ထွေရာလေးပါး – ၂

ရေဒီယိုအစီအစဉ်တွေ နားထောင်ဖြစ်ကြောင်း ပြောထားပြီး ရေဒီယိုလိုင်းတွေကို အချိန်နှင့် တပြေးညီ မပြောင်းထားမိ၍ AOL Radio ကို ဖွင့်မရကြောင်းလည်း မပြောဖြစ်ပါ။ ခု နောက်တစ်မျိုးတိုးပြီး မျိုးစုံ ကလိနိုင်သော Live 365 Radio ထဲမှ Cyclone Radio ကို မှန်မှန် ဖွင့်ဖြစ်ပါသည်။ ဘယ့်ကလောက် စုံသနည်းဆိုသော်……… ၁၉၄၀ ခုနှစ်များဆီမှ နာမည်ကြီး Hit သီချင်းများအစ၊ ၁၉၈၀ ပတ်ဝန်းကျင် ပေါ့ပ် သီချင်းများ အလယ်၊ နောက်ဆုံးပေါ် အော်တာနေးတစ်ဗ်ဆိုသည်များ အဆုံး အကုန်လုံးကို တစ်နေ့လုံးနေ၍ သီချင်းတစ်ပုဒ်မထပ်ရအောင် လွှင့်နိုင်ပါပေသည်။ (အဲ – ပြောနေရင်း မနေ့က နေ့လည်လွှင့်သွားသော ခေတ်ဟောင်းသီချင်းလေး ပြန်လာနေ၏၊ 😦 )

မနေ့ တနေ့ကမှ ရွှေကမ္ဘာလုံးဆုသတင်းဓါတ်ပုံတွေ ကြည့်မိသည်။ ဒီတော့ Julie & Julia ကြည့်ချင်သွားသည်။ ရှာမည်။ တွေ့လျှင် ဒေါင်းမည်၊ ကြည့်မည်။ ချက်တင်ထိုင်ရင်း ရုပ်ရှင်ကြည့်မည် စိတ်ကူးသည်။

Jurong East ပေါ်ပြူလာမှာ ဆိုင်ပြောင်းခါနီး အလွန့်အလွန် ဈေးတွေ ချနေသည်။ နောက်တစ်ပတ်ခံပါဦးမည်လားမသိ။ မထင်။ စနေ နေ့ နောက်ဆုံးထား၍ အလကားနီးနီး ဈေးချမည့် စာအုပ်ပုံများထဲမှ မူကြိုကလေးဖတ်ရန်စာအုပ်များကို သဲကြီး မဲကြီး ဖယ်ကာ လိုချင်တာ မရသေးသလိုပုံစံနှင့် ရှာဖွေရေး ဆင်းနေသူ အပြင်းစား ကုမ်ရာသီသူကို မမြင်ယောင်ဆောင်သွားကြပါရန် ကြိုတင် မေတ္တာ ရပ်ခံပါသည်။ (ဟဲ ဟဲ)

IMM နှင့် တစ်မှတ်တိုင်အကွာ International Business Park နှင့် မျက်နှာချင်းဆိုင်တွင် The Chevrons ရှိသည်။ စနေနေ့ နံနက် ၁၀ နာရီမှ ညနေ ၆ နာရီအတွင်း Branded ပစ္စည်းမျိုးစုံ လျှော့ဈေးချမည်ဟု ကြော်ငြာ ကပ်ထားသည်ကို တွေ့ရပါသည်။ စိတ်ပါဝင်စားသူများ ယောင်တောင်ပေါင်တောင် ပိုက်ဆံကုန်ရအောင် အဖေါ်ညှိလိုက်ပါကြောင်း။

ဤတွင် လတ်တလောသတင်းများကို ရောက်တတ်ရာရာ ပေါက်ပေါက်ဖောက် အစီရင်ခံခြင်းများ ခေတ္တရပ်ဆိုင်းခွင့်ပြုပါရန်။ 😀

Advertisements

Resolutions!!!!!

အလုပ်ကို အလုပ်နဲ့ တူအောင် လုပ်တဲ့ ကိုယ်ကိုယ်တိုင် ပြန်ဖြစ်ချင်တယ်။ (လွန်ခဲ့သော ၁၀ စုနှစ်က ပြန်မရတော့မယ့် Energy တွေ ပြန်တမ်းတလို့ အပိုပါပဲလို့ တွေးမိပေမယ့်ပေါ့လေ)

ဖတ်ချင်လို့ ဝယ်ထားတဲ့ (လျှော့ဈေးလည်းရလို့ပါ) စာအုပ် ၃ အုပ်ရှိသွားပြီ။ တစ်အုပ်မဟုတ်တစ်အုပ် ဆုံးခန်းတိုင် ရေလည်အောင် ဖတ်ဖြစ်ချင်တယ်။

အိမ်ကို တစ်ခေါက်လောက် ပြန်ဖြစ်ချင်တယ်။

သဲသဲကွဲကွဲ မမြင်ရတာ ကြာသွားပြီဖြစ်တဲ့ ကိုယ်ဘာလဲ၊ ဘယ်လဲ၊ ဘာလုပ်နေလဲ၊ ဘာလုပ်မှာလဲ၊ဆိုတာတွေ ကြည့်ဖြစ်ဖို့ မျှော်လင့်ပါတယ်။

Audio Book တွေ ရှာပြီး ဖတ်ဖြစ်ချင်တဲ့ စာအုပ် ၄ အုပ်ရှိတယ်။ အဲဒါတွေ တွေ့မယ်၊ ရမယ်၊ နားထောင်ဖြစ်ချင်ပါတယ်။

ပိုက်ဆံနဲ့ အချိန်နဲ့ မျှသလိုရှိသွားတဲ့အချိန်မှာ စိတ်ဆန္ဒလည်း ကျန်နေဦးမယ်ဆိုရင် စာထပ်သင်ပြီး Certificate တစ်ခုလည်း ရချင်ပါတယ်။

Google Reader မှာ Unread ပေါ်နေတဲ့ Post အရေအတွက်ကို လျှော့ချပြီး ဟုတ္တိပတ္တိ စာဖတ်ဖြစ်မယ်လို့လည်း ထင်ပါတယ်။ 

အဝေးကြီးကို မကြည့်ဘဲ နီးနီးနားနားဖြစ်နိုင်တာကိုသာ စဉ်းစားရမယ်ဆိုရင် ခုလာမယ့် တရုတ်နှစ်သစ်ကူးမှာ ဘလော့ပို့စ်တစ်ခု (သို့) FaceBook Note တစ်ခု တက်ဖြစ်ချင်ပါတယ်။ (ရာနှုန်း ၈၀)

Wishing all “Happy 2011”

ဒီနေ့ ၂၀၁၁ ရဲ့ ပထမဆုံး နေ့ရက်ဖြစ်ပါပြီ။

မိတ်ဆွေ သူငယ်ချင်း အပေါင်းအသင်းများ၊ မိသားစုဆွေမျိုးများ၊ အလုပ်ခွင်ထဲမှ လုပ်ဖော်ကိုင်ဖက်များ၊ ရေစက်ရှိလို့ ဆုံကြရတဲ့ . . . 

အားလုံး အားလုံး အတွက်

နေ့စဉ် ကျန်းမာ ပျော်ရွှင်မှုများ

နေ့စဉ် ကြံ့ခိုင်မှုများ

နေ့စဉ် အခက်အခဲ ဖြတ်ကျော်/ဖြေရှင်းမှုများ

နေ့စဉ် ကိုယ်စိတ်နှစ်ပါး သာယာချမ်းမြေ့ရခြင်းများ

နေ့စဉ် ရည်မှန်းချက် အောင်မြင် ပြီးမြောက်မှုများ

နေ့စဉ် ဘဝရဲ့ နွေးထွေးပျော်ရွှင်ဖွယ် အချိန်ကာလများ ၂၀၁၁ သာ မက ရှေ့နှစ်ပေါင်းများစွာ ပြည့်စုံ နိုင်ကြပါစေကြောင်း နှစ်သစ်ဆုတောင်း ပြုလိုက်ပါရစေ။

ဘဝကို တက်ကြွ ပျော်ရွှင်စွာ ဖြတ်သန်းရင်း မိမိတို့ ရည်မှန်းရာ၊ တန်ဖိုးထားရာ အောင်မြင်မှုများစွာ ရရှိနိုင်ကြပါစေ။