MIT, Dreams and Ways

USA က MIT ဆိုတဲ့ နာမည်ဟာ ကျွန်မအတွက်တော့ အဝေးကြီးမှ ဟိုးအဝေးကြီးက ကြယ်တစ်ပွင့်ပါပဲ။ ကိုယ့်တက္ကသိုလ်က သင်လိုက်တဲ့ ပညာတွေတောင် ဘယ်ဆီဘယ်ဝယ် ပျောက်တော့မယ်မှန်းမသိအောင် ကျွန်မလည်း အမေ့ပျောက်ခံပြီး တောမရောက်၊ တောင်မရောက် အလုပ်တွေနဲ့ ခါနာမှန်ရေး ကြိုးစားနေရတယ်လေ။ အိန္ဒိယလူမျိုးတွေရဲ့ စကားနဲ့ပြောရရင် ရူးပြားနိမ်းဟေး-ခါနာနိမ်းဟေး ပေါ့။ ခက်တာက ကိုယ်သင်ချင်လွန်းလို့ ကြိုးစားပမ်းစားသင်ခဲ့ရတဲ့ အကြောင်းအရာတွေ မေ့ပျောက်ကုန်ရင် ဆိုပြီးတွေးမိတိုင်း ရင်ထဲ နာနာကျင်ကျင် ဖြစ်တာပဲ။ တစ်ခါတစ်ခါတော့ ဘာသာရပ်ဆိုင်ရာ အကြောင်းအရာလေးတွေ ရှာဖွေ ဖတ်ရင်း အင်တာနက်ဆိုတာကြီးကို ကောင်းကောင်းမွန်မွန် သုံးဖြစ်ပါတယ်။ ဖတ်တိုင်းလည်း ကိုယ်နားမလည်တာတွေ များလာရင် စိတ်ဓါတ်က ကျချင်လာပါရော။ ကိုယ် လေ့လာတာလည်း ဘယ်အဆင့်ရောက်လို့ ရောက်မှန်းမသိ၊ ကိုယ်နိုင်လောက်၏/မနိုင်လောက်၏လည်း မသိ၊ ကိုယ့်ရဲ့  Self-study တော်ပုံများ 😦

အဲဒါနဲ့ အဝေးသင်ပညာရေးကို သတိရသွားပါတယ်။ ကျွန်မသင်ပေးခဲ့ရတဲ့ guide တပည့်လေးတွေထဲမှာ အဝေးသင်တက္ကသိုလ် ပထမနှစ်၊ ဒုတိယနှစ်အထိ ပါပါတယ်။ နယ်မြို့လေးဖြစ်တဲ့အတွက် အဝေးသင်တက္ကသိုလ်ကို အားပေးကြတဲ့ မိဘတွေက အတော်များပါတယ်။ ဒါတောင် ကျွန်မတို့မြို့လေးက တက္ကသိုလ်ရှိတဲ့ မြို့နဲ့   ၉ မိုင်ပဲ ဝေးပါတယ်။ လိုင်းကား နေ့စဉ်ရှိပြီး ၀န်ထမ်းတွေ၊ ကျောင်းသားတွေ၊ ဈေးသည်/ ကုန်သည်တွေ ပုံမှန်သုံးစွဲနေတာလည်း ဖြစ်ပါတယ်။ ဒါ့ကြောင့် မနက်သွား/ညနေပြန် နေ့ကျောင်းသား/ကျောင်းသူတွေလည်း မနည်းပါဘူး။ ဒါပေမယ့် ခရီးစရိတ်နဲ့ အခြား အထွေထွေအသုံးစရိတ်ရယ်၊ ကျောင်းမှာ တက္ကသိုလ်ကျောင်းသားဘ၀ ခံစားဖို့ရယ်ဆိုတော့ စရိတ်က မသေးလှဘူးပေါ့လေ။ ဒီတော့ အဆောင်နေကျောင်းသား/ကျောင်းသူဆိုပြီး တစ်စု ထပ်ထွက်လာပါတယ်။အဲဒီကျပြန်တော့ အဆောင်စားရိတ်နဲ့ မိဘရင်ခွင်က ခွါရတဲ့အခါ တခြား၊တခြားသော အကြောင်းအရာတွေက ရှိလာပြန်ရော။ ဒါနဲ့ပဲ သာမန် နေ့စဉ်လှုပ်ရှားရှာဖွေနေရတဲ့ မိဘတွေက အဝေးသင်တက္ကသိုလ်ကို မျက်စိကျသွားပါတယ်။ ကျောင်းပြီးရင်တော့ ဘွဲ့ရပညာတတ်ဆိုတဲ့ စာရင်းထဲ ၀င်မှာပဲကိုး။

အဝေးသင်တက္ကသိုလ်ဆိုတာကြီး တက်ပါပြီဆိုတော့မှ မိဘတွေ မသိခဲ့တဲ့ အနီးကပ်ဆိုတာကြီး ပါလာပါလေရော။ စာစဉ်ဖိုး၊ လက်ချာတိပ်ခွေဖိုး ဆိုတာကတော့ မိဘတွေကို ရှင်းပြလို့ရနိုင်ပေမယ့် ကျူရှင်ယူရ၊ အနီးကပ်တက်ရတဲ့ စားရိတ်က နေ့ကျောင်းတက်နေတဲ့လူတွေလောက်ကို ထွက်လာပါတယ်။ စာမေးပွဲဆိုလည်း နေ့ကျောင်းသားတွေထက် အများကြီး ပိုတင်းကျပ်တယ်ဆိုပြီး ညည်းညူကြပါတယ်။ ဆရာ/ဆရာမတွေအနေနဲ့လည်း အဝေးသင်ကျောင်းသားတွေကို သေသေချာချာ မတတ်မှာ စိုးရိမ်တဲ့အတွက် ပိုပြီး ကရိကထ ခံရပါတယ်။ အဝေးသင်တက္ကသိုလ်ရဲ့ ဆောင်ပုဒ်ဖြစ်တဲ့ ‘ပညာရေး၊ ဝေးသည်မရှိ’ ဆိုတာက ပေးလာတဲ့ ၀န်ထုပ်ဝန်ပိုးတွေက မွေးထုတ်ပေးလိုက်တဲ့ ဘွဲ့ရစာရင်းနဲ့ မမျှအောင်ပါပဲ။

အဓိကအချက်က ရလာတဲ့ ဘွဲ့ကို လိုချင်တာလား၊ အဲဒီပညာရေးက သင်ပေးလာမယ့် ပညာကိုလိုချင်တာလားဆိုတာပါ။ တစ်ချို့ကလေးတွေများ သနားစရာကောင်းလောက်အောင်ကို အပင်ပန်းခံ ကြိုးစားကြပါတယ်။ သူတို့ကို မေးကြည့်တော့ ဒီကျောင်းပြီးလို့ လယ်ထဲ ကိုင်းထဲ ပြန်မဆင်းဘဲ တခြားလုပ်ငန်းခွင်ဝင်တဲ့အခါ အဝေးသင်ဘွဲ့မို့ သူများထက် မျက်နှာငယ်ရပါတယ်တဲ့။ အသုံးမကျတာ သူများထက်ဆိုးနေမှာစိုးလို့ ကိုယ့်အသိစိတ်လေးနဲ့ကိုယ် ကြိုးစားကြတာပါတဲ့။ ကျွန်မဖြင့် ကိုယ့်ကျောင်းနားက ရွာမှာ အဆောင်သွားနေပြီး ပျော်ပျော်ကြီး တက္ကသိုလ် တက်ရတာတောင် သူတို့ကို ဘာမဆိုင် ညာမဆိုင် အားနာမိသွားပါတယ်။ သူငယ်ချင်းတွေကို ပြန်ပြောပြမိရင် ဩဘာပေးလောက်ရဲ့- ကြောင်ပါ့ ဆိုပြီးလေ။

သူတို့ တန်ဖိုးထားတဲ့အပေါ်မူတည်ပြီး သူတို့ ဘ၀လေးတွေမှာ အများကြီးမဟုတ်တောင် အတော်ကို ကွာခြားကြပါတယ်။ လူရိုသေရှင်ရိုသေ၊ မိတ်ဆက်လို့ကောင်းအောင်၊ အလုပ်လျှောက်လို့ ဘောင်ဝင်အောင် သင်ခဲ့ကြသူများဟာ ရောက်လေရာမှာ ရပ်သွားတာ များပါတယ်။ ဆက်ပြီးတိုးတက်ဖို့ (ဆိုလိုတာက လေ့လာသင်ယူပြီး တိုးတက်ဖို့) ကြိုးစားလက်စရှိတဲ့ ဘွဲ့ထက် ပညာကို လိုချင်သူများသာ အနှေးနဲ့ အမြန် တိုးတက်လာကြတာပါ။ ကျွန်မတို့ ကျောင်းပြီးခါစ လုပ်ငန်းခွင်ဝင်ဖို့ ကြိုးစားတဲ့အခါ လုပ်ငန်းအတွေ့အကြုံ အားနည်းချက်အရ အခက်အခဲတွေ အများကြီးရှိပါတယ်။ လုပ်ငန်းခွင်ထဲမှာ တကယ် အသုံးချရင်း ဆက်လက် လေ့လာသွားမှသာ ကိုယ်သိထားတဲ့ အတတ်ပညာ၊ အသိပညာတွေကို ထပ်ပြီး ဖြည့်ဆည်းနိုင်မှာပါ။ ဒီလိုနဲ့ လုပ်ငန်းချိန်ပြင်ပ သင်တန်းတွေဆီမှာ မဆုံးနိုင်တဲ့ ကျောင်းသားဘ၀ပေါ်လာပါတယ်။ တချို့တချို့သော သူများကလည်း self-study ကို ညွှန်းကြပါတယ်။ အဲဒီအခါမှာ လမ်းခွဲအများကြီးမှာ သိုးပျောက်ကို ရှာကြသလိုပေါ့။ ကိုယ် ဘယ်လမ်းလိုက်ရပါ့ ဆိုပြီး ထွေပြားသွားတတ်တာလည်း ရှိသလို မြေပုံ မပြည့်စုံ၊ လမ်းစရိတ်မရှိလို့ ဆက်မသွားဖြစ်တာတွေလည်း self-study ရဲ့ ဘေးထွက် အာနိသင်တွေ ကြုံတွေ့လာရတတ်ပါတယ်။

အခု Mysteryzillion Forum မှာ mmlegend ညွှန်းထားတဲ့ MIT က ပံ့ပိုးတဲ့ Opencourseware ဆိုတာ သွားတွေ့ပါတယ်။ အဲဒီမှာ MIT က ပေးတဲ့ ဘွဲ့ကိုမှ လိုချင်ပါတယ်ဆိုရင် တက်ရမယ့် အချိန်၊ ငွေ၊ အခြားအခြားသော ကန့်သတ်ချက်တွေကို ကျော်ဖြတ်ပြီး သွားတက်ရမှာ ဖြစ်ပြီး ကိုယ့်ရဲ့ လေ့လာမှုနဲ့ကိုယ် ဘယ်လို မွမ်းမံမလဲ၊ ဘယ်လို ပြန်နွှေးမလဲ၊ ဘယ်လို ကြိုးစားမလဲဆိုရင် သူတို့ပံ့ပိုးထားတဲ့ lecture notes, learning aids, video lectures, recession တွေကို အစီအစဉ်ချပြီး လေ့လာလို့ရပါပြီ။ ဒီလို အလွတ်လေ့လာမှုတွေအတွက် MIT မှာ register လုပ်စရာ၊ Fees သွင်းစရာ မလိုသလို diploma, certificate, degree တွေ ပေးမှာလည်း မဟုတ်ပါဘူး။ ကိုယ့်ကိုယ်ကို ယုံကြည်မှု တည်ဆောက်ပြီး သိုးပျောက်ရှာဖို့အတွက် ပြည့်စုံကောင်းမွန်တဲ့ မြေပုံတစ်ချပ်ရသလိုပဲ ဖြစ်မှာပါ။

အခု ကျွန်မ MIT ရဲ့ အဝေးသင်ကျောင်းသား လုပ်ကြည့်နေပါပြီ။ သူက ပေးမယ့် ဘွဲ့ ဆိုတာထက် ကိုယ်ကျောင်းတက်တုန်းက ဒါတွေဟာ ဘာတွေပါလိမ့်ဆိုတဲ့ ယောင်တီးယောင်နဘ၀ကို ပြန်ဖြည့်ဆည်းချင်တာနဲ့ကို MIT ရဲ့ Virtual ကျောင်းသား လုပ်ကြည့်လိုက်ပါဦးမယ်။  ရောက်တတ်ရာရာတွေ လျှောက်သွားခဲ့တဲ့ လမ်းတွေမှာ ရခဲ့တဲ့ အခြားအခြားသော မြေပုံဖတ်နည်းများကိုလည်း အသုံးချခွင့်ရတဲ့အတွက် ကျွန်မလျှောက်ခဲ့တဲ့ လမ်းတွေကို အလကားမဖြစ်ဘူးလို့ ကိုယ့်ကိုယ်ကို နှစ်သိမ့်အားပေးရင်း၊ အခု လေ့လာသင်ယူမှု လမ်းကြောင်းပေါ် ထော့နဲ့ထော့နဲ့ တက်လျှောက်ပြန်ပြီပေါ့ရှင်။ 🙂

Advertisements

ဘာတွေပြန်ရပါသနည်း

ကြားဖူး၊ မှတ်ဖူးတဲ့ စကားပါ။ သတင်းနဲ့ စာနယ်ဇင်းလောကမှာ သေချာတဲ့ကိစ္စနဲ့ မသေချာတဲ့ကိစ္စတွေဟာ ခေါင်းစဉ်မှာကို ထင်ရှားပါတယ်တဲ့။ သေချာတိကျတဲ့ သဘောထားအမြင်တွေကိုပြောချင်ရင် ဒဲ့ပြောပါတယ်၊ ဥပမာ- “နည်းပညာပြပွဲ ၂၀၀၉-၀က်ဝက်ကွဲအောင်မြင်” အဟဲ၊ ဖြစ်ချင်တာဖြစ်ပစ်လိုက်တာပေါ့။
စာနယ်ဇင်းအနေနဲ့ တာဝန်နည်းနည်း ပေါ့အောင်၊ စာဖတ်သူတွေကိုလည်း အဲဒီ တာဝန်ပေါ့အောင် လုပ်ကြောင်း မသိအောင် ပြောချင်ရင်တော့ မေးခွန်းတွေပုံစံ သုံးပါတယ်၊ ဥပမာ- ‘ကမ္ဘာကြီးပျက်စီးလုနီးပြီလော” အဲဒါမျိုးပေါ့။ (ဒါကို သေချာပါတယ်လို့ သွားပြောရင် နောက်တစ်နေ့ မျက်နှာသစ်စရာ အသက်နဲ့ကိုယ်တောင် အိုးစားကွဲသွားလို့ ဒုက္ခများသွားမှာကိုး။)

အခုလည်း ကျွန်မ အဲဒီအတိုင်းပါပဲ။ ကိုယ့်ကိုယ်ကို ပြန်မေးတဲ့မေးခွန်းကို မဖြေနိုင်သလိုလို ဖြစ်နေတာနဲ့ အိမ်လာလည်တဲ့လူတွေကို မေးကြည့်တာပါ။ ကျွန်မ ကိုယ့်ကိုယ်ကို ပြန်မေးတဲ့ မေးခွန်းက- ‘အင်တာနက်ကို စွဲစွဲလမ်းလမ်းသုံးနေပြီး ကိုယ့်အတွက် ဘာတွေ တိုးတက်ဖြစ်ထွန်းလာသလဲ’
ပြီးခဲ့တဲ့ တစ်လလုံးလိုလို ကျွန်မ စာမရေးဖြစ်ပါဘူး။ ကွန်ပျူတာပျက်သလိုလို ဖြစ်သွားတာကို ကလိရင်းကနေ Mystery Zillion Forum မှာ လည်ပတ်ပြီး ပြန်မထွက်နိုင်ဖြစ်နေခဲ့တာကိုး။ ကွန်ပျူတာကဖြင့် ကောင်းနေပြီ-ကျွန်မက အဲဒီ Forum မှာ လည်ပတ်၊ စာဖတ်လို့ကောင်းတုန်း။ ဖတ်လိုက်တဲ့ဖတ်လိုက်၊ General DTP ကနေ PHP နဲ့ Blogging ရောက်လိုရောက်၊ Internet Security ကနေ Windows Registry တွေ ရောက်လိုရောက်။ နောက်ဆုံး ကိုယ်သိတယ်ထင်တာတွေက ကိုယ့်အထင်ပဲ ကျန်တော့တယ်။ Forum က ဖတ်လို့ မဆုံးသေးဘူး။ ဘယ်ဆုံးမလဲ။ အဲဒီမှာ ပညာရပ် နယ်ပယ်ပေါင်းစုံတောင် မဟုတ်သေးဘူး၊ ကွန်ပျူတာနဲ့ ဆက်စပ် နည်းပညာပိုင်းပဲ ရှိသေးတာတောင် မနည်းကို ကျယ်ပြန့်လှပြီလေ။

နောက်ဆုံး လူလည်း အတော် ခြေကုန်လက်ပမ်းကျသွားတော့မှ သေသေချာချာ ပြန်စီစစ်ပြီး ကိုယ်တကယ် သိချင်တာ၊ သိလို့ မျှဝေသင့်တယ်ထင်တာ၊ သိဖို့လိုကို လိုအပ်တယ်လို့ ထင်တာ အဲဒီအကြောင်းအရာတွေကို ပြန်ဖတ်ရပါတယ်။ မလိမ္မာ နှစ်ခါမော တာပေါ့လေ။

အဲဒီလို မောပြီး သိလိုက်ရတာတွေကိုလည်း ပြန်မျှဝေပေးချင်ပါတယ်။ ကျွန်မအတွက် အမြတ်ထွက်တာ Google Service တွေကို အတော် ထိထိရောက်ရောက်သုံးစွဲတတ်လာတာပါပဲ။ အရင်က ကျွန်မသုံးစွဲတာ အတော်ကို နည်းပါတယ်။ Gmail, Gtalk, Blog, Picasa Web Album, Alert အဲဒါ ကျွန်မ သုံးတတ်သမျှ အကုန်ပဲ။ အခု နောက်ထပ်တိုးလာတာတွေ ပြောပါ့မယ်။

Google Sites: Media File တွေနဲ့ ကိုယ်အကြိုက် ကိုယ့် Site လေးကို ကိုယ် စမ်းသပ်ကြည့်လို့ရပါတယ်။ ဘလော့လောက်တော့ စိတ်တိုင်းကျ မကလိရသေးပေမယ့် media file တွေအတွက်တော့ တော်တော် သဘောကျတယ်။

Google Reader: အစက စာအုပ်စာရင်းမှတ်ပြီး ဖတ်လို့ရတယ်အောက်မေ့နေတာကနေ ကိုယ် ဖတ်နေကျ၊ လည်နေကျနေရာတွေကို စာရင်းပြုစုပြီး ကိုယ့်ကိုယ်ကို အမြဲ up to date ဖြစ်အောင် လေ့လာလို့ရမှန်း အဲဒါကို သုံးတော့မှ သိပါတော့တယ်။ ကျွန်မ သူငယ်ချင်း အတော်များများကတော့ မသိကြသေးဘူးထင်ပါတယ်။ ကျွန်မရဲ့ account ထဲမှာ သူငယ်ချင်းတွေရဲ့ Shared item အတော် နည်းပါတယ်။ (ကိုယ့်ဘာသာကိုယ် share ထားတာပဲ တွေ့တယ် 😦 အားရှိစရာပဲ)

API Code တွေ ကို အခြေခံ လေ့လာဖို့ကနေ အလွယ်ယူသုံးဖို့ဆိုပြီး ပံ့ပိုးထားတာကို အံ့ဩတကြီးတွေ့လိုက်ရတာ တကယ့်ကို မတော်တဆ တိုက်ဆိုင်မှုပါ။ ဘလော့မှာ expendable code လေး ထည့်သုံးချင်လို့ googling လုပ်လိုက်ရင်းကနေ အဲဒါမျိုးရှိတယ်ဆိုတာ သိသွားပါတယ်။ အခုလောလောဆယ်တော့ ဥာဏ်မမီသေးလို့ တစ်ကြောင်းချင်း ပြန်ဖတ်တုန်းပဲ 😀

ဟိုနေရာ ဒီနေရာ အကူအညီပြေးတောင်းနေရတာလည်း ကိုယ့်ဘလော့လေးမှာ မျက်နှာ မန်ကျည်းရွက်ဘ၀က တက်တော့မှာ မဟုတ်တော့ပါဘူးဆို စိတ်လျှော့ထားရာက Group ဆိုတဲ့ service ကို တွေ့သွားပါတယ်။ Forum တွေလိုမျိုး ဆွေးနွေးတဲ့ group တွေ ရှိသလို fun only mailing group တွေအကြောင်းလည်း သိလာပါတယ်။ ကိုယ် စိတ်ပါတဲ့ အကြောင်းအရာတွေအတွက်လည်း group member လျှောက်ဖြစ်တာ ရှိပါတယ် (ဘယ် group လဲတော့ မမေးနဲ့ အကြောင်းသိတွေပဲဟာ နော်)

Online Education ဖိုရမ်တွေမှာ သူများပေးလာတဲ့ လိပ်စာတွေကို သွားကြည့်ရင်းကနေ ကိုယ်ပြန်ရှာချင်၊ ဖတ်ချင်တာတွေကို ဆင့်ကဲ ဆင့်ကဲ မှတ်ထားလို့၊ ညွှန်းလို့ရတဲ့ Favourite link မှတ်တဲ့ စနစ်လည်း ပိုပြီး သုံးဖြစ်လာတယ်။ Document တွေ စုသိမ်းပြီး ပြန် share ဖို့လည်း memory stick မလိုတော့သလောက် online file share site တွေ သုံးတတ်လာတယ်။

ဘာအကြောင်းအရာ သိချင်ရင် ဘယ်မှာ ရှု ဆိုတဲ့ စွယ်စုံကျမ်းလို ဘ၀မျိုးကို ကျွန်မ အလွန်သဘောကျခဲ့ပါတယ်။ ခရီးသွားတွေအတွက် လမ်းခရီးကို ညွှန်ပြတဲ့ ကောင်းမှုကြောင့် လက်ညှိုးညွှန်ရာ ဆုတောင်းပြည့်တဲ့ ရုက္ခစိုးအကြောင်း ပုံပြင်ကို ကျွန်မ ကြိုက်ပါတယ်။ ကျွန်မ အခု သတိထားမိတာတော့ အခုဖြစ်နေတဲ့ စွယ်စုံကျမ်းဘ၀က အပြည့်အစုံ မဟုတ်ဘဲ link ပဲ သိတဲ့ link library ဖြစ်နေတယ်ဆိုတာပါပဲ။ တကယ် ပြည့်ပြည့်စုံစုံ ကျွမ်းကျွမ်းကျင်ကျင် သိရဲ့လားဆိုတော့လည်း မဟုတ်၊ လမ်းစလေးဖော်လိုက်- နောက်တစ်လမ်းသွားလိုက်နဲ့ လမ်းရှာတာကတော့ အတော့်ကို အချိန်ကုန်ခဲ့ပြီလို့ သတိထားမိလာပါတယ်။ ကျွန်မ လျှောက်ချင်တဲ့ လမ်းတွေက များသထက်များလာပြီး ခေါင်းကလည်း  အတော် မူးလာပါတယ်။ လမ်းတစ်လမ်းကို ရွေးချယ်လျှောက်လှမ်းဖို့ ကျွန်မ မဖြစ်မနေ ဆုံးဖြတ်လိုက်တဲ့အခါမှာ ကျွန်မ ခရီးပေါက်အောင် လျှောက်နိုင်ဖို့ အင်အားတောင် ကျန်ပါတော့မလားပဲ။ ဒါပေမယ့် ကျွန်မ ၀မ်းသာရတဲ့ အကြောင်းအရာတစ်ခုတော့ ရှိပါတယ်။ ကိုယ့်အတွက် အသုံးလိုသည်ဖြစ်စေ၊ မလိုသည်ဖြစ်စေ သယ်ဆောင်လာတဲ့ အရာများစွာက သူတစ်ပါးတို့အတွက် အသုံးဝင်တဲ့ အရာတွေ ဖြစ်ကောင်း ဖြစ်နေနိုင်လို့ပါပဲ။ အသုံးတည့်မှုတစ်ခုအတွက် ဖြည့်ဆည်းလိုက်နိုင်တဲ့အခါ သူ့ကို သယ်ဆောင်လာရကျိုးနပ်တယ်လို့ပဲ ကျွန်မ တွေးမိပါတယ်။

ဒါဆိုရင် ကျွန်မ ဘာတွေ ပြန်ရသလဲဆိုတာ ကျွန်မ ကျေနပ်နိုင်ပြီပေါ့။