ဖျော်ဖြေရေး

ခုတလော online radio အစီအစဉ်တွေ အများကြီး စုပြီး နားထောင်ဖြစ်သည်။

 အိမ်မက်လှိုင်းအဖြူရောင်သံစဉ်၊ (Google Desktop မှာ Radio Player ထည့်ပြီး Station URL ပေးလိုက်လျှင် အတော်အဆင်ပြေတာ တွေ့ရပါသည်)

 မြန်မာ့ဂန္ထ၀င်၊ (ကြာကြာ နားမထောင်ဖြစ်ပါ။ သို့သော် အလှည့်တစ်ခုပေးလိုက်လျှင်တော့ ခဏတဖြုတ် နားထောင်ဖြစ်တတ်သည်။)

AOL radio programs (Lite Rock, Pop Rock တွေမှာ ကိုယ်နားစွဲပြီးသား သီချင်းများ၊ (သို့မဟုတ်) ကိုယ်သဘောကျတတ်သော သံစဉ်အဖွဲ့များ ကြားရတတ်သည်။ Google Desktop – Radio Player မှာတော့ ပေါင်းထည့်၍ မရ။ သူ့ Player မှာ station ရွေးစရာတွေ အများကြီးပါလာပြီး သီချင်းပုဒ်လိုက် ကျော်၍ရသည်။)

သီချင်းတွေ နားထောင်ရင်း အလုပ်ထဲ စိတ်နှစ်ထားရတာ နည်းနည်း စိတ်ဖိစီးမှုသက်သာသည်ထင်၍ပါ။ တစ်ဖက်စားပွဲမှ ဖွင့်ထားတတ်သော စကာင်္ပူတရုတ် FM ရေဒီယိုအစီအစဉ် အမြဲတမ်းကြားနေရတတ်သော်လည်း ကိုယ်နားမလည်သော ကွိစိကွစများချည်း ဖြစ်လေရာ ကိုယ်နားလည်သော အစီအစဉ်ကို ကိုယ့်ဘာသာကိုယ်ပဲ ရွေးချယ်လိုက်ပါတော့သည်။ နားလည်မှုရှိတာ တော်သေးတာပေါ့လေ။ (အဲဒီတစ်မှတ်ကလွဲလျှင် Boss ကို အမှတ်`Minus´ ပဲ ပေးမိတာများပါသည်။)

Stress-Survival Fight တွင် Entertainment တပ်ကူသာမရှိလျှင် အတော် အထိနာမည် ထင်ပါသည်။ ကြိုက်မိသည်များကို မျှဝေလိုက်ပါသည်။

Advertisements

ခေတ်မီလိုက်ရင် ကောင်းမလား!

ခက်တော့ အခက်သား။ စကာင်္ပူမှာ လူ ၁၄၀ ကျော် ကူးနေပြီဖြစ်သော H1N1 သည်းသည်းလှုပ်နေခိုက်မှာ ဖျားသည်။ ကွေးတော့ မကွေးပါ။ လူက မိုးတိုးမတ်တပ် သွားလိုက်လာလိုက်နှင့်။

ဇာတ်လမ်းအစ – ကြာသာပတေးနေ့နှင့် သောကြာနေ့ နှစ်ရက်ဆက်၍ Site သွားသည်။ ကြာသာပတေးနေ့ကတော့ မသိသာသေး။ တောက်လျှောက် ပင်ပန်းထားပြီး သောကြာနေ့လည်မှာ ရုံးကို ပြန်ရောက်တော့ ချွေးတွေ စိုနေရာက အဲကွန်းတန်ခိုးနှင့် ချက်ချင်း ခြောက်ခြောက်သွေ့သွေ့ ဖြစ်သွားပြီး အစိုဓါတ်က နှာခေါင်းဘက် ပြောင်းရွှေ့သွား၏။ သည်အချိန်မှာ စနေနေ့ပြန်မည့် လူကြုံက ပြည်အထိ ရောက်မည်ဆိုသောအခါ — အိမ်ကို လူကြုံပေးရန် ဖုန်းဆက် မေးကာ ညနေရုံးဆင်းချိန်တွင် အပြေး အလွှား ဈေးသွားဝယ်ပါသည်။ Mustafa တွင် ဟိုဘက်၊ ဒီဘက် အဆောက်အဦးနှစ်ခုလုံးကို တက်လိုက်ဆင်းလိုက် ပစ္စည်း ရှာခြင်း၊ ၀ယ်ခြင်းများ ပြီးသည့်နောက် ည ၈ နာရီကျော်။ လူကြုံပေးခြင်းကိစ္စ ပြီးသည်နှင့် အိမ်ကို ငွေလွှဲရန် City Hall ဘက် ခြေဦးလှည့်သည်။ လူကြုံလိုချင်သည် ပြောသော ယုန်မွေးဆွယ်တာ- ပင်နီဆူလာမှာ မြင်ဖူးသလိုလိုပဲဆိုပြီး အထပ်စေ့ ပတ်သည်။ မူစတာဖာတစ်ပတ်နှင့် ညီမျှသောအခါ ခြေကုန်လက်ပန်းကျလာပြီး မတွေ့ကြောင်း အဖြေထွက်လာ၏။ သည်လိုနှင့် အိမ်ပြန်သည့် အခြေအနေဖြစ်တော့ ည ၁၀နာရီခွဲ။ အိမ်ရောက်တော့ Panadol Extra တစ်လုံး ပါးစပ်ထဲ ပစ်ထည့်ကာ မှောက်သွားသည်။ ချွေးလေး စို့ကာ နေသာ ထိုင်သာ ဖြစ်သွားသည်။ `ငါ မဖျားသေး´။

စနေနေ့မနက် နိုးလာတော့ ကောင်းကောင်း မကြည်လင်။ ရုံးမသွားချင်သော ရောဂါအဖြစ် ကိုယ့်ကိုယ်ကို သတ်မှတ်လိုက်တော့ ဖျားသည့်ဘက် မလှည့်လိုက်နိုင်။ `တောင်လှည့်၊ မြောက်လှည့်နဲ့ ရုံးချိန်ပြီးသွားမှာပါ´- ကိုယ့်ကိုယ်ကို အားပေးကာ အဲကွန်းခန်းထဲ သွားငုတ်တုတ်ထိုင်လိုက်သည်။ လာလေ့- နေ့တစ်ဝက်။ ရုံးဆင်းသော် ခါတိုင်းကဲ့သို့ ပင်နီဆူလာ၊ လမ်းပြကြယ်တို့ဘက် မလှည့်နိုင်တော့။ အိမ်တန်းပြန်သည်။ ကောင်းကောင်း ဖျားရန် အရှိန်ယူသည်။ ဖြစ်ချင်တော့ တနင်္ဂနွေနေ့တွင် ဂျိုဟိုးလမ်းညွှန် ကူညီ မ,စဖူးသော ညီမလေးက မင်္ဂလာဆောင်မည်။ ကိုယ့်ကိုယ်ကို ဖျားခွင့်မပြုနိုင်ပြန်။ သည်လိုနှင့် တောက်လျှောက် ဖျားခွင့်မရရှာသော ခန္ဓာကိုယ်က တနင်္လာနေ့တွင် ဆန္ဒပြပါသည်။ ဘယ်လိုမှ မကြည်လင်ပါ။

MRT Station နှင့် ရထားပေါ်တွင် တချို့ကလေးများကို မျက်နှာဖုံးစွပ်လျက်သား တွေ့လာရသလို၊ ကလေးအမေ အချို့လည်း မျက်နှာဖုံးကိုယ်စီ နားရွက်မှာ ချိတ်လာကြသည်။ သူတို့ကြည့်ရသည်မှာ အတော်ပင် ကို့လို့ကန့်လန့်နိုင်နေပြီး သူတို့ကိုယ်တိုင်ကလည်း စိတ်မသက်မသာ ဖြစ်နေပုံရပါသည်။ သို့ဖြင့် အချိန်များမကြာမီ သူတို့လည်း မျက်နှာဖုံးစွပ်လေးများကို ဖြုတ်သွားကြ၏။ သို့သော် အချို့အချို့သော သူများကား တာဝန်သိပြည်သူများပီသနေကြလေရာ ကိုယ်တိုင် တစ်ရှူးလေးကွယ်ကာ ဟတ်ချိုး ချေခါနီးချိန်တွင် နံဘေးမှ မျက်နှာဖုံးစွပ်များကို ကြည့်ရင်း နည်းနည်း အားနာလာပါသည်။

Today မှ `အော်သံ´ ကဏ္ဍတွင် ကလေးမိခင်တစ်ဦးက ရေးထားသည်။ “You may survive, but my son won’t”၊ သူ့သား ၁၀လသားကလေး မွေးရာပါ ရောဂါကာကွယ်မှု အားနည်းနေသောကြောင့် ဆေးရုံတက်ကာ ကုသမှု ခံယူနေရသည်။ အကယ်၍သာ ယခုအချိန် ပြင်ပမှ အခြားရောဂါများ ကူးစက် ရရှိခဲ့လျှင် မည်သို့မှ ကယ်နိုင်ရန် လမ်းမရှိတော့။ သို့ဖြစ်၍ —–  ကိုယ့်ကိုယ်ကို ဘာမှတော့ မဖြစ်နိုင်ပါဘူးဆိုပြီး လွတ်လွတ်လပ်လပ် လျှောက်သွားနေကြသော၊ မိမိကိုယ်တိုင် မသိနိုင်သည့် ရောဂါပိုးသယ်ဆောင်သူများကို သူ တောင်းဆိုထားသည်က-`ကာကွယ်ခြင်းဖြင့် ကယ်တင်ကြပါ´။

Mask သုံးခြင်း၏ ကောင်းကျိုးများအား မသိမဟုတ်၊ သိပါ၏။ သိပါသော်လည်း – မျက်နှာဖုံးစွပ် တပ်ရမှာ ဘာကြောင့်မှန်းမသိ၊ အတော် ၀န်လေးမိသည်။ ကိုယ်တိုင်ကပဲ အကြောက်အလန့် နည်းလွန်းသလား၊ ကြောက်တတ်သူဟု အထင်ခံရမည်ကိုပင် ကြောက်လွန်းသလား၊ တစ်ခုခုတော့ လွဲနေသည်။ ကွေးရဲလျှင် ကွေး- quarentine ထဲ ရောက်သွားမည် ဆိုပြီး ကြောက်တာက ပိုမည်ထင်ပါသည်။ သို့ဆိုလျှင်လည်း သူများ မျက်နှာဖုံးစွပ်သလို လိုက်စွပ်ပြီး ခေတ်မီလိုက်လျှင် ကောင်းမလား။

မည်သို့ပင်ဖြစ်စေ – အမိမြေမှာ ကိစ္စတစုံတရာရှိ၍ သတင်းထုတ်ပြန်သည့်အခါ ပြည်သူလူထု အစိုးရိမ်လွန်၊ ကြောက်လန့်ကြသည်များ မဖြစ်စေရန် ထိန်းထိန်းသိမ်းသိမ်းထုတ်ပြန်သော သတင်းစနစ်ကို အတော်ကျင့်သားရနေသည်ထင့်။ ယခု စကာင်္ပူကျွန်းကလေးမှာ ကျန်းမာရေးဝန်ကြီးဌာနက အရေးတယူ လှုပ်လှုပ်ရှားရှား လုပ်နေသည်ကိုပင် စိတ်ထဲမှာ သည်းသည်းသန်သန် ဖြစ်မလာ။ ကြောက်စရာလား။ မြတ်စွာဘုရားရှင် သက်တော်ထင်ရှား ရှိနေသေးလျှင် ခံနိုင်ရည်အရာမှာ ဧတဒဂ်ပေးလောက်သော `ငါဟဲ့- မြန်မာ´။

လတ်တလော သတင်းထုတ်ပြန်ချက်။

ယနေ့ ရုံးမှ ခွင့်ယူ၍ အိမ်တွင် အားရပါးရ ဖျားပါသည်။ မောင်ထွန်းသူ မြန်မာပြန် `ပီကင်း´နှင့် တက္ကသိုလ်နေ၀င်းမြန်မာပြန် `ဂေါ့ဒ်ဖားသား´အားကိုး ရှိပါသည်။ တစ်မနက်လုံးဆေးသောက်လိုက်၊ ပြန်အိပ်လိုက် လုပ်ပြီးသောအခါ အတော်လေး နေသာထိုင်သာ ရှိနေပါပြီ။ ဆေးခန်းမသွားပါ။ အကြောင်းရင်းက တုပ်ကွေးမဟုတ်ကြောင်း ကိုယ့်ဘာသာ သေချာသော်လည်း Quarentine ထဲ ရောက်မှာစိုးပြီး မသွားခြင်းဖြစ်ပါသည်။ ခေတ်မီအောင် မကွေးရဲလိုက်ပါ။ ကောင်းမလားလို့ တွေးကြည့်လိုက်တာပါပဲ။ ခုတော့-

`အားလုံးကောင်းပါသည်ခင်ဗျား´

ပူးပေါင်းဆောင်ရွက်မှုမှ အသီးအပွင့်များ

ဘာရယ်တော့ မဟုတ်ပါဘူး။ ဒီနေ့ Today မှာ မြောက်ကိုရီးယားနိုင်ငံက ထွက်ခွါလာတဲ့ ကမ်နမ်-၁ သင်္ဘောရဲ့ လမ်းကြောင်းက စကာင်္ပူကို ဖြတ်မယ်လို့ ယူဆရပါတယ်ဆိုပြီးတွေ့လိုက်လို့။ ဒုံးကျည် (သို့)ဒုံးကျည်နှင့် သက်ဆိုင်သော ပစ္စည်းများ တင်ဆောင်လာမယ်လို့ ယူဆရတဲ့သဘောက စကာင်္ပူမှာ ဆီဝင်ဖြည့်ကောင်း ဖြည့်မယ်ဆိုပဲ။ ဦးတည်ရာကတော့ မြန်မာပြည် ဖြစ်နိုင်ပါတယ်တဲ့။

စကာင်္ပူဟာ အပြည်ပြည်ဆိုင်ရာရေပိုင်နက်ထဲသွားတဲ့ ပင်လယ်ကူးသင်္ဘောကြီးတွေကို ဆီဖြည့်တဲ့ဝန်ဆောင်မှုမှာ ထိပ်တန်းနေရာမှာ ရှိပါတယ်။ ခု “ကမ်နမ်-၁ သာ စကာင်္ပူကို ၀င်ပြီး ဆီဖြည့်ခဲ့ရင်” ဆိုတဲ့ အကြောင်းအရာနဲ့ စကာင်္ပူကျွန်းကလေး ခေါင်းကိုက်နေပါတယ်။ အကြောင်းအရာ အပြည့်အစုံကိုတော့ Today Online မှာသာ ဖတ်ကြည့်ကြပါ။ မနက်ဖြန် သံလွင်အိမ်မက်မှာလည်း ပါမယ်ထင်ပါတယ်။

အပြည်ပြည်ဆိုင်ရာ ပူးပေါင်းဆောင်ရွက်မှုနဲ့ စီးပွါးရေး ပိတ်ဆို့တားဆီးမှုဆိုတဲ့ စကားလုံးတွေ ကြားနေကျ ဖြစ်လာတာ အတော်ကို ကြာပေါ့။ ဘယ်ဟာက ဘယ်လို ဖြစ်သွားလဲတော့ မသိပါဘူး။ ခုလို အသီးအပွင့်တွေတော့ အသံဗလံ ကြားနေရတာပါပဲ။

ကိုကြီးဒီဘီကတော့ “ဘာသာပြန်လည်း ဖြစ်တာပဲလား”လို့ မေးပါတယ်။ အခြေအနေကတော့ မြင်တဲ့အတိုင်းပါပဲ။ နောက်ထပ် သတင်း အပြည့်အစုံတွေ ထွက်လာနိုင်စရာ ရှိပါသေးတယ်။ ငွေရောင်ပိတ်ကားပေါ်မှာ စောင့်မျှော်ကြည့်ရှုကြပါရန်။ (အမ်- မှားပြန်ပြီ။ Channels News Asia မှာ လွှင့်မှာပေါ့။ အဲဂလို ပြောချင်တာပါ။ 😀 သည်းခံပါရှင်)

Even if …

ဒူးရင်းသီး (ခေါ်) Esplande  နှင့် ACM (Asian Civilization Museum) ကြားတွင် Tunnel တိုတိုလေး ရှိ၏။ ပုလွေသံသဲ့သဲ့က ထိုနေရာဘက်မှ လွင့်ပျံလာနေသည်။

(ကျွန်မလည်း) Scarborough Fare စာသားတစ်ချို့ကို နှုတ်မှ ခပ်သဲ့သဲ့ လိုက်ညည်းဆိုမိရင်း သူ့ကို မိတ်ဖွဲ့သလို ပြုံးပြဖြစ်သည်။ အမျိုးသမီးက  အာရုံစိုက်မိဟန် မပြသေး။ Tunnel ပြင်ပမှ နေ့လည် နေရောင်အောက်တွင် ACM ရှေ့ မြင်ကွင်းသည် မြစ်ရေ စိမ်းစိမ်း၊ မြက်ခင်းစိမ်းစိမ်း၊ သစ်ပင်ရိပ်စိမ်းစိမ်းတို့ဖြင့် အေးမြနေသည်။ သူမှုတ်နေသည့် သံစဉ် အဆုံးပိုင်းတွင် စိတ်တိုင်းမကျဟန် မျက်ခုံးတစ်ချက်တွန့်သွားပြီး ရပ်သွား၏။ ရေဗူးလေးဘေးမှ ချထားသောအိတ်ထဲတွင် ပုလွေရှည်/တို ၄ချောင်းက အခန့်သား။

ပေါ့ပေါ့ပါးပါး ပိုလိုရှပ်အဖြူတစ်ထည်နှင့် ဘောင်းဘီရှည်အနက်ရောင် ခပ်ပွပွကြောင့် နဂို ပိန်သွယ်သော အမျိုးသမီးသည် ပို၍ပင် ပါးလျသွားသည့်ဟန် ပေါ်နေသည်။ ဆံစတချို့က စည်းထားသည်မှ ပြေလျော့ကျနေသော်လည်း အာရုံစုစည်းထားမှန်း သိသာနေသော သူ့မျက်လုံး စူးစူးအတွက် အနှောက်အယှက်ဖြစ်မနေပါ။ Tunnel နံရံကို မှီရင်း (သူ့ကို) ငေးမောကြည့်နေသော သူ့ (ကျွန်မကို) မြင်တော့ အသိအမှတ်ပြုဟန် ပြုံးပြကာ ရေဗူးကို လှမ်းကောက်ကိုင်သည်။ ထိုစဉ်မှာပင် ACM ဘက်မှ Bass သံကဲသော သံစဉ်အချို့ ပျံ့လွင့်လာသည်။

အမျိုးသမီး၏ လက်သည် ရေဗူးလေးအစား အနည်းငယ်ရှည်သွယ်သော အခြားပုလွေ တစ်ချောင်းကို ကိုင်လျက်သား ဖြစ်သွားကာ chorus ပိုဒ်များတွင် အသံဖြည့် လိုက်နေ၏။ ခပ်မြူးမြူး တေးသံစဉ်က တပိုင်းတစနှင့် ရပ်သွားသော်လည်း ပုလွေသံက ဝေ့ကာ ၀ိုက်ကာ ဆုံးသွား၏။

အမျိုးသမီးက (ကျွန်မဘက်ကို )လှည့်လိုက်ကာ `ကျွန်မ ပုလွေအမျိုးအစား တစ်မျိုးထဲပဲ ယူလာတာ။ ဒါပေမယ့် ကီး ၄ မျိုးစာပေါ့လေ။ တကယ်လို့ သူတို့ဖွင့်လိုက်တဲ့ သီချင်းသံက ဂျပ်ဇ်ဂီတဖြစ်ခဲ့ရင် ဒီအမျိုးအစား မဟုတ်ဘဲ တခြားပုလွေနဲ့မှ အဆင်ပြေမှာ´- ဟု ဆိုသည်။ စိတ်လိုလက်ရ လှည့်ပြီး ရှင်းပြနေသော အမျိုးသမီးကို (ကျွန်မ) အားနာသလို ပြုံးပြရင်း `ကျွန်မက ဂီတကို နားလည်သူ မဟုတ်ပါဘူး။ နားထောင်ရတာကို သဘောကျလို့ လာနားထောင်တာပါ´ဟု ပြန်ရှင်းပြလိုက်ရသည်။ အမျိုးသမီးသည် အံ့ဩသွားဟန် ရိပ်ခနဲ ပေါ်သွားသော်လည်း သဘောကျသွားဟန်လည်း ရှိသည်။

`ဩော်၊ သိပြီ။ နားထောင်တာရယ်၊ သီချင်းညည်းတာရယ်ပေါ့။ သူတို့ရဲ့ သီချင်းသံကို ကျွန်မကတော့ အဖြည့်သဘောမျိုး လိုက်လေ့ ရှိတယ်။ ကျွန်မက အဲဒီသီချင်းကို မှုတ်တာတော့ မဟုတ်ဘူးလေ။ အဲဒီသံစဉ်နဲ့ လိုက်ဖက်မယ့်ဟာမျိုးပေါ့။ ရှင် သီချင်းတစ်ပုဒ် အစအဆုံး နားထောင်ရမယ် မထင်ဘူး။ တကယ်လို့ သူတို့က Pop သီချင်းတွေဖွင့်ခဲ့ရင်တော့ ကျွန်မအဲဒီသံစဉ်တွေကို ကောင်းကောင်း ဦးဆောင်ပေးနိုင်ပါတယ်။ အဲဒီ အမျိုးအစားမှာ Acoustic Version တွေ အမြဲတမ်း ရှိနေတတ်တယ်လေ။ သူတို့ဖွင့်တဲ့ သံစဉ်တွေကို ကျွန်မက ဂရုမစိုက်ဘဲ ကျွန်မမှုတ်လက်စ တေးသွားကိုသာ ဆက်မှုတ်နေခဲ့ရင် နားထောင်ရတာ အဆင်ပြေမယ် မဟုတ်ဘူး။ ဒါကြောင့် သူတို့ပြောင်းဖွင့်တဲ့ သံစဉ်တွေကို ကျွန်မ နားစွင့်နေဖို့ လိုတယ်။ ဟော၊ အခု သူတို့ဖွင့်နေတဲ့ သီချင်းဆိုရင် Classic တစ်ခုကို အသွင်ပြောင်းထားတာ´ ပြောနေရင်း ပုလွေကို ကောက်ကိုင်ကာ တေးသွားအချို့ ထွက်ကျလာသည်။ Tunnel နံရံကြောင့် ပုလွေသံသည် ပြင်ပမှာလို နုနွဲ့မနေဘဲ လိုဏ်သံပေါက်ကာ Theaterထဲမှ ဖန်တီးမှုတစ်ခုလို ဖြစ်နေသည်။

`ဒီနေရာမှာ Echo Effect ရှိနေတာတော့ အတော်ကောင်းတာပါပဲ။ ရှင် သူတို့ကို နောက်ခံဩခက်စထြာအနေနဲ့ သုံးပြီး တေးသွား ဖန်တီးလို့ ရတာပေါ့´

`သူတို့ကို ဘက်ဂရောင်းထားတာတော့ မဟုတ်ပါဘူးလေ။ ကျွန်မက သူတို့တေးသွားမှာ ဟာမိုနီလိုက်သလိုမျိုး ဖြည့်ပေးတာပါ။ သူတို့က အဓိက တေးသွားပါ။ Echo Effect ရှိတာတော့ အမှန်ပေါ့။ ဒီနေရာကိုယ်တိုင်က ပုလွေတစ်ချောင်းရဲ့ ဖွဲ့စည်းပုံမျိုးရှိနေတယ်လေ။ သူ့ရဲ့ တိုးလျိုပေါက်ပွင့်နေတဲ့ အဆုံးနှစ်ဖက်ရယ်၊ တိုက်ခတ်နေကျ လေကြောင်းရယ်ဟာ ကျွန်မရဲ့ ပုလွေသံအတွက် Speaker လိုမျိုး ဖြည့်ပေးနေတတ်တယ်။ ဒါကြောင့်ပဲ ကျွန်မ ဒီမှာ သက်သောင့်သက်သာ သံစုံတီးဝိုင်းလိုမျိုး Perform လို့ရတာပေါ့။ ညနေ ၃ နာရီလောက်အထိ ကျွန်မ ရှိနေဦးမှာ။ ရှင် ဒီနေရာကို အမြဲလာလေ့ ရှိသလား။ Orchard မှာလည်း Tunnel တစ်ခု ရှိတယ်လေ။ အဲဒီမှာဆိုရင် ရှင် လူတော်တော်များများရဲ့ ဖျော်ဖြေမှုကို ခံစားရမှာ။´- အမျိုးသမီးက ရေဗူးထဲမှ ရေကို တစ်ကျိုက်မော့သောက်သည်။

`ကျွန်မ Orchard ကို ရောက်ခဲပါတယ်။ ဒီအနီးတ၀ိုက်မှာ ကျွန်မရဲ့ လုပ်ငန်းခွင် Site ရှိပါတယ်။ အခု ကျွန်မရဲ့ နေ့လည်စာ Break ပါ။ ကျွန်မရဲ့ Safety Shoes ကို သတိထားမိမှာပေါ့။ အချိန် အများကြီး မရပေမယ့် ဒီနေရာလေးက သာယာလို့ ခဏလာကြည့်တာပါ။ ရှင် ဒီနေရာမှာ လာပြီး လေ့ကျင့်တာသက်သက်ပဲလား။ ဒါမှမဟုတ် ရှင်ကိုယ်တိုင် တေးသွားတွေကို ဖန်တီးနေတာရော မဟုတ်ဘူးလား´

`တကယ်တော့ ဘီသိုဗင်တို့လို ကြီးမြတ်တဲ့ ဂီတသမားတွေမှာတောင် Practicing Time က Performing Time ထက် အများကြီး ပိုများတယ်ရှင့်။ သူတို့တွေဟာ လေ့ကျင့်ရင်းနဲ့ပဲ schore တွေရေးကြ၊ တေးသွားတွေ ဖန်တီးခဲ့ကြတာ။ တကယ့် အံ့မခန်းပုဂ္ဂိုလ်ကျော်တွေပေါ့။ ကျွန်မအတွက် ဒီနေရာဟာ လေ့ကျင့်တဲ့နေရာ သက်သက်ထက် အများကြီး ပိုပါတယ်။ ကျွန်မကိုယ်ကျွန်မ ရှာဖွေတွေ့ရှိလာတာတွေ အများကြီးပဲလေ။ ကျွန်မ တီးဝိုင်းအတွက် ဖျော်ဖြေတာမဟုတ်ရင် ဒီကိုလာပြီး အခုလို လေ့ကျင့်နေလေ့ရှိပါတယ်။ မနေ့ကဆို ဒီပြတိုက်မှာ တရုတ်အင်ပါယာသမိုင်းကြောင်း ပြပွဲတစ်ခုရှိလို့ သူတို့တွေ ရှေးတရုတ်သီချင်းကြီးတွေဖွင့်ကြတယ်။ ကျွန်မအတွက် အတော် အခက်တွေ့ခဲ့ရသေးတယ်။ ဒီနေ့တော့ သူတို့တွေ ဂျပ်ဇ်နဲ့ ပေါ့ပ်ကို တစ်လှည့်စီလို ဖွင့်နေကြလေရဲ့။ ဟော- ခုဖွင့်တဲ့ သီချင်းဆိုရင် ရှင်သိမယ်ထင်တယ်´- တေးသွားသည် ကပွဲတစ်ခုမှာလို ဖြစ်နေသည်။ ကျွန်မ မသိပါ။ အမျိုးသမီး၏ ပုလွေသံသည် ရှေးအင်္ဂလိပ်ကားများတွင် ပါတတ်သော အသံတွန့်၍ ဟစ်၍ ဆိုတတ်သည့် အဆိုတော်တစ်ယောက်လို ဖြစ်နေသည်။

`ရှင် ဒီလိုမျိုးလည်း ရှင့်ပုလွေနဲ့ သီချင်းဆိုတယ်နော်။ ဟုတ်လား´

`အချိန်အတော်များများမှာ ကျွန်မ အဖြည့်သံစဉ်တွေပဲ ဖန်တီးတတ်ပါတယ်။ ခု ပြီးသွားတဲ့ သံစဉ်မှာတော့ ကျွန်မ သီချင်းလိုက်ဆိုနေမိတာ ဟုတ်တယ်။ တစ်ပုဒ်လုံး မဆိုနိုင်ပေမယ့် ဒီလိုမျိုး အလှည့်အပြောင်းတွေက အခိုက်အတန့်တချို့ကို ပိုပြီး မြူးကြွစေတယ်။ အသက်ဝင်စေတယ် ဆိုရမလား။ Tunnel ရဲ့ နှစ်ဘက်စလုံးမှာ တေးသံ နှစ်မျိုး ထွက်လာရင်တော့ တကယ့်ကို ဗရုတ်သုက္ခပါပဲလေ။ သူတို့တွေဟာ တစ်သံနဲ့ တစ်သံ လိုက်ဖက်ညီအောင်တော့ ကြိုးစားကြပုံပါပဲ။ ကျွန်မအတွက်တော့ အတော့်ကို ကြီးတဲ့ စိန်ခေါ်မှုမျိုးပါ။ ရှင် အဲဒီလို အခြေအနေမျိုး ကြုံတွေ့နိုင်မယ်လို့ ကျွန်မ အာမ, မခံနိုင်ပေမယ့် ညနေပိုင်းလောက်ဆိုရင် သူတို့ဖွင့်တဲ့ တေးသွားတွေက စိတ်ဝင်စားစရာကောင်းတာ အမှန်ပါပဲ။´

`ဟုတ်ကဲ့။ ကျွန်မအဲဒီအချိန်အထိ ရှိမနေနိုင်တာတော့ စိတ်မကောင်းစရာပဲ။ ခု ကျွန်မရဲ့ နေ့လည်အားလပ်ချိန်လေးက ကုန်တော့မှာမို့ပါ။ ဂီတ သံစဉ်တွေအတွက် ကျေးဇူးတင်ပါတယ်။ တကယ် စိတ်ချမ်းမြေ့စရာ၊ အပန်းပြေစရာပါပဲ။ ရှင် အဆင်ပြေပါစေ´

`ရှင့်အတွက် စိတ်ချမ်းမြေ့ရသလို ကျွန်မအတွက်လည်း ပျော်ရွှင်စရာပါပဲလေ။  ရှင်လည်း အဆင်ပြေပါစေ။ ဂွတ်ဘိုင်´

Moral of the story: : ကြိုက်သလို ယူဆပါ။ ယူဆသလို ရရှိပါသည်။ ကျွန်မကတော့ လက်ရှိဖြစ်နေသော အခြေအနေကို သံစဉ်ညီညွတ်အောင် မတီးခတ်နိုင်သော ရွာဆော်မောင်းကွဲသံကြီးများကို ကြားယောင်နေပါသည်။

(မပြေပြစ်သည်များကို ပြန်လည်တည်းဖြတ်လိုက်ရပါသည်။)

စတေးနှင့် မလေး

စလုံးကို အလုပ်လာရှာစဉ်က ပြန်မတွေးချင်သော အမှတ်တရ များလေစွ။ ခု ဖူးနုသစ်မှာ စတေးရှောင်သူတစ်ဦး၏ မှတ်တမ်းများကို မြင်ရတော့ ကိုယ့်တုန်းက အဖြစ်အပျက်တွေ အကုန်ပြန်မြင်ယောင်လာသည်။

စကာင်္ပူမှာ အလုပ်လာရှာမည်စိတ်ကူးကတည်းက လေယာဉ်လက်မှတ်ဖိုး၊ အလုပ်ရှာစဉ် ကုန်ကျမည့် နေစရိတ်၊ စားစရိတ်၊ သွားစရိတ်တို့ကိုပါ တွက်ချက်စုဆောင်းပြီး ဘယ်လိုဖြစ်လျှင် ဘာလုပ်မလဲဆိုတာ အောက်ပါအတိုင်း စဉ်းစားရသည်။ အလုပ်သာ တစ်ခါတည်း အဆင်ပြေလျှင်တော့ အတိုင်းထက် အလွန်ပေါ့။ ကံဆိုးကံကောင်း –

၁) အလုပ်မရ၊ အင်တာဗျူးမရ၊ စတေးကျန်လျှင်- ပွဲစားစပ်မည်။ (အင်တာဗျူးမရတာ အခြေအနေ အတော်ဆိုးသည်။ CV အပြင်အဆင် ညံ့ဖျင်းမှု ၅၀% ၊ ကိုယ်တိုင်အရည်အချင်း  ၃၀%၊ Personality အံဝင်ခွင်ကျ ဖြစ်မှု/မဖြစ်မှု ၁၀%၊ ကံ ၁၀%၊ တစ်ခုမှ အားကိုးစရာ မကျန်လျှင် အိမ်က ရင်းနှီးမြှုပ်နှံမှုအတွက် ပြန်ထွက်လာနိုင်အောင် အလုပ်ရကို ရမှ ဖြစ်တော့မည်။ ထို့ကြောင့် အတတ်နိုင်ဆုံး အလိမ်မခံရရေး ဦးစားပေးပြီး သူငယ်ချင်းများထံမှ ပွဲစား Background စုံစမ်းထားရသည်။)

၂) အလုပ်မရ၊ အင်တာဗျူးရ၊ စတေးမကျန်လျှင်- မလေးရှောင်မည်။ (CV အပြင်အဆင် သင့်တင့်မှု ၅၀%၊ ကိုယ်တိုင်အရည်အချင်း ၃၀%၊ Personality အံဝင်ခွင်ကျ ဖြစ်မှု/မဖြစ်မှု၁၀%၊ ကံ ၁၀%)

၃) အလုပ်ရ၊ စတေးမကျန်၊ MOM တွင် သက်တမ်းတိုး မရလျှင်- မလေးရှောင်မည်။ (CV ကောင်းမွန်၊ ကိုယ်တိုင် အရည်အချင်းရှိ၊ Interviewer.vs.Interviewee အပေးအယူမျှ သော်လည်း ကံဆိုးမှု ၁၀% ပါဝင်နေသေးလျှင် ကိုယ်လုပ်နိုင်သမျှ အလျှော့မပေးတမ်း လုပ်ရန်)

သို့ဖြင့် စရိတ်စကကို မလေးရှောင်စရိတ်ပါ ထည့်သွင်းစဉ်းစားပြီး ပြင်ဆင်လာခဲ့ပါသည်။

စက်တင်ဘာလတစ်ဝက်အချိန်၊ စလုံးရောက်လာတော့ နှစ်ပတ်အတွင်း အင်တာဗျူး စ, ရပါသည်။ အင်တာဗျူး ညံ့ဖျင်းသော ကိုယ့်အရည်အချင်းကြောင့် အလုပ်မရလိုက်။

အင်တာဗျူးတွေ ရသဖြင့် တစ်လကုန်ပြီး နောက်တစ်လ- သက်တမ်းတိုးသည်။ ရသည်။ မလေး ဗီဇာကို စိတ်ပူသဖြင့် ကြို လုပ်ထားသည်။ ၃လ Multiple Entry ရသည်။ ကြားထဲတွင် အင်တာဗျူးတစ်ခု အဆင်ပြေ၏။underpaid ဖြစ်သော်လည်း အခြေအနေမဆိုး။ Technical ပိုင်း အပေးအယူ မျှသည့်သဘောရှိသည်။ သို့ဖြင့် Pass တင်ရန် ဖြစ်လာသောအခါ ကုမ္ပဏီမှ HR က အခြားနိုင်ငံခြားသားအလုပ်သမား များကို Work Permit သာ တင်ပေးဖူးသည့်အားလျော်စွာ WP ပဲ တင်ပေးမည်တဲ့။ Elegibility အရ S-Pass မှ ဖြစ်ပါမည်ဟု မည်သို့ပင် ပြောပြော လက်မခံ။ အဆင်ပြေသွားမှာပါ ချည့် ပြောသည်။ “ကိုင်း၊ ဒါဖြင့်လည်း တင်”ပေါ့ ။

နေ့ပင်မကူးလိုက်။ Reject ဖြစ်ပါသည်တဲ့။ HR အမျိုးသမီးက ငြိုငြင်လာသည်။ Technical Dept မှ Head က အစည်းအဝေးတွင် ကိုယ့်အတွက်ပြောပေးသဖြင့် S-Pass ကို ပြောင်းတင်ပေးသည်။ သို့သော်—— (လစာဈေးချသည်ဆိုပြီး ၀ိုင်းဆဲလိုက ဆဲကြပါကုန်။ ကိုယ့်ဝမ်းနာ ကိုယ်သာသိပါသည်။) ကိုယ်သဘောတူထားသော လစာက တရားဝင် တင်ပေးရမည့် လစာနှင့် အနည်းငယ် ကွာဟနေသည့်အတွက် သူတို့ကို ညှိပြီးတင်ပေးရန် တောင်းဆိုသော်လည်း…. (ပြောရင်းတောင် ရှက်လာသည်)။ “၀မ်းနည်းပါတယ်။ ငါတို့ကုမ္ပဏီက တရားဝင် မှတ်ပုံတင်ထားတဲ့ လုပ်ငန်းဖြစ်တော့ ဒီလို အစိုးရနဲ့ပတ်သက်တဲ့ကိစ္စမှာ မဖြောင့်မှန်တာ မလုပ်နိုင်ပါဘူး။ တကယ်လို့ မင်း ဒီလစာ သဘောတူညီချက်အတိုင်း လက်ခံနိုင်ရင် ဒီအတိုင်း တင်ပေးပါမယ်။ လစာ ထပ်တိုးဖို့ဆိုရင်တော့ Board of Director ကိုပါ ပြန် တင်ရမှာမို့ ငါမကူညီနိုင်တာ ၀မ်းနည်း ပါတယ်” (သေဟ။ ပြောမိတဲ့ နှုတ်သီးကို ပြန်တီးချင်လာသည်။)။

 “ငါတို့ ဒီအတိုင်း ကြိုးစားကြည့်ကြတာပေါ့” ဟု ဆိုကာ နောက်တစ်ကြိမ် S-Pass ဖြင့် ပြန်တင်သည်။ စတေးက ကုန်လုပြီ။ အချိန်က နိုဝင်ဘာလလယ်။ နောက်လျှောက်ထားသော အင်တာဗျူးတွေကလည်း ကိုယ့်စတေးကုန်ပြီး နောက်တစ်ပတ်လောက်မှ ခေါ်မည်။ ရင်ပူပူနှင့် ပထမအကြိမ် မလေးခရီးစဉ်သည် ရှောင်လွှဲမရနိုင်တော့။

Re-Entry Visa၊ လေယာဉ်လက်မှတ် Confirmation တို့ကို မသွားမီ လုပ်သွားသည်။ ရသည်။ နီးနီးနားနား Johor Bahru ကိုပဲ သွားရန် ဆုံးဖြတ်သည်။ မဟာစည်ရိပ်သာ ခွဲတစ်ခုဖြစ်သော ညောင်ကန်အေး ဘုန်းကြီးကျောင်းခွဲတစ်ခုနှင့် အဆက်အသွယ်ရသည်။ သို့ဖြင့် SBS Transit စီး၍ JB သို့ ချီတက်ရ၏။ ကံကောင်းသည်ဆိုရမည်။ အင်မီဂရေးရှင်းများက ဘာမှ မရစ်လိုက်။

၃ရက် အကြာ။ စလုံးမှာ ထားခဲ့သော ကိုယ့်ဖုန်းကို အင်တာဗျူးလာရန် တစ်နေရာက လှမ်း အကြောင်းကြားသည်တဲ့။ စိတ်လှုပ်ရှားပြီး စလုံးဘက်ကမ်းကို Woodlands တံတားဖြတ်ကာ အပြေးပြန်သည်။ ဒီတစ်ခါ အင်မီဂရေးရှင်းက ဘာမှတော့ မမေး။ မပြော။ ၁၄ ရက်ပဲ တုံးထုပေးသည်။ စိတ်ထဲကတော့ ထင့်ကနဲ။

ကိုယ့်အင်တာဗျူးသည် နောက်တစ်ကြိမ် လွဲချော်ပြန်သောအခါ ၁၄ ရက် စတေးသည်လည်း ဖင်လှည့်၊ ခေါင်းလှည့်နှင့် ကုန်ပြန်၏။ စတေးတိုးမရသည့်အတွက် နောက်တစ်ကြိမ် မလေးသို့ ၀င်သည်။ မလေး အင်မီဂရေးရှင်းကား ကိုယ့် စာအုပ် နီနီလေးကို အတော် မျက်စိ စပါးမွေး စူးဟန်ရှိ၏။ ကောင်တာ ၄ ခုမှ မျက်လုံး ၄ စုံပြူးကြည့်ကာ ပွစိပွစိ ၁၅ ခွန်းခန့် အရစ်တက်ပြီး ကိုယ် အကြောမာမှုအတွက် သင်ခန်းစာပေးရန် Officer နှင့် ပေးတွေ့လိုက်ကြပါတော့သည်။ ကံက ကောင်းပြန်သည်။ ၀င်ခွင့်ရသွားသလို တုံး အရောင်လည်း ပြဿနာ မရှိ။ ဘုန်းကြီးကျောင်းမှာ ကပ္ပိယဘ၀ဖြင့် နေပြီး ၁၀ ရက် အကြာ ပြန်ထွက်လာတော့လည်း စကား ၁၀ ခွန်းခန့် ပိုပြောလိုက်ရတာလောက်ပဲ ။ အခြေအနေ မဆိုး။

စလုံး အင်မီဂရေးရှင်းသည် ကိုယ့် နှလုံးသားလေး အကြမ်းပတမ်း ခုန်နေမည်ကို သိရှိနေဘိသကဲ့သို့ ညှာတာစွာ ၁ လ တုံးပြန်ထုပေး၏။ သို့သော်———- အချိန်က ဒီဇင်ဘာလ ဖြစ်နေချေပြီ။  အလုပ်ရှာရန် လာဖူးသူများ သိကြပါမည်။ ဥရောပနှစ်ကူးနှင့် တရုတ်နှစ်ကူးကြား အချိန်ကာလသည် သေချင်စော် နံလောက်အောင် အလုပ်ရှား၏။

သည်လိုနှင့်……….. နောက်ဆုံး စတေး တစ်လ မကုန်မီ အင်တာဗျူးနောက်တစ်ခု အဆင်ပြေပါသည့်တိုင် Second Interview After Chinese Newyear ဆိုသည့် ဓါးချက်ဖြင့် စလုံးအိမ်မက် ပူဖောင်းသည် ပေါက်ကွဲ လွင့်စဉ်ခြင်းသို့ ရောက်လေ၏။

ခု အလုပ်ကတော့ ပထမဆုံး Option 1 ရဲ့  ရလဒ်ပါပဲ။

အရပ်ကတို့

ပါဝင်သူများ-
(၁) ဒေါ်မြနှစ်- အသက် ၅၀ကျော် (ဘယ်လောက်ကျော်မှန်း အသိမခံ)၊ ကုန်သေးဆိုင်ပိုင်ရှင်

(၂) ကိုစံချိတ်- အသက် ၄၀ကျော် (၅၀နီးဟု ခန့်မှန်းရသည်)၊ ကာလသားခေါင်း (ဟောင်း)

(၃) အိမ်နီးနားချင်း အရပ်သူ အရပ်သားများ

******                ***************                                  ******

– တစ်နေ့စာ ရောင်းရငွေများ၊ အကြွေးစာရင်းပါ မှတ်ထားသော ကုန်ဖိုးမှတ်စာအုပ်၊ တိုလီမိုလီပစ္စည်းများ၊ `ငွေဝင်လာဘ်ပွင့်ဂါထာများ´စာအုပ်တို့ ထည့်လာသည့် ဆွဲခြင်းကို ချရင်း ခပ်ဖိုင့်ဖိုင့် ခန္ဓာကိုယ်ပါ ထိုင်ချကာ တအင်းအင်း တကျွတ်ကျွတ် သံစုံ ထုတ်လွှင့်လိုက်သည်မှာ ဒေါ်မြနှစ်၏ နေ့စဉ် ဈေးပြန်ချိန် မြင်ကွင်း

– လက်တိုလက်တောင်း ခိုင်းကောင်း၍ ဖင်ပေါ့သော တူမလေးကို ကြမ်းပြင်နှင့် တင်ပါး ထိချိန်မရအောင် စီကာစဉ်ကာ ခိုင်းစေရင်း ထိုင်ရာမထ၊ ပွစိပွစိ ဆီမန်းမန်းတတ်သည်မှာ ဒေါ်မြနှစ်၏ life style

– တမြို့တရွာ ရောက်နေကြသော တူ/တူမများက ဘေးတွဲ၊ နောက်တွဲ အသီးသီး အသကနှင့် `အရီး/အန်တီ/ဒေါ်လေး-မြ´ထံ လာရောက် ဂါရ၀ပြု ကြသည့်အခါ ကန်တော့ခံပစ္စည်းနှင့် ပြန်ချီးမြှင့်ရန် မုန့်ဖိုးတို့ကို အချိန်တိုအတွင်း အချိုးချလျက် တွက်ချက် ထုတ်ပေးကာ အလ္လာပသလ္လာပ မြန်မြန် ကိစ္စပြတ်စေသည်က နှစ်စဉ်

`တို့များမှာ အရပ်ကောင်းမှ အလောင်းလှရမှာအေ့´ဟု ပါးစပ်ဖျားမှ မချတမ်းပြောရင်း တစ်ရပ်လုံးမှ ကာလသား/သမီးများ အရေးကို တက်တက်ကြွကြွ၊ စိတ်ပါဝင်စား၊ နားစွင့် မျက်စိဖွင့်လျက် ပါဝင်တတ်သူ အနှီ ဒေါ်မြနှစ်ခမျာ မကြာမကြာ အကြောတက်တတ်၏။ လက်ကတုံးတောင်ဝှေး တူမလေးမှာ ရှိသမျှအင်အားကို နေ့စဉ်ဝတ္တရားများတွင် ရင်းနှီးမြှုပ်နှံလိုက်ရသည့်အတွက် နောက်ဆုံး… လက်အံသေ အားကုန်ခြင်းသာ အဖတ်တင်သည်၊ ဒေါ်မြနှစ်၏ တက်နေသော အကြောတို့ မပြေလေ။

`အံမယ်လေး´ ခပ်ကျယ်ကျယ် နှစ်ခွန်းခန့် ရွတ်ပြီး `အကြောတွေကလည်း တက်လှချည့်နော်၊  အရပ်ကတို့ရေ´ ဟု ဒေါ်မြနှစ် တ,လိုက်လျှင် ဖြတ်သွားဖြတ်လာ အိမ်နီးနားချင်း ကူညီတတ်သူများ ၀င်လာကာ `ကိုင်း၊ ကိုင်း။ အရီး/အမကြီး/ဒေါ်လေး- အနေရဆိုးနေသလား။ အားမနာပါနဲ့။ လုပ်ပေးရမှာပေါ့´ ပြောရင်းဆိုရင်း နင်းကြ၊ နှိပ်ကြ၊ အကြောဖြေပေးကြသည်။ တောင်ဘက် နှစ်အိမ်ကျော်မှ ကိုစံချိတ်ကား ပညာရပ်ပေါင်းစုံ အတော် နှံ့စပ်သူ ဖြစ်သည့်အလျောက် ကောင်းစွာ အကြောဖြေပေးလေ့ရှိသတည်း။

ဒေါ်မြနှစ်၏ `အရပ်ကတို့´အပြီးတွင် ကလေးမလေး တည်ခင်း ဧည့်ခံသော ရေနွေးကြမ်းနှင့် ပဲလှော်၊ ထန်းလျက်၊ ပဲခြမ်းသုတ်၊ လက်ဖက်သုတ်၊ ဂျင်းသုတ် တို့ကို သုံးဆောင်ကာ ထွေရာလေးပါးပြောဆို၍ အိမ်နီးနားချင်း အများ လူစုခွဲကြ၏။ ကိုစံချိတ်ကား အပြောကောင်း၊ အဟောကောင်းပါပေ။

သို့ဖြင့် ဒေါ်မြနှစ်၏ `အရပ်ကတို့´သည် သုံးလတွင် နှစ်ကြိမ်ခန့် ထွက်ပေါ်ရာမှ တစ်လတစ်ကြိမ်ခန့် ဖြစ်လာသောအခါ အရပ်က စ,ကြ၏။ ကိုစံချိတ်မှာ အရေပင် ထူငြားသော်လည်း `အဘွားကြီး´နှင့် အစ,ခံနိုင်ဟန် မရှိ။ ရှက်နိုး၍ တစ်ကြိမ်သော `အရပ်ကတို့´၀ယ် မရောက်၊ မလာ နေဘိ၏။ မကြာမတင်သော အခါ ဒေါ်မြနှစ်၏ `အောင်မလေး- အရပ်ကတို့၊ ကိုစံချိတ်ကတို့ရဲ့´ဟူသော အသံ ကြားရလေတော့သည်။ အရပ်သူ၊ အရပ်သားများကား ပြုံးစိစိ၊ ဒေါ်မြနှစ်က ခပ်တည်တည်၊ မျက်လုံးပင် ဖွင့်မကြည့်။ ကိုစံချိတ်ကား ကြားလိုက်ဟန်မပြ။ ရောက်တော့ ရောက်လာသည်။

*******                           ******************                                  **************

`အဲဒါနဲ့ ဒေါ်မြနှစ်ကြီးလည်း အသက် ၆၀ကျော်၊ ၇၀ နီးတော့ ရဟန်းအမ၊ ကျောင်းအမ၊ အပျိုကြီး ဘ၀နဲ့ပဲ ဆုံးတာပါပဲအေ။ ကိုစံချိတ်ကလည်း `သပ္ပူရိသ ဦးစံချိတ်´တွေ ဘာတွေ ဖြစ်ပြီး တူ/တူမတွေနဲ့ ဒီလိုပဲ နေသွားတာပါပဲ´ ဟု အမေက နိဂုံးချုပ်သည်။

`ဟင် …… ဂလိုကြီးလား။ တို့အိမ်မှာတော့ `ကိုစံချိတ်ကတို့ ´က အဖေထင်တယ်နော် …… အမေ့၊  အဟိ´

`ဒေါက်´

`အား လား လား……….. အမေကလည်း၊ စ,တာကို´

***********                         ***************                                     ************

မည်သူ့ကိုမျှ မရည်ရွယ်ပါ။ “အရပ်ကတို့” တ, ၍ အလုပ်မဖြစ်သည့်အခါ “ကိုစံချိတ်ကတို့” ပါ ထည့်၍ တ,လိုက်သော စကားတစ်ခွန်းက အိမ်မှာ အတော် တွင်ကျယ်ဖူးပါသည်။ အပျိုကြီး ဆိုသဟာမျိုးက လူတွေ အကြောင်းကို နည်းနည်းသိ- သိသလို အသုံးတည့်ပစ်လိုက်ပြီး အပိုင် မသိမ်းချင်တတ်သော သဘာဝတစ်ရပ်ပါသည်ဟု အမေက မှတ်ချက်ပြု၏။ အသက်ရလာသည်နှင့် အမျှ အရေထူလာသည်ကလည်း သဘာဝတစ်ရပ်ပဲ ထင်ပါသည်။ အမခင်ဦးမေ၏ Nature of Women ကို တစ်တပ်တစ်အား ပါဝင်ကူညီသည့်အနေဖြင့် တင်ဆက်လိုက်ပါသည်။ ဟိ 😛

ဆင်ခြေ၊ ဆင်လက် ၊ ဆင်နားရွက်

ခုတလော စာလည်း မရေးဖြစ်၊ ဘလော့တွေလည်း မလည်ဖြစ်။ Reader ယူထားသမျှကိုသာ တိတ်တိတ်ဆိတ်ဆိတ် ဖတ်ဖြစ်သည်။ Bro. DBA က အလုပ်များနေသလားဆိုပြီး လှမ်းမေးသည်။ (အထင်ကြီးခံရ နည်းသလားနော် 😛 ။ ငြိမ်နေလိုက်ရင် ကောင်းမည်ထင်သည်။) အလုပ်ကတော့ ထူး၍ များမလာပါ။ Draft Post တွေသာ များသထက် များလာပါသည်။ (ကြိုတင် လေသံပစ်ထားတာပါ။ ဘယ်စာတစ်ပုဒ်ကိုမှ အဆုံးမသတ်နိုင်တာ အတော် ဆိုးပါသည်။)

ရုပ်ရှင်ကားတွေကို Download ချပြီး ကြည့်ဖြစ်သည့်အခါ စာရေးချင်စိတ်ပေါ်မိပါသော်လည်း အားလုံးကို ၀ါးတားတားပဲ မှတ်မိသည့်အတွက် မရေးဖြစ်တော့ပါ။ (Side Bar မှာ သူများတွေ သွားလည်နိုင်ရန် လမ်းညွှန်သလိုလိုနှင့် ကိုယ်ချည်း သွားကြည့်နေမိတာပါ)

စုံစီနဖာလေးများ စာမျက်နှာမှာ ဖြည့်ရန် ကြံပါသေးသည်။ WordPress က ကတ်ဖဲ့တိုက်နေသလားမှတ်ရသည်။ တစ်ခုမျှ အကောင်အထည် မမြင်ရ။ (Blogspot က ကလိချင်တိုင်း ကလိလို့ရသေးသည်)

ရှားရှားပါးပါး ကျောင်းတူ-ဘလော့ဂါ-သူငယ်ချင်းများက Tag ရန် ကြံစည်ကြ၏။ ကောင်းပါသည်။ ကိုယ့်ဘလော့လေးကို နာမည်ပေးထားပုံ အစောကြီးကတည်းက ရေးမိထားတာ နည်းနည်း နှမြောသွားသည်။ သူတို့ကိုလည်း တောင်းပန်လိုက်ရသည်။ ခုတော့ အသစ်ပြန်ဖြစ်အောင် လုပ်လို့လည်း မရတော့ပါ။

လတ်လျားလတ်လျား လျှောက်သွားမည် ကြံသောအခါ ပြည်တော် ခဏပြန်မည့်သူငယ်ချင်းနှင့် အိမ်ကို လူကြုံပေးရန် ပစ္စည်းဝယ်ဖြစ်သည်သာ အဖတ်တင်သွားသည်။ Post တစ်ပုဒ်ထွက်မလာ။ (ပိုက်ပိုက်ကုန်သလို စိတ်ပါကုန်သွားပါသည်။ Bro. DB တို့လို သွားဖြစ်လျှင် ၀ိတ်ကျ သွားမည်ဟု မျှော်လင့်မိပါသော်လည်း…….. Shopping Mall ၀င်္ကပါများကို ၁၆ ခေါက်ထက်မနည်း ပတ်ပြီးသောအခါ energy လုံးဝ မကျန်တော့သလောက် ဖြစ်သွားသဖြင့် စိတ်လျှော့လိုက်ရပါသည်)

ပတ်ဝန်းကျင်မှာ မြင်မြင်သမျှကို ကန့်လန့်တိုက်ချင်စိတ်ပေါက်နေသော အခါများတွင်လည်း စာ ကောင်းကောင်း ရေးမရတတ်ပြန်ပါ။ တစ်ယောက်တည်းမှ ဖြစ်နေသော စိတ် အချင်းချင်း ခလုတ်တိုက်မိသောအခါ စာ ချောချောမွေ့မွေ့ မထွက်သည့်အတူတူ မရေးတာကမှ ကောင်းပါမည်ဆိုပြီး တိတ်တိတ်ပဲ နေလိုက်မိပါသည်။ Mr. Republic ကတော့ ဆူညံသော တိတ်ဆိတ်မှုကို အသားကျသွားပြီး အဆင်ပြေပြေ ယစ်မူးနေပုံရ၏။ ဘာသံမျှ မကြားရတာ ကြာပေါ့။ (အမှုလှမ်းတွဲလိုက်ပါသည်။ သူကတော့ ရိုး…ဟိုး…. ဟိုး… နေလောက်ပါပြီ 😀 )

နောက်ဆုံး၏ နောက်ဆုံးတွင် ရှိစုမဲ့စု အင်အားလေးကို ဖြစ်ညှစ်ပြီးသကာလ ကိုယ့်ဘာသာကိုယ် ဖြေသိမ့်သော၊ ဖြေရှင်းသော ဆင်ခြေ၊ ဆင်လက်၊ ဆင်နားရွက်တို့ဖြင့် ပို့စ်တစ်ပုဒ်တင်လိုက်ပါပြီ။ နောက်များ  မကြာမီ ဆက်လက်၍ အကြွေးများ ရှင်းလင်းပါမည့်အကြောင်း ထပ်လောင်းတောင်းပန် အပ်ပါသည်ခင်ဗျား။