ခေတ်မီလိုက်ရင် ကောင်းမလား!

ခက်တော့ အခက်သား။ စကာင်္ပူမှာ လူ ၁၄၀ ကျော် ကူးနေပြီဖြစ်သော H1N1 သည်းသည်းလှုပ်နေခိုက်မှာ ဖျားသည်။ ကွေးတော့ မကွေးပါ။ လူက မိုးတိုးမတ်တပ် သွားလိုက်လာလိုက်နှင့်။

ဇာတ်လမ်းအစ – ကြာသာပတေးနေ့နှင့် သောကြာနေ့ နှစ်ရက်ဆက်၍ Site သွားသည်။ ကြာသာပတေးနေ့ကတော့ မသိသာသေး။ တောက်လျှောက် ပင်ပန်းထားပြီး သောကြာနေ့လည်မှာ ရုံးကို ပြန်ရောက်တော့ ချွေးတွေ စိုနေရာက အဲကွန်းတန်ခိုးနှင့် ချက်ချင်း ခြောက်ခြောက်သွေ့သွေ့ ဖြစ်သွားပြီး အစိုဓါတ်က နှာခေါင်းဘက် ပြောင်းရွှေ့သွား၏။ သည်အချိန်မှာ စနေနေ့ပြန်မည့် လူကြုံက ပြည်အထိ ရောက်မည်ဆိုသောအခါ — အိမ်ကို လူကြုံပေးရန် ဖုန်းဆက် မေးကာ ညနေရုံးဆင်းချိန်တွင် အပြေး အလွှား ဈေးသွားဝယ်ပါသည်။ Mustafa တွင် ဟိုဘက်၊ ဒီဘက် အဆောက်အဦးနှစ်ခုလုံးကို တက်လိုက်ဆင်းလိုက် ပစ္စည်း ရှာခြင်း၊ ၀ယ်ခြင်းများ ပြီးသည့်နောက် ည ၈ နာရီကျော်။ လူကြုံပေးခြင်းကိစ္စ ပြီးသည်နှင့် အိမ်ကို ငွေလွှဲရန် City Hall ဘက် ခြေဦးလှည့်သည်။ လူကြုံလိုချင်သည် ပြောသော ယုန်မွေးဆွယ်တာ- ပင်နီဆူလာမှာ မြင်ဖူးသလိုလိုပဲဆိုပြီး အထပ်စေ့ ပတ်သည်။ မူစတာဖာတစ်ပတ်နှင့် ညီမျှသောအခါ ခြေကုန်လက်ပန်းကျလာပြီး မတွေ့ကြောင်း အဖြေထွက်လာ၏။ သည်လိုနှင့် အိမ်ပြန်သည့် အခြေအနေဖြစ်တော့ ည ၁၀နာရီခွဲ။ အိမ်ရောက်တော့ Panadol Extra တစ်လုံး ပါးစပ်ထဲ ပစ်ထည့်ကာ မှောက်သွားသည်။ ချွေးလေး စို့ကာ နေသာ ထိုင်သာ ဖြစ်သွားသည်။ `ငါ မဖျားသေး´။

စနေနေ့မနက် နိုးလာတော့ ကောင်းကောင်း မကြည်လင်။ ရုံးမသွားချင်သော ရောဂါအဖြစ် ကိုယ့်ကိုယ်ကို သတ်မှတ်လိုက်တော့ ဖျားသည့်ဘက် မလှည့်လိုက်နိုင်။ `တောင်လှည့်၊ မြောက်လှည့်နဲ့ ရုံးချိန်ပြီးသွားမှာပါ´- ကိုယ့်ကိုယ်ကို အားပေးကာ အဲကွန်းခန်းထဲ သွားငုတ်တုတ်ထိုင်လိုက်သည်။ လာလေ့- နေ့တစ်ဝက်။ ရုံးဆင်းသော် ခါတိုင်းကဲ့သို့ ပင်နီဆူလာ၊ လမ်းပြကြယ်တို့ဘက် မလှည့်နိုင်တော့။ အိမ်တန်းပြန်သည်။ ကောင်းကောင်း ဖျားရန် အရှိန်ယူသည်။ ဖြစ်ချင်တော့ တနင်္ဂနွေနေ့တွင် ဂျိုဟိုးလမ်းညွှန် ကူညီ မ,စဖူးသော ညီမလေးက မင်္ဂလာဆောင်မည်။ ကိုယ့်ကိုယ်ကို ဖျားခွင့်မပြုနိုင်ပြန်။ သည်လိုနှင့် တောက်လျှောက် ဖျားခွင့်မရရှာသော ခန္ဓာကိုယ်က တနင်္လာနေ့တွင် ဆန္ဒပြပါသည်။ ဘယ်လိုမှ မကြည်လင်ပါ။

MRT Station နှင့် ရထားပေါ်တွင် တချို့ကလေးများကို မျက်နှာဖုံးစွပ်လျက်သား တွေ့လာရသလို၊ ကလေးအမေ အချို့လည်း မျက်နှာဖုံးကိုယ်စီ နားရွက်မှာ ချိတ်လာကြသည်။ သူတို့ကြည့်ရသည်မှာ အတော်ပင် ကို့လို့ကန့်လန့်နိုင်နေပြီး သူတို့ကိုယ်တိုင်ကလည်း စိတ်မသက်မသာ ဖြစ်နေပုံရပါသည်။ သို့ဖြင့် အချိန်များမကြာမီ သူတို့လည်း မျက်နှာဖုံးစွပ်လေးများကို ဖြုတ်သွားကြ၏။ သို့သော် အချို့အချို့သော သူများကား တာဝန်သိပြည်သူများပီသနေကြလေရာ ကိုယ်တိုင် တစ်ရှူးလေးကွယ်ကာ ဟတ်ချိုး ချေခါနီးချိန်တွင် နံဘေးမှ မျက်နှာဖုံးစွပ်များကို ကြည့်ရင်း နည်းနည်း အားနာလာပါသည်။

Today မှ `အော်သံ´ ကဏ္ဍတွင် ကလေးမိခင်တစ်ဦးက ရေးထားသည်။ “You may survive, but my son won’t”၊ သူ့သား ၁၀လသားကလေး မွေးရာပါ ရောဂါကာကွယ်မှု အားနည်းနေသောကြောင့် ဆေးရုံတက်ကာ ကုသမှု ခံယူနေရသည်။ အကယ်၍သာ ယခုအချိန် ပြင်ပမှ အခြားရောဂါများ ကူးစက် ရရှိခဲ့လျှင် မည်သို့မှ ကယ်နိုင်ရန် လမ်းမရှိတော့။ သို့ဖြစ်၍ —–  ကိုယ့်ကိုယ်ကို ဘာမှတော့ မဖြစ်နိုင်ပါဘူးဆိုပြီး လွတ်လွတ်လပ်လပ် လျှောက်သွားနေကြသော၊ မိမိကိုယ်တိုင် မသိနိုင်သည့် ရောဂါပိုးသယ်ဆောင်သူများကို သူ တောင်းဆိုထားသည်က-`ကာကွယ်ခြင်းဖြင့် ကယ်တင်ကြပါ´။

Mask သုံးခြင်း၏ ကောင်းကျိုးများအား မသိမဟုတ်၊ သိပါ၏။ သိပါသော်လည်း – မျက်နှာဖုံးစွပ် တပ်ရမှာ ဘာကြောင့်မှန်းမသိ၊ အတော် ၀န်လေးမိသည်။ ကိုယ်တိုင်ကပဲ အကြောက်အလန့် နည်းလွန်းသလား၊ ကြောက်တတ်သူဟု အထင်ခံရမည်ကိုပင် ကြောက်လွန်းသလား၊ တစ်ခုခုတော့ လွဲနေသည်။ ကွေးရဲလျှင် ကွေး- quarentine ထဲ ရောက်သွားမည် ဆိုပြီး ကြောက်တာက ပိုမည်ထင်ပါသည်။ သို့ဆိုလျှင်လည်း သူများ မျက်နှာဖုံးစွပ်သလို လိုက်စွပ်ပြီး ခေတ်မီလိုက်လျှင် ကောင်းမလား။

မည်သို့ပင်ဖြစ်စေ – အမိမြေမှာ ကိစ္စတစုံတရာရှိ၍ သတင်းထုတ်ပြန်သည့်အခါ ပြည်သူလူထု အစိုးရိမ်လွန်၊ ကြောက်လန့်ကြသည်များ မဖြစ်စေရန် ထိန်းထိန်းသိမ်းသိမ်းထုတ်ပြန်သော သတင်းစနစ်ကို အတော်ကျင့်သားရနေသည်ထင့်။ ယခု စကာင်္ပူကျွန်းကလေးမှာ ကျန်းမာရေးဝန်ကြီးဌာနက အရေးတယူ လှုပ်လှုပ်ရှားရှား လုပ်နေသည်ကိုပင် စိတ်ထဲမှာ သည်းသည်းသန်သန် ဖြစ်မလာ။ ကြောက်စရာလား။ မြတ်စွာဘုရားရှင် သက်တော်ထင်ရှား ရှိနေသေးလျှင် ခံနိုင်ရည်အရာမှာ ဧတဒဂ်ပေးလောက်သော `ငါဟဲ့- မြန်မာ´။

လတ်တလော သတင်းထုတ်ပြန်ချက်။

ယနေ့ ရုံးမှ ခွင့်ယူ၍ အိမ်တွင် အားရပါးရ ဖျားပါသည်။ မောင်ထွန်းသူ မြန်မာပြန် `ပီကင်း´နှင့် တက္ကသိုလ်နေ၀င်းမြန်မာပြန် `ဂေါ့ဒ်ဖားသား´အားကိုး ရှိပါသည်။ တစ်မနက်လုံးဆေးသောက်လိုက်၊ ပြန်အိပ်လိုက် လုပ်ပြီးသောအခါ အတော်လေး နေသာထိုင်သာ ရှိနေပါပြီ။ ဆေးခန်းမသွားပါ။ အကြောင်းရင်းက တုပ်ကွေးမဟုတ်ကြောင်း ကိုယ့်ဘာသာ သေချာသော်လည်း Quarentine ထဲ ရောက်မှာစိုးပြီး မသွားခြင်းဖြစ်ပါသည်။ ခေတ်မီအောင် မကွေးရဲလိုက်ပါ။ ကောင်းမလားလို့ တွေးကြည့်လိုက်တာပါပဲ။ ခုတော့-

`အားလုံးကောင်းပါသည်ခင်ဗျား´

ပူးပေါင်းဆောင်ရွက်မှုမှ အသီးအပွင့်များ

ဘာရယ်တော့ မဟုတ်ပါဘူး။ ဒီနေ့ Today မှာ မြောက်ကိုရီးယားနိုင်ငံက ထွက်ခွါလာတဲ့ ကမ်နမ်-၁ သင်္ဘောရဲ့ လမ်းကြောင်းက စကာင်္ပူကို ဖြတ်မယ်လို့ ယူဆရပါတယ်ဆိုပြီးတွေ့လိုက်လို့။ ဒုံးကျည် (သို့)ဒုံးကျည်နှင့် သက်ဆိုင်သော ပစ္စည်းများ တင်ဆောင်လာမယ်လို့ ယူဆရတဲ့သဘောက စကာင်္ပူမှာ ဆီဝင်ဖြည့်ကောင်း ဖြည့်မယ်ဆိုပဲ။ ဦးတည်ရာကတော့ မြန်မာပြည် ဖြစ်နိုင်ပါတယ်တဲ့။

စကာင်္ပူဟာ အပြည်ပြည်ဆိုင်ရာရေပိုင်နက်ထဲသွားတဲ့ ပင်လယ်ကူးသင်္ဘောကြီးတွေကို ဆီဖြည့်တဲ့ဝန်ဆောင်မှုမှာ ထိပ်တန်းနေရာမှာ ရှိပါတယ်။ ခု “ကမ်နမ်-၁ သာ စကာင်္ပူကို ၀င်ပြီး ဆီဖြည့်ခဲ့ရင်” ဆိုတဲ့ အကြောင်းအရာနဲ့ စကာင်္ပူကျွန်းကလေး ခေါင်းကိုက်နေပါတယ်။ အကြောင်းအရာ အပြည့်အစုံကိုတော့ Today Online မှာသာ ဖတ်ကြည့်ကြပါ။ မနက်ဖြန် သံလွင်အိမ်မက်မှာလည်း ပါမယ်ထင်ပါတယ်။

အပြည်ပြည်ဆိုင်ရာ ပူးပေါင်းဆောင်ရွက်မှုနဲ့ စီးပွါးရေး ပိတ်ဆို့တားဆီးမှုဆိုတဲ့ စကားလုံးတွေ ကြားနေကျ ဖြစ်လာတာ အတော်ကို ကြာပေါ့။ ဘယ်ဟာက ဘယ်လို ဖြစ်သွားလဲတော့ မသိပါဘူး။ ခုလို အသီးအပွင့်တွေတော့ အသံဗလံ ကြားနေရတာပါပဲ။

ကိုကြီးဒီဘီကတော့ “ဘာသာပြန်လည်း ဖြစ်တာပဲလား”လို့ မေးပါတယ်။ အခြေအနေကတော့ မြင်တဲ့အတိုင်းပါပဲ။ နောက်ထပ် သတင်း အပြည့်အစုံတွေ ထွက်လာနိုင်စရာ ရှိပါသေးတယ်။ ငွေရောင်ပိတ်ကားပေါ်မှာ စောင့်မျှော်ကြည့်ရှုကြပါရန်။ (အမ်- မှားပြန်ပြီ။ Channels News Asia မှာ လွှင့်မှာပေါ့။ အဲဂလို ပြောချင်တာပါ။ 😀 သည်းခံပါရှင်)

Even if …

ဒူးရင်းသီး (ခေါ်) Esplande  နှင့် ACM (Asian Civilization Museum) ကြားတွင် Tunnel တိုတိုလေး ရှိ၏။ ပုလွေသံသဲ့သဲ့က ထိုနေရာဘက်မှ လွင့်ပျံလာနေသည်။

(ကျွန်မလည်း) Scarborough Fare စာသားတစ်ချို့ကို နှုတ်မှ ခပ်သဲ့သဲ့ လိုက်ညည်းဆိုမိရင်း သူ့ကို မိတ်ဖွဲ့သလို ပြုံးပြဖြစ်သည်။ အမျိုးသမီးက  အာရုံစိုက်မိဟန် မပြသေး။ Tunnel ပြင်ပမှ နေ့လည် နေရောင်အောက်တွင် ACM ရှေ့ မြင်ကွင်းသည် မြစ်ရေ စိမ်းစိမ်း၊ မြက်ခင်းစိမ်းစိမ်း၊ သစ်ပင်ရိပ်စိမ်းစိမ်းတို့ဖြင့် အေးမြနေသည်။ သူမှုတ်နေသည့် သံစဉ် အဆုံးပိုင်းတွင် စိတ်တိုင်းမကျဟန် မျက်ခုံးတစ်ချက်တွန့်သွားပြီး ရပ်သွား၏။ ရေဗူးလေးဘေးမှ ချထားသောအိတ်ထဲတွင် ပုလွေရှည်/တို ၄ချောင်းက အခန့်သား။

ပေါ့ပေါ့ပါးပါး ပိုလိုရှပ်အဖြူတစ်ထည်နှင့် ဘောင်းဘီရှည်အနက်ရောင် ခပ်ပွပွကြောင့် နဂို ပိန်သွယ်သော အမျိုးသမီးသည် ပို၍ပင် ပါးလျသွားသည့်ဟန် ပေါ်နေသည်။ ဆံစတချို့က စည်းထားသည်မှ ပြေလျော့ကျနေသော်လည်း အာရုံစုစည်းထားမှန်း သိသာနေသော သူ့မျက်လုံး စူးစူးအတွက် အနှောက်အယှက်ဖြစ်မနေပါ။ Tunnel နံရံကို မှီရင်း (သူ့ကို) ငေးမောကြည့်နေသော သူ့ (ကျွန်မကို) မြင်တော့ အသိအမှတ်ပြုဟန် ပြုံးပြကာ ရေဗူးကို လှမ်းကောက်ကိုင်သည်။ ထိုစဉ်မှာပင် ACM ဘက်မှ Bass သံကဲသော သံစဉ်အချို့ ပျံ့လွင့်လာသည်။

အမျိုးသမီး၏ လက်သည် ရေဗူးလေးအစား အနည်းငယ်ရှည်သွယ်သော အခြားပုလွေ တစ်ချောင်းကို ကိုင်လျက်သား ဖြစ်သွားကာ chorus ပိုဒ်များတွင် အသံဖြည့် လိုက်နေ၏။ ခပ်မြူးမြူး တေးသံစဉ်က တပိုင်းတစနှင့် ရပ်သွားသော်လည်း ပုလွေသံက ဝေ့ကာ ၀ိုက်ကာ ဆုံးသွား၏။

အမျိုးသမီးက (ကျွန်မဘက်ကို )လှည့်လိုက်ကာ `ကျွန်မ ပုလွေအမျိုးအစား တစ်မျိုးထဲပဲ ယူလာတာ။ ဒါပေမယ့် ကီး ၄ မျိုးစာပေါ့လေ။ တကယ်လို့ သူတို့ဖွင့်လိုက်တဲ့ သီချင်းသံက ဂျပ်ဇ်ဂီတဖြစ်ခဲ့ရင် ဒီအမျိုးအစား မဟုတ်ဘဲ တခြားပုလွေနဲ့မှ အဆင်ပြေမှာ´- ဟု ဆိုသည်။ စိတ်လိုလက်ရ လှည့်ပြီး ရှင်းပြနေသော အမျိုးသမီးကို (ကျွန်မ) အားနာသလို ပြုံးပြရင်း `ကျွန်မက ဂီတကို နားလည်သူ မဟုတ်ပါဘူး။ နားထောင်ရတာကို သဘောကျလို့ လာနားထောင်တာပါ´ဟု ပြန်ရှင်းပြလိုက်ရသည်။ အမျိုးသမီးသည် အံ့ဩသွားဟန် ရိပ်ခနဲ ပေါ်သွားသော်လည်း သဘောကျသွားဟန်လည်း ရှိသည်။

`ဩော်၊ သိပြီ။ နားထောင်တာရယ်၊ သီချင်းညည်းတာရယ်ပေါ့။ သူတို့ရဲ့ သီချင်းသံကို ကျွန်မကတော့ အဖြည့်သဘောမျိုး လိုက်လေ့ ရှိတယ်။ ကျွန်မက အဲဒီသီချင်းကို မှုတ်တာတော့ မဟုတ်ဘူးလေ။ အဲဒီသံစဉ်နဲ့ လိုက်ဖက်မယ့်ဟာမျိုးပေါ့။ ရှင် သီချင်းတစ်ပုဒ် အစအဆုံး နားထောင်ရမယ် မထင်ဘူး။ တကယ်လို့ သူတို့က Pop သီချင်းတွေဖွင့်ခဲ့ရင်တော့ ကျွန်မအဲဒီသံစဉ်တွေကို ကောင်းကောင်း ဦးဆောင်ပေးနိုင်ပါတယ်။ အဲဒီ အမျိုးအစားမှာ Acoustic Version တွေ အမြဲတမ်း ရှိနေတတ်တယ်လေ။ သူတို့ဖွင့်တဲ့ သံစဉ်တွေကို ကျွန်မက ဂရုမစိုက်ဘဲ ကျွန်မမှုတ်လက်စ တေးသွားကိုသာ ဆက်မှုတ်နေခဲ့ရင် နားထောင်ရတာ အဆင်ပြေမယ် မဟုတ်ဘူး။ ဒါကြောင့် သူတို့ပြောင်းဖွင့်တဲ့ သံစဉ်တွေကို ကျွန်မ နားစွင့်နေဖို့ လိုတယ်။ ဟော၊ အခု သူတို့ဖွင့်နေတဲ့ သီချင်းဆိုရင် Classic တစ်ခုကို အသွင်ပြောင်းထားတာ´ ပြောနေရင်း ပုလွေကို ကောက်ကိုင်ကာ တေးသွားအချို့ ထွက်ကျလာသည်။ Tunnel နံရံကြောင့် ပုလွေသံသည် ပြင်ပမှာလို နုနွဲ့မနေဘဲ လိုဏ်သံပေါက်ကာ Theaterထဲမှ ဖန်တီးမှုတစ်ခုလို ဖြစ်နေသည်။

`ဒီနေရာမှာ Echo Effect ရှိနေတာတော့ အတော်ကောင်းတာပါပဲ။ ရှင် သူတို့ကို နောက်ခံဩခက်စထြာအနေနဲ့ သုံးပြီး တေးသွား ဖန်တီးလို့ ရတာပေါ့´

`သူတို့ကို ဘက်ဂရောင်းထားတာတော့ မဟုတ်ပါဘူးလေ။ ကျွန်မက သူတို့တေးသွားမှာ ဟာမိုနီလိုက်သလိုမျိုး ဖြည့်ပေးတာပါ။ သူတို့က အဓိက တေးသွားပါ။ Echo Effect ရှိတာတော့ အမှန်ပေါ့။ ဒီနေရာကိုယ်တိုင်က ပုလွေတစ်ချောင်းရဲ့ ဖွဲ့စည်းပုံမျိုးရှိနေတယ်လေ။ သူ့ရဲ့ တိုးလျိုပေါက်ပွင့်နေတဲ့ အဆုံးနှစ်ဖက်ရယ်၊ တိုက်ခတ်နေကျ လေကြောင်းရယ်ဟာ ကျွန်မရဲ့ ပုလွေသံအတွက် Speaker လိုမျိုး ဖြည့်ပေးနေတတ်တယ်။ ဒါကြောင့်ပဲ ကျွန်မ ဒီမှာ သက်သောင့်သက်သာ သံစုံတီးဝိုင်းလိုမျိုး Perform လို့ရတာပေါ့။ ညနေ ၃ နာရီလောက်အထိ ကျွန်မ ရှိနေဦးမှာ။ ရှင် ဒီနေရာကို အမြဲလာလေ့ ရှိသလား။ Orchard မှာလည်း Tunnel တစ်ခု ရှိတယ်လေ။ အဲဒီမှာဆိုရင် ရှင် လူတော်တော်များများရဲ့ ဖျော်ဖြေမှုကို ခံစားရမှာ။´- အမျိုးသမီးက ရေဗူးထဲမှ ရေကို တစ်ကျိုက်မော့သောက်သည်။

`ကျွန်မ Orchard ကို ရောက်ခဲပါတယ်။ ဒီအနီးတ၀ိုက်မှာ ကျွန်မရဲ့ လုပ်ငန်းခွင် Site ရှိပါတယ်။ အခု ကျွန်မရဲ့ နေ့လည်စာ Break ပါ။ ကျွန်မရဲ့ Safety Shoes ကို သတိထားမိမှာပေါ့။ အချိန် အများကြီး မရပေမယ့် ဒီနေရာလေးက သာယာလို့ ခဏလာကြည့်တာပါ။ ရှင် ဒီနေရာမှာ လာပြီး လေ့ကျင့်တာသက်သက်ပဲလား။ ဒါမှမဟုတ် ရှင်ကိုယ်တိုင် တေးသွားတွေကို ဖန်တီးနေတာရော မဟုတ်ဘူးလား´

`တကယ်တော့ ဘီသိုဗင်တို့လို ကြီးမြတ်တဲ့ ဂီတသမားတွေမှာတောင် Practicing Time က Performing Time ထက် အများကြီး ပိုများတယ်ရှင့်။ သူတို့တွေဟာ လေ့ကျင့်ရင်းနဲ့ပဲ schore တွေရေးကြ၊ တေးသွားတွေ ဖန်တီးခဲ့ကြတာ။ တကယ့် အံ့မခန်းပုဂ္ဂိုလ်ကျော်တွေပေါ့။ ကျွန်မအတွက် ဒီနေရာဟာ လေ့ကျင့်တဲ့နေရာ သက်သက်ထက် အများကြီး ပိုပါတယ်။ ကျွန်မကိုယ်ကျွန်မ ရှာဖွေတွေ့ရှိလာတာတွေ အများကြီးပဲလေ။ ကျွန်မ တီးဝိုင်းအတွက် ဖျော်ဖြေတာမဟုတ်ရင် ဒီကိုလာပြီး အခုလို လေ့ကျင့်နေလေ့ရှိပါတယ်။ မနေ့ကဆို ဒီပြတိုက်မှာ တရုတ်အင်ပါယာသမိုင်းကြောင်း ပြပွဲတစ်ခုရှိလို့ သူတို့တွေ ရှေးတရုတ်သီချင်းကြီးတွေဖွင့်ကြတယ်။ ကျွန်မအတွက် အတော် အခက်တွေ့ခဲ့ရသေးတယ်။ ဒီနေ့တော့ သူတို့တွေ ဂျပ်ဇ်နဲ့ ပေါ့ပ်ကို တစ်လှည့်စီလို ဖွင့်နေကြလေရဲ့။ ဟော- ခုဖွင့်တဲ့ သီချင်းဆိုရင် ရှင်သိမယ်ထင်တယ်´- တေးသွားသည် ကပွဲတစ်ခုမှာလို ဖြစ်နေသည်။ ကျွန်မ မသိပါ။ အမျိုးသမီး၏ ပုလွေသံသည် ရှေးအင်္ဂလိပ်ကားများတွင် ပါတတ်သော အသံတွန့်၍ ဟစ်၍ ဆိုတတ်သည့် အဆိုတော်တစ်ယောက်လို ဖြစ်နေသည်။

`ရှင် ဒီလိုမျိုးလည်း ရှင့်ပုလွေနဲ့ သီချင်းဆိုတယ်နော်။ ဟုတ်လား´

`အချိန်အတော်များများမှာ ကျွန်မ အဖြည့်သံစဉ်တွေပဲ ဖန်တီးတတ်ပါတယ်။ ခု ပြီးသွားတဲ့ သံစဉ်မှာတော့ ကျွန်မ သီချင်းလိုက်ဆိုနေမိတာ ဟုတ်တယ်။ တစ်ပုဒ်လုံး မဆိုနိုင်ပေမယ့် ဒီလိုမျိုး အလှည့်အပြောင်းတွေက အခိုက်အတန့်တချို့ကို ပိုပြီး မြူးကြွစေတယ်။ အသက်ဝင်စေတယ် ဆိုရမလား။ Tunnel ရဲ့ နှစ်ဘက်စလုံးမှာ တေးသံ နှစ်မျိုး ထွက်လာရင်တော့ တကယ့်ကို ဗရုတ်သုက္ခပါပဲလေ။ သူတို့တွေဟာ တစ်သံနဲ့ တစ်သံ လိုက်ဖက်ညီအောင်တော့ ကြိုးစားကြပုံပါပဲ။ ကျွန်မအတွက်တော့ အတော့်ကို ကြီးတဲ့ စိန်ခေါ်မှုမျိုးပါ။ ရှင် အဲဒီလို အခြေအနေမျိုး ကြုံတွေ့နိုင်မယ်လို့ ကျွန်မ အာမ, မခံနိုင်ပေမယ့် ညနေပိုင်းလောက်ဆိုရင် သူတို့ဖွင့်တဲ့ တေးသွားတွေက စိတ်ဝင်စားစရာကောင်းတာ အမှန်ပါပဲ။´

`ဟုတ်ကဲ့။ ကျွန်မအဲဒီအချိန်အထိ ရှိမနေနိုင်တာတော့ စိတ်မကောင်းစရာပဲ။ ခု ကျွန်မရဲ့ နေ့လည်အားလပ်ချိန်လေးက ကုန်တော့မှာမို့ပါ။ ဂီတ သံစဉ်တွေအတွက် ကျေးဇူးတင်ပါတယ်။ တကယ် စိတ်ချမ်းမြေ့စရာ၊ အပန်းပြေစရာပါပဲ။ ရှင် အဆင်ပြေပါစေ´

`ရှင့်အတွက် စိတ်ချမ်းမြေ့ရသလို ကျွန်မအတွက်လည်း ပျော်ရွှင်စရာပါပဲလေ။  ရှင်လည်း အဆင်ပြေပါစေ။ ဂွတ်ဘိုင်´

Moral of the story: : ကြိုက်သလို ယူဆပါ။ ယူဆသလို ရရှိပါသည်။ ကျွန်မကတော့ လက်ရှိဖြစ်နေသော အခြေအနေကို သံစဉ်ညီညွတ်အောင် မတီးခတ်နိုင်သော ရွာဆော်မောင်းကွဲသံကြီးများကို ကြားယောင်နေပါသည်။

(မပြေပြစ်သည်များကို ပြန်လည်တည်းဖြတ်လိုက်ရပါသည်။)

budget စတေးရှောင်ခြင်း – ၃ (ဇာတ်သိမ်း)

စာရင်းချုပ်ကြပါစို့။

ဒီဇင်ဘာ ၁၀ရက်နေ့ ရောက်သောအခါ ၁၀ရက်ကြာ-ကပ္ပိယဘ၀မှ ပြန်လည် နှုတ်ထွက်ရန် အကြောင်းသင့်လာပါသည်။ Pelangi တွင် အင်တာနက် သွားသုံးရင်း လျှောက်လိုက်သော အလုပ်တစ်ခုမှ အင်တာဗျူးရန် email ၀င်လာခြင်းပါ။ ယခုတစ်ခါ အလုပ်အဆင်ပြေလျှင်ပြေ၊ မပြေလျှင် စတေးတိုးရန် မျှော်လင့်ချက် မရှိတော့။ စုစုပေါင်း ၂ လကျော်၊ ၃လ နီးပါး အချိန်အတွင်း အစွမ်းကုန် ကြိုးစားခဲ့ပြီးပြီပဲလေ။ စိတ်ဒုံးဒုံးချကာ ပြန်လှည့်ခဲ့သည်။

ချီကတည်းက ယဉ်သကို- မလေးအင်မီဂရေးရှင်းကောင်တာသည် အေးစက်စက် ကြိုနှင့်သည်။ `မင်း ပြန်ဝင်လာဦးမှာ မဟုတ်လား။ ခုမင်းရဲ့ လေယာဉ်လက်မှတ်က ရက်စွဲဝေး နေသေးတယ်။ နောက်တစ်ခါ စကာင်္ပူမှာ စတေးကုန်ရင် မင်းတိုင်းပြည်ကိုပဲ မင်းပြန်သွားပါ။ ငါတို့ဘက်ကို လာစရာ အကြောင်းမရှိတော့ဘူး။ မင်းတို့ အလုပ်လာရှာဖို့ တို့တိုင်းပြည်ကို အသုံးချနေကြတာပဲ။´ လက်ထဲကို ပတ်စ်ပို့ မပေးသေးဘဲ ရစ်ကြော ရှည်နေသည်ကို စိတ်ကုန်ခမ်းလှသည်။ နောက်ဆုံး ပတ်စ်ပို့စာအုပ်ယူကာ လှည့်အထွက် မကြားတကြား စကားကို ကြားဖြစ်အောင် ကြားလိုက်သေး၏။ `မင်းဘယ်တော့မှ ပြန်မလာပါစေနဲ့လို့ ဆုတောင်းတယ်´ ဆိုပဲ။ `ငါလည်း မလာချင်ပါဘူး´ စိတ်ထဲမှာ ဆက်လက် ခွန်းတုံ့တင်ကာ စလုံးဘက်သွားမည့် ကားကို တိုးတက်ခဲ့တော့သည်။

စလုံးအင်မီဂရေးရှင်းအရောက် ထုံးစံအတိုင်း White Card ဖြည့်၊ လေယာဉ်လက်မှတ်လေး လိုလျှင် အသင့်ထုတ်ပေးနိုင်ရန် ကိုင်ထားပြီး ကောင်တာပေါ် စာအုပ်နှင့် White Card ထိုးပေးလိုက်သည်။ ထိုင်နေသော အမျိုးသမီးက ခပ်တည်တည် မျက်ခုံးပင့်ကြည့်ပြီး စာအုပ်ယူကာ Scanner လေးပေါ်တင်သည်။ ခလုပ်တွေကို တစ်ချက်နှစ်ချက် နှိပ်သည်။ ခေါင်းတစ်ချက်ယမ်းသည်။ ပြန်တင်သည်။ ခလုပ်တွေ နှိပ်ပြန်သည်။ ခေါင်းထပ်ယမ်းသည်။ ဘာတွေ ဖြစ်ကုန်ပြီလဲ မသိ။ ခြေဖျားတွေ အေးလာသည်။ ကျောဘက်ကောင်တာမှ အမျိုးသားကို လှမ်းခေါ်ကာ ကွိစိကွစ ပြောသည်။ စာအုပ်ထောင်ပြသည်။ ဟိုပုဂ္ဂိုလ်က ကောင်တာချင်း ကူးလာကာ ကိုယ့်စာအုပ်ကို ယူကြည့်သည်။ အသက်ကို အောင့်ထားမိသလား၊ ရှူနေမိသလား မမှတ်မိတော့။

“ဩော်၊ မြန်မာပတ်စ်ပို့က မင့်စက်မှာ အော်တို တက်လာမှာ မဟုတ်ဘူး။ သူ့ဒေတာတွေကို manual ပဲ ရိုက်ထည့်မှရမယ်။ မင်းရဲ့ ကံပေါ့” “အိုကေ၊ ကျေးဇူးပဲ။ ပြဿနာတော့ မရှိပါဘူးနော်” ဘိုလိုပြောသမျှလေး နားစွင့်လိုက်မိသည်။ ဒီကောင်တာတော့ ဖြတ်လို့ ရပါရစေဘုရား။ ကိုယ်လုပ်လာသော စလုံး 10 ဒေါ်လာတန် E Ticket သည် လေဆိပ်ကနေ တန်းပြန်၍ ရသော ပုံစံမဟုတ်ကြောင်း လုပ်ကတည်းက သိပြီးသားမို့ ကျောရိုးတစ်လျှောက် စိမ့်တက်သွားမိသည်။ တစ်ချောက်ချောက်နှင့် ကီးဘုတ်ပေါ်နှိပ်နေသံက နားထဲမှာတော့ တူနှင့်ထုနေသည့်အလား။ ဤသို့ဖြင့် စက္ကန့်ပိုင်းလွန်မြောက်အပြီး-

“ဒုံး”

“အိုကေ၊ သွားနိုင်ပါပြီ”

ဘုရား၊ ဘုရား။ ကိုယ့်နားနှင့် မျက်စိကိုပင် မယုံနိုင်။ ကောင်တာတစ်ဖက်မှာ စာအုပ်ကို ဖွင့်ကြည့်မိတော့ နေထိုင်ခွင့် ရက် ၃၀။ အကျင့်ရနေသော ခြေလှမ်းများက သူ့ဘာသာသူ ဆက်လျှောက်ပြီး Kranji ဘူတာသို့သွားမည့်ကားပေါ် ရောက်လာသည့်တိုင် ရင်ခုန်နှုန်း မငြိမ်သေး။ ဩော်……… ဘ၀၊ ဘ၀။

အင်တာဗျူးသွားဖြေပါသည်။ အဆင်ပြေမလိုလိုနှင့် မပြေလိုက်ပြန်ပါ။ ဥရောပနှစ်သစ်ကူးချိန် နီးသဖြင့် ကုမ္ပဏီကြီးကြီးများမှ လူ(ရာထူး)ကြီးကြီးများ အိမ်ပြန်ကြပါသည်။ ကုမ္ပဏီသေးသေးမှ လူသေးသေးများက ယောင်ကြပါသည်။ ဇန်န၀ါရီလတွင် တရုတ်နှစ်သစ်ကူး ဖြစ်ပါသည်။ မည်သူမျှ အလုပ်ကိစ္စ အားတက်သရော မရှိတော့ပါ။ သတင်းစာတွင် Vacancy ကြော်ငြာ နည်းသွားလိုက်သည်မှာ မပါသလောက်။ ပြန်ရဖို့က သေချာသလောက် ဖြစ်သွားပါပြီ။

ဇန်န၀ါရီပထမပတ် အကုန်တွင် စတေးလည်း ကုန်မည်ဖြစ်၍ ဒီဇင်ဘာလကုန်ခါနီးတွင် နောက်တစ်လသက်တမ်းတိုး ကြိုးစားကြည့်ပါသော်လည်း မအောင်မြင်ခဲ့ပါ။ ထပ်မံဖြေခွင့်ကြုံသော အင်တာဗျူးများကလည်း ဟိုလိုလိုဒီလိုလိုချည်း ဖြစ်ကြသည့်အတွက် Offer ၃ ခုရဖူးသူအဖြစ် ဖျာလေးလိပ်၊ ကျောပိုးအိတ်ကလေးပိုက်ကာ ပြည်တော်ပြန်ခဲ့ရပါကြောင်း။ (ဒါမျိုးလေးတောင် ဖြေစရာမရှိရင် အိမ်ကို ဘယ်သို့ မျက်နှာပြရမည်ကို မစဉ်းစားတတ်တော့ပါ။)

စာကြွင်း။

ပြန်မည်ဆိုတော့ ကုန်ကျရန်ရှိသေးသည့်စာရင်း တွက်ရသည်။ လာခဲ့စဉ်က Air Bagan နှင့် ၃လ လက်မှတ်ဖြစ်သည်။ နိုဝင် ဘာလတွင် Air Bagan ၏ နိုင်ငံခြား ခရီးစဉ်များ ဖျက်သိမ်းလိုက်လေရာ MAI နှင့် လက်မှတ်လဲပေးလိုသူများအား လဲပေးမည်ဆို၏။ ထိုအချိန်က အလုပ် Offer ရထားလေရာ ခပ်တည်တည်ပင် Refund ပြန်ယူမည်ဟု ပြောလိုက်မိသည်။ ခု ပြန်ရတော့မည်။ Jet Star ဖြင့် ပြန်မည်ပေါ့။ ကုန်ကျစရိတ်ခုသာခံသာ ရှိလေရအောင် အပြန် ကီလိုရောင်းသည်။ ဂျိုဟိုးကို သွားစဉ်ကလို ကျောပိုးအိတ်တစ်လုံးနှင့် မရှိမဖြစ် စာရွက်စာတမ်း များသာ ထည့်ကာ ၀န်စည်စလယ် ချုံ့ပစ်လိုက်သည်။ နောက်တစ်ခေါက် ပြန်လာနိုင်ရန် ပစ္စည်းအချို့ကို အကိုတို့၊အမတို့ အိမ်မှာ ထားခဲ့သည်။ အကို့သူငယ်ချင်းတစ်ယောက်က Laptop သယ်ခိုင်းချင်သူရှိကြောင်း သတင်းပေးသည်။ လေယာဉ်လက်မှတ်တန်ဖိုး၏ တစ်ဝက် မျှမက ကျေသွားပါသည်။ ဖူးခက်သို့ ငွေကြေးတတ်နိုင်သူများ ရှောင်ကြသည်လည်း ရှိပါသည်။ ကြားဖူးသော “ပဲရစ်မြို့ သို့ လူမွဲလမ်းညွှန်”ကို အားကျ၍ “ဂျိုဟိုးသို့ ဘတ်ဂျက်လမ်းညွှန်” ထုတ်လိုက်ပါကြောင်း။

budget စတေးရှောင်ခြင်း – ၂

ကျွန်မ ၀န်ခံချင်သည့်တစ်ချက်က ဒီတစ်ခါ ကြာကြာ မစဉ်းစားချင်သဖြင့် မြန်မြန်ပြီးအောင် မြန်မြန်ဆွဲရစ်ပါသည်။ စိတ်ညစ်တာ ကြာကြာ ခေါင်းထဲ မထည့်ချင်ပါ။ စာဖတ်သူများ စိတ်ညစ်မှာလည်း မလိုလားပါ။ ဂျိုဟိုးအိမ်မက် ဂယောက်ဂယက်ကို မြန်မြန် နိုးထလိုက်ပါတော့မည်။ ပထမတစ်ခေါက် စတေးရှောင်အပြီး ပြန်ဝင်ပါပြီ။

မလေးက အထွက်- အဆင်ပြေပါသည်။ အင်မီဂရေးရှင်းက ဘာမှ မပြောပါ။ အ၀င်တုန်းက ပိုက်ဆံ တောင်းတတ်သည်ကြား၍ လက်ထဲမှာ နည်းနည်း ကပ်ထားခဲ့သော်လည်း ဘာမှ မတောင်းလိုက်ပါ။ ကံကောင်းပါသည်။ နောက်တစ်ခါ ပြန်မရှောင်ပါရစေနဲ့-ဟု တိတ်တိတ်ကျိတ် ဆုတောင်းမိသည်ကလည်း အထပ်ထပ်။ ဘုန်းကြီးကျောင်းမှာ ၄ ကြိမ်နှင့်အထက် အကြိမ်ကြိမ် ရှောင်ခဲ့ကြရသော အမျိုးသမီး သတ္တိရှင်များအကြောင်း ကြားခဲ့ရသော်ငြား ကိုယ့်ကိုယ်ကို အဲဒီလောက် ခံနိုင်ရည် မရှိမှန်း ကိုယ်တိုင်ပဲ သိပါသည်။ စလုံးအ၀င်- ရသမျှ ဘုရားစာ အကုန်ရွတ်ပြီး ကိုယ့်ဒူးကိုယ် ဟန်မပျက်ထိန်း၊ White Card ဖြည့်ပါသည်။ စလုံး Check Point မှာ အလကားရသော White Card ကို မလေးက အင်မီဂရေးရှင်းအ၀င်မှာ တစ်စောင်မလေးရင်းဂစ်တစ်ကျပ်နှင့် ပိုက်ပိုက်ယူပြီး ဖြည့်ပေးမယ်လို့ လုပ်စားနေတာလည်း ရှိပါသည်။ ဘ၀၊ ဘ၀။

စလုံးအင်မီဂရေးရှင်းကျတော့လည်း ဘာမှ ထွေထွေထူးထူးမပြောဘဲ မျက်နှာကို တစ်ချက်လှမ်းကြည့်ပြီး တုံးထုချလိုက်၏။ ကောင်တာဖြတ်ပြီး ကြည့်လိုက်တော့မှ 14 ရက် ဖြစ်နေပါလေရော။ ငိုရခက်၊ ပြုံးရခက်ဆိုတာ အဲသည့်အချိန်ပါပဲ။ ၁လလောက် ပြန်ရမှ ဒီWhite Card နံပါတ် အသစ်နှင့် online stay ကို မျှော်လင့်လို့ရမည်လေ။ ခုတော့ အင်တာဗျူး တစ်ခုအတွက် ၁၄ ရက်ယူလိုက်ရသလို။ Anyway, ရောက်ရားပဲ-ဆိုပြီး ကိုယ့်အခန်းကျဉ်းလေး အရောက်ပြန်၊ နောက်နေ့ အင်တာဗျူး သွားဖြေပါသည်။ တူလိုက်ပုံ။ ဒီတစ်ခါ အလုပ် ကလည်း နောက် ၃ ရက်မှာ ဖုန်းဆက်အကြောင်းကြား၊ အင်တာဗျူးအဆင်ပြေပါသည်။ Pass တင်ပေးဖို့ ညှိမရပြန်ပါ။ လစာလည်း အရင် အလုပ် offer တုန်းက အတိုင်း။  ထူး……….. မခြားနား ဆိုပြီး သီချင်းကြီး ထ,ဟစ်မိပါတော့သည်။ အလုပ်လျှောက်တာတွေကိုတော့ မလျှော့သော ဇွဲလုံ့လနဲ့ ဆက်လျှောက်နေတုန်း။ ဒီလိုနှင့် ဒုတိယတစ်ကြိမ်မှာ ရန်ကုန်ပြန်မလားဆိုသည့် Option ကို စဉ်းစားနေရပါပြီ။

လျှောက်ထားသော အလုပ်များ၊ စလုံးပွဲစား ၃ယောက်လောက်ကို CV အပ်ထားသည်များ၊ ပေါင်းလိုက်သော် အင်တာဗျူး ၅ ခုမျှ ထပ်ရမည်ဆိုလျှင်-…  မလေးကိုပဲ နောက်တစ်ခေါက်သွားဖို့ ဆုံးဖြတ်လိုက်ပါသည်။ အချိန်က နိုဝင်ဘာ လကုန်ခါနီး။ ဒီတစ်ခေါက်လည်း လူရှင်းသော Week Days နေ့ခင်းပိုင်းသွားပါသည်။ စလုံးကအထွက်- အေးဆေးပါ။ မလေးအ၀င်——— စပါပြီ။ ပြဿနာ။

“မင်းရဲ့ ပတ်စ်ပို့အရ မကြာသေးခင်ကမှ လာသွားသေးတာပဲ။ ခု ဘာလာလုပ်တာလဲ။”

“အရင်တစ်ခေါက်က နေရပ်လိပ်စာမှာပဲ ဘာလို့ နေမှာလဲ” “လေယာဉ်လက်မှတ်ရော ပါသလား” “စကာင်္ပူမှာလည်း စတေး မကျန်တော့ပါလား” “အရင်တစ်ခေါက်ကလည်း Woodlands ကပဲ လာတာပဲ၊ မင်း စကာင်္ပူကို အလုပ်လာရှာတာ မဟုတ်လား။” “မင်းဟာ မလေးရှားကို မင်းကိုယ်ကျိုးအတွက် အသုံးချနေတာပဲ။ မင်းကို ၀င်ခွင့်မပေးနိုင်ဘူး။ ခု စကာင်္ပူဘက်ကို ပြန်သွားပါ။” (ဒါဖြင့် တံတားပေါ် ငုတ်တုတ်ထိုင်နေရမှာလား။ သူများပြောသံ ကြားဖူးတယ်။ မဟုတ်ပါစေနဲ့ဘုရား)

“ဘာလို့ ပြန်သွားရမှာလဲ၊ ငါ ခုဒီကိုလာတာ မင်းတို့ဆီမှာ အလုပ်လာရှာတာလည်း မဟုတ်ဘူး။ မြန်မာပြည် မပြန်ခင် ဆွေမျိုးကို လာတွေ့တာပဲ။ ငါ ပြန်မသွားနိုင်ဘူး”

“ငါတို့က မင်းကို ယုံမယ်ထင်နေသလား။ ဒါဆို မင်း Officer ကို ၀င်တွေ့ရဲသလား”

“တွေ့ရဲတာပေါ့။ ဘယ်မှာလဲ”

“ဟေ့ … ဒီမှာ မြန်မာပတ်စ်ပို့တစ်ယောက်၊ Woodlands နဲ့ Johor ကို ကူးချည်သန်းချည် လုပ်နေတယ်။ သူ့ကို Officer ဆီပို့လိုက်”

ဒီလိုနှင့် သူများတကာ ရင်ပူရသော စလုံးအင်မီဂရေးရှင်းမဟုတ်ဘဲ ငွေပေးလိုက်လျှင် ပြေလည်သည်ဆိုသည့် မလေးအင်မီဂရေးရှင်းက ပြဿနာ ရှာပါသည်။ စိတ်ညစ်ညစ်နှင့် Officer ၀င်တွေ့တော့ ရုပ်တည်ကြီးနှင့် ဘွားတော်က “မင်း ဘာလာလုပ်တာလဲ” တစ်ခွန်းပဲ မေးသည်။ ခုနက စကားတွေကိုပဲ အစီအစဉ်အတိုင်း ပြန်ရွတ်ပြလိုက်တော့ အတော်ကြာအောင် စိုက်ကြည့်နေပြီး စာအုပ်မှာ တုံးထုပေးသည်။ ပြူးပြဲကြည့်တော့ သာမန် Journey Performed တုံးနှင့် ၁၄ ရက် နေထိုင်ခွင့်။……….. ဟူး…………….. တော်ဒေးတာပေါ့လေ။ တစ်ဆင့်။

ဘုန်းကြီးကျောင်းကို ဘတ်စ်နှင့်ပဲ သွားသည်။ City Square အပြင်ဘက်မှ မြို့တော်ခန်းမဘေး ကားဂိတ်လိုမျိုး ဘတ်စ်တွေ တန်းစီနေသည့်နေရာမှာ Pelangi ရောက်သလား လျှောက် မေးကြည့်သည်။ ဘတ်စ်ဒရိုင်ဘာတစ်ချို့က ပြန်မဖြေ။ နားမလည်ကြသလိုမျိုး။ ကားတွေ လျှောက်ကြည့်ရင်း ပထမတစ်ခေါက်က စီးဖူးသည့်ကားကို မြင်လိုက်သဖြင့် ခပ်တည်တည်နှင့် တက်လိုက်သည်။ 1 ရင်းဂစ်ထည့်ပြီး တံခါးပေါက်နားနီးသည့် ခုံသွားထိုင်သည်။ လမ်းကို သတိမလွတ်အောင် ကြည့်ပြီး Crystal Crown ဟိုတယ်ရှေ့ မှတ်တိုင်တွင် သုတ်သုတ် ဆင်းသည်။ လှည်းတန်းမီးပွိုင့် (ပြည်လမ်း-အင်းဝပေါက်ဘက်) လိုမျိုး သူများတွေ ဖြတ်ကူးသလို လိုက်ကူးသည်။ လမ်းလယ်ကျွန်းလိုမျိုးမှာ သူများ ကျော်ခွသွားသလို သွားသည်။ လမ်းတစ်ဖက်ရောက်တော့ အပေါ်ကားပါကင် (မြန်မာဆိုင်တွေ ရှိရာ) ဘက်ကို သူများတွေ ကျော်ခွတက်သလို တက်လိုက်သည်။ ကိုင်း…. ဒီတစ်ခေါက်တော့ ကိုယ့်ဘာသာကိုယ် ရောက်သွားကပြီ။

EZ-Link ကဒ်ထဲမှာ စလုံး ၁၀ ကျော်ကျော်လေး ကျန်သည်။ လက်ထဲမှာ ရင်းဂစ် ၁၀၀ ကျော်ကျော်လေး ပါသည်။ ဒီတစ်ခါ ပြန်ဝင်ရင် စတေးကြာကြာရအောင် မလေးမှာ နည်းနည်း ရက်ကြာဆွဲနေရန် အကိုတို့၊ အမတို့က မှာလိုက်သည်။ ဒီတော့…… ဒီလိုပဲပေါ့လေ။ ကပ္ပိယဘ၀ကို ကောင်းကောင်း Training ရသွားသပေါ့။ ဘုန်းကြီးကျောင်းမှာ အလှူရှိလျှင် သူတို့လူအင်အားနှင့်သူတို့ လာကြတာ များပါသည်။ ကိုယ်က ဘယ်ပစ္စည်း ဘယ်နေရာမှာ ရှိသည်၊ ဘယ်လောက်ရှိသည်ဆိုတာမျိုး၊ အလှူအတွက် သန့်ရှင်းရေးကအစ အောက်ခြေသိမ်း ကူညီရင်း ဝေယျာဝစ္စကုသိုလ်ပါ ရသွားသည်။ ဒကာရင်းများက လာရောက်၍ ဘုန်းကြီးကျောင်းအတွက် လိုအပ်သည်များကို ဖြည့်ဆည်းလှူဒါန်းကြသည့်အခါ သူတို့တွေဆီက လမ်းကြောင်းတွေလည်း ကြားရသည်။

အင်တာနက်ဆိုင်ကတော့ စလုံးထက် ပိုပေါသည်။ ဈေးလည်း နည်းနည်း ပိုသက်သာသည်။ အလုပ်သွားသွားလျှောက်သော အင်တာနက်ကဖေးဆိုင်က သိပ်ဝေးဝေးမဟုတ်သော်လည်း ပတ်ဝန်းကျင်က ကားပွဲစားတန်းလို၊ ကားဘော်ဒီနှင့် ဆောင်းဘောက်ပြင်သော၊ ကားပစ္စည်း ရောင်းသောဆိုင်များ စုဝေးရာ ဖြစ်သည်။ တချို့ မြန်မာအလုပ်သမားများကို မလေး အလုပ်လက်မဲ့များက အုပ်စုတောင့်လျှင်တောင့်သလို မိုက်ကြေးခွဲကြတာ ဟိုဘက် တစ်ရပ်ကွက်လောက်မှာ မကြာမကြာ ကြားရသည်။ အဲသည့်ဘက်မှ မြန်မာဆိုင်ကို နေ့ခင်းကြောင်တောင် ၀င်ပြီး ဒမြတိုက်သွားတာ မကြာသေး-ဟုလည်း သိရသည်။ သမီးယောက်ဖလို ခင်မင်သွားသော နယ်ခံအကိုတစ်ယောက်က “ယောက်ဖ- ဒီမှာပဲ အလုပ်ရှာလိုက်ပါလား”ဟု မြှောက်ပေးသည်။ ကိုယ်တိုင်က စိတ်ပါသော်လည်း နည်းနည်း ကြောက်တတ်သူဖြစ်ကြောင်း အဲဒီမှာမှ ကိုယ့်ကိုယ်ကို သိသွားပါသည်။

ပြန်ပြောလိုက်မိသည့်စကားက-

“နေပါစေဗျာ။ သတ္တိက လက်ထဲမှာ ဓါးရှိရင်တောင် ခရမ်းသီးကိုပဲ အံကြိတ်ပြီး လှီးနေမိမှာဆိုတော့… စရိတ်ထောင်းခံပြီး စလုံးမှာပဲ ရုန်းပါတော့မယ်”

(နောက်တစ်ပိုင်း ဇာတ်သိမ်းပါမည်- အိမ်မက်တွေ ပြန်မက်ကာ အိပ်ရေးပျက်လွန်း၍ပါ)

budget စတေးရှောင်ခြင်း-၁

တကယ်တမ်း မရေးချင်လှပေမယ့် ကဘွိုင်းက နောက်လာနောက်သား မြေးမြစ်များအတွက် ဆိုလို့ ဇာတ်ကြောင်းလှန်လိုက်ပါတယ်။

လေဆိပ်ရောက်ရောက်ချင်း တစ်လသက်တမ်းပြီးလို့ online သက်တမ်းတိုး တစ်လ စတေး ကုန်ခါနီးတော့ Peninsular Plaza ကို အခေါက်ခေါက် ပတ်ပါတယ်။ သက်တမ်း ၂ ပတ် ကျန်တဲ့အချိန် ၊၂၀၀၇ နိုဝင်ဘာလဆန်းပိုင်း၊ မလေးဗီဇာလျှောက်တာ အဲဒီတုန်းက စလုံး ၂၅ ဒေါ်လာပါ။ ၃ရက်ပဲ စောင့်လိုက်ရပါတယ်။ ၃လ အကြိမ်ကြိမ်ဝင်ခွင့် ဗီဇာလေး ကပ်ပေးလိုက်ပါတယ်။

လေယာဉ်လက်မှတ်ကိုတော့ E Ticket ပဲ လုပ်ပါတယ်။ ဘောင်ဝင်အောင် လုပ်တာပါပဲ။ မလေးမှာ ၁ ပတ်နေပြီး စလုံးကို ပြန်ဝင်ရင် ၁လ တုံး လွတ်လွတ်ကျွတ်ကျွတ် ရအောင်ဆိုပြီး လက်မှတ်ကို တစ်လခွဲ၊ နှစ်လလောက် ခွါလုပ်လိုက်ပါတယ်။

အင်တာဗျူးအဖြေမသိရသေး၊ S-Pass တင်မပေးသေးမီ ၂ရက်အလိုမှာ သွေးလန့်နေတာနဲ့ Re-Entry Visa လျှောက်လိုက်ပါတယ်။ စတေးကုန်ပြီး မလေးမှာ ၂ ရက်လောက်နေပြီးတာနဲ့ ပြန်ဝင်လို့ရအောင် ရက်စွဲချိန်ရပါတယ်။ Credit Card နဲ့ ငွေသွင်းရမှာမို့ online သက်တမ်း တိုးတုန်းကလို ကိုယ့်ဘာသာကိုယ် လုပ်လို့ မရတော့ပါဘူး။ ပြီးတော့ ဗီဇာမထုတ်ပေးရင်လည်း အဲဒီ ငွေသွင်းတဲ့ စလုံးဒေါ်လာ၂၀  ဆုံးဦးမှာပါ။ ဒီအချိန် Re-Entry မရခဲ့ရင် KL ကျမှ ပြန်လျှောက်ရင်လည်း ရတယ်လို့တော့ ပြောကြပါတယ်။ အဲဒီဘက်မှာ ပွဲစားနဲ့ ရိုက်လို့ရတယ်လို့လည်း ကြားဖူးပါတယ်။ ဒါပေမယ့် သူ့ဘာသာသူပဲ အဆင်ပြေပြီး Re-entry Sticker လေး ထုတ်ပေးလိုက်ကြပါတယ်။ ကိုယ့်စာအုပ်မှာ ကိုယ့်ဘာသာကိုယ် ကပ်လိုက်ရတာပါ။ အကယ်၍ စာအုပ်ပိုင်ရှင်က မလေးဘက်ရောက်သွားပြီးမှ စလုံးဘက်မှာ ကျန်နေခဲ့တဲ့သူက လျှောက်ပေးရင်လည်း ရပါတယ်။ စတစ်ကာလေးကို မလေးဘက် ရောက်အောင် ပို့ပေးဖို့တော့ လိုတာပေါ့။

တင်ထားတဲ့ S-Pass က Reject ဖြစ်တယ်လို့ သိရတဲ့အချိန်၊ စတေးက ၃ ရက်ပဲ ကျန်ပါတော့တယ်။ MOM နဲ့ သက်တမ်းတိုးဖို့ လုပ်နေတုန်းမှာကို Reject ဖြစ်သွားတာပါ။ ဘယ်မှာ ဘယ်လို နေရမယ်ဆိုတာ မသိသေးတဲ့အချိန်မှာ Re-Entry Visa လျှောက်ပေးတဲ့ အကိုနဲ့ အမတို့အိမ်က ညီမလေးတစ်ယောက်က သူ သွားရှောင်ခဲ့ဖူးတဲ့ ဘုန်းကြီးကျောင်းနဲ့ ဆက်သွယ်ပြီး ကူညီပေးပါတယ်။ ဒါကတော့ ညောင်ကန်အေးဓမ္မရိပ်သာ (Johor Bahru)ပါ။ ကျောင်းထိုင်ဘုန်းဘုန်း ဦးဥာဏိဿရက လာမယ့်အချိန်မှာ လမ်းမသိရင် သူ့ကို ဖုန်းဆက်မေးပါ၊ Taxi သမားကို သူလမ်းညွှန်ပေးမယ်လို့ မိန့်ပါတယ်။

သက်တမ်းကုန်မယ့်နေ့မနက်မှာ တိုက်တိုက်ဆိုင်ဆိုင် အင်တာဗျူးတစ်ခု ဖြေသွားပါတယ်။ နေ့လည်၁၂နာရီကျော်ကျော်လေးမှာ SBS Transit စီးလို့ Kranji ကနေ Woodland တံတားကြီးကို ဖြတ်၊ Johor Bahru ကို ချီတက်သွားပါတယ်။ Week-Days ဖြစ်တော့ အဲဒီ နေ့လည်တစောင်းလို အချိန်မှာ လူ နည်းနည်း ရှင်းပါတယ်။

အသွားမှာ Immigrations နှစ်နေရာစလုံးက ဘာမှ မရစ်လိုက်ပါဘူး။ ဖြောင့်ဖြောင့်တန်းတန်း တုံးထုပေးလိုက်ကြပါတယ်။ Woodland တံတားရဲ့ ဟိုဘက်ထိပ်ရောက်တာနဲ့ SingTel ကနေ MyMaxis အဖြစ် Auto Roam ပွင့်သွားပါတယ်။ ကံကောင်းချင်တော့ ဘုန်းဘုန်းက ကိစ္စရှိလို့ City Square ဘက်ရောက်နေတာနဲ့ တစ်ခါတည်း လာခေါ်ပါတယ်။ နေရာက Pelangi နားမှာပါ။ ကျောင်းလို့ ပြောရပေမယ့် Clementi ကျောင်းလိုပါပဲ။ တိုက်ခန်းလေး ဖြစ်ပါတယ်။ စားရိတ်အနေနဲ့ လက်ထဲမှာ ပါလာတဲ့ ရင်းဂစ် ၁၁၀ မှာ ၅၀ ကို ဘုန်းဘုန်းကို န၀ကမ္မ လှူလိုက်ပါတယ်။ ကျောင်းရဲ့ လစဉ်ငှါးရမ်းခ၊ အခြား ရေ/မီးအသုံးစားရိတ်တွေအပြင် ကိုယ့်လို စတေးလာရှောင်သူများအတွက် ချက်ပြုတ်စားသောက်ဖို့ပါ ကိုယ့်အရင် စီနီယာများက လှူတန်းခဲ့ကြတာပါ။ သူတို့ရဲ့ စွန့်စားခန်းတွေက ကိုယ့်ထက်တောင် ရင်သိမ့်တုန်စရာ ဖြစ်ခဲ့ကြဦးမှာပါ။

MyMaxis ဖုန်းကဒ်လေးတစ်ကဒ်ကို ဒီဘက်က အရင်ရှောင်ဖူးတဲ့ ညီမလေးဆီကနေ ငှါးသွားပါတယ်။ 7-Eleven မှာ Top-Up အတွက် ဖုန်းကဒ်ပြ၀ယ်ပါတယ်။ မလေးဘက်ကို ချောချောမောမောရောက်ကြောင်း သူငယ်ချင်းနဲ့ အကို၊အမတွေကို သတင်းပို့ပါတယ်။ ဖုန်းကဒ် မပါလာခဲ့ရင်လည်း ဘုန်းဘုန်းက သူ့ဖုန်းကို ယူသုံးချင်သုံးပါလို့ ခွင့်ပြုပါတယ်။ ဆွမ်းစားဆောင်လို့သဘောထားရမယ့် အခန်းကန့်ထားတဲ့ဘက်မှာ ကိုယ့်လို စတေးရှောင်လာကြသူ အမျိုးသမီးများအတွက် အခန်းတစ်ခန်း သတ်သတ်ရှိပါတယ်။ အမျိုးသားများက ဘုရားခန်းရှေ့က ကော်ဇောမှာ အိပ်ခွင့်ရပါတယ်။ ဘုန်းဘုန်းကတော့ ဘုရားခန်းနဲ့ ကပ်လျက် အခန်းငယ်လေးမှာ ကျိန်းပါတယ်။

နေ့စဉ် မနက်စောစောထပြီး ဘုန်းဘုန်းအတွက် ဆွမ်းထချက်ပါတယ်။ မီးဖိုချောင်နဲ့ ရေခဲသေတ္တာထဲမှာ ရှိတဲ့ စားစရာတွေကို တတ်သမျှ၊ မှတ်သမျှ ပြင်ဆင်ပြီး ဘုန်းဘုန်းအတွက် အာရုံဆွမ်းကို မနက် ၆း၃၀ နာရီမှာ အပြီး ပြင်ဆင်ရပါတယ်။ ကပ္ပိယကို ကူညီပြီး ဆွမ်းပွဲ ပြင်ပေးပြီးရင် ဘုန်းဘုန်းက မနက် ၇ နာရီမှာ ဆွမ်းဘုဉ်းပေးလေ့ရှိပါတယ်။ နေ့ဆွမ်းကိုတော့ မြန်မာဆိုင်တွေကနေ ဟင်းတွေကို ချိုင့်ဆွဲနဲ့ အလှည့်ကျ လာကပ်ပါတယ်။ ကိုယ်က ကူညီပြီး ဆွမ်းပွဲပြင်ပေး၊ ချိုင့်တွေလှယ်ပေးရုံပါ။ ဘုန်းကြီးပွဲကျကို ၀ိုက်လိုက်တာနဲ့ ကိုယ့်ရဲ့ မနက်စာနဲ့ နေ့လည်စာအဆင်ပြေပါတယ်။ လူတွေများနေရင်တော့ ကိုယ့်ဘာသာကိုယ် ဈေးနည်းနည်းဝယ်ပြီး ချက်ကြရတာပေါ့။ ရှေ့က စီနီယာများ လှူဒါန်းသွားတဲ့ ဆန်၊ ဆီ၊ ဆား၊ ပဲ၊ ငါးပိ၊ ကြက်သွန် ဒါတွေအပြင် ဂျိုဟိုးက အမာခံ ဒကာ၊ ဒကာမများကလည်း လှူဒါန်းကြလို့ ကိုယ့်လို ယောင်ချာချာ စတေးရှောင်သမားများအတွက် ဘေးကင်းလုံခြုံတဲ့ ခိုလှုံရာလေး ဖြစ်ခဲ့ရတာပါ။

ဒီလိုနဲ့ သုံးရက် အကြာ၊ အင်တာဗျူးနောက်တစ်ခုကို တနင်္လာနေ့ ဖြေရမယ်ဆိုလို့ တနင်္ဂနွေနေ့လည်မှာ ကျောပိုးအိတ်တစ်လုံးပိုက်ပြီး ဘုန်းဘုန်းကို ဦးချ၊ စလုံးဘက်ကို ရင်တမမနဲ့ ခြေဦးပြန်လှည့်ခဲ့ရပါတော့တယ်။ Larkin-City Square ဆိုတဲ့ ဘတ်စ်ကားနဲ့ မလေး ရင်းဂစ် ၁ ကျပ်ထည့်ပြီး မလေးအင်မီဂရေးရှင်းရှိရာကို ချီတက်ခဲ့ရတာပေ့ါ။

စာကြွင်း။               ။ Bro.DBA ရဲ့ ပြင်ဆင်ခဲ့မှုကို ခုမှ ပြန် link လိုက်ရပါတယ်။ စောစောက မထည့်လိုက်ရသေးခင်မှာ Button မှားနှိပ်ပြီး Publish ဖြစ်သွားတာပါ။ အားလုံးကို တောင်းပန်ပါ၏။ တွေ့ပုချိ 🙂

စတေးနှင့် မလေး

စလုံးကို အလုပ်လာရှာစဉ်က ပြန်မတွေးချင်သော အမှတ်တရ များလေစွ။ ခု ဖူးနုသစ်မှာ စတေးရှောင်သူတစ်ဦး၏ မှတ်တမ်းများကို မြင်ရတော့ ကိုယ့်တုန်းက အဖြစ်အပျက်တွေ အကုန်ပြန်မြင်ယောင်လာသည်။

စကာင်္ပူမှာ အလုပ်လာရှာမည်စိတ်ကူးကတည်းက လေယာဉ်လက်မှတ်ဖိုး၊ အလုပ်ရှာစဉ် ကုန်ကျမည့် နေစရိတ်၊ စားစရိတ်၊ သွားစရိတ်တို့ကိုပါ တွက်ချက်စုဆောင်းပြီး ဘယ်လိုဖြစ်လျှင် ဘာလုပ်မလဲဆိုတာ အောက်ပါအတိုင်း စဉ်းစားရသည်။ အလုပ်သာ တစ်ခါတည်း အဆင်ပြေလျှင်တော့ အတိုင်းထက် အလွန်ပေါ့။ ကံဆိုးကံကောင်း –

၁) အလုပ်မရ၊ အင်တာဗျူးမရ၊ စတေးကျန်လျှင်- ပွဲစားစပ်မည်။ (အင်တာဗျူးမရတာ အခြေအနေ အတော်ဆိုးသည်။ CV အပြင်အဆင် ညံ့ဖျင်းမှု ၅၀% ၊ ကိုယ်တိုင်အရည်အချင်း  ၃၀%၊ Personality အံဝင်ခွင်ကျ ဖြစ်မှု/မဖြစ်မှု ၁၀%၊ ကံ ၁၀%၊ တစ်ခုမှ အားကိုးစရာ မကျန်လျှင် အိမ်က ရင်းနှီးမြှုပ်နှံမှုအတွက် ပြန်ထွက်လာနိုင်အောင် အလုပ်ရကို ရမှ ဖြစ်တော့မည်။ ထို့ကြောင့် အတတ်နိုင်ဆုံး အလိမ်မခံရရေး ဦးစားပေးပြီး သူငယ်ချင်းများထံမှ ပွဲစား Background စုံစမ်းထားရသည်။)

၂) အလုပ်မရ၊ အင်တာဗျူးရ၊ စတေးမကျန်လျှင်- မလေးရှောင်မည်။ (CV အပြင်အဆင် သင့်တင့်မှု ၅၀%၊ ကိုယ်တိုင်အရည်အချင်း ၃၀%၊ Personality အံဝင်ခွင်ကျ ဖြစ်မှု/မဖြစ်မှု၁၀%၊ ကံ ၁၀%)

၃) အလုပ်ရ၊ စတေးမကျန်၊ MOM တွင် သက်တမ်းတိုး မရလျှင်- မလေးရှောင်မည်။ (CV ကောင်းမွန်၊ ကိုယ်တိုင် အရည်အချင်းရှိ၊ Interviewer.vs.Interviewee အပေးအယူမျှ သော်လည်း ကံဆိုးမှု ၁၀% ပါဝင်နေသေးလျှင် ကိုယ်လုပ်နိုင်သမျှ အလျှော့မပေးတမ်း လုပ်ရန်)

သို့ဖြင့် စရိတ်စကကို မလေးရှောင်စရိတ်ပါ ထည့်သွင်းစဉ်းစားပြီး ပြင်ဆင်လာခဲ့ပါသည်။

စက်တင်ဘာလတစ်ဝက်အချိန်၊ စလုံးရောက်လာတော့ နှစ်ပတ်အတွင်း အင်တာဗျူး စ, ရပါသည်။ အင်တာဗျူး ညံ့ဖျင်းသော ကိုယ့်အရည်အချင်းကြောင့် အလုပ်မရလိုက်။

အင်တာဗျူးတွေ ရသဖြင့် တစ်လကုန်ပြီး နောက်တစ်လ- သက်တမ်းတိုးသည်။ ရသည်။ မလေး ဗီဇာကို စိတ်ပူသဖြင့် ကြို လုပ်ထားသည်။ ၃လ Multiple Entry ရသည်။ ကြားထဲတွင် အင်တာဗျူးတစ်ခု အဆင်ပြေ၏။underpaid ဖြစ်သော်လည်း အခြေအနေမဆိုး။ Technical ပိုင်း အပေးအယူ မျှသည့်သဘောရှိသည်။ သို့ဖြင့် Pass တင်ရန် ဖြစ်လာသောအခါ ကုမ္ပဏီမှ HR က အခြားနိုင်ငံခြားသားအလုပ်သမား များကို Work Permit သာ တင်ပေးဖူးသည့်အားလျော်စွာ WP ပဲ တင်ပေးမည်တဲ့။ Elegibility အရ S-Pass မှ ဖြစ်ပါမည်ဟု မည်သို့ပင် ပြောပြော လက်မခံ။ အဆင်ပြေသွားမှာပါ ချည့် ပြောသည်။ “ကိုင်း၊ ဒါဖြင့်လည်း တင်”ပေါ့ ။

နေ့ပင်မကူးလိုက်။ Reject ဖြစ်ပါသည်တဲ့။ HR အမျိုးသမီးက ငြိုငြင်လာသည်။ Technical Dept မှ Head က အစည်းအဝေးတွင် ကိုယ့်အတွက်ပြောပေးသဖြင့် S-Pass ကို ပြောင်းတင်ပေးသည်။ သို့သော်—— (လစာဈေးချသည်ဆိုပြီး ၀ိုင်းဆဲလိုက ဆဲကြပါကုန်။ ကိုယ့်ဝမ်းနာ ကိုယ်သာသိပါသည်။) ကိုယ်သဘောတူထားသော လစာက တရားဝင် တင်ပေးရမည့် လစာနှင့် အနည်းငယ် ကွာဟနေသည့်အတွက် သူတို့ကို ညှိပြီးတင်ပေးရန် တောင်းဆိုသော်လည်း…. (ပြောရင်းတောင် ရှက်လာသည်)။ “၀မ်းနည်းပါတယ်။ ငါတို့ကုမ္ပဏီက တရားဝင် မှတ်ပုံတင်ထားတဲ့ လုပ်ငန်းဖြစ်တော့ ဒီလို အစိုးရနဲ့ပတ်သက်တဲ့ကိစ္စမှာ မဖြောင့်မှန်တာ မလုပ်နိုင်ပါဘူး။ တကယ်လို့ မင်း ဒီလစာ သဘောတူညီချက်အတိုင်း လက်ခံနိုင်ရင် ဒီအတိုင်း တင်ပေးပါမယ်။ လစာ ထပ်တိုးဖို့ဆိုရင်တော့ Board of Director ကိုပါ ပြန် တင်ရမှာမို့ ငါမကူညီနိုင်တာ ၀မ်းနည်း ပါတယ်” (သေဟ။ ပြောမိတဲ့ နှုတ်သီးကို ပြန်တီးချင်လာသည်။)။

 “ငါတို့ ဒီအတိုင်း ကြိုးစားကြည့်ကြတာပေါ့” ဟု ဆိုကာ နောက်တစ်ကြိမ် S-Pass ဖြင့် ပြန်တင်သည်။ စတေးက ကုန်လုပြီ။ အချိန်က နိုဝင်ဘာလလယ်။ နောက်လျှောက်ထားသော အင်တာဗျူးတွေကလည်း ကိုယ့်စတေးကုန်ပြီး နောက်တစ်ပတ်လောက်မှ ခေါ်မည်။ ရင်ပူပူနှင့် ပထမအကြိမ် မလေးခရီးစဉ်သည် ရှောင်လွှဲမရနိုင်တော့။

Re-Entry Visa၊ လေယာဉ်လက်မှတ် Confirmation တို့ကို မသွားမီ လုပ်သွားသည်။ ရသည်။ နီးနီးနားနား Johor Bahru ကိုပဲ သွားရန် ဆုံးဖြတ်သည်။ မဟာစည်ရိပ်သာ ခွဲတစ်ခုဖြစ်သော ညောင်ကန်အေး ဘုန်းကြီးကျောင်းခွဲတစ်ခုနှင့် အဆက်အသွယ်ရသည်။ သို့ဖြင့် SBS Transit စီး၍ JB သို့ ချီတက်ရ၏။ ကံကောင်းသည်ဆိုရမည်။ အင်မီဂရေးရှင်းများက ဘာမှ မရစ်လိုက်။

၃ရက် အကြာ။ စလုံးမှာ ထားခဲ့သော ကိုယ့်ဖုန်းကို အင်တာဗျူးလာရန် တစ်နေရာက လှမ်း အကြောင်းကြားသည်တဲ့။ စိတ်လှုပ်ရှားပြီး စလုံးဘက်ကမ်းကို Woodlands တံတားဖြတ်ကာ အပြေးပြန်သည်။ ဒီတစ်ခါ အင်မီဂရေးရှင်းက ဘာမှတော့ မမေး။ မပြော။ ၁၄ ရက်ပဲ တုံးထုပေးသည်။ စိတ်ထဲကတော့ ထင့်ကနဲ။

ကိုယ့်အင်တာဗျူးသည် နောက်တစ်ကြိမ် လွဲချော်ပြန်သောအခါ ၁၄ ရက် စတေးသည်လည်း ဖင်လှည့်၊ ခေါင်းလှည့်နှင့် ကုန်ပြန်၏။ စတေးတိုးမရသည့်အတွက် နောက်တစ်ကြိမ် မလေးသို့ ၀င်သည်။ မလေး အင်မီဂရေးရှင်းကား ကိုယ့် စာအုပ် နီနီလေးကို အတော် မျက်စိ စပါးမွေး စူးဟန်ရှိ၏။ ကောင်တာ ၄ ခုမှ မျက်လုံး ၄ စုံပြူးကြည့်ကာ ပွစိပွစိ ၁၅ ခွန်းခန့် အရစ်တက်ပြီး ကိုယ် အကြောမာမှုအတွက် သင်ခန်းစာပေးရန် Officer နှင့် ပေးတွေ့လိုက်ကြပါတော့သည်။ ကံက ကောင်းပြန်သည်။ ၀င်ခွင့်ရသွားသလို တုံး အရောင်လည်း ပြဿနာ မရှိ။ ဘုန်းကြီးကျောင်းမှာ ကပ္ပိယဘ၀ဖြင့် နေပြီး ၁၀ ရက် အကြာ ပြန်ထွက်လာတော့လည်း စကား ၁၀ ခွန်းခန့် ပိုပြောလိုက်ရတာလောက်ပဲ ။ အခြေအနေ မဆိုး။

စလုံး အင်မီဂရေးရှင်းသည် ကိုယ့် နှလုံးသားလေး အကြမ်းပတမ်း ခုန်နေမည်ကို သိရှိနေဘိသကဲ့သို့ ညှာတာစွာ ၁ လ တုံးပြန်ထုပေး၏။ သို့သော်———- အချိန်က ဒီဇင်ဘာလ ဖြစ်နေချေပြီ။  အလုပ်ရှာရန် လာဖူးသူများ သိကြပါမည်။ ဥရောပနှစ်ကူးနှင့် တရုတ်နှစ်ကူးကြား အချိန်ကာလသည် သေချင်စော် နံလောက်အောင် အလုပ်ရှား၏။

သည်လိုနှင့်……….. နောက်ဆုံး စတေး တစ်လ မကုန်မီ အင်တာဗျူးနောက်တစ်ခု အဆင်ပြေပါသည့်တိုင် Second Interview After Chinese Newyear ဆိုသည့် ဓါးချက်ဖြင့် စလုံးအိမ်မက် ပူဖောင်းသည် ပေါက်ကွဲ လွင့်စဉ်ခြင်းသို့ ရောက်လေ၏။

ခု အလုပ်ကတော့ ပထမဆုံး Option 1 ရဲ့  ရလဒ်ပါပဲ။