို့ သူငယ်ချင်းကို လှမ်းအကြောင်းကြားလိုက်ပါတယ်။ ရောက်တော့ ရောက်သွားပါတယ်။ Jurong Point ကိုပါ။

အလွဲလေး –

Site ကနေ ၀ိုင်ယာကြိုးနမူနာတစ်စ ပေးပြီး အဲဒီဝိုင်ယာအရွယ်အစားအတွက် ပစ္စည်း ၃ခု ဒီနေ့ မှာပေးပါလို့ ပြောသွားပါတယ်။ ၀ိုင်ယာတွေကို Distribution Board မှာ ဆင်နေပြီဆိုတော့ Labeling အတွက် အတော် ဦးနှောက်ခြောက်နေရတဲ့အချိန်ပါ။ အဲဒီ ၀ိုင်ယာအရွယ်အစားက Label တပ်ရမယ့်စာရင်းမှာ မရှိတဲ့အတွက် သူနဲ့သင့်တော်တဲ့ လက်သန်းလုံးအရွယ် အဖြူရောင် Labeling Plastic Tube အဆင်သင့်မရှိ ဖြစ်နေပါလေရော။ ဒါနဲ့ site ကို နောက်တစ်ကြိမ် confirm လုပ်တော့ 3/4″  Brass Gland မှာတာ ဖြစ်သွားပါတယ်။ (Nut ခေါင်းလို ပုံစံမျိုးလေ ၊ အတော်နီးစပ်တယ်နော်)။

*******                               ********                                   ********

အလွဲကြီး နောက်ဆက်တွဲ – ဘာမှတော့ မပြောဖြစ်ပါဘူး။ နောက်ထပ်လည်း ဆက်မပြောဖြစ်တော့ဘူးလေ။ ကိုယ် ပြောမိသမျှ သူ အသုံးတည့်ချင်တဲ့နေရာမှာ သွားတည့်နေဦးမှာကိုး။ WeSheMe က ပြောတဲ့ Privacy ကို Trade လုပ်တယ်ဆိုတာကို သတိရမိသွားတယ်။ ကိုယ်ကတော့ Communication ကနေ အမြတ်ထုတ်ခံလိုက်ရတာ လို့ပဲ မှတ်လိုက်ပါတယ်။

အလွဲလတ် ဖြေရှင်းပုံ – သူငယ်ချင်းကို ပေးလိုက်ပြီးသား ပစ္စည်းရွေးရမယ့်စာရွက်ကို သူ့ဆီမှာ ပြန်သွားယူပြီး မနက်ဖြန် Jurong Point မှာ သွားရွေးပေးလိုက်တော့မှာပါ။ ကိုယ်စားရွေးပေးလို့ရတယ်ဆိုတာ လုံးလုံး သတိမရမိခဲ့ဘူးလေ။

အလွဲလေး – ကတော့ ဖြေရှင်းစရာမလိုတော့ပါဘူး။ ကိုယ့်ဘာသာကိုယ် လူမသိလိုက်ဘဲ လွဲသွားတာဆိုတော့ ခုမှ လူစုံတဲ့နေရာ လာပြီး တိုးတိုးတိတ်တိတ် ပြောပြတာ။ မသိလိုက်ဘူးမဟုတ်လား။ မကြားလိုက်ဘူးလို့ မှတ်လိုက်နော်။ 😛

ခေတ်မီလိုက်ရင် ကောင်းမလား!

ခက်တော့ အခက်သား။ စကာင်္ပူမှာ လူ ၁၄၀ ကျော် ကူးနေပြီဖြစ်သော H1N1 သည်းသည်းလှုပ်နေခိုက်မှာ ဖျားသည်။ ကွေးတော့ မကွေးပါ။ လူက မိုးတိုးမတ်တပ် သွားလိုက်လာလိုက်နှင့်။

ဇာတ်လမ်းအစ – ကြာသာပတေးနေ့နှင့် သောကြာနေ့ နှစ်ရက်ဆက်၍ Site သွားသည်။ ကြာသာပတေးနေ့ကတော့ မသိသာသေး။ တောက်လျှောက် ပင်ပန်းထားပြီး သောကြာနေ့လည်မှာ ရုံးကို ပြန်ရောက်တော့ ချွေးတွေ စိုနေရာက အဲကွန်းတန်ခိုးနှင့် ချက်ချင်း ခြောက်ခြောက်သွေ့သွေ့ ဖြစ်သွားပြီး အစိုဓါတ်က နှာခေါင်းဘက် ပြောင်းရွှေ့သွား၏။ သည်အချိန်မှာ စနေနေ့ပြန်မည့် လူကြုံက ပြည်အထိ ရောက်မည်ဆိုသောအခါ — အိမ်ကို လူကြုံပေးရန် ဖုန်းဆက် မေးကာ ညနေရုံးဆင်းချိန်တွင် အပြေး အလွှား ဈေးသွားဝယ်ပါသည်။ Mustafa တွင် ဟိုဘက်၊ ဒီဘက် အဆောက်အဦးနှစ်ခုလုံးကို တက်လိုက်ဆင်းလိုက် ပစ္စည်း ရှာခြင်း၊ ၀ယ်ခြင်းများ ပြီးသည့်နောက် ည ၈ နာရီကျော်။ လူကြုံပေးခြင်းကိစ္စ ပြီးသည်နှင့် အိမ်ကို ငွေလွှဲရန် City Hall ဘက် ခြေဦးလှည့်သည်။ လူကြုံလိုချင်သည် ပြောသော ယုန်မွေးဆွယ်တာ- ပင်နီဆူလာမှာ မြင်ဖူးသလိုလိုပဲဆိုပြီး အထပ်စေ့ ပတ်သည်။ မူစတာဖာတစ်ပတ်နှင့် ညီမျှသောအခါ ခြေကုန်လက်ပန်းကျလာပြီး မတွေ့ကြောင်း အဖြေထွက်လာ၏။ သည်လိုနှင့် အိမ်ပြန်သည့် အခြေအနေဖြစ်တော့ ည ၁၀နာရီခွဲ။ အိမ်ရောက်တော့ Panadol Extra တစ်လုံး ပါးစပ်ထဲ ပစ်ထည့်ကာ မှောက်သွားသည်။ ချွေးလေး စို့ကာ နေသာ ထိုင်သာ ဖြစ်သွားသည်။ `ငါ မဖျားသေး´။

စနေနေ့မနက် နိုးလာတော့ ကောင်းကောင်း မကြည်လင်။ ရုံးမသွားချင်သော ရောဂါအဖြစ် ကိုယ့်ကိုယ်ကို သတ်မှတ်လိုက်တော့ ဖျားသည့်ဘက် မလှည့်လိုက်နိုင်။ `တောင်လှည့်၊ မြောက်လှည့်နဲ့ ရုံးချိန်ပြီးသွားမှာပါ´- ကိုယ့်ကိုယ်ကို အားပေးကာ အဲကွန်းခန်းထဲ သွားငုတ်တုတ်ထိုင်လိုက်သည်။ လာလေ့- နေ့တစ်ဝက်။ ရုံးဆင်းသော် ခါတိုင်းကဲ့သို့ ပင်နီဆူလာ၊ လမ်းပြကြယ်တို့ဘက် မလှည့်နိုင်တော့။ အိမ်တန်းပြန်သည်။ ကောင်းကောင်း ဖျားရန် အရှိန်ယူသည်။ ဖြစ်ချင်တော့ တနင်္ဂနွေနေ့တွင် ဂျိုဟိုးလမ်းညွှန် ကူညီ မ,စဖူးသော ညီမလေးက မင်္ဂလာဆောင်မည်။ ကိုယ့်ကိုယ်ကို ဖျားခွင့်မပြုနိုင်ပြန်။ သည်လိုနှင့် တောက်လျှောက် ဖျားခွင့်မရရှာသော ခန္ဓာကိုယ်က တနင်္လာနေ့တွင် ဆန္ဒပြပါသည်။ ဘယ်လိုမှ မကြည်လင်ပါ။

MRT Station နှင့် ရထားပေါ်တွင် တချို့ကလေးများကို မျက်နှာဖုံးစွပ်လျက်သား တွေ့လာရသလို၊ ကလေးအမေ အချို့လည်း မျက်နှာဖုံးကိုယ်စီ နားရွက်မှာ ချိတ်လာကြသည်။ သူတို့ကြည့်ရသည်မှာ အတော်ပင် ကို့လို့ကန့်လန့်နိုင်နေပြီး သူတို့ကိုယ်တိုင်ကလည်း စိတ်မသက်မသာ ဖြစ်နေပုံရပါသည်။ သို့ဖြင့် အချိန်များမကြာမီ သူတို့လည်း မျက်နှာဖုံးစွပ်လေးများကို ဖြုတ်သွားကြ၏။ သို့သော် အချို့အချို့သော သူများကား တာဝန်သိပြည်သူများပီသနေကြလေရာ ကိုယ်တိုင် တစ်ရှူးလေးကွယ်ကာ ဟတ်ချိုး ချေခါနီးချိန်တွင် နံဘေးမှ မျက်နှာဖုံးစွပ်များကို ကြည့်ရင်း နည်းနည်း အားနာလာပါသည်။

Today မှ `အော်သံ´ ကဏ္ဍတွင် ကလေးမိခင်တစ်ဦးက ရေးထားသည်။ “You may survive, but my son won’t”၊ သူ့သား ၁၀လသားကလေး မွေးရာပါ ရောဂါကာကွယ်မှု အားနည်းနေသောကြောင့် ဆေးရုံတက်ကာ ကုသမှု ခံယူနေရသည်။ အကယ်၍သာ ယခုအချိန် ပြင်ပမှ အခြားရောဂါများ ကူးစက် ရရှိခဲ့လျှင် မည်သို့မှ ကယ်နိုင်ရန် လမ်းမရှိတော့။ သို့ဖြစ်၍ —–  ကိုယ့်ကိုယ်ကို ဘာမှတော့ မဖြစ်နိုင်ပါဘူးဆိုပြီး လွတ်လွတ်လပ်လပ် လျှောက်သွားနေကြသော၊ မိမိကိုယ်တိုင် မသိနိုင်သည့် ရောဂါပိုးသယ်ဆောင်သူများကို သူ တောင်းဆိုထားသည်က-`ကာကွယ်ခြင်းဖြင့် ကယ်တင်ကြပါ´။

Mask သုံးခြင်း၏ ကောင်းကျိုးများအား မသိမဟုတ်၊ သိပါ၏။ သိပါသော်လည်း – မျက်နှာဖုံးစွပ် တပ်ရမှာ ဘာကြောင့်မှန်းမသိ၊ အတော် ၀န်လေးမိသည်။ ကိုယ်တိုင်ကပဲ အကြောက်အလန့် နည်းလွန်းသလား၊ ကြောက်တတ်သူဟု အထင်ခံရမည်ကိုပင် ကြောက်လွန်းသလား၊ တစ်ခုခုတော့ လွဲနေသည်။ ကွေးရဲလျှင် ကွေး- quarentine ထဲ ရောက်သွားမည် ဆိုပြီး ကြောက်တာက ပိုမည်ထင်ပါသည်။ သို့ဆိုလျှင်လည်း သူများ မျက်နှာဖုံးစွပ်သလို လိုက်စွပ်ပြီး ခေတ်မီလိုက်လျှင် ကောင်းမလား။

မည်သို့ပင်ဖြစ်စေ – အမိမြေမှာ ကိစ္စတစုံတရာရှိ၍ သတင်းထုတ်ပြန်သည့်အခါ ပြည်သူလူထု အစိုးရိမ်လွန်၊ ကြောက်လန့်ကြသည်များ မဖြစ်စေရန် ထိန်းထိန်းသိမ်းသိမ်းထုတ်ပြန်သော သတင်းစနစ်ကို အတော်ကျင့်သားရနေသည်ထင့်။ ယခု စကာင်္ပူကျွန်းကလေးမှာ ကျန်းမာရေးဝန်ကြီးဌာနက အရေးတယူ လှုပ်လှုပ်ရှားရှား လုပ်နေသည်ကိုပင် စိတ်ထဲမှာ သည်းသည်းသန်သန် ဖြစ်မလာ။ ကြောက်စရာလား။ မြတ်စွာဘုရားရှင် သက်တော်ထင်ရှား ရှိနေသေးလျှင် ခံနိုင်ရည်အရာမှာ ဧတဒဂ်ပေးလောက်သော `ငါဟဲ့- မြန်မာ´။

လတ်တလော သတင်းထုတ်ပြန်ချက်။

ယနေ့ ရုံးမှ ခွင့်ယူ၍ အိမ်တွင် အားရပါးရ ဖျားပါသည်။ မောင်ထွန်းသူ မြန်မာပြန် `ပီကင်း´နှင့် တက္ကသိုလ်နေ၀င်းမြန်မာပြန် `ဂေါ့ဒ်ဖားသား´အားကိုး ရှိပါသည်။ တစ်မနက်လုံးဆေးသောက်လိုက်၊ ပြန်အိပ်လိုက် လုပ်ပြီးသောအခါ အတော်လေး နေသာထိုင်သာ ရှိနေပါပြီ။ ဆေးခန်းမသွားပါ။ အကြောင်းရင်းက တုပ်ကွေးမဟုတ်ကြောင်း ကိုယ့်ဘာသာ သေချာသော်လည်း Quarentine ထဲ ရောက်မှာစိုးပြီး မသွားခြင်းဖြစ်ပါသည်။ ခေတ်မီအောင် မကွေးရဲလိုက်ပါ။ ကောင်းမလားလို့ တွေးကြည့်လိုက်တာပါပဲ။ ခုတော့-

`အားလုံးကောင်းပါသည်ခင်ဗျား´

budget စတေးရှောင်ခြင်း – ၃ (ဇာတ်သိမ်း)

စာရင်းချုပ်ကြပါစို့။

ဒီဇင်ဘာ ၁၀ရက်နေ့ ရောက်သောအခါ ၁၀ရက်ကြာ-ကပ္ပိယဘ၀မှ ပြန်လည် နှုတ်ထွက်ရန် အကြောင်းသင့်လာပါသည်။ Pelangi တွင် အင်တာနက် သွားသုံးရင်း လျှောက်လိုက်သော အလုပ်တစ်ခုမှ အင်တာဗျူးရန် email ၀င်လာခြင်းပါ။ ယခုတစ်ခါ အလုပ်အဆင်ပြေလျှင်ပြေ၊ မပြေလျှင် စတေးတိုးရန် မျှော်လင့်ချက် မရှိတော့။ စုစုပေါင်း ၂ လကျော်၊ ၃လ နီးပါး အချိန်အတွင်း အစွမ်းကုန် ကြိုးစားခဲ့ပြီးပြီပဲလေ။ စိတ်ဒုံးဒုံးချကာ ပြန်လှည့်ခဲ့သည်။

ချီကတည်းက ယဉ်သကို- မလေးအင်မီဂရေးရှင်းကောင်တာသည် အေးစက်စက် ကြိုနှင့်သည်။ `မင်း ပြန်ဝင်လာဦးမှာ မဟုတ်လား။ ခုမင်းရဲ့ လေယာဉ်လက်မှတ်က ရက်စွဲဝေး နေသေးတယ်။ နောက်တစ်ခါ စကာင်္ပူမှာ စတေးကုန်ရင် မင်းတိုင်းပြည်ကိုပဲ မင်းပြန်သွားပါ။ ငါတို့ဘက်ကို လာစရာ အကြောင်းမရှိတော့ဘူး။ မင်းတို့ အလုပ်လာရှာဖို့ တို့တိုင်းပြည်ကို အသုံးချနေကြတာပဲ။´ လက်ထဲကို ပတ်စ်ပို့ မပေးသေးဘဲ ရစ်ကြော ရှည်နေသည်ကို စိတ်ကုန်ခမ်းလှသည်။ နောက်ဆုံး ပတ်စ်ပို့စာအုပ်ယူကာ လှည့်အထွက် မကြားတကြား စကားကို ကြားဖြစ်အောင် ကြားလိုက်သေး၏။ `မင်းဘယ်တော့မှ ပြန်မလာပါစေနဲ့လို့ ဆုတောင်းတယ်´ ဆိုပဲ။ `ငါလည်း မလာချင်ပါဘူး´ စိတ်ထဲမှာ ဆက်လက် ခွန်းတုံ့တင်ကာ စလုံးဘက်သွားမည့် ကားကို တိုးတက်ခဲ့တော့သည်။

စလုံးအင်မီဂရေးရှင်းအရောက် ထုံးစံအတိုင်း White Card ဖြည့်၊ လေယာဉ်လက်မှတ်လေး လိုလျှင် အသင့်ထုတ်ပေးနိုင်ရန် ကိုင်ထားပြီး ကောင်တာပေါ် စာအုပ်နှင့် White Card ထိုးပေးလိုက်သည်။ ထိုင်နေသော အမျိုးသမီးက ခပ်တည်တည် မျက်ခုံးပင့်ကြည့်ပြီး စာအုပ်ယူကာ Scanner လေးပေါ်တင်သည်။ ခလုပ်တွေကို တစ်ချက်နှစ်ချက် နှိပ်သည်။ ခေါင်းတစ်ချက်ယမ်းသည်။ ပြန်တင်သည်။ ခလုပ်တွေ နှိပ်ပြန်သည်။ ခေါင်းထပ်ယမ်းသည်။ ဘာတွေ ဖြစ်ကုန်ပြီလဲ မသိ။ ခြေဖျားတွေ အေးလာသည်။ ကျောဘက်ကောင်တာမှ အမျိုးသားကို လှမ်းခေါ်ကာ ကွိစိကွစ ပြောသည်။ စာအုပ်ထောင်ပြသည်။ ဟိုပုဂ္ဂိုလ်က ကောင်တာချင်း ကူးလာကာ ကိုယ့်စာအုပ်ကို ယူကြည့်သည်။ အသက်ကို အောင့်ထားမိသလား၊ ရှူနေမိသလား မမှတ်မိတော့။

“ဩော်၊ မြန်မာပတ်စ်ပို့က မင့်စက်မှာ အော်တို တက်လာမှာ မဟုတ်ဘူး။ သူ့ဒေတာတွေကို manual ပဲ ရိုက်ထည့်မှရမယ်။ မင်းရဲ့ ကံပေါ့” “အိုကေ၊ ကျေးဇူးပဲ။ ပြဿနာတော့ မရှိပါဘူးနော်” ဘိုလိုပြောသမျှလေး နားစွင့်လိုက်မိသည်။ ဒီကောင်တာတော့ ဖြတ်လို့ ရပါရစေဘုရား။ ကိုယ်လုပ်လာသော စလုံး 10 ဒေါ်လာတန် E Ticket သည် လေဆိပ်ကနေ တန်းပြန်၍ ရသော ပုံစံမဟုတ်ကြောင်း လုပ်ကတည်းက သိပြီးသားမို့ ကျောရိုးတစ်လျှောက် စိမ့်တက်သွားမိသည်။ တစ်ချောက်ချောက်နှင့် ကီးဘုတ်ပေါ်နှိပ်နေသံက နားထဲမှာတော့ တူနှင့်ထုနေသည့်အလား။ ဤသို့ဖြင့် စက္ကန့်ပိုင်းလွန်မြောက်အပြီး-

“ဒုံး”

“အိုကေ၊ သွားနိုင်ပါပြီ”

ဘုရား၊ ဘုရား။ ကိုယ့်နားနှင့် မျက်စိကိုပင် မယုံနိုင်။ ကောင်တာတစ်ဖက်မှာ စာအုပ်ကို ဖွင့်ကြည့်မိတော့ နေထိုင်ခွင့် ရက် ၃၀။ အကျင့်ရနေသော ခြေလှမ်းများက သူ့ဘာသာသူ ဆက်လျှောက်ပြီး Kranji ဘူတာသို့သွားမည့်ကားပေါ် ရောက်လာသည့်တိုင် ရင်ခုန်နှုန်း မငြိမ်သေး။ ဩော်……… ဘ၀၊ ဘ၀။

အင်တာဗျူးသွားဖြေပါသည်။ အဆင်ပြေမလိုလိုနှင့် မပြေလိုက်ပြန်ပါ။ ဥရောပနှစ်သစ်ကူးချိန် နီးသဖြင့် ကုမ္ပဏီကြီးကြီးများမှ လူ(ရာထူး)ကြီးကြီးများ အိမ်ပြန်ကြပါသည်။ ကုမ္ပဏီသေးသေးမှ လူသေးသေးများက ယောင်ကြပါသည်။ ဇန်န၀ါရီလတွင် တရုတ်နှစ်သစ်ကူး ဖြစ်ပါသည်။ မည်သူမျှ အလုပ်ကိစ္စ အားတက်သရော မရှိတော့ပါ။ သတင်းစာတွင် Vacancy ကြော်ငြာ နည်းသွားလိုက်သည်မှာ မပါသလောက်။ ပြန်ရဖို့က သေချာသလောက် ဖြစ်သွားပါပြီ။

ဇန်န၀ါရီပထမပတ် အကုန်တွင် စတေးလည်း ကုန်မည်ဖြစ်၍ ဒီဇင်ဘာလကုန်ခါနီးတွင် နောက်တစ်လသက်တမ်းတိုး ကြိုးစားကြည့်ပါသော်လည်း မအောင်မြင်ခဲ့ပါ။ ထပ်မံဖြေခွင့်ကြုံသော အင်တာဗျူးများကလည်း ဟိုလိုလိုဒီလိုလိုချည်း ဖြစ်ကြသည့်အတွက် Offer ၃ ခုရဖူးသူအဖြစ် ဖျာလေးလိပ်၊ ကျောပိုးအိတ်ကလေးပိုက်ကာ ပြည်တော်ပြန်ခဲ့ရပါကြောင်း။ (ဒါမျိုးလေးတောင် ဖြေစရာမရှိရင် အိမ်ကို ဘယ်သို့ မျက်နှာပြရမည်ကို မစဉ်းစားတတ်တော့ပါ။)

စာကြွင်း။

ပြန်မည်ဆိုတော့ ကုန်ကျရန်ရှိသေးသည့်စာရင်း တွက်ရသည်။ လာခဲ့စဉ်က Air Bagan နှင့် ၃လ လက်မှတ်ဖြစ်သည်။ နိုဝင် ဘာလတွင် Air Bagan ၏ နိုင်ငံခြား ခရီးစဉ်များ ဖျက်သိမ်းလိုက်လေရာ MAI နှင့် လက်မှတ်လဲပေးလိုသူများအား လဲပေးမည်ဆို၏။ ထိုအချိန်က အလုပ် Offer ရထားလေရာ ခပ်တည်တည်ပင် Refund ပြန်ယူမည်ဟု ပြောလိုက်မိသည်။ ခု ပြန်ရတော့မည်။ Jet Star ဖြင့် ပြန်မည်ပေါ့။ ကုန်ကျစရိတ်ခုသာခံသာ ရှိလေရအောင် အပြန် ကီလိုရောင်းသည်။ ဂျိုဟိုးကို သွားစဉ်ကလို ကျောပိုးအိတ်တစ်လုံးနှင့် မရှိမဖြစ် စာရွက်စာတမ်း များသာ ထည့်ကာ ၀န်စည်စလယ် ချုံ့ပစ်လိုက်သည်။ နောက်တစ်ခေါက် ပြန်လာနိုင်ရန် ပစ္စည်းအချို့ကို အကိုတို့၊အမတို့ အိမ်မှာ ထားခဲ့သည်။ အကို့သူငယ်ချင်းတစ်ယောက်က Laptop သယ်ခိုင်းချင်သူရှိကြောင်း သတင်းပေးသည်။ လေယာဉ်လက်မှတ်တန်ဖိုး၏ တစ်ဝက် မျှမက ကျေသွားပါသည်။ ဖူးခက်သို့ ငွေကြေးတတ်နိုင်သူများ ရှောင်ကြသည်လည်း ရှိပါသည်။ ကြားဖူးသော “ပဲရစ်မြို့ သို့ လူမွဲလမ်းညွှန်”ကို အားကျ၍ “ဂျိုဟိုးသို့ ဘတ်ဂျက်လမ်းညွှန်” ထုတ်လိုက်ပါကြောင်း။

budget စတေးရှောင်ခြင်း – ၂

ကျွန်မ ၀န်ခံချင်သည့်တစ်ချက်က ဒီတစ်ခါ ကြာကြာ မစဉ်းစားချင်သဖြင့် မြန်မြန်ပြီးအောင် မြန်မြန်ဆွဲရစ်ပါသည်။ စိတ်ညစ်တာ ကြာကြာ ခေါင်းထဲ မထည့်ချင်ပါ။ စာဖတ်သူများ စိတ်ညစ်မှာလည်း မလိုလားပါ။ ဂျိုဟိုးအိမ်မက် ဂယောက်ဂယက်ကို မြန်မြန် နိုးထလိုက်ပါတော့မည်။ ပထမတစ်ခေါက် စတေးရှောင်အပြီး ပြန်ဝင်ပါပြီ။

မလေးက အထွက်- အဆင်ပြေပါသည်။ အင်မီဂရေးရှင်းက ဘာမှ မပြောပါ။ အ၀င်တုန်းက ပိုက်ဆံ တောင်းတတ်သည်ကြား၍ လက်ထဲမှာ နည်းနည်း ကပ်ထားခဲ့သော်လည်း ဘာမှ မတောင်းလိုက်ပါ။ ကံကောင်းပါသည်။ နောက်တစ်ခါ ပြန်မရှောင်ပါရစေနဲ့-ဟု တိတ်တိတ်ကျိတ် ဆုတောင်းမိသည်ကလည်း အထပ်ထပ်။ ဘုန်းကြီးကျောင်းမှာ ၄ ကြိမ်နှင့်အထက် အကြိမ်ကြိမ် ရှောင်ခဲ့ကြရသော အမျိုးသမီး သတ္တိရှင်များအကြောင်း ကြားခဲ့ရသော်ငြား ကိုယ့်ကိုယ်ကို အဲဒီလောက် ခံနိုင်ရည် မရှိမှန်း ကိုယ်တိုင်ပဲ သိပါသည်။ စလုံးအ၀င်- ရသမျှ ဘုရားစာ အကုန်ရွတ်ပြီး ကိုယ့်ဒူးကိုယ် ဟန်မပျက်ထိန်း၊ White Card ဖြည့်ပါသည်။ စလုံး Check Point မှာ အလကားရသော White Card ကို မလေးက အင်မီဂရေးရှင်းအ၀င်မှာ တစ်စောင်မလေးရင်းဂစ်တစ်ကျပ်နှင့် ပိုက်ပိုက်ယူပြီး ဖြည့်ပေးမယ်လို့ လုပ်စားနေတာလည်း ရှိပါသည်။ ဘ၀၊ ဘ၀။

စလုံးအင်မီဂရေးရှင်းကျတော့လည်း ဘာမှ ထွေထွေထူးထူးမပြောဘဲ မျက်နှာကို တစ်ချက်လှမ်းကြည့်ပြီး တုံးထုချလိုက်၏။ ကောင်တာဖြတ်ပြီး ကြည့်လိုက်တော့မှ 14 ရက် ဖြစ်နေပါလေရော။ ငိုရခက်၊ ပြုံးရခက်ဆိုတာ အဲသည့်အချိန်ပါပဲ။ ၁လလောက် ပြန်ရမှ ဒီWhite Card နံပါတ် အသစ်နှင့် online stay ကို မျှော်လင့်လို့ရမည်လေ။ ခုတော့ အင်တာဗျူး တစ်ခုအတွက် ၁၄ ရက်ယူလိုက်ရသလို။ Anyway, ရောက်ရားပဲ-ဆိုပြီး ကိုယ့်အခန်းကျဉ်းလေး အရောက်ပြန်၊ နောက်နေ့ အင်တာဗျူး သွားဖြေပါသည်။ တူလိုက်ပုံ။ ဒီတစ်ခါ အလုပ် ကလည်း နောက် ၃ ရက်မှာ ဖုန်းဆက်အကြောင်းကြား၊ အင်တာဗျူးအဆင်ပြေပါသည်။ Pass တင်ပေးဖို့ ညှိမရပြန်ပါ။ လစာလည်း အရင် အလုပ် offer တုန်းက အတိုင်း။  ထူး……….. မခြားနား ဆိုပြီး သီချင်းကြီး ထ,ဟစ်မိပါတော့သည်။ အလုပ်လျှောက်တာတွေကိုတော့ မလျှော့သော ဇွဲလုံ့လနဲ့ ဆက်လျှောက်နေတုန်း။ ဒီလိုနှင့် ဒုတိယတစ်ကြိမ်မှာ ရန်ကုန်ပြန်မလားဆိုသည့် Option ကို စဉ်းစားနေရပါပြီ။

လျှောက်ထားသော အလုပ်များ၊ စလုံးပွဲစား ၃ယောက်လောက်ကို CV အပ်ထားသည်များ၊ ပေါင်းလိုက်သော် အင်တာဗျူး ၅ ခုမျှ ထပ်ရမည်ဆိုလျှင်-…  မလေးကိုပဲ နောက်တစ်ခေါက်သွားဖို့ ဆုံးဖြတ်လိုက်ပါသည်။ အချိန်က နိုဝင်ဘာ လကုန်ခါနီး။ ဒီတစ်ခေါက်လည်း လူရှင်းသော Week Days နေ့ခင်းပိုင်းသွားပါသည်။ စလုံးကအထွက်- အေးဆေးပါ။ မလေးအ၀င်——— စပါပြီ။ ပြဿနာ။

“မင်းရဲ့ ပတ်စ်ပို့အရ မကြာသေးခင်ကမှ လာသွားသေးတာပဲ။ ခု ဘာလာလုပ်တာလဲ။”

“အရင်တစ်ခေါက်က နေရပ်လိပ်စာမှာပဲ ဘာလို့ နေမှာလဲ” “လေယာဉ်လက်မှတ်ရော ပါသလား” “စကာင်္ပူမှာလည်း စတေး မကျန်တော့ပါလား” “အရင်တစ်ခေါက်ကလည်း Woodlands ကပဲ လာတာပဲ၊ မင်း စကာင်္ပူကို အလုပ်လာရှာတာ မဟုတ်လား။” “မင်းဟာ မလေးရှားကို မင်းကိုယ်ကျိုးအတွက် အသုံးချနေတာပဲ။ မင်းကို ၀င်ခွင့်မပေးနိုင်ဘူး။ ခု စကာင်္ပူဘက်ကို ပြန်သွားပါ။” (ဒါဖြင့် တံတားပေါ် ငုတ်တုတ်ထိုင်နေရမှာလား။ သူများပြောသံ ကြားဖူးတယ်။ မဟုတ်ပါစေနဲ့ဘုရား)

“ဘာလို့ ပြန်သွားရမှာလဲ၊ ငါ ခုဒီကိုလာတာ မင်းတို့ဆီမှာ အလုပ်လာရှာတာလည်း မဟုတ်ဘူး။ မြန်မာပြည် မပြန်ခင် ဆွေမျိုးကို လာတွေ့တာပဲ။ ငါ ပြန်မသွားနိုင်ဘူး”

“ငါတို့က မင်းကို ယုံမယ်ထင်နေသလား။ ဒါဆို မင်း Officer ကို ၀င်တွေ့ရဲသလား”

“တွေ့ရဲတာပေါ့။ ဘယ်မှာလဲ”

“ဟေ့ … ဒီမှာ မြန်မာပတ်စ်ပို့တစ်ယောက်၊ Woodlands နဲ့ Johor ကို ကူးချည်သန်းချည် လုပ်နေတယ်။ သူ့ကို Officer ဆီပို့လိုက်”

ဒီလိုနှင့် သူများတကာ ရင်ပူရသော စလုံးအင်မီဂရေးရှင်းမဟုတ်ဘဲ ငွေပေးလိုက်လျှင် ပြေလည်သည်ဆိုသည့် မလေးအင်မီဂရေးရှင်းက ပြဿနာ ရှာပါသည်။ စိတ်ညစ်ညစ်နှင့် Officer ၀င်တွေ့တော့ ရုပ်တည်ကြီးနှင့် ဘွားတော်က “မင်း ဘာလာလုပ်တာလဲ” တစ်ခွန်းပဲ မေးသည်။ ခုနက စကားတွေကိုပဲ အစီအစဉ်အတိုင်း ပြန်ရွတ်ပြလိုက်တော့ အတော်ကြာအောင် စိုက်ကြည့်နေပြီး စာအုပ်မှာ တုံးထုပေးသည်။ ပြူးပြဲကြည့်တော့ သာမန် Journey Performed တုံးနှင့် ၁၄ ရက် နေထိုင်ခွင့်။……….. ဟူး…………….. တော်ဒေးတာပေါ့လေ။ တစ်ဆင့်။

ဘုန်းကြီးကျောင်းကို ဘတ်စ်နှင့်ပဲ သွားသည်။ City Square အပြင်ဘက်မှ မြို့တော်ခန်းမဘေး ကားဂိတ်လိုမျိုး ဘတ်စ်တွေ တန်းစီနေသည့်နေရာမှာ Pelangi ရောက်သလား လျှောက် မေးကြည့်သည်။ ဘတ်စ်ဒရိုင်ဘာတစ်ချို့က ပြန်မဖြေ။ နားမလည်ကြသလိုမျိုး။ ကားတွေ လျှောက်ကြည့်ရင်း ပထမတစ်ခေါက်က စီးဖူးသည့်ကားကို မြင်လိုက်သဖြင့် ခပ်တည်တည်နှင့် တက်လိုက်သည်။ 1 ရင်းဂစ်ထည့်ပြီး တံခါးပေါက်နားနီးသည့် ခုံသွားထိုင်သည်။ လမ်းကို သတိမလွတ်အောင် ကြည့်ပြီး Crystal Crown ဟိုတယ်ရှေ့ မှတ်တိုင်တွင် သုတ်သုတ် ဆင်းသည်။ လှည်းတန်းမီးပွိုင့် (ပြည်လမ်း-အင်းဝပေါက်ဘက်) လိုမျိုး သူများတွေ ဖြတ်ကူးသလို လိုက်ကူးသည်။ လမ်းလယ်ကျွန်းလိုမျိုးမှာ သူများ ကျော်ခွသွားသလို သွားသည်။ လမ်းတစ်ဖက်ရောက်တော့ အပေါ်ကားပါကင် (မြန်မာဆိုင်တွေ ရှိရာ) ဘက်ကို သူများတွေ ကျော်ခွတက်သလို တက်လိုက်သည်။ ကိုင်း…. ဒီတစ်ခေါက်တော့ ကိုယ့်ဘာသာကိုယ် ရောက်သွားကပြီ။

EZ-Link ကဒ်ထဲမှာ စလုံး ၁၀ ကျော်ကျော်လေး ကျန်သည်။ လက်ထဲမှာ ရင်းဂစ် ၁၀၀ ကျော်ကျော်လေး ပါသည်။ ဒီတစ်ခါ ပြန်ဝင်ရင် စတေးကြာကြာရအောင် မလေးမှာ နည်းနည်း ရက်ကြာဆွဲနေရန် အကိုတို့၊ အမတို့က မှာလိုက်သည်။ ဒီတော့…… ဒီလိုပဲပေါ့လေ။ ကပ္ပိယဘ၀ကို ကောင်းကောင်း Training ရသွားသပေါ့။ ဘုန်းကြီးကျောင်းမှာ အလှူရှိလျှင် သူတို့လူအင်အားနှင့်သူတို့ လာကြတာ များပါသည်။ ကိုယ်က ဘယ်ပစ္စည်း ဘယ်နေရာမှာ ရှိသည်၊ ဘယ်လောက်ရှိသည်ဆိုတာမျိုး၊ အလှူအတွက် သန့်ရှင်းရေးကအစ အောက်ခြေသိမ်း ကူညီရင်း ဝေယျာဝစ္စကုသိုလ်ပါ ရသွားသည်။ ဒကာရင်းများက လာရောက်၍ ဘုန်းကြီးကျောင်းအတွက် လိုအပ်သည်များကို ဖြည့်ဆည်းလှူဒါန်းကြသည့်အခါ သူတို့တွေဆီက လမ်းကြောင်းတွေလည်း ကြားရသည်။

အင်တာနက်ဆိုင်ကတော့ စလုံးထက် ပိုပေါသည်။ ဈေးလည်း နည်းနည်း ပိုသက်သာသည်။ အလုပ်သွားသွားလျှောက်သော အင်တာနက်ကဖေးဆိုင်က သိပ်ဝေးဝေးမဟုတ်သော်လည်း ပတ်ဝန်းကျင်က ကားပွဲစားတန်းလို၊ ကားဘော်ဒီနှင့် ဆောင်းဘောက်ပြင်သော၊ ကားပစ္စည်း ရောင်းသောဆိုင်များ စုဝေးရာ ဖြစ်သည်။ တချို့ မြန်မာအလုပ်သမားများကို မလေး အလုပ်လက်မဲ့များက အုပ်စုတောင့်လျှင်တောင့်သလို မိုက်ကြေးခွဲကြတာ ဟိုဘက် တစ်ရပ်ကွက်လောက်မှာ မကြာမကြာ ကြားရသည်။ အဲသည့်ဘက်မှ မြန်မာဆိုင်ကို နေ့ခင်းကြောင်တောင် ၀င်ပြီး ဒမြတိုက်သွားတာ မကြာသေး-ဟုလည်း သိရသည်။ သမီးယောက်ဖလို ခင်မင်သွားသော နယ်ခံအကိုတစ်ယောက်က “ယောက်ဖ- ဒီမှာပဲ အလုပ်ရှာလိုက်ပါလား”ဟု မြှောက်ပေးသည်။ ကိုယ်တိုင်က စိတ်ပါသော်လည်း နည်းနည်း ကြောက်တတ်သူဖြစ်ကြောင်း အဲဒီမှာမှ ကိုယ့်ကိုယ်ကို သိသွားပါသည်။

ပြန်ပြောလိုက်မိသည့်စကားက-

“နေပါစေဗျာ။ သတ္တိက လက်ထဲမှာ ဓါးရှိရင်တောင် ခရမ်းသီးကိုပဲ အံကြိတ်ပြီး လှီးနေမိမှာဆိုတော့… စရိတ်ထောင်းခံပြီး စလုံးမှာပဲ ရုန်းပါတော့မယ်”

(နောက်တစ်ပိုင်း ဇာတ်သိမ်းပါမည်- အိမ်မက်တွေ ပြန်မက်ကာ အိပ်ရေးပျက်လွန်း၍ပါ)

ရပ်တည်မှု၊ နားလည်မှု

အခုတလော တွေးမိတာတွေ များနေသည်ထင့်။ လူအများနှင့်စကားပြောလျှင် အဆင်ပြေအောင် မနည်း သတိထား နေရသည်။ နားလည်မှုဆိုသည်ကလည်း တည်ဆောက်ရ လက်ပေါက်ကတ်သလောက် လွဲချင်လျှင် အတော့်ကို ပြောင်မြောက်အောင် လွဲနိုင်သည့်အမျိုး။ Tolerate ကောင်းကောင်း လုပ်တတ်လျှင် လူဖြစ်ပြီဟု အမေကတော့ ဆုံးမဖူးသည်။

နားလည်မှု (၁)

ပြီးခဲ့သည့်တစ်ပတ်က သူငယ်ချင်း တစ်ယောက်နှင့် ဆုံခိုက် သူ့အိမ်က missed call ပေးသည်။ သူလည်း 1818 အားပြုပြီး ပြန်ဆက်ရလေသည်။။ နားထဲ ၀င်လာသမျှတို့ကို ပြန်ရေးပြပါမည်။ (တစ်ဖက်စကား စစ်စစ်ဖြစ်ပါသည်။ ဟိုတစ်ဖက်က စကားများကို ကိုယ့်ဘာသာဖြည့်ပြီး စဉ်းစားကြပါကုန်)

`နေထိုင်ကောင်းပါတယ်။ အမေတို့ကိုသာ ကျွန်တော်က စိတ်ပူရတာ။ ဒီမှာနေရတာ အဆင်ပြေပါတယ်´

`——- —- ———´

`ပင်ပန်းတာကတော့ ပြောမနေနဲ့တော့။ တစ်နေ့တစ်နေ့ ရုံးကနေ ည ၉နာရီမထိုးဘဲနဲ့ မပြန်နိုင်ဘူး၊ မနက်မိုးမလင်းခင် အိမ်ကထွက်။ တစ်နေ့တစ်နေ့ နေကို မမြင်ရဘူး´

`ဟာ… ကျွန်တော်ပြောထားသားပဲ။ အဲဒီ ပြီးခဲ့တဲ့လက ပို့လိုက်တဲ့ ပိုက်ဆံနဲ့  ဖုန်းလိုင်းတစ်လိုင်းလေး ဖြစ်အောင် ၀ယ်လိုက်ပါဆို။ အဲဒီ ခြင်းဖုန်းကြီး ၀ယ်ပြီး PCO ထိုင်ရအောင် ဘယ်သူ့ကို ခိုင်းဦးမှာလဲ´

`အဲဒီလူတွေက အမေတို့ကို ရှာဖွေလုပ်ကိုင်ကျွေးနေဦးမယ်။ စိတ်ကြီးချ။´

`ဘုရား ရှိခိုးတာကိုတော့ ကျွန်တော်က ရှိခိုးမနေနဲ့လို့ ပြောမလား။ အမေတို့ ငွေဝင်စရာက ဒီမှာ OT တစ်လကို နာရီ ၂၀၀ မပြည့်မချင်းလုပ်မှပဲ ဖြစ်မှာလေ။ ကျွန်တော်လည်း အသက်ထွက်တော့မယ်။´

`ပြန်တာကတော့ ပြန်လာချင်တာပေါ့။ ခု ပြန်လာတော့ အဲဒီမှာ ဆက်ပြီး လုပ်ကိုင်စားလို့ရအောင် ပါဦးမှကို။ ကျွန်တော် ပို့ထားတာတွေက ဒီပုံစံနဲ့ဆို ဘာများ စုမိမှာလဲ။´

`နားမလည်တာမဟုတ်ဘူးလေ။ ကျွန်တော်လည်း ဒီမှာ ဒီကအလုပ်ကိုလုပ်ရတဲ့ အခက်အခဲတော့ ရှိတာပဲ။ အဲကွန်းနဲ့ ဇိမ်နဲ့ နှပ်နေရတယ်တော့ ဟုတ်မလား၊ ´

`ဟုတ်ပါပြီ။ ကျွန်တော့်လည်း နားလည်ပေးကြပါဦး။ အခု ပင်နီဆူလာရောက်နေတာ။ သူငယ်ချင်းတွေလည်း ရှိတယ်။ အမေတို့က ခေါ်လို့ ချက်ချင်းပြန်မဖြေရင် စိတ်ပူနေမှာစိုးလို့ ပြန်ခေါ်တာ။ ညကျ ပြန်ခေါ်လိုက်မယ်။ ဟုတ်လား။ ကျွန်တော် ခေါ်ဖြစ်အောင် ခေါ်မှာ၊ စိတ်ချ။ ဒါပဲ၊ ဒါပဲ´

ဖုန်းနှင့်အတူ သက်ပြင်းကြီးကြီးပါ တစ်ပါတည်း ရောချသွားသော သူငယ်ချင်းကိုကြည့်ရင်း ကိုယ်တိုင်လည်း သက်ပြင်းချမိသွားပါသည်။

နားလည်မှု (၂)

တပြည်တရွာ အလုပ်လုပ်ရန် ထွက်မလာမီ မိသားစု အစည်းအဝေးထိုင်နေကြသည်။ သုံးပွင့်ဆိုင်တွေ၊ ရင်ကြားစေ့တွေ လောက်တော့ `ပျင်း,သနား´သွားမည်။ ဒူးတိုက်တွေ၊ နဖူးတိုက်တွေ အကုန်ပါသည်။ ရှုစားကြပါဦး။

`နင့်ဟာက ဖြစ်ရော ဖြစ်နိုင်လို့လား။ သူများတကာ သွားကြ၊ လုပ်ကြတယ်ဆိုတာ ဟိုမှာ အလုပ်တို့ အကိုင်တို့ ရပြီးသားတွေ။ နင်က ကိုယ့်ဘာသာ သွားရှာမယ်ဆိုတော့ ဘယ့်နှယ်ဟာတုန်း´

`သူငယ်ချင်းတွေလည်း ဒီလိုပဲ သွားကြတာပဲဗျာ။ ရနိုင်လို့ပါ´

`ဟဲ့ လမ်းပေါက်လမ်းစ မရှိလို့မှ နင် ဒီလောက်ကြာနေတာလေ၊ ဒီမှာတင် ရတဲ့အလုပ်လေး ၀င်လုပ်နေပါ ဆိုတော့လည်း အဖြစ်ရှိအောင် မရှာ။ ရန်ကုန် ကုန်ကျစရိတ်ဆိုတာ သေးတာမဟုတ်ဘူး။ ကိုယ့်မြို့ကိုယ့်ရွာမှာ သူများ မျက်စိနောက်အောင် မနေရင် တ၀မ်းတခါးတော့ ဖြစ်အောင် နေလို့ရတယ်။ အသက်ကလည်း မငယ်တော့ဘူး။ ဒီလိုဖြစ်နေတာ ဣနြေ္ဒမရဘူးဟဲ့။ ပြန်ခဲ့တော့´

`ဟာ … မမကြီးကလည်း၊ ကျွန်တော်တို့ သိသလောက်တော့ သူဂျီး(ချေး)များလို့ အလုပ်မရတာမှ မဟုတ်တာ။ တော်ရုံတန်ရုံ အလုပ်ရှင်တွေက အဲဒီလောက် တတ်တဲ့လူတွေ ငါတို့ဆီမှာ အလုပ်လုပ်ရင် မြဲမှာ မဟုတ်ဘူးဆိုတာနဲ့ မရနိုင်တော့ဘူးလေ။ ရမယ့်လစာကလည်း survive ဖြစ်ဖို့ မလွယ်ဘူး။ တအားကောင်းတဲ့ ရေနံကုမ္ပဏီတွေကျပြန်တော့ သူလုပ်လာတဲ့ Experience တွေနဲ့က မလုံလောက်ပြန်ဘူး။ ဒီလို ဖြစ်နေတာ သူတစ်ယောက်တည်း မဟုတ်ဘူး မမကြီးရဲ့´

`အဖေမြင်တာကတော့ ကျောင်းပြီးခါစတုန်းကလည်း နိုင်ငံခြားသွား၊ ကျောင်းဆက်တက်မယ်ဆိုပြီး လုပ်နေတာမြင်တာပဲ။ ရသလား/ မရသလား၊ ဆိုတာကတော့ ကိုယ့်ကိုယ်နဲ့ကိုယ် အသိဆုံး။ ဟုတ်လား။ အခု အလုပ် သွားလုပ်မယ်လို့ ပြောတယ်။ ဒီမှာရှိတဲ့ အလုပ်ပတ်ဝန်းကျင်မှာ အဆင်ပြေဖို့ လိုအပ်သလိုမျိုးပဲ၊ ဟိုမှာရှိမယ့် အလုပ်ခွင်အခြေအနေတို့၊ အလုပ်ရှင်တို့ ဆိုတာကိုလည်း နားမလည်ချင်လို့ မရဘူး။ ပိုပြီး ပင်ပန်းမှာ။ ကိုယ့်ဘက်က တစ်ခွန်းအပြောခံရစရာ မရှိအောင် နေနိုင်လုပ်နိုင်မှ ဖြစ်မှာ။ အဲဒါရော သိသလား၊ နားလည်လား´

`အဖေရာ။ သူများတကာ မော်တာနဲ့ရေတင်နေတဲ့အချိန်မှာ သမီးတို့က လက်ခုပ်နဲ့ရေသယ်နေရတာပါ။ ဒီ့ထက်တော့ ထူးပြီး မပင်ပန်းနိုင် တော့ပါဘူး။ ခုလည်း စုမိဆောင်းမိလေး ဖြစ်လာရင် ရေပုံးလေး၊ ရေစည်လှည်းလေးလောက် ဖြစ်လာအောင်လို့ပါ။ ပြီးတော့ ကိုယ့်မှာရှိတဲ့ အရည်အချင်းလေးနဲ့ ရပ်တည်လို့ရတယ်ဆိုတာ ယုံကြည်တာကြောင့်လည်း ပါပါတယ်။ ဒီမှာ ရပ်လို့မရပေမယ့် ဟိုမှာ ရပ်လို့ရမှာပါ။ နားလည်ပါတယ်။´

`ဩ၊ ယုံရလောက်သားပဲ။ နင့်စကား နင်ပဲ ပြန်စဉ်းစားစမ်းပါဦး။ ဒီမှာတောင် လူမြင်ကောင်းအောင် အလုပ်တစ်ခုမလုပ်နိုင်ဘဲနဲ့ ဟို အထိသွားပြီးများ အလုပ်လုပ်ဦးမတဲ့။ ငါ အပြတ်ပြောထားမယ်နော်။ အားအားယားယား အပျင်းသွားဖြေရလောက်တာတွေ အားကျဖို့ စိတ်ကူးရင် ပြန်လာဖို့ စိတ်ကူးထဲတောင် မထည့်နဲ့။ ရှင်းလား။ ဒါပဲ´

အရှင်းဆုံး ရာဇသံ ပေးပြီးသည်နှင့် အမကြီးက ဆံထုံးကို ခပ်ဆောင့်ဆောင့် ပြင်ထုံးရင်း အိမ်ခန်းထဲ ၀င်သွားသလို အဖေက ဘုရားခန်းဘက် လှည့်ရင်း သက်ပြင်းချသည်။ အမလတ်နှင့် ယောက်ဖက တစ်ယောက်မျက်နှာ တစ်ယောက်ကြည့်ကာ ကိုယ့်ဘက်ကို ပြိုင်တူ လှည့်ကြည့်သည်။ ဒီစက္ကန့်ပိုင်းသည် အသက်ရှူရ အပင်ပန်းဆုံး ဖြစ်ချိမ့်မည်။ နားလည်ရတာတွေ များလှချည့်လေ။

********                                         ******************                                                  ***********

ရပ်တည်ရာ အနေအထားတွေ ကွာခြားသလို နားလည်မှုတွေ ပြောင်းလဲသွားလျှင်လည်း တစ်မျိုးတော့ အဆင်ပြေမည်ထင်ပါသည်။ တချို့ကလည်း `ပျော်ရာမှာ မနေရ၊ တော်ရာမှာ နေရသည့်အတူတူ တော်ရာမှာ ပျော်တာပဲ ကောင်းပါတယ်´ဟု ဆိုသည်။ တချို့က `ပျော်သည်ဖြစ်ဖြစ်၊ မပျော်သည်ဖြစ်ဖြစ် သင့်တော်တဲ့ ရလဒ်တစ်ခု ထွက်တာပဲ၊ တော်ပြီပေါ့´ ဟု မှတ်ချက်ပြုသည်။

အိမ်ကလူတွေ ဒီလိုတော့ဖြင့် နားလည်စေချင်မိသေးသည်။

လူမှန် နေရာမှန် ?

Once you see this Ads, you’ll see the exact message of agency. (picture credited to RogerS)

အလုပ်အကိုင်ရှာဖွေရေး အေဂျင်စီတစ်ခုက ကြော်ငြာလိုက်တာ hit the bull’s eye လို့ ပြောရလောက်အောင် ထိပါတယ်။ တကယ်သာ အဲဒီ အလယ်လူလို ဘ၀မျိုးဖြစ်နေခဲ့ရင်တော့ အတော် ဆိုးတဲ့ ဘ၀ပါပဲ။ တခြား အခြေအနေမှာသာဆိုရင် အဲဒီ အလယ်လူအတွက် အံဝင်ခွင်ကျ ဖြစ်နိုင်မယ့် အလားအလာ ရှိပါသေးတယ်။ သူကလွဲပြီး ဘယ်သူမှ လုပ်လို့ မရနိုင်တာတွေတောင် ရှိနိုင်ပါသေးတယ်။

ပြောရမယ်ဆိုရင် အလုပ်လုပ်ကြရာမှာ Doing Things Right နဲ့ Doing Right Things ဆိုပြီး ရှိပါသတဲ့။ ကိုယ်ရောက်နေတဲ့ နေရာမှာ လုပ်စရာရှိတာကို အတတ်နိုင်ဆုံး မှန်ကန်အောင် Doing Things Right နဲ့ နေနေတာ အတော်ကြာသွားပြီဆိုတော့ လူက နည်းနည်း ပျင်းလာတယ်။ ဆိုကြပါစို့။ ဒီအလုပ်ကို တခြားလူ ရောက်လာမယ်ဆိုရင်လည်း ဒီလောက်တော့ မှန်ကန်အောင် လုပ်နိုင်မယ် မဟုတ်လား။ ဒါမှမဟုတ်၊ ကိုယ် ဒီမျှမက လုပ်နိုင်နေပါလျက်နဲ့ အခြေအနေက ဒီလောက်ပဲ ခွင့်ပြုတယ်ဆိုတဲ့အခါ ကိုယ်လုပ်နေတာတွေကတော့ Doing Things Right ပါပဲ။ ကိုယ့်အတွက် သင့်တော်တဲ့ နေရာမှန်မှ ဟုတ်ရဲ့လားလို့ တွေးမိလာနိုင်ပါတယ်။

ကိုယ့်ကိုယ်ကို ဗဟိုပြုပြီး စဉ်းစားတဲ့အခါ ကမ္ဘာကြီးကလည်း ကျဉ်းကျဉ်းလေး ဖြစ်သွားပါတယ်။ (ကိုယ် ဘယ်လောက် အသိုင်းအ၀ိုင်း ကျယ်ကျယ်ကို တွေးသလဲ။ တွေးသလောက် ကျယ်ပြန့်တဲ့ ကမ္ဘာ ဖြစ်လာမှာပဲကိုး) အဲဒီ ကိုယ့်အသိုင်းအ၀ိုင်းလေးထဲမှာ ကိုယ်ဟာ မရှိမဖြစ်၊ အရေးအပါဆုံး ပုဂ္ဂိုလ်ဖြစ်နေမှာမို့ Doing Right Things ဖြစ်နိုင်ပါ့မလား။ ဒါလည်း စဉ်းစားစရာပါပဲ။ ပြင်ပကမ္ဘာနဲ့ ကိုယ်ပိုင်ကမ္ဘာ နှိုင်းယှဉ်ကြည့်လို့ရမယ့် Right Things တွေဟာ ကွဲလွဲမှုလည်း ရှိနေနိုင်ပါတယ်။

နောက်ပြီး ခုထိ ကျွန်မရေးပြီးသမျှမှာ ပြန်ရချက်နဲ့ တွက်ကြည့်တာ မပါသေးပါဘူး။ ကိုယ်လုပ်နိုင်တဲ့ အတိုင်းအတာ၊ စွမ်းရည်နဲ့ လုပ်ငန်းသဘောသဘာဝပဲ နှိုင်းယှဉ်ကြည့်နေတာပါ။ ကိုယ်စိုက်ထုတ်ထားတဲ့ အင်အား၊ အချိန်၊ ရင်းနှီးမြှုပ်နှံမှုတွေအတွက် ပြန်ရချက်ကိုပါ ထည့်စဉ်းစားမယ်ဆိုရင် Doing Right Things မှာ Criteria တွေ တိုးလာပါမယ်။ Doing Things Right ကတော့ ပြောင်းလဲမှာ မဟုတ်ပါဘူး။ ဒါကြောင့် Doing Things Right က ပုဂ္ဂိုလ်ရေး နဲ့ ပိုဆက်နွယ်ပြီး Doing Right Things ကတော့ ကျင့်ဝတ်ပိုင်း၊ သဘောထားခံယူမှုအပိုင်းတွေနဲ့ ပိုနီးစပ်မယ်လို့ ယူဆရပါတယ်။

ဒါကတော့ Peter Drucker ရဲ့ အဆိုအမိန့်တစ်ခုပါ။   Management is doing things right; leadership is doing the right things. သူကတော့ စီမံခန့်ခွဲမှုနဲ့ ခေါင်းဆောင်မှုကိုပဲ ပြောသွားတာပါ။ ကျွန်မတို့ နေ့စဉ် လှုပ်ရှားမှုတွေမှာပါ `ဘာလုပ်လုပ် မှန်မှန်ကန်ကန်လုပ်´ ဆိုတာနဲ့ `မှန်တာပဲလုပ်´ဆိုတာ အမြဲတမ်းညှိနေရမယ့် ဒွိဟတစ်မျိုး ဖြစ်နေမှာပါပဲ။

(အဲဒါ Life-and-live မှာ ရေးဖြစ်ထားတဲ့ စာလေးပါ။ Draft ဘ၀မှာ ကာလအတော်ကြာ နေရရှာတဲ့ ပို့စ်လေးလည်း ဖြစ်ပါတယ်။ တခြား ဆေးပညာအသိုင်းအ၀ိုင်းIT Field နဲ့ စီးပွါးရေးဆိုင်ရာ စာတမ်းတွေမှာလည်း လိုက်ရှာ ဖတ်ကြည့်နေခဲ့တာကြောင့်ပါ။ ပို့စ် အပြီးသတ်တော့ ရက်စွဲက စရေးခဲ့တာရဲ့ တစ်လကျော်သွားပါပြီ။ ကျွန်မ ယုံကြည်မိပါသေးတယ်။ လွတ်လပ်မှုဆိုတာကို ကျင့်သုံးတဲ့အခါမှာလည်း တာဝန်ရှိမှု၊ တာဝန်သိမှုဆိုတာတွေ ထည့်သွင်းစဉ်းစားပြီး Right Things တွေကို ရွေးချယ်ဖြစ်ကြမယ်လို့ ။)

ကိုယ့်အကြောင်းနှင့်ကိုယ်

`အဲဒီလူပေါ့ဗျာ…. ဟို ကိစ္စတုန်းက …. သိတယ်မဟုတ်လား´
`ဒီလူ သူ့သမိုင်းသူ ရေးသွားမှာပါကွာ။ အပူမရှာစမ်းပါနဲ့´

***                                                 ***                                                      ***

`ခင်ဗျားတို့ သိထားဖို့က ပြဿနာတစ်စုံတစ်ခု ပေါ်လာပြီဆိုရင် အဲဒီ ပြဿနာထဲမှာ ခင်ဗျားတို့ကိုယ်တိုင်လည်း တစ်စိတ်တစ်ပိုင်း ပါတယ်ဆိုတာပဲ´(ရှေ့မှ Management ဆရာ၏ ရှင်းပြနေသံ)

`ပြဿနာရှိနေတယ်ဆိုတာကို လက်ခံမှ ပြဿနာဆိုတာ ရှိမှာဟ။ အဲဒါကိုက ပြဿနာပဲ´

`ဆရာကလည်း ပြဿနာမရှိတာကို ပြဿနာလုပ်ခိုင်းနေတယ်ဟာ´ (နောက်မှ သင်တန်းသားများ၏ ဆွေးနွေးချက်များ)

***                                              ***                                          ***

ဆရာကြီး ဒေါက်တာသန်းထွန်း ရေးသွားခဲ့သော စာတမ်းများစွာ စာအုပ်အဖြစ်ရောက်လာခဲ့သလို ရောက်မလာခဲ့သည်များလည်း မနည်းပါ။ ဆရာကြီးက သမိုင်းမှတ်တမ်းများစွာ ရေးခဲ့သလို သူ့သမိုင်းကိုလည်း သူကိုယ်တိုင် ရေးသွားခဲ့ပါသည်။ ဆရာကြီး၏ သမိုင်းမှာ ပါဝင်နေသော အခြားသူများ သူတို့သမိုင်းကို သူတို့ရေးထိုးသည့်အခါ ဆရာကြီးပါဝင်သွားသော သမိုင်းအစိတ်အပိုင်းများလည်း သူတို့ဆီမှာ တွေ့ပါလိမ့်မည်။

အမေ လူထု ဒေါ်အမာ၏ စာများကို နှစ်နှစ်သက်သက် ဖတ်ဖြစ်ပါသည်။ ခေတ်၏သမိုင်း၊ ခေတ်အလိုက် လူ့အဖွဲ့အစည်း၏သမိုင်းများကို လေအေးလေးနှင့် ပြောသွားတတ်သော အမေဒေါ်အမာသည်  သူ့သမိုင်းကို သူရေးသွားပါသည်။ သူ့သားများ၏ဘ၀၊ သူ့ခင်ပွန်းသည်၏ဘ၀၊ သူ့ရေးဖော်ရေးဖက် စာပေလောကသား များ၏ဘ၀ …. ဒါတွေကရော သူ့သမိုင်းကို တစ်စိတ်တစ်ဒေသ ရေးဖွဲ့ခြယ်မှုန်းသွားသည်ပဲ မဟုတ်ပါလား။ သူ့ပတ်ဝန်းကျင်မှ အခြားသူများတွင်လည်း အမေဒေါ်အမာ ပါဝင်ဆေးဖြည့်သွားသော စုတ်ချက်တွေ တွေ့နိုင်တာပါပဲ။

ထင်ရှားကျော်ကြားသူများမှ မဟုတ်ပါ။ လူအားလုံးသည် လူ့အဖွဲ့အစည်းထဲမှာ သူတို့ပါဝင်သော အခန်းကဏ္ဍများကို ဆေးရောင်ဖြည့်သွင်းရင်း လူ့အဖွဲ့အစည်းတစ်ခုလုံး၏ သမိုင်းကို ပါဝင်ရေးထိုးကြခြင်းဖြစ်ပါသည်။ မိဘနှင့်သားသမီး၊ ညီအကိုမောင်နှမ၊ သူငယ်ချင်း မိတ်ဆွေ၊ စီးပွါးဖက် တရားပြိုင်… အားလုံးသည် လူ့အဖွဲ့အစည်း၏ မှန်ကူကွက်များချည်းပဲ ဟု မြင်ပါသည်။ ကိုယ့်သမိုင်းကိုယ်ရေးကြသလို ကိုယ့်ပတ်ဝန်းကျင်၏ သမိုင်းကိုလည်း ရေးနေကြသည့်အကြောင်း လက်ခံဖို့လိုမည်ထင်ပါသည်။

လောလောဆယ် ဖတ်ဖြစ်သော မောင်ထွန်းသူ မြန်မာပြန် `ဇာစ်မြစ်´ နှင့် မောင်ဝံသစုစည်းသော `သမ္မတကတော်၏ ဘ၀ခရီး´ စာနှစ်အုပ်ကို အခြား ဖတ်ထားမိသမျှ အတ္ထုပ္ပတ္တိများနှင့် ပူးပေါင်း၍ အစာခြေမိသောအခါ ယခုလို အတွေးမျိုးတွေးမိခြင်း ဖြစ်ပါသည်။ ဘယ်သူဘယ်ဝါ ဘယ်အဖွဲ့အစည်းကဖြင့် ဘယ်သို့ဘယ်ပုံဟု ပြောဆိုသည့်အခါတိုင်း ကိုယ်တိုင်ပါဝင်နေသော ပတ်ဝန်းကျင်၏သမိုင်းကို ကိုယ်လည်း ရေးမိနေကြောင်း သတိပြုမိနိုင်ပါသည်။

`ကိုယ့်သမိုင်းကို ကိုယ်ရေးခြင်း´ ဖြစ်စဉ်သည် `ပြဿနာ၏ တစ်စိတ်တစ်ပိုင်းအနေဖြင့် ကိုယ်ပါဝင်နေခြင်း´ နှင့် ယှဉ်တွဲဖြစ်တည်နေကြောင်း၊ `ကိုယ့်အကြောင်းနှင့်ကိုယ်´ တွေးမိသမျှ ဒီလောက်ပဲ ရေးနိုင်လိုက်ပါသည်။ စိတ်ချမ်းသာအောင် `ကျကျမ်း´သွားဖတ်လိုက်ပါဦးမည်။ 🙂