ဝန်ဆောင်မှု ကဏ္ဍ

ခေါင်းစဉ် ကြီးကြီးတပ်ပါသည်။ စကားလုံးကြီးကြီး စဉ်းစားဖြစ်ညှစ်ပြီး ပြောရန် ကြံပါသည်။ သို့သော် အကြောင်းအရာက ထူးမခြားနားသီချင်းကြီးဖြစ်နေသောကြောင့် မျက်နှာမလှရပြန်ပါ။

ဇာတ်လမ်းကို လူငယ် မြန်မာအလုပ်သမား ၆ ဦးမှ စဖွင့်ပါသည်။ သူတို့၏ အလုပ်သမား ပါမစ်သက်တမ်းမှာ မတ်လ ဆန်းပိုင်းတွင် ကုန်ပါမည်။ သူတို့၏ အလုပ်ရှင်မှာ ယခုနှစ်တွင် လုပ်ငန်းကိုင်ငန်း မကောင်းတတ် ကောင်းတတ်ဖြစ်နေသဖြင့် သူတို့ အုပ်စုမှ လူခွဲပြီး အခြား လုပ်ငန်းတစ်ခုထံ လွှဲပြောင်းပေးရန် အစီအစဉ် ရှိနေသည်။ သူတို့ ဆက်လုပ်ချင်သလော၊ ပြန်ချင်သလောဟု သဘောထား ကောက်ခံပြီးသည့်အခါ သက်တမ်းတိုးရန် သဘောတူကြ၏။ အိမ်ထောင်ရှင်များအတွက် နှစ်လယ်ပိုင်း လုပ်ငန်းတစ်ဝက်သိမ်းပြီးသည့်အခါ ပြန်သွားခွင့်ပြုရန် တစ်ပါတည်း ညှိနှိုင်းကြသည်။ ဤသို့ သက်တမ်းတိုးနိုင်ရန်မှာ သူတို့၏ နိုင်ငံကူးလက်မှတ်များတွင် သက်တမ်းတိုးရန် ပထမ အရေးကြီးကိစ္စ ဖြစ်လာလေပြီ။

အားလုံး၏ နိုင်ငံကူးစာအုပ် နီနီကလေးများကို သူဌေးထံမှ ထုတ်ယူပြီးသည့်နောက် အားလုံး အလုပ်မပျက် စာအုပ်လဲ (Machine Readable ဘဝပြောင်းခြင်း)၊ သက်တမ်းတိုးနိုင်ရန် ဝန်ဆောင်မှုပေးသော မြန်မာဆိုင်တစ်ဆိုင်သို့ ချဉ်းကပ်ကြရ၏။ နှစ်နှစ်လုံး နေ၍ တစ်ခါမှ မဆောင်ခဲ့ကြသော အခွန်တော်ငွေများကိုပါ ဆောင်ရမည်ဖြစ်ရာ သူတို့လုပ်ငန်းရှင်ထံမှ ဖွတ်ကလိဒင်္ဂါးများလည်း ကြိုတင် ထုတ်ယူခဲ့ကြပြီး ဖြစ်သည်။ (လုပ်ခလစာများမှ ဖဲ့ပြီး စုဆောင်းထားရန် လစဉ်ပင် ကြံစည်ကြိုးကုတ် အားထုတ်ခဲ့ကြသော်ငြား တစ်လထက်တစ်လ နောက်ကျရရှိသော လစာငွေအခြေအနေအရ လက်တွေ့ အထမြောက်ခဲ့သူ တစ်ယောက်မျှ မပါချေ။) ကူညီဝန်ဆောင်မှုပေးသူတို့သည် ဝန်ဆောင်ခ အသပြာ ၅၀ တိတိ လက်ခံ ရရှိပြီးသောအခါ စာအုပ်၊ ပါမစ်ကဒ်မိတ္တူ၊ အခွန်တော်ငွေများ စုံညီရယူ၍ ရွှေပြည်ကြီး သံရုံးတွင် စာအုပ်သက်တမ်းတိုးခြင်းလုပ်ငန်းစဉ် အဆင့်ဆင့်အနက် လက်ဗွေနှိပ်ခြင်းမှတပါး ကိုယ်စားဆောင်ရွက်ပေးရန် အာမခံလိုက်ကြ၏။ သည်အဆင့်က ဇန်နဝါရီလ ဒုတိယပတ်။

ဝန်ဆောင်မှုပေးရာ ဌာနမှ စာအုပ်တွေ သံရုံးမှာ ထပ်ပြီးလျှင် လက်ဗွေနှိပ်နိုင်မည့် ရက်စွဲကိုပါ ပြန်ချိန်းပေးမည် ဖြစ်၏။ ကျေးဇူးကြီးပါပေ့။ ဘယ့်ကလောက် အလုပ်သက်သာသနည်း။ ည သန်းခေါင် လူစာရင်း ရေးရန်မလို၊ အုတ်ခုံ ပလက်ဖောင်း ခေါင်းမှီ စောင့်ရန်မလို၊ ဟိုစာရွက် မိတ္တူဆွဲ၊ ဒီစာရွက်ဖြည့် လုပ်ငန်းစဉ်လည်း လျော့၊ ကောင်းလေစွ။ အချိန်ကတော့ ကြာပေမပေါ့။ တစ်လပျော့ပျော့တော့ ရှိမည်။ တရုတ်နှစ်ကူးရက်များပါ ခံသည့်အလျောက် လုပ်ငန်းစဉ်များလည်း အလိုအလျောက် ရွေ့လျောကြရသည်ကိုး။ သည်သို့ တစ်လခန့်ကြာမည်ဆိုသည့် အခြေအနေကို သူဌေးခမျာ နားမလည်နိုင်ရှာ။ နိုင်ငံကူးလက်မှတ်များ သူ့လက်ထဲမှာ မရှိတော့သည့် အခြေအနေတွင် စိတ်လက် မအေးနိုင်ရှာ။ တခြားနိုင်ငံသားအလုပ်သမားများ သက်တမ်းတိုးလျှင် စာအုပ်ကလေးတွေက ယနေ့ပျောက်၊ မနက်ဖြန်ရောက်။ ရွှေပြည်ကြီးမှ လုပ်သားကလေးများ အလုပ်ထဲမှာ အလုပ်မပျက် အကိုင်မပျက် ရှိသည်ကို ကြေနပ်သည်က တစ်ဖက်၊ စာအုပ်ပုံ ပြန်မရောက်နိုင်၊ အလုပ်လုပ်ခွင့်ပါမစ်သက်တမ်းတိုးအတွက် လျှောက်ရန် ထားရန် အခက်တွေ့ရသည်က တစ်ချက်။

သည်သို့ တအုံနွေးနွေးကာလအတွင်း ဇန်နဝါရီလ နောက်ဆုံးရက်သတ္တပတ်တွင် သူတို့ထဲမှ တစ်ယောက်က အိမ်ပြန်မှ ဖြစ်မည့်အခြေအနေ ဆိုက်လာသည်။ သူ ပြန်မည်ဆိုတော့ သက်တမ်းတိုးဖို့ မလိုပြီ။ ဝန်ဆောင်ဌာနမှာ စာအုပ်သွားပြန်ယူသည်။ အံ့ဩဖွယ်အတိ။ သည်အချိန်ထိ သံရုံးကို စာအုပ်မထပ်ရသေးပါတဲ့။ သို့နှင့် ကုမ်ရာသီသူ စိတ်ထွက်ကာ အခြားစာအုပ်များ ပါမစ်သက်တမ်းတိုး လက်ကျန်ရက်များတွက်ပြရန်နှင့် အခြေအနေ အတိအကျ သိရှိနိုင်ရန် ဝန်ဆောင်မှုဌာနသို့ ချီတက်သွားပါသည်။ အခြေအနေအကြောင်းစုံကို ခရေစေ့တွင်းကျ ရှင်းလင်းပြပြီး အပ်နှံထားသော စာအုပ်များ အခြေအနေကို မေးမြန်းရာ ခန့်ခန့်ကြီးထိုင်နေသော မမကြီးက နွမ်းဖတ်ဖတ် ကုမ်ရာသီသူအား မိန့်မိန့်ကြီး ပြောလိုက်သည်မှာ တစ်ခွန်းတည်း။

“ကျွန်မတို့ကို စာရွက်စာတမ်းနဲ့ လိုအပ်တာ အကုန်ပုံပေးရင် ကျွန်မတို့က အစီအစဉ်အတိုင်း အဆင့်ဆင့် လုပ်ပေးမှာပဲလေ။ တစ်ယောက်တစ်မျိုးတော့ လုပ်ပေးမနေနိုင်ဘူး။ အားလုံး သံရုံးထဲ ရောက်သွားပြီ။ ရက်ချိန်းအတိုင်း ထွက်လာမှာပဲ။ ဒီကြားထဲတော့ ဘာမှ ထူးခြားမှာမဟုတ်ဘူး”

သည်သို့ အဆိုရှိ၏။ ဒါဖြင့် ဟိုတစ်အုပ် ပြန်မယူမချင်း အဘယ့်ကြောင့် မထပ်ခဲ့ပါသနည်း။ တစ်ခွန်းပဲ ထပ်ဖြေပါသည်။ “ရောက်သွားပြီလေ၊ အမတို့က တခြား ဘာကတိမှ မပေးနိုင်ဘူး။ ရက်ချိန်းက သံရုံးက ပေးတဲ့အတိုင်းပဲ ပေးတာ”။ ရှိစေတော့လေ။ ကိုယ်ကရော ဘာများ တတ်နိုင်ဦးမည်နည်း။

ယခု တနင်္လာနေ့က လက်ဗွေနှိပ်ရန် အလှည့်ကျသူ လုပ်သားတစ်ဦး အခွန်ပြဿနာ ပေါ်သဖြင့် ကုမ်ရာသီသူတို့ မျက်လုံးပြူးရ၏။ သူက မလေးရှားတွင် နှစ်နှစ်ကြာ အလုပ်လုပ်ဖူးသည်။ မလေးရှား မြန်မာသံရုံးတွင် အခွန် မဆောင်ခဲ့။ ယခုအလုပ် မလုပ်မီ မြန်မာနိုင်ငံတွင် စာအုပ်သက်တမ်းတိုးစဉ်က ပွဲစားဖြင့် အခွန်ဆောင်၊ သက်တမ်းတိုးခဲ့သည်။ မြန်မာငွေ ၃ သိန်း ကျသင့်ခဲ့ပါသတဲ့။ ပြေစာတော့ မရခဲ့ပါ။ သက်တမ်း ၂ နှစ်တော့ တိုး၍ ရခဲ့သည်။ ယခု စကာင်္ပူ မြန်မာသံရုံးက ထိုစဉ် အခွန်ဆောင်ထားသော ပြေစာကို ပြခိုင်းပါသည်။ မပြနိုင်လျှင် အခွန် ဆောင်မထားသူအဖြစ် သဘောထားမည်ဖြစ်၍ ထို နှစ်နှစ်စာကို တစ်လလျှင် စကာင်္ပူ ဒေါ်လာ ၄၀ နှုန်းဖြင့် ဆောင်ခိုင်းပါမည်။ (မလေးရှားတွင် အခွန်ဆောင်ခဲ့ပါက တစ်လလျှင် မလေးရှား ရင်းဂစ် ၂၀ နှုန်း ဖြစ်ပါသည်။ ငွေလဲနှုန်းဖြင့် တွက်ပါက ၄ ဆခွဲ ကွာပါသည်။)

ကုမ်ရာသီသူ သက်တမ်းတိုးစဉ်ကလည်း ၁၀ လစာ အခွန်ဆောင်၍ နှစ်နှစ် နိုင်ငံကူးလက်မှတ် သက်တမ်း တိုးပေးခဲ့သော အကြောင်းရှိသည်။ သို့ဖြစ်ရကား ယင်း ပြေစာ ကိစ္စကို ဖြေရှင်းရစရာ အကြောင်းမမြင်သည့်အလျောက် အခွန်ဆောင်ခိုင်းရသည်။ သူဌေးက အများတကာကို ထုတ်ပေးထားသည့် ပမာဏမှာ ပထမအကြိမ် ပေးသွင်းရာတွင် ကုန်လေပြီ။ ယခု ထပ်သွင်းရန် မရှိတော့ပြီ။ ထုတ်ပေးလေဦး နောက်တစ်ခါ။ ပထမတစ်ကြိမ်က အားလုံးအတွက် တစ်ယောက်က သွားသွင်းပေးရသည်ဟု ကာယကံရှင်က ဆိုလာသည်တွင် ယခုတစ်ကြိမ် ပိုက်ဆံသွားသွင်းရန် ဝန်ဆောင်ဌာနကို ကုမ်ရာသီသူ ဖုန်းဆက်အကြောင်းကြား၏။ ခန့်ခန့်ကြီးနှင့် မမကြီးက နောက်နေ့ သွားသွင်းရမည့် သံရုံးမှ ဝန်ထမ်းနာမည်ကို ဖုန်းတွင် ညွှန်ကြားလိုက်သည်။ သွားသွင်းသည့်နေ့ မျက်စိသူငယ် နားသူငယ်နှင့် ကာယကံရှင်သာ တန်းစီရသည်ပင်၊ ငွေသွင်းကိစ္စ တောက်လျှောက် ဝန်ဆောင်ဌာနမှ မည်သို့မျှ လိုက်ပါဆောင်ရွက်ပေးခြင်း မရှိ။ ၎င်းဝန်ဆောင်ဌာနမှ မည်သူမျှလည်း (သံရုံးမပြောနှင့်၊ Orchard MRT အနီးတွင်ပင်) ရောက်ရှိနေခြင်း မရှိ။ တစ်နေကုန်မှ လက်ဗွေနှိပ်ခြင်းကိစ္စပြီးစီးကာ နောက်တစ်ပတ် စာအုပ်ထွက်မည်ဟု သိခဲ့ရ၏။ 

ကိုင်း – အစကတည်းက ကိုယ့်ဘာသာ အိပ်ရေးပျက်ခံလိုက်ရင် ပြီးရော။ ဘာကြောင့်များ အသပြာ ၅၀ တိတိ ပေးခဲ့ရပါသနည်း။

ယူနီဗာဆယ် . . . . .

ကျွန်းပိစိလေးမှာ ဘယ်မှလည်း သွားစရာ ထွေထွေထူးထူး မရှိတာနဲ့ ဒီနေ့ (၄-၂-၂၀၁၁) ယူနီဗာဆယ်စတူဒီယို (ဆန်တိုဆာ) ကို ရောက်ပါတယ်။

ဝင်သွားပြီး အလကား ရတာတွေ အကုန်ကြည့်ပါတယ်။ ပိုက်ဆံ ထပ်မပေးရသမျှ အကုန်လုပ်ပါတယ်။ ဟဲ ဟဲ။ ဝင်ကြေးကလွဲရင် အကုန်မခံဘူးဆိုပြီးတော့ သန္နိဌာန် ချထားတာလည်း ပါတာပေါ့လေ။ မကုန်ကုန်အောင် ဆွဲဆောင်ထားတာကလည်း ရောက်သွားတဲ့ ဇုန်တိုင်းဆိုပါတော့။ ဒါပေမယ့် ခုအချိန်က သူတို့ ဖွင့်တဲ့ နှစ်ပတ်လည် ဖြစ်နေလို့ပဲလားတော့ မပြောတတ်ဘူး။ ဒီလို ရို လာကိုစတာကြီးဆို ထပ်ပေးစရာမလိုဘဲ စီးလို့ရသဗျ။ စီးခဲ့လားလို့တော့ မမေးပါနဲ့။ သတ္တိခဲ ရဲရဲနီ ကုမ်ရာသီသူ တစ်ယောက် မစီးခဲ့ပါဘူး။

ကုမ်ရာသီသူတို့ စီးခဲ့တာ စစချင်း Madagascar (Escape to Africa) က ဇာတ်ကောင်တွေနဲ့ ပတ်လည်လှည့်တဲ့ ကလေးစီး ချားရဟတ်ပါ။ ပုံတွေကို ရေထိုးဖို့ ပြန်ရှာတော့ ကိုယ့်ဘာသာ ရိုက် တာတွေက တစ်ခုမှ ဆင်ဆာ မလွတ်တာနဲ့ Google Images ကပဲ ယူပါတယ်။ ဟဲ ဟဲ။ အဲဒီမှာ လျှောက်သွားရင်းနဲ့ စိတ်ကူးတောင် ပေါက်ပါသေး။ Johny Depp နဲ့ Angelina Jolie တို့ ရိုက်သွားတဲ့ The Tourist မှာ ဒီလို နေရာမျိုးကနေ ဇာတ်ကွက် ဇာတ်လမ်း စိတ်ကူးရသွားလားမသိ။ ပြီးတော့ အဲဒီ ဇာတ်လမ်းထဲက အဓိက သီချင်းနဲ့ အဓိက ဇာတ်ဆောင်အရုပ်ထဲ ဝင်ထားတဲ့ လူတွေ ကကြပါတယ်။ ဇာတ်လမ်းထဲက လိုပါပဲ။ ဒါပေမယ့် နေပူပူမှာ အဝတ်ထူထူကြီးတွေအောက်က ပူလောင် နွမ်းနယ်နေမယ့်လူတွေကို မြင်ယောင်ရင်း ဆက် မကြည့်ဖြစ်တော့ဘဲ ဘီလူးအိမ်သာဘက် ဆက်လျှောက်ခဲ့ပါတော့တယ်။

ပြီးတာနဲ့ ရောက်လာတာ ဘီလူးမောင်နှံ 4-Dimension နဲ့ ပြတဲ့ ဇာတ်ရုံပေါ့။ တန်းစီရတာကတော့ နေရာတိုင်းမှာ နာရီဝက်အသာလေးပဲ။ ရှေ့မှာ တန်းစီတဲ့ အသက် ၆၀ကျော်အရွယ် ဖွားဖွားတစ်ယောက်ကို ကြည့်ပြီး ကိုယ့်ကိုယ်ကိုတောင် ငါ တော်တော် အိုစာပါ့လားလို့ တွေးမိလိုက်ပါသေး။ ဟယ်လိုကစ်တီ ထီးပန်းရောင်လေးနဲ့၊ ဖိနပ်ခုံမြင့်ကို အသားကပ်ခြေအိတ်လေးနဲ့ လှပဲ လှသေးတော့ (နောက်ကနေ ကြည့်တာနဲ့ကို အိုတော့ အိုနေပြီမှန်း သိပေမယ့် ရှေ့ကကြည့်မိတော့မှ အတော် လေ သွားပါလေရော)။ ရုံထဲရောက်တော့ လူ ရေ ကြည့်မိတယ်။ တစ်သုတ်ကို အယောက် ၅၀၀ လောက် သွင်းပါတယ်။ တစ်သုတ်ကို မိနစ် ၂၀လောက် ကြာတဲ့ ဇာတ်လမ်းတိုလေးကို ကြည့်ရတာပါ။ ကိုယ့်မျက်နှာ လာမှန်မယ့် မီးခဲတို့၊ ပိတ်ကားထဲက နှာချေလိုက်တာတွေ စင်မှာစိုးတာတို့ (တကယ် စင်သဗျ၊ ရေတွေ ဖျန်းတယ်နဲ့ တူတယ်)၊ ပစ္စည်းတွေဘာတွေ လွင့်လာတယ်ထင်တာတို့တော့ ပြောမနေနဲ့တော့။ ထိုင်ခုံပေါ် ခြေထောက်တွေဘာတွေ တင်၊ မျက်နှာနား စာရွက်နဲ့ ကာတာကာ၊ ခေါင်းတွေဘာတွေ ငဲ့တဲ့အခါငဲ့။ ဝှူး…. အလုပ်ကို များသွားတာပါပဲ။ စကားမစပ် အဲဒီဇုန်နဲ့ The Lost World – Jurassic Park ကြားမှာ ATM တွေ တွေ့ပါတယ်။ အထဲမှာ ပိုက်ဆံကုန်သမျှ ကဒ်နဲ့ ပေးလို့မှ မရဘဲကိုး။

အဲဒါနဲ့ Jurassic Park ကို မကူးမီ နေ့လည်စာ ဆွဲကြပါတယ်။ အမှန်တော့ Food Republic ကနေ ထမင်းဘူးလေး၊ ဘာလေး ဝယ်သွားကြတာပါ၊ ဟိုကျ အဲဒါတွေ အထဲ သယ်လို့မရပါဘူးတဲ့။ ဒါနဲ့ပဲ အထဲမဝင်မီ တစ်နေ့လုံးစာ Locker ၂၀ ဖိုး ထည့်ပြီး ပစ္စည်းတွေ ထားသွားရပါတယ်။ နာရီပိုင်းအလိုက်လည်း ထည့်လို့ရပါတယ်။ ဒါပေမယ့် တစ်ခါ ဖွင့်ပြီးရင် နောက်တစ်ခါ ထပ်သုံးချင်တိုင်း ပိုက်ဆံ ထပ်ပေးရမှာပါ။ အဲ EZ-Link ကဒ်နဲ့ ပေးလို့ ရသဗျ။ ဖြည့်ထားတဲ့ ပမာဏကလည်း များတော့ ဒါလေးပဲ ကပ်လိုက်ပါတယ်။ အထဲမှာ ပေါက်စီ ဝယ်စား၊ ဈေးကလည်း ကြီးပါ့။ ရေဗူးတော့ အိတ်တွေထဲ ထည့်သယ်သွားတာ ပါသွားလို့ တော်ပါသေး။ ဒါပေမယ့် အဲဒီမှာ သူတို့ရဲ့ Attraction က ရေစိုမယ်၊ ပြီးတော့ ပိုက်ပိုက်လည်း ထပ်ပေးရမှာဆိုတော့ မဝင်ဖို့ အားလုံး သဘောတူကြပါတယ်။ ပိုက်ဆံ အကုန်ခံချင်လို့ အပင်ပန်းခံပြီး လုပ်ခဲ့တာက နံရံတောင်တက်တာပါ။ တစ်ယောက်ကို ၅ ဒေါ်လာ ထပ်ပေးရပါတယ်။ အနာတရ ဖြစ်ခဲ့ရင် တရားမစွဲပါဘူးဆိုတဲ့ Letter of Consent မှာ လက်မှတ်ထိုး ပေးရပါတယ်။ တစ်ခါမှ မစမ်းဖူးတဲ့အကြောင်း ပြောပြတော့ အောက်မှာ ကြိုးနဲ့ ထိန်းပေးမယ့် လူတွေက အားပေးပါတယ်။ အဟဲ။ ကိုကြီး ဒီဘီတို့လို လူမျိုးအတွက် ဆိုရင်တော့ ထိန်းပေးမယ့်လူ အတော် ရှားမယ်ခင်ဗျ။ ကိုယ်ခန္ဓာအလေးချိန် သိပ်မကွာသူများက ထိန်းပေးဖို့ ရွေးချယ်ရလို့ပါ။ ကလေးတွေရော၊ လူလတ်ပိုင်းတွေရော ဖားကပ်၊ တောက်တဲ့ကပ်၊ အိမ်မြှောင်ကပ်၊ ပုတ်သင်ကပ်၊ အဲ. . . ကပ်နည်းပေါင်းစုံနဲ့ ကုမ်ရာသီသူတစ်ယောက် လူ တစ်ရပ်ကျော်တော့ ရောက်ခဲ့ပါတယ်။ ခြေနှစ်ဘက်၊ လက်နှစ်ဘက်ထဲက ၃ ပွိုင့် မြဲရင် တစ်ပွိုင့်လွှတ်ပြီး ကုပ်၊ကပ် တက်သွားရတာကိုး။ ထိပ်ဆုံးက ကြိုးအဆုံးက ကွင်းကို လက်နဲ့ပုတ်ပြီးရင်တော့ ဒီ နံရံတောင်တက် စာမေးပွဲ အောင်ပြီပေါ့။ ကိုယ့်ဘာသာကိုယ် အားပေးပါတယ်။ ဒါ ပထမအကြိမ်ပဲလေ။ ထိပ်ဆုံး မရောက်ခဲ့ပါဘူး။ ကိုယ့်ကိုယ်ကို ခွင့်လွှတ်ပါတယ်။

ရှေးဟောင်း အီဂျစ်ဇုန်မှာတော့ မှောင်မှောင်ပိန်းပိန်း ပိရမစ်အတုထဲမှာ မမ်မီကလဲ့စားကို တင်ဆက်ပါမယ်တဲ့။ မဝင်ခဲ့ပါဘူး။ နေရာတိုင်းမှာ ဝံပုလွေခေါင်းဆောင်းနဲ့ ကုလားမခြေထောက်ပိုင်ရှင်များက တကားကား၊ သူတို့နဲ့ လက်နှစ်ချောင်းထောင်ပြီး ဓါတ်ပုံရိုက်သူများက တဖျပ်ဖျပ်၊ ဗလ တပြပြနဲ့ အီဂျစ်ဖာရိုအတုများကလည်း တလွှားလွှားပါပဲ။ ကုမ်ရာသီသူတို့ ညောင်းတာနဲ့ အင်္ဂတေကို သဲကျောက်တုံးနဲ့ တူအောင်လုပ်ထားတဲ့ စဖင့်ရုပ်အတုကြီးရဲ့ ခြေထောက်ခုံမှာ ထိုင်ပြီး နားကြပါတယ်။ အင်း . . .  ဒီနေရာကြီး တစ်ခုလုံးကကို Real Time Setting ဖြစ်နေတာကိုးလို့ မှတ်ချက်ချမိပါသေးတယ်။ နောက် ဇုန်ကတော့ သိပ္ပံကားတွေ ရိုက်နေကျ သိပ္ပံမြို့တော် အတုပါ။ ရိုလာကိုစတာကို အဲဒီနေရာမှာ စီးရပါတယ်။ မဝင်ပါဘူး။ အဖေါ်တွေ စီးတာကို ပစ္စည်းတွေ အကုန် ယူထားပေးပြီး ဝင်ပေါက်မှာ စောင့်ပါတယ်။ ပြီးတော့ ထွက်လာရင် ဒူးခွေလာလို့ကတော့ ဓါတ်ပုံ ရိုက်မှာပဲ ဆိုပြီး လုပ်ကြံဖို့ပေါ့လေ။ သူတို့က ထွက်လာတာ အေးဆေး ပုံမှန်ပဲ ခင်ဗျ။

အဟဲ။ ဟိုတလောလေးကမှ Step Up 3D ကြည့်ဖူးကြတဲ့ အမ ဂွိတို့ ကိုယ်တိုင် ပါဝင်ပြီး အကြောလျှော့လို့ရတဲ့နေရာ နယူးယောက်က ဟောလီးဝုဒ်ပါ။ ဒီမှာ ဒီအဖွဲ့ ရှိပါတယ်။ ကလေးတစ်ယောက်၊ ကလေးမတစ်ယောက်၊ အိန္ဒိယမင်းသားတစ်ယောက်တို့ ဗော်လံတီယာ ပါဝင်တဲ့ Chain Dance, Free Style Dance တို့နဲ့ လက်ခုပ်တွေ တီးကြ၊ လက်တွေ မြှောက်ပြီး ယမ်းရ (မင်းတို့လက်တွေ လေထဲကို မြှောက်ထားလိုက် ဆိုတော့လည်း ပျော်ပျော်ပါပဲ)၊ အတော် မြိုင်ဆိုင်ပါတယ်။ အဲဒီမှာ ကုမ်ရာသီသူ အတော် သဘောတွေ့သွားတာက စတီဗင် စပီးဘတ်ဂ်ရဲ့ တင်ဆက်မှု (The Day After Tomorrow က ဇာတ်ဝင်ခန်းတစ်ခုလို့ ထင်ပါတယ်) Light, Camera, Action! အစီအစဉ်ပါ။ တစ်နာရီ မိုင်တစ်ရာ့ငါးဆယ်နှုန်းနဲ့ မုန်တိုင်းက နယူးယောက်ကို ဖြတ်သန်းမယ့် အချိန်၊ ကိုယ်က သဘောင်္ကျင်းတစ်ခုထဲ ရောက်နေပြီး မိုးကြိုးတွေပစ်၊ လေတွေတိုက်၊ လျှပ်စစ် ရှော့ဖြစ်ပြီး ရေထဲမှာ မီးတွေတောက်၊ ထုပ်တန်းတွေ ဘာတွေ ကျိုး၊ မော်တော်ဘုတ်တွေ ဘာတွေ လေထဲ လွင့်၊ နောက်ဆုံး . .  သွားနေတဲ့ သဘောင်္ကြီးက တအိအိနဲ့ သဘောင်္ကျင်း တံခါးဝကနေ ရွေ့ဝင်လာပြီး ကိုယ့်ရှေ့နားထိ ရောက်လာတာ အင်း . . . . . ဒီ အတုက မီးတွေလည်း ပူ၊ ရေတွေလည်း စင်၊ အစစ်လိုလည်း ထင်ယောင်ထင်မှား ခံစားနိုင်စေတာ အတော်ကို သဏ္ဍာန်လုပ်၊ သရုပ်တူနိုင်ပါပေတယ်။ စကားမစပ် ၂၀၁၂ ကမ္ဘာကြီးကို့လို့ကန့်လန့်ဖြစ်မယ်ဆိုရင် ဆိုပြီး ရင်ထဲမှာ နည်းနည်းတော့ ဖိုးသိုးဖတ်သပ်ဖြစ်သွားပါတယ်။

ပြီးတာနဲ့ ထွက်ပြီး ပစ္စည်းလေးတွေ ရွေး၊ ပန်းပွဲတော်ကို ဆက်မသွားခင် သယ်သွားတဲ့ မုန့်တွေ၊ ရေတွေ ဝိတ်လျှော့တဲ့အနေနဲ့ ထိုင်စရာ ရှာပြီး စားကြ၊ ဝါးကြပါတယ်။ ယုန်ရုပ်ကလေးတွေ၊ ၁၂ကောင်ရုပ်တွေကို ပန်းတွေနဲ့ ပုံစံဖေါ်ထားတာ ဓါတ်ပုံတွေ ရိုက်ကြတာပေ့ါလေ။ ငါးမဟုတ်၊ ခြင်္သေ့မဟုတ် အကောင်ကြီးဘက်ကို ဖြတ်လျှောက်တော့ လိမ္မော်သီးလေးတွေနဲ့ အလှဆင်ထားတာ အတော်များများမှာ အသီးပြုတ်ရာ၊ အညှာလေးတွေ ဖွာဖွာနဲ့ တွေ့ရပါတယ်။ သူငယ်ချင်းက သတိမထားမိသေးခင် “ဖြုတ်စားရင် ရမလားမသိ”လို့ ပြောပါတယ်။ သူ့ကို အညှာရာလေးတွေနဲ့ အောက်ကျနေတဲ့ ရော်နေပြီဖြစ်တဲ့ လိမ္မော်သီးတစ်လုံးကို ပြလိုက်ပါတယ်၊ “ဒီလိုကိစ္စမျိုး ရှိသကိုး”လို့ သူက ပေါင်ချိန်လေနဲ့ မှတ်ချက်ချပါတယ်။

နောက်မှ သူငယ်ချင်းတွေဆီက သိရတာပါ။ ယူနီဗာဆယ်စတူဒီယို စဖွင့်ကာစ အချိန်က ဒီလို Attraction အစီအစဉ်တွေကို ဝင်ကြည့်ချင်ရင် သတ်သတ် ပိုက်ပိုက် ပေးရပါသတဲ့။ ဝင်ကြေးကလည်း ၁၀၀ ကျော်ပါသတဲ့။ ခုမှ ဝင်ကြေး ၇၂ ဒေါ်လာ ပေးပြီးရင် ဒါတွေပါ အပါအဝင်ဖြစ်သွားတာ ဆိုပဲ။ တော်သေးတာပေါ့။ အင်း . . . ပုရွက်ဆိတ်အုံအလား လူအုပ်ထဲမှာ တိုးရင်း၊ တန်းစီရင်း ကြည့်ခဲ့၊ ရောက်ခဲ့တာကို ခု ရုံးပြန်တက်ခါနီးမှ ရေးပြလို့ ကုမ်ရာသီသူကို မထောင်းကြတန်ရာနော်။ နံရံတောင်တက်ပြီး ကောင်လုံးနာနေတာနဲ့ (ဘိတ်/မြိတ်-သံနဲ့ ပြောတာပါ။ တစ်ကိုယ်လုံးနာတာကို ကောင်လုံးနာတယ်လို့ ပြောပါတယ်) ခုမှပဲ ဒီ ရေထိုးတဲ့ ပို့စ် လေး ပြီးပါတယ်။ ခွင့်လွှတ်ကြတာ ကျေးဇူးတင်ပါတယ်ခင်ဗျား။ 🙂

ဖျော်ဖြေရေး

ခုတလော online radio အစီအစဉ်တွေ အများကြီး စုပြီး နားထောင်ဖြစ်သည်။

 အိမ်မက်လှိုင်းအဖြူရောင်သံစဉ်၊ (Google Desktop မှာ Radio Player ထည့်ပြီး Station URL ပေးလိုက်လျှင် အတော်အဆင်ပြေတာ တွေ့ရပါသည်)

 မြန်မာ့ဂန္ထ၀င်၊ (ကြာကြာ နားမထောင်ဖြစ်ပါ။ သို့သော် အလှည့်တစ်ခုပေးလိုက်လျှင်တော့ ခဏတဖြုတ် နားထောင်ဖြစ်တတ်သည်။)

AOL radio programs (Lite Rock, Pop Rock တွေမှာ ကိုယ်နားစွဲပြီးသား သီချင်းများ၊ (သို့မဟုတ်) ကိုယ်သဘောကျတတ်သော သံစဉ်အဖွဲ့များ ကြားရတတ်သည်။ Google Desktop – Radio Player မှာတော့ ပေါင်းထည့်၍ မရ။ သူ့ Player မှာ station ရွေးစရာတွေ အများကြီးပါလာပြီး သီချင်းပုဒ်လိုက် ကျော်၍ရသည်။)

သီချင်းတွေ နားထောင်ရင်း အလုပ်ထဲ စိတ်နှစ်ထားရတာ နည်းနည်း စိတ်ဖိစီးမှုသက်သာသည်ထင်၍ပါ။ တစ်ဖက်စားပွဲမှ ဖွင့်ထားတတ်သော စကာင်္ပူတရုတ် FM ရေဒီယိုအစီအစဉ် အမြဲတမ်းကြားနေရတတ်သော်လည်း ကိုယ်နားမလည်သော ကွိစိကွစများချည်း ဖြစ်လေရာ ကိုယ်နားလည်သော အစီအစဉ်ကို ကိုယ့်ဘာသာကိုယ်ပဲ ရွေးချယ်လိုက်ပါတော့သည်။ နားလည်မှုရှိတာ တော်သေးတာပေါ့လေ။ (အဲဒီတစ်မှတ်ကလွဲလျှင် Boss ကို အမှတ်`Minus´ ပဲ ပေးမိတာများပါသည်။)

Stress-Survival Fight တွင် Entertainment တပ်ကူသာမရှိလျှင် အတော် အထိနာမည် ထင်ပါသည်။ ကြိုက်မိသည်များကို မျှဝေလိုက်ပါသည်။

ခေတ်မီလိုက်ရင် ကောင်းမလား!

ခက်တော့ အခက်သား။ စကာင်္ပူမှာ လူ ၁၄၀ ကျော် ကူးနေပြီဖြစ်သော H1N1 သည်းသည်းလှုပ်နေခိုက်မှာ ဖျားသည်။ ကွေးတော့ မကွေးပါ။ လူက မိုးတိုးမတ်တပ် သွားလိုက်လာလိုက်နှင့်။

ဇာတ်လမ်းအစ – ကြာသာပတေးနေ့နှင့် သောကြာနေ့ နှစ်ရက်ဆက်၍ Site သွားသည်။ ကြာသာပတေးနေ့ကတော့ မသိသာသေး။ တောက်လျှောက် ပင်ပန်းထားပြီး သောကြာနေ့လည်မှာ ရုံးကို ပြန်ရောက်တော့ ချွေးတွေ စိုနေရာက အဲကွန်းတန်ခိုးနှင့် ချက်ချင်း ခြောက်ခြောက်သွေ့သွေ့ ဖြစ်သွားပြီး အစိုဓါတ်က နှာခေါင်းဘက် ပြောင်းရွှေ့သွား၏။ သည်အချိန်မှာ စနေနေ့ပြန်မည့် လူကြုံက ပြည်အထိ ရောက်မည်ဆိုသောအခါ — အိမ်ကို လူကြုံပေးရန် ဖုန်းဆက် မေးကာ ညနေရုံးဆင်းချိန်တွင် အပြေး အလွှား ဈေးသွားဝယ်ပါသည်။ Mustafa တွင် ဟိုဘက်၊ ဒီဘက် အဆောက်အဦးနှစ်ခုလုံးကို တက်လိုက်ဆင်းလိုက် ပစ္စည်း ရှာခြင်း၊ ၀ယ်ခြင်းများ ပြီးသည့်နောက် ည ၈ နာရီကျော်။ လူကြုံပေးခြင်းကိစ္စ ပြီးသည်နှင့် အိမ်ကို ငွေလွှဲရန် City Hall ဘက် ခြေဦးလှည့်သည်။ လူကြုံလိုချင်သည် ပြောသော ယုန်မွေးဆွယ်တာ- ပင်နီဆူလာမှာ မြင်ဖူးသလိုလိုပဲဆိုပြီး အထပ်စေ့ ပတ်သည်။ မူစတာဖာတစ်ပတ်နှင့် ညီမျှသောအခါ ခြေကုန်လက်ပန်းကျလာပြီး မတွေ့ကြောင်း အဖြေထွက်လာ၏။ သည်လိုနှင့် အိမ်ပြန်သည့် အခြေအနေဖြစ်တော့ ည ၁၀နာရီခွဲ။ အိမ်ရောက်တော့ Panadol Extra တစ်လုံး ပါးစပ်ထဲ ပစ်ထည့်ကာ မှောက်သွားသည်။ ချွေးလေး စို့ကာ နေသာ ထိုင်သာ ဖြစ်သွားသည်။ `ငါ မဖျားသေး´။

စနေနေ့မနက် နိုးလာတော့ ကောင်းကောင်း မကြည်လင်။ ရုံးမသွားချင်သော ရောဂါအဖြစ် ကိုယ့်ကိုယ်ကို သတ်မှတ်လိုက်တော့ ဖျားသည့်ဘက် မလှည့်လိုက်နိုင်။ `တောင်လှည့်၊ မြောက်လှည့်နဲ့ ရုံးချိန်ပြီးသွားမှာပါ´- ကိုယ့်ကိုယ်ကို အားပေးကာ အဲကွန်းခန်းထဲ သွားငုတ်တုတ်ထိုင်လိုက်သည်။ လာလေ့- နေ့တစ်ဝက်။ ရုံးဆင်းသော် ခါတိုင်းကဲ့သို့ ပင်နီဆူလာ၊ လမ်းပြကြယ်တို့ဘက် မလှည့်နိုင်တော့။ အိမ်တန်းပြန်သည်။ ကောင်းကောင်း ဖျားရန် အရှိန်ယူသည်။ ဖြစ်ချင်တော့ တနင်္ဂနွေနေ့တွင် ဂျိုဟိုးလမ်းညွှန် ကူညီ မ,စဖူးသော ညီမလေးက မင်္ဂလာဆောင်မည်။ ကိုယ့်ကိုယ်ကို ဖျားခွင့်မပြုနိုင်ပြန်။ သည်လိုနှင့် တောက်လျှောက် ဖျားခွင့်မရရှာသော ခန္ဓာကိုယ်က တနင်္လာနေ့တွင် ဆန္ဒပြပါသည်။ ဘယ်လိုမှ မကြည်လင်ပါ။

MRT Station နှင့် ရထားပေါ်တွင် တချို့ကလေးများကို မျက်နှာဖုံးစွပ်လျက်သား တွေ့လာရသလို၊ ကလေးအမေ အချို့လည်း မျက်နှာဖုံးကိုယ်စီ နားရွက်မှာ ချိတ်လာကြသည်။ သူတို့ကြည့်ရသည်မှာ အတော်ပင် ကို့လို့ကန့်လန့်နိုင်နေပြီး သူတို့ကိုယ်တိုင်ကလည်း စိတ်မသက်မသာ ဖြစ်နေပုံရပါသည်။ သို့ဖြင့် အချိန်များမကြာမီ သူတို့လည်း မျက်နှာဖုံးစွပ်လေးများကို ဖြုတ်သွားကြ၏။ သို့သော် အချို့အချို့သော သူများကား တာဝန်သိပြည်သူများပီသနေကြလေရာ ကိုယ်တိုင် တစ်ရှူးလေးကွယ်ကာ ဟတ်ချိုး ချေခါနီးချိန်တွင် နံဘေးမှ မျက်နှာဖုံးစွပ်များကို ကြည့်ရင်း နည်းနည်း အားနာလာပါသည်။

Today မှ `အော်သံ´ ကဏ္ဍတွင် ကလေးမိခင်တစ်ဦးက ရေးထားသည်။ “You may survive, but my son won’t”၊ သူ့သား ၁၀လသားကလေး မွေးရာပါ ရောဂါကာကွယ်မှု အားနည်းနေသောကြောင့် ဆေးရုံတက်ကာ ကုသမှု ခံယူနေရသည်။ အကယ်၍သာ ယခုအချိန် ပြင်ပမှ အခြားရောဂါများ ကူးစက် ရရှိခဲ့လျှင် မည်သို့မှ ကယ်နိုင်ရန် လမ်းမရှိတော့။ သို့ဖြစ်၍ —–  ကိုယ့်ကိုယ်ကို ဘာမှတော့ မဖြစ်နိုင်ပါဘူးဆိုပြီး လွတ်လွတ်လပ်လပ် လျှောက်သွားနေကြသော၊ မိမိကိုယ်တိုင် မသိနိုင်သည့် ရောဂါပိုးသယ်ဆောင်သူများကို သူ တောင်းဆိုထားသည်က-`ကာကွယ်ခြင်းဖြင့် ကယ်တင်ကြပါ´။

Mask သုံးခြင်း၏ ကောင်းကျိုးများအား မသိမဟုတ်၊ သိပါ၏။ သိပါသော်လည်း – မျက်နှာဖုံးစွပ် တပ်ရမှာ ဘာကြောင့်မှန်းမသိ၊ အတော် ၀န်လေးမိသည်။ ကိုယ်တိုင်ကပဲ အကြောက်အလန့် နည်းလွန်းသလား၊ ကြောက်တတ်သူဟု အထင်ခံရမည်ကိုပင် ကြောက်လွန်းသလား၊ တစ်ခုခုတော့ လွဲနေသည်။ ကွေးရဲလျှင် ကွေး- quarentine ထဲ ရောက်သွားမည် ဆိုပြီး ကြောက်တာက ပိုမည်ထင်ပါသည်။ သို့ဆိုလျှင်လည်း သူများ မျက်နှာဖုံးစွပ်သလို လိုက်စွပ်ပြီး ခေတ်မီလိုက်လျှင် ကောင်းမလား။

မည်သို့ပင်ဖြစ်စေ – အမိမြေမှာ ကိစ္စတစုံတရာရှိ၍ သတင်းထုတ်ပြန်သည့်အခါ ပြည်သူလူထု အစိုးရိမ်လွန်၊ ကြောက်လန့်ကြသည်များ မဖြစ်စေရန် ထိန်းထိန်းသိမ်းသိမ်းထုတ်ပြန်သော သတင်းစနစ်ကို အတော်ကျင့်သားရနေသည်ထင့်။ ယခု စကာင်္ပူကျွန်းကလေးမှာ ကျန်းမာရေးဝန်ကြီးဌာနက အရေးတယူ လှုပ်လှုပ်ရှားရှား လုပ်နေသည်ကိုပင် စိတ်ထဲမှာ သည်းသည်းသန်သန် ဖြစ်မလာ။ ကြောက်စရာလား။ မြတ်စွာဘုရားရှင် သက်တော်ထင်ရှား ရှိနေသေးလျှင် ခံနိုင်ရည်အရာမှာ ဧတဒဂ်ပေးလောက်သော `ငါဟဲ့- မြန်မာ´။

လတ်တလော သတင်းထုတ်ပြန်ချက်။

ယနေ့ ရုံးမှ ခွင့်ယူ၍ အိမ်တွင် အားရပါးရ ဖျားပါသည်။ မောင်ထွန်းသူ မြန်မာပြန် `ပီကင်း´နှင့် တက္ကသိုလ်နေ၀င်းမြန်မာပြန် `ဂေါ့ဒ်ဖားသား´အားကိုး ရှိပါသည်။ တစ်မနက်လုံးဆေးသောက်လိုက်၊ ပြန်အိပ်လိုက် လုပ်ပြီးသောအခါ အတော်လေး နေသာထိုင်သာ ရှိနေပါပြီ။ ဆေးခန်းမသွားပါ။ အကြောင်းရင်းက တုပ်ကွေးမဟုတ်ကြောင်း ကိုယ့်ဘာသာ သေချာသော်လည်း Quarentine ထဲ ရောက်မှာစိုးပြီး မသွားခြင်းဖြစ်ပါသည်။ ခေတ်မီအောင် မကွေးရဲလိုက်ပါ။ ကောင်းမလားလို့ တွေးကြည့်လိုက်တာပါပဲ။ ခုတော့-

`အားလုံးကောင်းပါသည်ခင်ဗျား´

ပူးပေါင်းဆောင်ရွက်မှုမှ အသီးအပွင့်များ

ဘာရယ်တော့ မဟုတ်ပါဘူး။ ဒီနေ့ Today မှာ မြောက်ကိုရီးယားနိုင်ငံက ထွက်ခွါလာတဲ့ ကမ်နမ်-၁ သင်္ဘောရဲ့ လမ်းကြောင်းက စကာင်္ပူကို ဖြတ်မယ်လို့ ယူဆရပါတယ်ဆိုပြီးတွေ့လိုက်လို့။ ဒုံးကျည် (သို့)ဒုံးကျည်နှင့် သက်ဆိုင်သော ပစ္စည်းများ တင်ဆောင်လာမယ်လို့ ယူဆရတဲ့သဘောက စကာင်္ပူမှာ ဆီဝင်ဖြည့်ကောင်း ဖြည့်မယ်ဆိုပဲ။ ဦးတည်ရာကတော့ မြန်မာပြည် ဖြစ်နိုင်ပါတယ်တဲ့။

စကာင်္ပူဟာ အပြည်ပြည်ဆိုင်ရာရေပိုင်နက်ထဲသွားတဲ့ ပင်လယ်ကူးသင်္ဘောကြီးတွေကို ဆီဖြည့်တဲ့ဝန်ဆောင်မှုမှာ ထိပ်တန်းနေရာမှာ ရှိပါတယ်။ ခု “ကမ်နမ်-၁ သာ စကာင်္ပူကို ၀င်ပြီး ဆီဖြည့်ခဲ့ရင်” ဆိုတဲ့ အကြောင်းအရာနဲ့ စကာင်္ပူကျွန်းကလေး ခေါင်းကိုက်နေပါတယ်။ အကြောင်းအရာ အပြည့်အစုံကိုတော့ Today Online မှာသာ ဖတ်ကြည့်ကြပါ။ မနက်ဖြန် သံလွင်အိမ်မက်မှာလည်း ပါမယ်ထင်ပါတယ်။

အပြည်ပြည်ဆိုင်ရာ ပူးပေါင်းဆောင်ရွက်မှုနဲ့ စီးပွါးရေး ပိတ်ဆို့တားဆီးမှုဆိုတဲ့ စကားလုံးတွေ ကြားနေကျ ဖြစ်လာတာ အတော်ကို ကြာပေါ့။ ဘယ်ဟာက ဘယ်လို ဖြစ်သွားလဲတော့ မသိပါဘူး။ ခုလို အသီးအပွင့်တွေတော့ အသံဗလံ ကြားနေရတာပါပဲ။

ကိုကြီးဒီဘီကတော့ “ဘာသာပြန်လည်း ဖြစ်တာပဲလား”လို့ မေးပါတယ်။ အခြေအနေကတော့ မြင်တဲ့အတိုင်းပါပဲ။ နောက်ထပ် သတင်း အပြည့်အစုံတွေ ထွက်လာနိုင်စရာ ရှိပါသေးတယ်။ ငွေရောင်ပိတ်ကားပေါ်မှာ စောင့်မျှော်ကြည့်ရှုကြပါရန်။ (အမ်- မှားပြန်ပြီ။ Channels News Asia မှာ လွှင့်မှာပေါ့။ အဲဂလို ပြောချင်တာပါ။ 😀 သည်းခံပါရှင်)

budget စတေးရှောင်ခြင်း – ၃ (ဇာတ်သိမ်း)

စာရင်းချုပ်ကြပါစို့။

ဒီဇင်ဘာ ၁၀ရက်နေ့ ရောက်သောအခါ ၁၀ရက်ကြာ-ကပ္ပိယဘ၀မှ ပြန်လည် နှုတ်ထွက်ရန် အကြောင်းသင့်လာပါသည်။ Pelangi တွင် အင်တာနက် သွားသုံးရင်း လျှောက်လိုက်သော အလုပ်တစ်ခုမှ အင်တာဗျူးရန် email ၀င်လာခြင်းပါ။ ယခုတစ်ခါ အလုပ်အဆင်ပြေလျှင်ပြေ၊ မပြေလျှင် စတေးတိုးရန် မျှော်လင့်ချက် မရှိတော့။ စုစုပေါင်း ၂ လကျော်၊ ၃လ နီးပါး အချိန်အတွင်း အစွမ်းကုန် ကြိုးစားခဲ့ပြီးပြီပဲလေ။ စိတ်ဒုံးဒုံးချကာ ပြန်လှည့်ခဲ့သည်။

ချီကတည်းက ယဉ်သကို- မလေးအင်မီဂရေးရှင်းကောင်တာသည် အေးစက်စက် ကြိုနှင့်သည်။ `မင်း ပြန်ဝင်လာဦးမှာ မဟုတ်လား။ ခုမင်းရဲ့ လေယာဉ်လက်မှတ်က ရက်စွဲဝေး နေသေးတယ်။ နောက်တစ်ခါ စကာင်္ပူမှာ စတေးကုန်ရင် မင်းတိုင်းပြည်ကိုပဲ မင်းပြန်သွားပါ။ ငါတို့ဘက်ကို လာစရာ အကြောင်းမရှိတော့ဘူး။ မင်းတို့ အလုပ်လာရှာဖို့ တို့တိုင်းပြည်ကို အသုံးချနေကြတာပဲ။´ လက်ထဲကို ပတ်စ်ပို့ မပေးသေးဘဲ ရစ်ကြော ရှည်နေသည်ကို စိတ်ကုန်ခမ်းလှသည်။ နောက်ဆုံး ပတ်စ်ပို့စာအုပ်ယူကာ လှည့်အထွက် မကြားတကြား စကားကို ကြားဖြစ်အောင် ကြားလိုက်သေး၏။ `မင်းဘယ်တော့မှ ပြန်မလာပါစေနဲ့လို့ ဆုတောင်းတယ်´ ဆိုပဲ။ `ငါလည်း မလာချင်ပါဘူး´ စိတ်ထဲမှာ ဆက်လက် ခွန်းတုံ့တင်ကာ စလုံးဘက်သွားမည့် ကားကို တိုးတက်ခဲ့တော့သည်။

စလုံးအင်မီဂရေးရှင်းအရောက် ထုံးစံအတိုင်း White Card ဖြည့်၊ လေယာဉ်လက်မှတ်လေး လိုလျှင် အသင့်ထုတ်ပေးနိုင်ရန် ကိုင်ထားပြီး ကောင်တာပေါ် စာအုပ်နှင့် White Card ထိုးပေးလိုက်သည်။ ထိုင်နေသော အမျိုးသမီးက ခပ်တည်တည် မျက်ခုံးပင့်ကြည့်ပြီး စာအုပ်ယူကာ Scanner လေးပေါ်တင်သည်။ ခလုပ်တွေကို တစ်ချက်နှစ်ချက် နှိပ်သည်။ ခေါင်းတစ်ချက်ယမ်းသည်။ ပြန်တင်သည်။ ခလုပ်တွေ နှိပ်ပြန်သည်။ ခေါင်းထပ်ယမ်းသည်။ ဘာတွေ ဖြစ်ကုန်ပြီလဲ မသိ။ ခြေဖျားတွေ အေးလာသည်။ ကျောဘက်ကောင်တာမှ အမျိုးသားကို လှမ်းခေါ်ကာ ကွိစိကွစ ပြောသည်။ စာအုပ်ထောင်ပြသည်။ ဟိုပုဂ္ဂိုလ်က ကောင်တာချင်း ကူးလာကာ ကိုယ့်စာအုပ်ကို ယူကြည့်သည်။ အသက်ကို အောင့်ထားမိသလား၊ ရှူနေမိသလား မမှတ်မိတော့။

“ဩော်၊ မြန်မာပတ်စ်ပို့က မင့်စက်မှာ အော်တို တက်လာမှာ မဟုတ်ဘူး။ သူ့ဒေတာတွေကို manual ပဲ ရိုက်ထည့်မှရမယ်။ မင်းရဲ့ ကံပေါ့” “အိုကေ၊ ကျေးဇူးပဲ။ ပြဿနာတော့ မရှိပါဘူးနော်” ဘိုလိုပြောသမျှလေး နားစွင့်လိုက်မိသည်။ ဒီကောင်တာတော့ ဖြတ်လို့ ရပါရစေဘုရား။ ကိုယ်လုပ်လာသော စလုံး 10 ဒေါ်လာတန် E Ticket သည် လေဆိပ်ကနေ တန်းပြန်၍ ရသော ပုံစံမဟုတ်ကြောင်း လုပ်ကတည်းက သိပြီးသားမို့ ကျောရိုးတစ်လျှောက် စိမ့်တက်သွားမိသည်။ တစ်ချောက်ချောက်နှင့် ကီးဘုတ်ပေါ်နှိပ်နေသံက နားထဲမှာတော့ တူနှင့်ထုနေသည့်အလား။ ဤသို့ဖြင့် စက္ကန့်ပိုင်းလွန်မြောက်အပြီး-

“ဒုံး”

“အိုကေ၊ သွားနိုင်ပါပြီ”

ဘုရား၊ ဘုရား။ ကိုယ့်နားနှင့် မျက်စိကိုပင် မယုံနိုင်။ ကောင်တာတစ်ဖက်မှာ စာအုပ်ကို ဖွင့်ကြည့်မိတော့ နေထိုင်ခွင့် ရက် ၃၀။ အကျင့်ရနေသော ခြေလှမ်းများက သူ့ဘာသာသူ ဆက်လျှောက်ပြီး Kranji ဘူတာသို့သွားမည့်ကားပေါ် ရောက်လာသည့်တိုင် ရင်ခုန်နှုန်း မငြိမ်သေး။ ဩော်……… ဘ၀၊ ဘ၀။

အင်တာဗျူးသွားဖြေပါသည်။ အဆင်ပြေမလိုလိုနှင့် မပြေလိုက်ပြန်ပါ။ ဥရောပနှစ်သစ်ကူးချိန် နီးသဖြင့် ကုမ္ပဏီကြီးကြီးများမှ လူ(ရာထူး)ကြီးကြီးများ အိမ်ပြန်ကြပါသည်။ ကုမ္ပဏီသေးသေးမှ လူသေးသေးများက ယောင်ကြပါသည်။ ဇန်န၀ါရီလတွင် တရုတ်နှစ်သစ်ကူး ဖြစ်ပါသည်။ မည်သူမျှ အလုပ်ကိစ္စ အားတက်သရော မရှိတော့ပါ။ သတင်းစာတွင် Vacancy ကြော်ငြာ နည်းသွားလိုက်သည်မှာ မပါသလောက်။ ပြန်ရဖို့က သေချာသလောက် ဖြစ်သွားပါပြီ။

ဇန်န၀ါရီပထမပတ် အကုန်တွင် စတေးလည်း ကုန်မည်ဖြစ်၍ ဒီဇင်ဘာလကုန်ခါနီးတွင် နောက်တစ်လသက်တမ်းတိုး ကြိုးစားကြည့်ပါသော်လည်း မအောင်မြင်ခဲ့ပါ။ ထပ်မံဖြေခွင့်ကြုံသော အင်တာဗျူးများကလည်း ဟိုလိုလိုဒီလိုလိုချည်း ဖြစ်ကြသည့်အတွက် Offer ၃ ခုရဖူးသူအဖြစ် ဖျာလေးလိပ်၊ ကျောပိုးအိတ်ကလေးပိုက်ကာ ပြည်တော်ပြန်ခဲ့ရပါကြောင်း။ (ဒါမျိုးလေးတောင် ဖြေစရာမရှိရင် အိမ်ကို ဘယ်သို့ မျက်နှာပြရမည်ကို မစဉ်းစားတတ်တော့ပါ။)

စာကြွင်း။

ပြန်မည်ဆိုတော့ ကုန်ကျရန်ရှိသေးသည့်စာရင်း တွက်ရသည်။ လာခဲ့စဉ်က Air Bagan နှင့် ၃လ လက်မှတ်ဖြစ်သည်။ နိုဝင် ဘာလတွင် Air Bagan ၏ နိုင်ငံခြား ခရီးစဉ်များ ဖျက်သိမ်းလိုက်လေရာ MAI နှင့် လက်မှတ်လဲပေးလိုသူများအား လဲပေးမည်ဆို၏။ ထိုအချိန်က အလုပ် Offer ရထားလေရာ ခပ်တည်တည်ပင် Refund ပြန်ယူမည်ဟု ပြောလိုက်မိသည်။ ခု ပြန်ရတော့မည်။ Jet Star ဖြင့် ပြန်မည်ပေါ့။ ကုန်ကျစရိတ်ခုသာခံသာ ရှိလေရအောင် အပြန် ကီလိုရောင်းသည်။ ဂျိုဟိုးကို သွားစဉ်ကလို ကျောပိုးအိတ်တစ်လုံးနှင့် မရှိမဖြစ် စာရွက်စာတမ်း များသာ ထည့်ကာ ၀န်စည်စလယ် ချုံ့ပစ်လိုက်သည်။ နောက်တစ်ခေါက် ပြန်လာနိုင်ရန် ပစ္စည်းအချို့ကို အကိုတို့၊အမတို့ အိမ်မှာ ထားခဲ့သည်။ အကို့သူငယ်ချင်းတစ်ယောက်က Laptop သယ်ခိုင်းချင်သူရှိကြောင်း သတင်းပေးသည်။ လေယာဉ်လက်မှတ်တန်ဖိုး၏ တစ်ဝက် မျှမက ကျေသွားပါသည်။ ဖူးခက်သို့ ငွေကြေးတတ်နိုင်သူများ ရှောင်ကြသည်လည်း ရှိပါသည်။ ကြားဖူးသော “ပဲရစ်မြို့ သို့ လူမွဲလမ်းညွှန်”ကို အားကျ၍ “ဂျိုဟိုးသို့ ဘတ်ဂျက်လမ်းညွှန်” ထုတ်လိုက်ပါကြောင်း။

budget စတေးရှောင်ခြင်း – ၂

ကျွန်မ ၀န်ခံချင်သည့်တစ်ချက်က ဒီတစ်ခါ ကြာကြာ မစဉ်းစားချင်သဖြင့် မြန်မြန်ပြီးအောင် မြန်မြန်ဆွဲရစ်ပါသည်။ စိတ်ညစ်တာ ကြာကြာ ခေါင်းထဲ မထည့်ချင်ပါ။ စာဖတ်သူများ စိတ်ညစ်မှာလည်း မလိုလားပါ။ ဂျိုဟိုးအိမ်မက် ဂယောက်ဂယက်ကို မြန်မြန် နိုးထလိုက်ပါတော့မည်။ ပထမတစ်ခေါက် စတေးရှောင်အပြီး ပြန်ဝင်ပါပြီ။

မလေးက အထွက်- အဆင်ပြေပါသည်။ အင်မီဂရေးရှင်းက ဘာမှ မပြောပါ။ အ၀င်တုန်းက ပိုက်ဆံ တောင်းတတ်သည်ကြား၍ လက်ထဲမှာ နည်းနည်း ကပ်ထားခဲ့သော်လည်း ဘာမှ မတောင်းလိုက်ပါ။ ကံကောင်းပါသည်။ နောက်တစ်ခါ ပြန်မရှောင်ပါရစေနဲ့-ဟု တိတ်တိတ်ကျိတ် ဆုတောင်းမိသည်ကလည်း အထပ်ထပ်။ ဘုန်းကြီးကျောင်းမှာ ၄ ကြိမ်နှင့်အထက် အကြိမ်ကြိမ် ရှောင်ခဲ့ကြရသော အမျိုးသမီး သတ္တိရှင်များအကြောင်း ကြားခဲ့ရသော်ငြား ကိုယ့်ကိုယ်ကို အဲဒီလောက် ခံနိုင်ရည် မရှိမှန်း ကိုယ်တိုင်ပဲ သိပါသည်။ စလုံးအ၀င်- ရသမျှ ဘုရားစာ အကုန်ရွတ်ပြီး ကိုယ့်ဒူးကိုယ် ဟန်မပျက်ထိန်း၊ White Card ဖြည့်ပါသည်။ စလုံး Check Point မှာ အလကားရသော White Card ကို မလေးက အင်မီဂရေးရှင်းအ၀င်မှာ တစ်စောင်မလေးရင်းဂစ်တစ်ကျပ်နှင့် ပိုက်ပိုက်ယူပြီး ဖြည့်ပေးမယ်လို့ လုပ်စားနေတာလည်း ရှိပါသည်။ ဘ၀၊ ဘ၀။

စလုံးအင်မီဂရေးရှင်းကျတော့လည်း ဘာမှ ထွေထွေထူးထူးမပြောဘဲ မျက်နှာကို တစ်ချက်လှမ်းကြည့်ပြီး တုံးထုချလိုက်၏။ ကောင်တာဖြတ်ပြီး ကြည့်လိုက်တော့မှ 14 ရက် ဖြစ်နေပါလေရော။ ငိုရခက်၊ ပြုံးရခက်ဆိုတာ အဲသည့်အချိန်ပါပဲ။ ၁လလောက် ပြန်ရမှ ဒီWhite Card နံပါတ် အသစ်နှင့် online stay ကို မျှော်လင့်လို့ရမည်လေ။ ခုတော့ အင်တာဗျူး တစ်ခုအတွက် ၁၄ ရက်ယူလိုက်ရသလို။ Anyway, ရောက်ရားပဲ-ဆိုပြီး ကိုယ့်အခန်းကျဉ်းလေး အရောက်ပြန်၊ နောက်နေ့ အင်တာဗျူး သွားဖြေပါသည်။ တူလိုက်ပုံ။ ဒီတစ်ခါ အလုပ် ကလည်း နောက် ၃ ရက်မှာ ဖုန်းဆက်အကြောင်းကြား၊ အင်တာဗျူးအဆင်ပြေပါသည်။ Pass တင်ပေးဖို့ ညှိမရပြန်ပါ။ လစာလည်း အရင် အလုပ် offer တုန်းက အတိုင်း။  ထူး……….. မခြားနား ဆိုပြီး သီချင်းကြီး ထ,ဟစ်မိပါတော့သည်။ အလုပ်လျှောက်တာတွေကိုတော့ မလျှော့သော ဇွဲလုံ့လနဲ့ ဆက်လျှောက်နေတုန်း။ ဒီလိုနှင့် ဒုတိယတစ်ကြိမ်မှာ ရန်ကုန်ပြန်မလားဆိုသည့် Option ကို စဉ်းစားနေရပါပြီ။

လျှောက်ထားသော အလုပ်များ၊ စလုံးပွဲစား ၃ယောက်လောက်ကို CV အပ်ထားသည်များ၊ ပေါင်းလိုက်သော် အင်တာဗျူး ၅ ခုမျှ ထပ်ရမည်ဆိုလျှင်-…  မလေးကိုပဲ နောက်တစ်ခေါက်သွားဖို့ ဆုံးဖြတ်လိုက်ပါသည်။ အချိန်က နိုဝင်ဘာ လကုန်ခါနီး။ ဒီတစ်ခေါက်လည်း လူရှင်းသော Week Days နေ့ခင်းပိုင်းသွားပါသည်။ စလုံးကအထွက်- အေးဆေးပါ။ မလေးအ၀င်——— စပါပြီ။ ပြဿနာ။

“မင်းရဲ့ ပတ်စ်ပို့အရ မကြာသေးခင်ကမှ လာသွားသေးတာပဲ။ ခု ဘာလာလုပ်တာလဲ။”

“အရင်တစ်ခေါက်က နေရပ်လိပ်စာမှာပဲ ဘာလို့ နေမှာလဲ” “လေယာဉ်လက်မှတ်ရော ပါသလား” “စကာင်္ပူမှာလည်း စတေး မကျန်တော့ပါလား” “အရင်တစ်ခေါက်ကလည်း Woodlands ကပဲ လာတာပဲ၊ မင်း စကာင်္ပူကို အလုပ်လာရှာတာ မဟုတ်လား။” “မင်းဟာ မလေးရှားကို မင်းကိုယ်ကျိုးအတွက် အသုံးချနေတာပဲ။ မင်းကို ၀င်ခွင့်မပေးနိုင်ဘူး။ ခု စကာင်္ပူဘက်ကို ပြန်သွားပါ။” (ဒါဖြင့် တံတားပေါ် ငုတ်တုတ်ထိုင်နေရမှာလား။ သူများပြောသံ ကြားဖူးတယ်။ မဟုတ်ပါစေနဲ့ဘုရား)

“ဘာလို့ ပြန်သွားရမှာလဲ၊ ငါ ခုဒီကိုလာတာ မင်းတို့ဆီမှာ အလုပ်လာရှာတာလည်း မဟုတ်ဘူး။ မြန်မာပြည် မပြန်ခင် ဆွေမျိုးကို လာတွေ့တာပဲ။ ငါ ပြန်မသွားနိုင်ဘူး”

“ငါတို့က မင်းကို ယုံမယ်ထင်နေသလား။ ဒါဆို မင်း Officer ကို ၀င်တွေ့ရဲသလား”

“တွေ့ရဲတာပေါ့။ ဘယ်မှာလဲ”

“ဟေ့ … ဒီမှာ မြန်မာပတ်စ်ပို့တစ်ယောက်၊ Woodlands နဲ့ Johor ကို ကူးချည်သန်းချည် လုပ်နေတယ်။ သူ့ကို Officer ဆီပို့လိုက်”

ဒီလိုနှင့် သူများတကာ ရင်ပူရသော စလုံးအင်မီဂရေးရှင်းမဟုတ်ဘဲ ငွေပေးလိုက်လျှင် ပြေလည်သည်ဆိုသည့် မလေးအင်မီဂရေးရှင်းက ပြဿနာ ရှာပါသည်။ စိတ်ညစ်ညစ်နှင့် Officer ၀င်တွေ့တော့ ရုပ်တည်ကြီးနှင့် ဘွားတော်က “မင်း ဘာလာလုပ်တာလဲ” တစ်ခွန်းပဲ မေးသည်။ ခုနက စကားတွေကိုပဲ အစီအစဉ်အတိုင်း ပြန်ရွတ်ပြလိုက်တော့ အတော်ကြာအောင် စိုက်ကြည့်နေပြီး စာအုပ်မှာ တုံးထုပေးသည်။ ပြူးပြဲကြည့်တော့ သာမန် Journey Performed တုံးနှင့် ၁၄ ရက် နေထိုင်ခွင့်။……….. ဟူး…………….. တော်ဒေးတာပေါ့လေ။ တစ်ဆင့်။

ဘုန်းကြီးကျောင်းကို ဘတ်စ်နှင့်ပဲ သွားသည်။ City Square အပြင်ဘက်မှ မြို့တော်ခန်းမဘေး ကားဂိတ်လိုမျိုး ဘတ်စ်တွေ တန်းစီနေသည့်နေရာမှာ Pelangi ရောက်သလား လျှောက် မေးကြည့်သည်။ ဘတ်စ်ဒရိုင်ဘာတစ်ချို့က ပြန်မဖြေ။ နားမလည်ကြသလိုမျိုး။ ကားတွေ လျှောက်ကြည့်ရင်း ပထမတစ်ခေါက်က စီးဖူးသည့်ကားကို မြင်လိုက်သဖြင့် ခပ်တည်တည်နှင့် တက်လိုက်သည်။ 1 ရင်းဂစ်ထည့်ပြီး တံခါးပေါက်နားနီးသည့် ခုံသွားထိုင်သည်။ လမ်းကို သတိမလွတ်အောင် ကြည့်ပြီး Crystal Crown ဟိုတယ်ရှေ့ မှတ်တိုင်တွင် သုတ်သုတ် ဆင်းသည်။ လှည်းတန်းမီးပွိုင့် (ပြည်လမ်း-အင်းဝပေါက်ဘက်) လိုမျိုး သူများတွေ ဖြတ်ကူးသလို လိုက်ကူးသည်။ လမ်းလယ်ကျွန်းလိုမျိုးမှာ သူများ ကျော်ခွသွားသလို သွားသည်။ လမ်းတစ်ဖက်ရောက်တော့ အပေါ်ကားပါကင် (မြန်မာဆိုင်တွေ ရှိရာ) ဘက်ကို သူများတွေ ကျော်ခွတက်သလို တက်လိုက်သည်။ ကိုင်း…. ဒီတစ်ခေါက်တော့ ကိုယ့်ဘာသာကိုယ် ရောက်သွားကပြီ။

EZ-Link ကဒ်ထဲမှာ စလုံး ၁၀ ကျော်ကျော်လေး ကျန်သည်။ လက်ထဲမှာ ရင်းဂစ် ၁၀၀ ကျော်ကျော်လေး ပါသည်။ ဒီတစ်ခါ ပြန်ဝင်ရင် စတေးကြာကြာရအောင် မလေးမှာ နည်းနည်း ရက်ကြာဆွဲနေရန် အကိုတို့၊ အမတို့က မှာလိုက်သည်။ ဒီတော့…… ဒီလိုပဲပေါ့လေ။ ကပ္ပိယဘ၀ကို ကောင်းကောင်း Training ရသွားသပေါ့။ ဘုန်းကြီးကျောင်းမှာ အလှူရှိလျှင် သူတို့လူအင်အားနှင့်သူတို့ လာကြတာ များပါသည်။ ကိုယ်က ဘယ်ပစ္စည်း ဘယ်နေရာမှာ ရှိသည်၊ ဘယ်လောက်ရှိသည်ဆိုတာမျိုး၊ အလှူအတွက် သန့်ရှင်းရေးကအစ အောက်ခြေသိမ်း ကူညီရင်း ဝေယျာဝစ္စကုသိုလ်ပါ ရသွားသည်။ ဒကာရင်းများက လာရောက်၍ ဘုန်းကြီးကျောင်းအတွက် လိုအပ်သည်များကို ဖြည့်ဆည်းလှူဒါန်းကြသည့်အခါ သူတို့တွေဆီက လမ်းကြောင်းတွေလည်း ကြားရသည်။

အင်တာနက်ဆိုင်ကတော့ စလုံးထက် ပိုပေါသည်။ ဈေးလည်း နည်းနည်း ပိုသက်သာသည်။ အလုပ်သွားသွားလျှောက်သော အင်တာနက်ကဖေးဆိုင်က သိပ်ဝေးဝေးမဟုတ်သော်လည်း ပတ်ဝန်းကျင်က ကားပွဲစားတန်းလို၊ ကားဘော်ဒီနှင့် ဆောင်းဘောက်ပြင်သော၊ ကားပစ္စည်း ရောင်းသောဆိုင်များ စုဝေးရာ ဖြစ်သည်။ တချို့ မြန်မာအလုပ်သမားများကို မလေး အလုပ်လက်မဲ့များက အုပ်စုတောင့်လျှင်တောင့်သလို မိုက်ကြေးခွဲကြတာ ဟိုဘက် တစ်ရပ်ကွက်လောက်မှာ မကြာမကြာ ကြားရသည်။ အဲသည့်ဘက်မှ မြန်မာဆိုင်ကို နေ့ခင်းကြောင်တောင် ၀င်ပြီး ဒမြတိုက်သွားတာ မကြာသေး-ဟုလည်း သိရသည်။ သမီးယောက်ဖလို ခင်မင်သွားသော နယ်ခံအကိုတစ်ယောက်က “ယောက်ဖ- ဒီမှာပဲ အလုပ်ရှာလိုက်ပါလား”ဟု မြှောက်ပေးသည်။ ကိုယ်တိုင်က စိတ်ပါသော်လည်း နည်းနည်း ကြောက်တတ်သူဖြစ်ကြောင်း အဲဒီမှာမှ ကိုယ့်ကိုယ်ကို သိသွားပါသည်။

ပြန်ပြောလိုက်မိသည့်စကားက-

“နေပါစေဗျာ။ သတ္တိက လက်ထဲမှာ ဓါးရှိရင်တောင် ခရမ်းသီးကိုပဲ အံကြိတ်ပြီး လှီးနေမိမှာဆိုတော့… စရိတ်ထောင်းခံပြီး စလုံးမှာပဲ ရုန်းပါတော့မယ်”

(နောက်တစ်ပိုင်း ဇာတ်သိမ်းပါမည်- အိမ်မက်တွေ ပြန်မက်ကာ အိပ်ရေးပျက်လွန်း၍ပါ)